തിരുവനന്തപുരം: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി സംസ്ഥാന ഡയറക്ടർ ഡി. രഞ്ജിത്തിൽ നിന്ന് സംസ്ഥാനത്ത് ഏറ്റവും കൂടുതൽ തൈകൾ നട്ടുപിടിപ്പിച്ചതിനുള്ള അവാർഡ് ഹരിതകേരളം കണ്ണൂർ ജില്ലാ മിഷൻ കോഓർഡിനേറ്റർ ഇ.കെ. സോമശേഖരന്റെ നേതൃത്വത്തിലുള്ള സംഘം ഏറ്റുവാങ്ങി. തിരുവനന്തപുരത്ത് നടന്ന പരിപാടിയിൽ നവകേരളം സംസ്ഥാന കോഓർഡിനേറ്റർ ഡോ. ടി.എൻ. സീമ അദ്ധ്യക്ഷത വഹിച്ചു.
ഒക്ടോബർ 15 വരെയുള്ള കാലയളവിൽ 7,31,836 തൈകൾ നട്ടുപിടിപ്പിച്ചാണ് ജില്ല ഒന്നാമതെത്തിയത്. കൃഷി വകുപ്പ്, തദ്ദേശ സ്വയംഭരണ സ്ഥാപനങ്ങൾ, കുടുംബശ്രീ അയൽക്കൂട്ടങ്ങൾ, നാഷണൽ സർവീസ് സ്കീം ടീമുകൾ, വിദ്യാഭ്യാസ സ്ഥാപനങ്ങൾ, ലൈബ്രറികൾ, ട്രീ നഴ്സറികൾ എന്നിവ സംഭാവന ചെയ്ത തൈകളാണ് പദ്ധതിയുടെ ഭാഗമായി നട്ടത്. ചങ്ങാത്തിക്കൊരു തൈ എന്ന പേരിൽ സ്കൂളുകളിലാണ് പരിപാടി സംഘടിപ്പിച്ചത്. ഓർമ്മ മരം എന്ന പേരിൽ തദ്ദേശ സ്വയംഭരണ സ്ഥാപനങ്ങളിലും മരങ്ങൾ നട്ടുപിടിപ്പിച്ചു.
പിആര്ഡി, കേരള സര്ക്കാര്
