Author: ???????? ??????????

ഡാളസ്: കേരള എക്യുമെനിക്കൽ ക്രിസ്ത്യൻ ഫെലോഷിപ്പ് (കെഇസിഎഫ്)  വാർഷിക കൺവെൻഷൻ 2025 ഓഗസ്റ്റ് 1, 2, 3 തീയതികളിൽ നടക്കുമെന്നു ഫെലോഷിപ്പ് സെക്രട്ടറി അലക്സ് അലക്‌സാണ്ടർ അറിയിച്ചു. എല്ലാ ദിവസവും വൈകുന്നേരം 6  മുതൽ 9  വരെയാണ് ശുശ്രൂഷകൾ. കരോൾട്ടണിലെ സെന്‍റ് ഇഗ്നേഷ്യസ് മലങ്കര യാക്കോബായ സിറിയക് ക്രിസ്ത്യൻ കത്തീഡ്രലിൽ വെച്ചാണ്  കൺവൻഷൻ നടക്കുന്നത്. നീ എവിടെ നിന്നാണ് വന്നത്, എവിടേക്ക് പോകുന്നു (ഉത്പത്തി 16:8) എന്ന വിഷയത്തെ ആസ്പദമാക്കി ഒക്ലഹോമ സെന്‍റ് ജോർജ് സിറിയൻ ഓർത്തഡോക്സ് ചർച്ച് വികാരി റവ. ബൈജു മാത്യു മാവിനാൽ മുഖ്യ പ്രഭാഷണം നടത്തും. ക്‌നാനായ ഭദ്രാസന റാന്നി മേഖല മെത്രാപ്പോലിത്ത അഭിവന്ദ്യ മോർ  ഇവാനിയോസ് കുര്യാക്കോസ് മെത്രാപ്പോലിത്ത  കൺവൻഷനിൽ മുഖ്യ അതിഥി ആയി പങ്കെടുക്കും. ഈ വർഷത്തെ കൺവൻഷൻ ആതിഥേയത്വം വഹിക്കുന്നത്  സെന്‍റ് ഇഗ്നേഷ്യസ് മലങ്കര യാക്കോബായ സിറിയക് ക്രിസ്ത്യൻ…

ഹ്യൂസ്റ്റൺ – വടക്കൻ ഹ്യൂസ്റ്റണിൽ ചെമ്പ് വയർ മോഷ്ടിക്കാൻ ശ്രമിച്ച രണ്ട് കള്ളന്മാരെ സ്വത്തിന്റെ ഉടമ വെടിവെച്ചു. പുലർച്ചെ 4:30 ഓടെ നോർത്ത് ഫ്രീവേയ്ക്ക് സമീപം ഇ. ബറസ് സ്ട്രീറ്റിലാണ് സംഭവം. ചെമ്പ് വയർ മോഷ്ടിക്കുന്നത് കണ്ടതിനെ തുടർന്ന് ഉടമ കള്ളന്മാരുമായി ഏറ്റുമുട്ടുകയും വെടിയുതിർക്കുകയുമായിരുന്നുവെന്ന് ഹ്യൂസ്റ്റൺ പോലീസ് ഡിപ്പാർട്ട്‌മെന്റ് അറിയിച്ചു. ഒരാളുടെ മുഖത്താണ് വെടിയേറ്റത്. ഇരു കള്ളന്മാരെയും പ്രാദേശിക ട്രോമാ സെന്ററുകളിൽ പ്രവേശിപ്പിച്ചു. സംഭവത്തിൽ കൂടുതൽ വിവരങ്ങൾ ലഭ്യമല്ലെന്നും അന്വേഷണം പുരോഗമിക്കുകയാണെന്നും അധികൃതർ വ്യക്തമാക്കി.

ഹൂസ്റ്റൺ: റാന്നി അങ്ങാടി പ്ലാമ്മൂട്ടിൽ പി.എ.മാത്യു (പാപ്പച്ചൻ-76 വയസ്സ് ) നിര്യാതനായി. ഭാര്യ: റെയ്‌ച്ചൽ മാത്യു റാന്നി കലമണ്ണിൽ കുടുംബാംഗമാണ്. മക്കൾ : ടെനി (ദുബായ്), റ്റിജു  (ഓസ്ട്രേലിയ) മരുമക്കൾ : ജേക്കബ് (ദുബായ്), മെറിൻ (ഓസ്ട്രേലിയ) ഹൂസ്റ്റൺ റാന്നി അസോസിയേഷൻ (HRA) വൈസ് പ്രസിഡണ്ട് ഏബ്രഹാം ജോസഫ്  (ജോസ്) സഹോദരനാണ്. പരേതൻ ദീർഘകാലം ദുബായിൽ DNATA യിൽ ജോലി ചെയ്തിരുന്നു. ഭൗതിക ശരീരം ജൂലൈ 31 വ്യാഴാഴ്ച  രാവിലെ 8 മണിക്ക് ഭവനത്തിൽ കൊണ്ടു വരുന്നതും സംസ്കാര ശുശ്രൂഷകൾ 1 മണിക്ക് അങ്ങാടി ക്രിസ്‌തോസ് മാർത്തോമാ ദേവാലയത്തിൽ വച്ച് നടത്തപെടുന്നതും ശുശ്രൂഷകൾക്ക് ശേഷം ക്രിസ്‌തോസ് സെമിത്തേരിയിൽ സംസ്കരിക്കുന്നതുമാണ്. ശുശ്രൂഷകളുടെ ലൈവ് സ്ട്രീം ലിങ്ക് https://www.youtube.com/live/HHJQvToAwzY

കൊളംബസ്, ഒഹായോ: മൊബൈൽ ഫോണും താക്കോലും കൈവശം വെച്ചിരുന്ന കറുത്ത വർഗക്കാരനായ ആൻഡ്രെ ഹില്ലിനെ വെടിവെച്ച് കൊലപ്പെടുത്തിയ കേസിൽ മുൻ ഒഹായോ പോലീസ് ഉദ്യോഗസ്ഥൻ ആദം കോയിക്ക് 15 വർഷം ജീവപര്യന്തം തടവ് ശിക്ഷ വിധിച്ച് കോടതി. ഹില്ലിന്റെ കൈവശമുണ്ടായിരുന്നത് തോക്കാണെന്ന് തെറ്റിദ്ധരിച്ചാണ് വെടിയുതിർത്തതെന്ന് കോയ് കോടതിയിൽ വാദിച്ചു. 2020 ഡിസംബറിലാണ് സംഭവം നടന്നത്. ഹിൽ ഒരു വെള്ളി നിറമുള്ള റിവോൾവർ കൈവശം വെച്ചിട്ടുണ്ടെന്ന് കരുതിയെന്നും തന്റെ ജീവന് ഭീഷണിയുണ്ടായതിനാലാണ് വെടിയുതിർത്തതെന്നും കോയ് ജൂറിയോട് പറഞ്ഞിരുന്നു. എന്നാൽ, ഹിൽ പോലീസിന്റെ നിർദ്ദേശങ്ങൾ പാലിച്ചിരുന്നെന്നും കോയിക്ക് ഒരിക്കലും ഭീഷണിയായിരുന്നില്ലെന്നും പ്രോസിക്യൂട്ടർമാർ വാദിച്ചു. ഹോഡ്ജ്കിൻ ലിംഫോമയ്ക്ക് ചികിത്സയിലുള്ള കോയ് വിധിക്കെതിരെ അപ്പീൽ നൽകുമെന്ന് അറിയിച്ചിട്ടുണ്ട്. സംഭവത്തിന് തൊട്ടുമുമ്പുള്ള പോലീസ് ബോഡി ക്യാമറ ദൃശ്യങ്ങളിൽ, ഹിൽ തന്റെ ഇടത് കൈയ്യിൽ ഒരു മൊബൈൽ ഫോൺ ഉയർത്തിപ്പിടിച്ച് ഒരു സുഹൃത്തിന്റെ ഗാരേജിൽ നിന്ന്…

