യുഎ‌ഇ ലുലു മാൾ മില്യണയർ നറുക്കെടുപ്പിൽ തമിഴ്‌നാട്ടുകാരിക്ക് രണ്ടു കോടി രൂപ സമ്മാനം ലഭിച്ചു

അബുദാബി : യുഎഇ ആസ്ഥാനമായുള്ള ‘ലുലു മാൾ മില്യണയർ’ കാമ്പെയ്‌നിന്റെ ഭാഗമായി റീട്ടെയിൽ ഭീമനായ ലുലു ഗ്രൂപ്പ് ഇന്റർനാഷണൽ നടത്തിയ നറുക്കെടുപ്പിൽ തമിഴ്‌നാട്ടില്‍ നിന്നുള്ള സെല്‍‌വറാണി ഡാനിയേല്‍ ജോസഫ് ഒരു ദശലക്ഷം ദിർഹം (2,16,79,737 രൂപ) സമ്മാനം നേടി. ലുലു മാളിൽ നിന്ന് വാങ്ങിയ 80 കൂപ്പണുകളിൽ ഒന്നിനാണ് സമ്മാനം ലഭിച്ചത്.

കഴിഞ്ഞ 14 വർഷമായി യുഎഇയിൽ താമസിക്കുന്ന, ഇപ്പോള്‍ തമിഴ്നാട്ടില്‍ അവധി ആഘോഷിക്കുന്ന സെല്‍‌വറാണി ലുലുവിൽ ഷോപ്പിംഗ് നടത്താൻ ഏറെ ഇഷ്ടപ്പെടുന്ന വ്യക്തിയാണ്. ശെല്‍‌വറാണിയുടെ ഭര്‍ത്താവ് അരുൾശേഖർ ആന്റണിസാമി സമ്മാനത്തുക കൈപ്പറ്റി.

തമിഴ്‌നാട്ടിൽ എൻജിനീയറിംഗിനു പഠിക്കുന്ന മകനും നഗരത്തിലെ സ്‌കൂളിൽ 12-ാം ക്ലാസിൽ പഠിക്കുന്ന ഒരു മകളുമടങ്ങുന്ന രണ്ടു കുട്ടികളാണ് ദമ്പതികൾക്കുള്ളത്.

“വിജയിച്ച തുക ഞങ്ങളുടെ മക്കളുടെ പഠനത്തിനായി ഉപയോഗിക്കും. മകൾക്ക് എംബിബിഎസിനു ചേരണമെന്നാണ് ആഗ്രഹം. ദരിദ്രരെ സഹായിക്കാനും ഞങ്ങൾ ആഗ്രഹിക്കുന്നു,” ആന്റണിസാമി പറഞ്ഞു.

2022 ഏപ്രിൽ മുതൽ ഓഗസ്റ്റ് ആദ്യവാരം വരെ, അബുദാബിയിലും അൽഐനിലും പങ്കെടുക്കുന്ന ഒമ്പത് ലുലു മാളുകളിൽ ഏതെങ്കിലുമൊന്നിൽ നിന്ന് കുറഞ്ഞത് 200 ദിർഹം (4,335 രൂപ) വാങ്ങുന്നവർക്ക് ഗ്രാൻഡ് റാഫിളിലും മറ്റ് പ്രതിവാരത്തിലും പ്രവേശിക്കുന്നതിന് കൂപ്പൺ ലഭിക്കും.

ഗ്രാൻഡ് പ്രൈസ് കൂടാതെ, 25,000 ദിർഹത്തിന്റെ (5,41,993 രൂപ) ക്യാഷ് പ്രൈസുകളുള്ള നിരവധി പ്രതിവാര നറുക്കെടുപ്പുകളും ഉണ്ടായിരുന്നു.

രണ്ട് വർഷത്തെ ഇടവേളയ്ക്ക് ശേഷം നടന്ന മാൾ മില്യണയറിന്റെ രണ്ടാം സീസൺ, ലുലു ഗ്രൂപ്പ് ഇന്റർനാഷണലിന്റെ ഷോപ്പിംഗ് സെന്റർ ഡെവലപ്‌മെന്റ് ആൻഡ് മാനേജ്‌മെന്റ് വിഭാഗമായ ലൈൻ ഇൻവെസ്റ്റ്‌മെന്റ് ആൻഡ് പ്രോപ്പർട്ടിയുടെ ആശയമാണ്.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment