ഡാളസ് (ടെക്സസ്): കേരള ഹിന്ദു സൊസൈറ്റി ഓഫ് നോർത്ത് ടെക്സസ് (KHSNT) മുൻ ചെയർമാനും പ്രസിഡന്റുമായ ഹരിദാസൻ പിള്ളയുടെ മാതാവ് ചെല്ലമ്മ നാരായണ പിള്ള (101) അന്തരിച്ചു. നവംബർ 20 വെള്ളിയാഴ്ച രാവിലെ 10:47-ന് (CST) മകൻ ഹരിദാസൻ പിള്ളയുടെ കാരോൾട്ടണിലുള്ള (Carrollton, TX) വസതിയിലായിരുന്നു അന്ത്യം. പരേതനായ നാരായണ പിള്ളയാണ് ഭർത്താവ്.
ഗുരുവായൂരപ്പന്റെ തികഞ്ഞ ഭക്തയായിരുന്ന പരേത, കെ.എച്ച്.എസ് ഭജന കാലഘട്ടം മുതൽ ക്ഷേത്രത്തിന്റെ വളർച്ചയിൽ നിർണ്ണായക പങ്കുവഹിച്ചിരുന്നു. സമൂഹത്തിലെ എല്ലാവർക്കും പ്രിയപ്പെട്ട ‘അമ്മ’യായിരുന്നു ചെല്ലമ്മ പിള്ള. മകൻ ഹരിദാസൻ പിള്ള 2015-17 കാലയളവിൽ KHSNT ചെയർമാനായും, അദ്ദേഹവും പത്നി ഉഷ ഹരി പിള്ളയും വിവിധ കമ്മിറ്റികളിൽ സജീവ പ്രവർത്തകരായും ബെനിഫാക്ടർ അംഗങ്ങളായും സേവനമനുഷ്ഠിച്ചിട്ടുണ്ട്.
മക്കൾ (മരുമക്കൾ):
ശാന്ത രാമകൃഷ്ണ പിള്ള (പരേതനായ രാമകൃഷ്ണ പിള്ള)
രാജഗോപാല പിള്ള (പരേതയായ കമല രാജഗോപാല പിള്ള)
ശ്യാമള മംഗളാനന്ദ പിള്ള (മംഗളാനന്ദ പിള്ള)
രാധ വിജയൻ പിള്ള (വിജയൻ പിള്ള)
ഗോപിനാഥൻ പിള്ള (ലതിക ജി. പിള്ള)
വത്സല വിജയൻ പിള്ള (വിജയൻ പിള്ള)
ഉഷാദേവി മുരളീധരൻ പിള്ള (മുരളീധരൻ പിള്ള)
ഹരിദാസൻ പിള്ള (ഉഷ ഹരി പിള്ള)
(കൊച്ചുമക്കളും അവരുടെ മക്കളും അടങ്ങുന്നതാണ് കുടുംബം).
സംസ്കാര ചടങ്ങുകൾ:
പൊതുദർശനം (Viewing): നവംബർ 21 ശനിയാഴ്ച രാവിലെ 11:00 മുതൽ ഉച്ചകഴിഞ്ഞ് 3:00 വരെ.
സംസ്കാരം (Funeral Day): നവംബർ 23 തിങ്കളാഴ്ച.
പൊതുദർശനം: ഉച്ചയ്ക്ക് 12:00 – 1:00
സംസ്കാര ചടങ്ങുകൾ: ഉച്ചയ്ക്ക് 1:00 – 2:00
കുടുംബാംഗങ്ങൾക്ക് മാത്രമായി: 2:00 – 3:00
സ്ഥലം: ഹ്യൂസ് ഫാമിലി ട്രിബ്യൂട്ട് സെന്റർ (Hughes Family Tribute Center, 9700 Webb Chapel Rd, Dallas, TX 75220).
പരേതയുടെ ആത്മാവിന് നിത്യശാന്തിയും സദ്ഗതിയും നേരുന്നതോടൊപ്പം, ദുഃഖാർത്തരായ കുടുംബാംഗങ്ങൾക്ക് ഈ വലിയ വേർപാട് താങ്ങാനുള്ള കരുത്ത് സർവ്വേശ്വരൻ നൽകട്ടെയെന്ന് കേരള ഹിന്ദു സൊസൈറ്റി ഓഫ് നോർത്ത് ടെക്സസ് (KHSNT) കുടുംബം പ്രാർത്ഥിക്കുകയും അനുശോചനം രേഖപ്പെടുത്തുകയും ചെയ്യുന്നു.