മലപ്പുറം: സമൂഹത്തിന്റെ ദൈനംദിന ജീവിതത്തിൽ നിർണായക സാന്നിധ്യമായ അംഗൻവാടി ജീവനക്കാർ, ആശാ വർക്കർമാർ, പാചക, ഗാർഹിക തൊഴിലാളികൾ, വിതരണക്കാർ തുടങ്ങി അസംഘടിതരായ തൊഴിൽ മേഖലകളിൽ സുരക്ഷയോ മറ്റ് അവകാശങ്ങളോ ലഭിക്കുന്നില്ലെന്നും പലവിധത്തിലുള്ള ചൂഷണങ്ങൾക്കും ഇവർ ഇരയാവുകയും അവരുടെ ആവശ്യങ്ങളും പരാതികളും പോരാട്ടങ്ങളും പരിഗണിക്കപ്പെടാതെ പോവുകയും ചെയ്യുകയാണെന്നും വിമൻ ജസ്റ്റിസ് മൂവ്‌മെന്റ് ജില്ലാ പ്രസിഡന്റ് റജീന വളാഞ്ചേരി. വിമൻ ജസ്റ്റിസ് മൂവ്‌മെന്റിന്റെ ആറാം സ്ഥാപക ദിനത്തോടനുബന്ധിച്ച് ‘തൊഴിലിടങ്ങളിൽ നീതി തേടുന്നവർ ഒരുമിക്കുന്നു’ എന്ന ശീർഷകത്തിൽ വിമൻ ജസ്റ്റിസ് മൂവ്‌മെന്റ് മലപ്പുറം മണ്ഡലം കമ്മിറ്റി നടത്തിയ തൊഴിലാളി സംഗമം ഉദ്ഘാടനം ചെയ്തു സംസാരിക്കുകയായിരുന്നു അവർ. ജില്ലാ വൈസ് പ്രസിഡൻറ് ഹസീന വഹാബ്, വെൽഫെയർ പാർട്ടി മലപ്പുറം മണ്ഡലം പ്രസിഡൻറ് ജലീൽ കോഡൂർ എന്നിവർ സംസാരിച്ചു. ജില്ലാ സെക്രട്ടറി സാജിത പൂക്കോട്ടൂർ അധ്യക്ഷത വഹിച്ചു. സമൂഹത്തിന്റെ വിവിധ മേഖലകളിൽ പ്രവർത്തിക്കുന്ന 22…

ആലുവ: ന്യൂനപക്ഷങ്ങളെ വംശഹത്യ നടത്തിയും ഭയപ്പെടുത്തിയും ഉന്മൂലനം ചെയ്യാനുള്ള ശ്രമങ്ങളാണ് സംഘപരിവാർ നടത്തിക്കൊണ്ടിരിക്കുന്നത് എന്ന് വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി. ഛത്തീസ്ഗഡിൽ ബിജെപി സർക്കാർ അന്യായമായി ജയിലിൽ അടച്ച കന്യാസ്ത്രീകളെ മോചിപ്പിക്കണമെന്ന് ആവശ്യപ്പെട്ട് വെൽഫെയർ പാർട്ടി എറണാകുളം ജില്ലാ കമ്മിറ്റി ആലുവ ബസ് സ്റ്റാൻഡിനു മുന്നിൽ നടത്തിയ പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രലോഭനത്തിലൂടെയും ഭീഷണിയിലൂടെയും വഴങ്ങാത്തവരെ ഭരണസംവിധാനങ്ങൾ ഉപയോഗിച്ച് നിയമവിരുദ്ധമായി തടവിലിടുകയും അടിസ്ഥാനപരമായ മനുഷ്യാവകാശങ്ങൾ നിഷേധിക്കുകയുമാണ് ചെയ്തുകൊണ്ടിരിക്കുന്നത്. നിർബന്ധിത മതപരിവർത്തനം ആരോപിച്ച് കന്യാസ്ത്രീകളെ ആൾക്കൂട്ട വിചാരണ നടത്തുകയും റെയിൽവേ പോലീസിനെ ഉപയോഗിച്ച് അറസ്റ്റ് ചെയ്യുകയും ചെയ്തത് അത്യന്തം ഹീനവും ഭരണഘടന അനുവദിച്ചിട്ടുള്ള മതപരമായ സ്വാതന്ത്ര്യത്തിനു മേലുള്ള കടന്നുകയറ്റവുമാണെന്ന് അദ്ദേഹം ആരോപിച്ചു. ജില്ലാ വൈസ് പ്രസിഡണ്ട് കെ.എം.ഷെഫ്രിൻ അധ്യക്ഷത വഹിച്ചു. ജില്ലാ ജനറൽ സെക്രട്ടറി അസൂറ ടീച്ചർ, ജില്ലാ വൈസ് പ്രസിഡണ്ട്…

