Author: .

ജർമ്മനിയിലെ ഡ്യൂയിസ്ബർഗിലെ ഒരു ഗുരുദ്വാരയിൽ രണ്ട് ഗ്രൂപ്പുകൾ തമ്മിലുള്ള അക്രമാസക്തമായ ഏറ്റുമുട്ടലിൽ 11 പേർക്ക് പരിക്കേറ്റു. സംഭവത്തിന്റെ വീഡിയോകൾ സോഷ്യൽ മീഡിയയിൽ അതിവേഗം വൈറലാകുന്നു. ജർമ്മൻ നഗരമായ മോയേഴ്‌സിലെ ഡ്യൂയിസ്‌ബർഗ് പ്രദേശത്തെ ഒരു ഗുരുദ്വാരയ്ക്കുള്ളിൽ ഉണ്ടായ അക്രമാസക്തമായ ഏറ്റുമുട്ടലില്‍ കുറഞ്ഞത് 11 പേർക്ക് പരിക്കേറ്റു. സോഷ്യൽ മീഡിയയിൽ പ്രചരിക്കുന്ന വീഡിയോകളിൽ ഗുരുദ്വാരയ്ക്കുള്ളിൽ രണ്ട് ഗ്രൂപ്പുകൾ തമ്മിലുള്ള രൂക്ഷമായ പോരാട്ടം കാണിക്കുന്നു. ഏറ്റുമുട്ടലുകളിൽ കത്തി, വാളുകൾ തുടങ്ങിയ മൂർച്ചയുള്ള ആയുധങ്ങൾ ഉപയോഗിക്കുന്നതും ഈ വീഡിയോകളിൽ കാണാം. ഈ സംഭവം പ്രാദേശിക സമൂഹത്തിൽ ഭീതി പരത്തുകയും ഗുരുതരമായ ചോദ്യങ്ങൾ ഉയർത്തുകയും ചെയ്തിട്ടുണ്ട്. റിപ്പോര്‍ട്ടുകള്‍ പ്രകാരം, ഏകദേശം 40 പേർ അക്രമാസക്തമായ ഏറ്റുമുട്ടലിൽ ഉൾപ്പെട്ടിരുന്നു. സ്ഥിതിഗതികൾ വഷളായതോടെ, പോലീസ് വേഗത്തിൽ പ്രതികരിക്കുകയും പ്രത്യേക യൂണിറ്റുകളെ സംഭവസ്ഥലത്തേക്ക് അയക്കുകയും ചെയ്തു. ദൃക്‌സാക്ഷികൾ പറയുന്നതനുസരിച്ച്, വഴക്കിനിടെ കുരുമുളക് സ്‌പ്രേയും പിസ്റ്റളും ഉപയോഗിച്ചിരുന്നു, ഇത് സ്ഥിതി…

ന്യൂജേഴ്സി: അമേരിക്കന്‍ അതിഭദ്രാസനത്തിന്‍റെ കീഴില്‍ കഴിഞ്ഞ രണ്ടു വര്‍ഷമായി നടത്തിവരുന്ന ഫുഡ് ഫെസ്റ്റിവല്‍ (MAE-Malankara Archdiocese Extravaganza) മെയ് 16-ാം തീയതി ഭദ്രാസന ആസ്ഥാനത്തു വെച്ച് (236 Old Tappan Rd, Old Tappan NJ) നടത്താനുള്ള വിപുലമായ ക്രമീകരണങ്ങള്‍ നടന്നുവരുന്നു. ഫെസ്റ്റിവലിന്‍റെ കിക്കോഫ് 2026 ജനുവരി 10-ാം തീയതി ഭദ്രാസന ആസ്ഥാനത്ത് വെച്ച് ഭദ്രാസനാധിപനും പാത്രിയര്‍ക്കല്‍ വികാരിയുമായി യെല്‍ദോ മോര്‍ തീത്തോസ് തിരുമേനി ഔപചാരികമായി ഉദ്ഘാടനം ചെയ്തിരുന്നു. ഭദ്രാസന സെക്രട്ടറി റവ.ഫാ. പോള്‍ തോട്ടക്കാട്ട്, ഭദ്രാസന ട്രഷറര്‍ സിമി ജോസഫ്, ഭദ്രാസന ജോയിന്‍റ് സെക്രട്ടറി റവ.ഫാ. ബെല്‍സണ്‍ കുര്യാക്കോസ്, ജോയിന്‍റ് ട്രഷറര്‍ ബോബി കുര്യാക്കോസ്, കൗണ്‍സില്‍ അംഗങ്ങള്‍ എന്നിവര്‍ തദവസരത്തില്‍ സന്നിഹിതരായിരുന്നു. ഭദ്രാസനത്തിന്‍റെ കീഴിലുള്ള പ്രധാനമായും നോര്‍ത്ത് ഈസ്റ്റ് റീജിയണിലുള്ള ദേവാലയങ്ങളുടെ പൂര്‍ണ്ണ സഹകരണത്തോടെ നടത്തപ്പെടുന്ന ഈ ഫുഡ് ഫെസ്റ്റിവലില്‍ അനേകം അമേരിക്കന്‍ ദേശവാസികളും സ്റ്റേറ്റ്/കൗണ്ടി…

