ഗ്ലോബൽ ഇന്ത്യൻ കൗണ്‍സിലിന്റെ പ്രഥമ ഓണാഘോഷം സെപ്റ്റംബര്‍ 12 ശനിയാഴ്ച വൈകുന്നേരം 5 മണിക്ക് നടത്തി

ന്യൂയോർക്ക്: ജിഐസി ന്യൂയോർക്ക് ചാപ്റ്റർ പ്രസിഡന്റ് ഇലക്‌ട് ഡോ. അനിലും ഗ്ലോബൽ ബിസിനസ് സെന്റർ ഫോർ എക്സലൻസ് ബോർഡ് മെമ്പർ എലിസബത്ത് പൗലോസും ഓണാഘോഷം അവരുടെ ബ്രൂക്ക്‌വിൽ ഗാർഡനിൽ വിപുലമായ ഒരുക്കങ്ങളോടെ നടത്തി. ഡോ. പൗലോസ്, സുധീർ നമ്പ്യാർ, താര ഷാജൻ, ടോം ജോർജ്ജ് കോലത്ത്, ശോശാമ്മ ആൻഡ്രൂസ്, ഉഷാ ജോർജ്ജ്, മിസ്റ്റർ ജോർജ്, തുടങ്ങി ഏല്ലാ എക്സിക്യൂട്ടീവ് കമ്മിറ്റി അംഗങ്ങളെയും, കുടുംബാംഗങ്ങളെയും സുഹൃത്തുക്കളെയും സ്വാഗതം ചെയ്തു.

ഗ്ലോബൽ വിമൻസ് എംപവര്‍മെന്റ് ചെയർപേഴ്സൺ ശ്രീമതി ശോശാമ്മ ആൻഡ്രൂസ്, ഗ്ലോബൽ സീനിയർ കെയർ ചെയർ ഉഷാ ജോർജ്ജ്, നീന നമ്പ്യാർ, ക്രിസ്റ്റൽ ഷാജൻ എന്നിവർ പൂക്കളം തൽക്ഷണം നിർമ്മിച്ചത് ആകർഷകമായി. ഇത് ഓണത്തിന്റെ മൂഡിന് ശരിക്കും തിരികൊളുത്തി. ഏവർക്കും ഓണാശംസകൾ നേർന്ന ഗ്ലോബൽ ട്രഷറർ താരാ ഷാജൻ, സമീപ ഭാവിയിൽ ജിഐസി ശബ്ദമില്ലാത്തവരുടെ ശബ്ദമായി മാറുമെന്ന് പറഞ്ഞു. പുതുതായി തിരഞ്ഞെടുക്കപ്പെട്ട പ്രസിഡന്റ് ഡോ. അനിൽ പൗലോസിനും മറ്റ് അംഗങ്ങൾക്കും ശ്രീ കുന്നുപറമ്പിൽ ആൻഡ്രൂസ് തന്റെ പുസ്തകങ്ങൾ കൈമാറി.