തിരുവനന്തപുരം: ഇക്കഴിഞ്ഞ വെള്ളിയാഴ്ച ദുർഗ് റെയിൽവേ സ്റ്റേഷനിൽ നിർബന്ധിത മതപരിവർത്തനം, മനുഷ്യക്കടത്ത്, തട്ടിക്കൊണ്ടുപോകൽ എന്നീ കുറ്റങ്ങൾ ചുമത്തി അറസ്റ്റിലായ രണ്ട് മലയാളി കന്യാസ്ത്രീകളെ മോചിപ്പിക്കണമെന്ന് ആവശ്യപ്പെട്ട് ബിജെപി സർക്കാരുമായി ചർച്ച നടത്താൻ ഇന്ന് (ചൊവ്വാഴ്ച) കേരളത്തിലെ എൽഡിഎഫ് – യുഡിഎഫ് പ്രത്യേക ഉന്നതതല രാഷ്ട്രീയ പ്രതിനിധികളെ ഛത്തീസ്ഗഡിലേക്ക് അയച്ചു. ആദിവാസി സമുദായാംഗം ഉൾപ്പെടെ മൂന്ന് സ്ത്രീകളെ മതപരിവർത്തനത്തിനായി ആഗ്രയിലേക്ക് കൊണ്ടുപോയി എന്ന് ആരോപിച്ചാണ് അസീസി സിസ്റ്റേഴ്‌സ് ഓഫ് മേരി ഇമ്മാക്കുലേറ്റ് (ASMI) ക്രമത്തിലെ സഹോദരിമാരായ പ്രീത മേരിയെയും വന്ദന ഫ്രാൻസിസിനെയും ബജ്‌റംഗ്ദൾ പ്രവർത്തകർ സ്റ്റേഷനിൽ വെച്ച് ആക്രമിക്കുകയും പോലീസ് അറസ്റ്റു ചെയ്യുകയും ചെയ്തത്. പാർട്ടിയുടെ പൊളിറ്റ് ബ്യൂറോ അംഗവും ഓൾ ഇന്ത്യ ഡെമോക്രാറ്റിക് വിമൻസ് അസോസിയേഷന്റെ (എഐഡിഡബ്ല്യുഎ) സ്ഥാപകരിലൊരാളുമായ ബൃന്ദ കാരാട്ട് എൽഡിഎഫ് പ്രതിനിധി സംഘത്തെ നയിക്കുമെന്ന് സിപി‌ഐ (എം) എം‌പി ജോണ്‍ ബ്രിട്ടാസ് മാധ്യമങ്ങളോട് പറഞ്ഞു.…