ന്യൂയോർക്ക്: മുൻ യുഎസ് പ്രസിഡന്റ് ബരാക് ഒബാമയും ന്യൂയോർക്ക് സിറ്റി മേയർ സോഹ്‌റാൻ മംദാനിയും ബ്രോങ്ക്സിലെ ഒരു പ്രീ-സ്കൂൾ സന്ദർശിച്ചതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ തരംഗമാകുന്നു. കുട്ടികളോടൊപ്പം പാട്ടുപാടിയും കഥകൾ പറഞ്ഞും സമയം ചെലവഴിച്ച ഇരു നേതാക്കളുടെയും ലാളിത്യത്തെ നെറ്റിസൺസ് വാനോളം പുകഴ്ത്തി. സൗത്ത് ബ്രോങ്ക്സിലെ ‘ലേണിംഗ് ത്രൂ പ്ലേ’ പ്രീ-കെ സെന്ററിലായിരുന്നു ഏപ്രിൽ 18-ന് ഇരുവരും എത്തിയത്. കുട്ടികളോടൊപ്പം ചേർന്ന് ‘വീൽസ് ഓൺ ദി ബസ്’ എന്ന പാട്ട് പാടിയതും കുട്ടികളുടെ തമാശകൾക്ക് ഒബാമ മറുപടി നൽകിയതുമാണ് വീഡിയോയിൽ ശ്രദ്ധേയമായത്. മംദാനി മേയറായി 100 ദിവസം പൂർത്തിയാക്കിയ ശേഷമുള്ള ആദ്യ കൂടിക്കാഴ്ചയാണിത്. നഗരത്തിലെ വിദ്യാഭ്യാസ അവസരങ്ങളെക്കുറിച്ച് ഇരുവരും ചർച്ചകൾ നടത്തി. രാഷ്ട്രീയത്തിനപ്പുറം കുട്ടികളോടുള്ള ഇവരുടെ സ്നേഹവും കരുണയും നിറഞ്ഞ പെരുമാറ്റം മികച്ച നേതൃത്വത്തിന് ഉദാഹരണമാണെന്നാണ് സോഷ്യൽ മീഡിയയുടെ പ്രതികരണം.

ഡാളസ്: നോർത്ത് വെസ്റ്റ് ഡാളസിൽ ‘സെക്ഷ്വൽ എൻകൗണ്ടർ സെന്റർ’  എന്ന പേരിൽ അനധികൃതമായി പ്രവർത്തിച്ചിരുന്ന വെയർഹൗസിൽ പോലീസ് നടത്തിയ റെയ്ഡിൽ വൻ മയക്കുമരുന്ന് ശേഖരം പിടികൂടി. സംഭവവുമായി ബന്ധപ്പെട്ട് 48 പേരെ കസ്റ്റഡിയിലെടുക്കുകയും സ്ഥാപന ഉടമയടക്കം രണ്ട് പേരെ അറസ്റ്റ് ചെയ്യുകയും ചെയ്തു. ഏപ്രിൽ 17-ന് ‘സ്പേസ് സ്റ്റുഡിയോസ്’ എന്ന സ്ഥാപനത്തിലാണ് ഡാളസ് പോലീസ് പരിശോധന നടത്തിയത്. ലൈസൻസില്ലാതെ പ്രവർത്തിക്കുന്ന ലൈംഗിക കേന്ദ്രമാണിതെന്ന് പോലീസ് കണ്ടെത്തി. 25 പൗണ്ടിലധികം (ഏകദേശം 11 കിലോ) ടി.എച്ച്.സി ഹാഷ് ഓയിൽ, മാജിക് മഷ്റൂം, കഞ്ചാവ് എന്നിവ പിടിച്ചെടുത്തു. കൂടാതെ 11,000 ഡോളർ പണവും അശ്ലീലചിത്ര നിർമ്മാണത്തിന് ഉപയോഗിക്കുന്ന കമ്പ്യൂട്ടറുകളും ഹാർഡ് ഡ്രൈവുകളും പോലീസ് കസ്റ്റഡിയിലെടുത്തു. സ്ഥാപന ഉടമ ഇസ്രായേൽ ലൂണ (53), മാനേജർ മാർക്ക് ടൂട്ടൺ (42) എന്നിവരാണ് അറസ്റ്റിലായത്. മയക്കുമരുന്ന് കൈവശം വെക്കൽ, വേശ്യാവൃത്തി പ്രോത്സാഹിപ്പിക്കൽ തുടങ്ങിയ കുറ്റങ്ങളാണ്…