പല മലയാളി സംഘടനകളും മികച്ച രീതിയിൽ പ്രവർത്തിക്കുന്നുണ്ടെങ്കിലും, ലോകമെമ്പാടുമുള്ള മുഴുവൻ ഇന്ത്യൻ സമൂഹത്തെയും കേന്ദ്രീകരിച്ചുകൊണ്ട് ജി.ഐ.സി വളരെ സവിശേഷവും അതുല്യവുമായ പ്രവർത്തനമാണ് കാഴ്ച വെച്ചുകൊണ്ടിരിക്കുന്നതെന്ന് നന്ദി പ്രകടനത്തിൽ ഗ്ലോബൽ അസ്സോസിയേറ്റ് ട്രഷറർ ടോം കോലത്ത് സൂചിപ്പിച്ചു. ഇന്ത്യയിലെ വിവിധ സംസ്ഥാനങ്ങൾ പലകാര്യങ്ങൾകൊണ്ടും വ്യത്യസ്ത രാജ്യങ്ങൾക്ക് സമാനമാണ്. അവർ വ്യത്യസ്ത ഭാഷകൾ സംസാരിക്കുന്നു, വ്യത്യസ്ത കലയും സംസ്കാരവും ഭക്ഷണവും അവിടെ ഒക്കെ എന്നും നിലനിൽക്കുന്നു. ഇന്ത്യൻ പ്രവാസികളുടെ അതിരുകൾ അളന്നു തിട്ടപ്പെടുത്താൻ കഴിയാത്തവിധം വിശാലവുമാണ്. അവരെ ഒത്തൊരുമിപ്പിച്ചു സേവിക്കാൻ ജി ഐ സി എന്ന് സംഘടനയ്ക്ക് വലിയ പ്രതിബദ്ധതകളുണ്ട്. സസ്യാഹാരം, വിളവെടുപ്പ്, സന്തോഷം, ഐക്യം എന്നിവയുടെ ആഘോഷവുമായി നമ്മെ ഒന്നിപ്പിക്കുന്ന ഒരു സാർവത്രിക ഉത്സവമായിരിക്കണം ഓണമെന്ന സങ്കൽപ്പമെന്നും ടോം സൂചിപ്പിച്ചു.

ഗ്ലോബൽ ജനറൽ സെക്രട്ടറി സുധീർ നമ്പ്യാർ, വർഷം മുഴുവനും ഓണത്തിന്റെ മൂഡ് നിലനിർത്തി ആഘോഷിക്കണമെന്ന് പറഞ്ഞു. തന്റെ പ്രസംഗത്തിലൂടെ അദ്ദേഹം കൂടിവന്ന എല്ലാവരെയും പ്രോത്സാഹിപ്പിച്ചു. നമ്മൾ എവിടെയായിരുന്നാലും മലയാളികൾ ഇത് ആഘോഷിക്കുന്നതിൽ ഞങ്ങൾക്ക് സന്തോഷമുണ്ട്. കന്യാകുമാരി മുതൽ കാശ്മീർ വരെയുള്ള എല്ലാ ഇന്ത്യക്കാരും ഓണത്തിന്റെ ആവേശം പങ്കിടുകയും ആസ്വദിക്കുകയും ചെയ്യുക. ജി.ഐ.സി യിലൂടെ ഓണം മാത്രമല്ല ദീപാവലിയും ഹോളിയും മറ്റു ഇന്ത്യൻ സംസ്കാരം നിലനിർത്തുന്ന എല്ലാ ആഘോഷങ്ങളും നടത്താൻ കഴിയുമെന്നും സുധിർ കൂട്ടി ചേർത്തു. പ്രാദേശിക വാദത്തിൽ ഒരു ഭാരതീയനും ഒതുങ്ങി നില്‍ക്കരുതെന്നും സംഘടനകൾ സഹകരിച്ചു പ്രവർത്തിക്കണമെന്നും സുധീർ ഓർപ്പിച്ചു.

ആതിഥേയരായ ഡോ. അനിൽ പൗലോസിനും എലിസബേത്തിനും എല്ലാവരും നന്ദി പറഞ്ഞു. ഗ്ലോബൽ പ്രസിഡണ്ട് പി സി മാത്യു, വൈസ് പ്രസിഡന്റ് പ്രൊഫ. ജോയി പല്ലാട്ടുമഠം, പി.ആർ.ഓ അഡ്വ, സീമ ബാലസുബ്രഹ്മണ്യം, അഡ്വ. സൂസൻ മാത്യു, അഡ്വ. യാമിനി രാജേഷ്, ഗുഡ്‌വിൽ അംബാസിഡർ ഡോ. ജിജാ മാധവൻ ഹരിസിംഗ്, ബ്രാൻഡ് അംബാസിഡർ കമലേഷ് മേത്ത മുതലായവർ ഓണാശംസകൾ നേർന്നു.

Print Friendly, PDF & Email

Related posts

Leave a Comment