ആലപ്പുഴ: ചേർത്തലയിലെ ഒരു വീട്ടു വളപ്പില്‍ നിന്ന് കത്തിക്കരിഞ്ഞ ശരീരഭാഗങ്ങൾ കണ്ടെത്തിയതുമായി ബന്ധപ്പെട്ട് നടത്തിയ അന്വേഷണത്തില്‍ അത് മനുഷ്യാവശിഷ്ടങ്ങളാണെന്ന് സ്ഥിരീകരിച്ചു. രണ്ടു സ്ത്രീകളെ ദുരൂഹ സാഹചര്യത്തിൽ ഈയ്യിടെ കാണാതായ കേസിന്റെ അന്വേഷണത്തിനിടെയാണ് ഒരു റിയൽ എസ്റ്റേറ്റ് ഏജന്റിന്റെ വീട്ടുവളപ്പിൽ നിന്ന് അവശിഷ്ടങ്ങൾ കണ്ടെത്തിയത്. കോട്ടയം ക്രൈംബ്രാഞ്ച് നടത്തിയ അന്വേഷണത്തിനിടെയാണ് ചേർത്തല പള്ളിപ്പുറം 9-ാം വാർഡിലെ ചെങ്ങുംതറവീട്ടിൽ സെബാസ്റ്റ്യന്റെ (65) വീട്ടുവളപ്പിൽ നിന്ന് കത്തിക്കരിഞ്ഞ മൃതദേഹാവശിഷ്ടങ്ങള്‍ കണ്ടെത്തിയത്. ഏറ്റുമാനൂരില്‍ നിന്ന് കാണാതായ ജെയ്നമ്മയുടെതാണ് മൃതദേഹാവശിഷ്ടം എന്നാണ് പോലീസിന്റെ നിഗമനം. സ്ഥിരീകരണത്തിനായി ജയ്നമ്മയുടെ കുടുംബം ഇന്ന് ഡിഎൻഎ പരിശോധനയ്ക്കായി സാമ്പിളുകൾ നൽകും. ചേർത്തല കടകരപ്പള്ളി ആലുങ്ങൽ സ്വദേശി ബിന്ദു പത്മനാഭൻ (47), ജയ്നമ്മ എന്നിവരുടെ തിരോധാനത്തിൽ സെബാസ്റ്റ്യനെ ക്രൈം ബ്രാഞ്ച് സംശയിച്ചിരുന്നു. ഇപ്പോള്‍ കണ്ടെത്തിയ മൃതദേഹാവശിഷ്ടങ്ങള്‍ ശാസ്ത്രീയ പരിശോധനയിലൂടെ മാത്രമേ കാണാതായ സ്ത്രീകളിൽ ആരുടെയെങ്കിലുമാണോ എന്ന് തിരിച്ചറിയാൻ കഴിയൂ എന്ന്…

ഡാളസ് : അമേരിക്കയിലെ വിവിധ സംസ്ഥാനങ്ങളിൽ നിന്നുള്ള ക്രൈസ്തവ സഭകളും ക്രിസ്തീയ സംഘടനകളും സംയുക്തമായി കരോൾട്ടൺ സിറ്റിയിൽ ആഗസ്റ്റ് 2 ന് വൈകിട്ട് 5.30 ന് ക്രിസ്റ്റ്യൻ ഡേ ആഘോഷിക്കുന്നു. മാർത്തോമ, സി. എസ്.ഐ, ഓർത്തോഡക്സ്, യാക്കോബയ്റ്റ്സ്, കാനാനായ, കാത്തലിക്, ബ്രദറൺ, പെന്തക്കോസ്ത്, (ഐ.പി.സി, അസംബ്ലീസ് ഓഫ് ഗോഡ്, ചർച്ച ഓഫ് ഗോഡ്, ശാരോൻ, സ്വതന്ത്ര സഭകൾ) തുടങ്ങിയ സഭകളിൽ നിന്നുള്ള സഭാ നേതാക്കളും സഭാ വിശ്വാസികളും ഈ സമ്മേളനത്തിൽ പങ്കെടുക്കുന്നതാണ്. ഇന്ത്യയിൽ വിവിധ സംസ്ഥാനങ്ങളിൽ ക്രൈസ്തവ ജനങ്ങൾ അനുഭവിക്കുന്ന പീഢനങ്ങൾ ഈ യോഗത്തിൽ ചർച്ച ചെയ്യപ്പെടുകയും, അവർക്കായുള്ള സംരക്ഷണവും പ്രാർത്ഥനയുമാണ് സമ്മേളനം കൊണ്ട് ലക്ഷ്യമാക്കുന്നത്. ഡാളസ് ഫോർട്ട് വെർത്ത് സിറ്റിവൈഡ് കോഓർഡിനേറ്റർ പാസ്റ്റർ മാത്യൂ ശമുവേൽ, പാസ്റ്റർ ജോൺ, പാസ്റ്റർ പോൾ തുടങ്ങിയവരാണ് ഈ സമ്മേളനത്തിൻ്റെ നേതൃത്വനിരയിൽ പ്രവർത്തിക്കുന്നത്. സമ്മേളനം നടക്കുന്ന സ്ഥലം: Church of…