കുപ്പർട്ടിനോ:(കാലിഫോർണിയ): ആപ്പിളിന്റെ പുതിയ ചീഫ് എക്സിക്യൂട്ടീവ് ഓഫീസറായി  നിലവിലെ ഹാർഡ്‌വെയർ എഞ്ചിനീയറിംഗ് സീനിയർ വൈസ് പ്രസിഡന്റ് ജോൺ ടെർനസിനെ  നിയമിച്ചു. 2026 സെപ്റ്റംബർ 1 മുതൽ നിയമനം പ്രാബല്യത്തിൽ വരും. നിലവിലെ സി.ഇ.ഒ ടിം കുക്ക് ആപ്പിളിന്റെ എക്സിക്യൂട്ടീവ് ചെയർമാനായി സ്ഥാനമേൽക്കും. 2001-ൽ ആപ്പിളിൽ ചേർന്ന ജോൺ ടെർനസ്, ഐപാഡ്, ഐഫോൺ, ആപ്പിൾ വാച്ച് എന്നിവയുടെ നിർമ്മാണത്തിൽ നിർണ്ണായക പങ്കുവഹിച്ച വ്യക്തിയാണ്. ഭരണകൂടങ്ങളുമായുള്ള ആശയവിനിമയം ഉൾപ്പെടെയുള്ള കമ്പനിയുടെ സുപ്രധാന കാര്യങ്ങളിൽ ടിം കുക്ക് ശ്രദ്ധ കേന്ദ്രീകരിക്കും. 2011-ൽ സി.ഇ.ഒ ആയി ചുമതലയേറ്റ കുക്കിന് കീഴിൽ ആപ്പിളിന്റെ വിപണി മൂല്യം 350 ബില്യൺ ഡോളറിൽ നിന്ന് 4 ട്രില്യൺ ഡോളറിലേക്ക് കുതിച്ചിരുന്നു. കഴിഞ്ഞ 15 വർഷമായി ചെയർമാനായിരുന്ന ആർതർ ലെവിൻസൺ സെപ്റ്റംബർ ഒന്നു മുതൽ ‘ലീഡ് ഇൻഡിപെൻഡന്റ് ഡയറക്ടർ’ ആയി പ്രവർത്തിക്കും. കമ്പനിയുടെ പാരമ്പര്യവും മൂല്യങ്ങളും കാത്തുസൂക്ഷിക്കാൻ ഏറ്റവും…

കണ്ണൂർ: കണ്ണൂർ അഞ്ചരക്കണ്ടി ദന്തല്‍ കോളേജ് വിദ്യാർത്ഥി നിതിൻ ആത്മഹത്യ ചെയ്ത കേസിൽ അറസ്റ്റിലായ ലോൺ ആപ്പ് ഓപ്പറേറ്റർമാരെ അറസ്റ്റ് ചെയ്ത് കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി റിമാൻഡ് ചെയ്തു. ഉത്തർപ്രദേശിലെ ഗാസിയാബാദ് സ്വദേശി ഹൃഷികേശ് തിവാരി (32), ഉത്തർപ്രദേശ് സ്വദേശി പ്രശാന്ത് ഖേവാൾ (28), ഹരിയാനയിലെ ഫരീദാബാദ് സ്വദേശി പ്രകാശ് ജയ് (54) എന്നിവരെയാണ് റിമാൻഡ് ചെയ്തത്. ഇവര്‍ ഇൻസ്റ്റന്റ് ഫണ്ട്സ് എന്ന ലോൺ ആപ്പിന്റെ ഓപ്പറേറ്റർമാരാണെന്ന് പോലീസ് പറഞ്ഞു. ഉത്തർപ്രദേശിലെ നോയിഡയിൽ നിന്നാണ് അതിസാഹസികമായി കണ്ണൂര്‍ സിറ്റി പോലീസ് സൈബര്‍ സംഘം മൂവരെയും പിടികൂടിയത്. ഇവരിൽ നിന്ന് സിം കാർഡുകളും ഉപകരണങ്ങളും പിടിച്ചെടുത്തു. നിതിന്‍ രാജിന്റെ അദ്ധ്യാപിക നൽകിയ പരാതിയുടെ അടിസ്ഥാനത്തിലാണ് നടപടി. ലോൺ ആപ്പ് വഴി നിതിന്‍ പണം കടമെടുത്തിരുന്നു. എന്നാല്‍, വായ്പ തിരിച്ചടയ്ക്കാൻ കഴിയാതെ വന്നതോടെ റഫറൻസായി…