എസ്‌ഐആർ പൂർത്തിയായ സംസ്ഥാനങ്ങളിൽ അധിക പ്രഖ്യാപനം വേണ്ട; എസ്‌ഐആർ തുടരുന്നിടങ്ങളിൽ നിബന്ധന തുടരും ന്യൂഡൽഹി: പുതിയ വോട്ടർമാരുടെ രജിസ്ട്രേഷനുമായി ബന്ധപ്പെട്ട ഫോം 6-നൊപ്പം നിർബന്ധമാക്കിയിരുന്ന ‘അനുബന്ധം-ഡി’ (Annexure D) പ്രഖ്യാപനം, സ്പെഷ്യൽ ഇന്റൻസീവ് റിവിഷൻ (SIR) പൂർത്തിയായ സംസ്ഥാനങ്ങളിൽ നിന്ന് ഒഴിവാക്കാൻ തിരഞ്ഞെടുപ്പ് കമ്മീഷൻ തീരുമാനിച്ചു. ECINET പോർട്ടലിലെ ഫോം 6-ൽ ഉൾപ്പെടുത്തിയിരുന്ന അധിക പ്രഖ്യാപനത്തെച്ചൊല്ലി കമ്മീഷനുള്ളിൽ തന്നെ എതിർപ്പുയർന്നതിനു പിന്നാലെയാണ് നടപടി. തിരഞ്ഞെടുപ്പ് കമ്മീഷന്റെ വിശദീകരണമനുസരിച്ച്, നിയമപ്രകാരമുള്ള ഫോം 6ന്റെ അടിസ്ഥാന രൂപത്തിൽ മാറ്റം വരുത്തിയിരുന്നില്ല. എസ്‌ഐആറുമായി ബന്ധപ്പെട്ട വിവരങ്ങൾ ശേഖരിക്കുന്നതിനായി ഫോം 6-നൊപ്പം പ്രത്യേക പ്രഖ്യാപനമായാണ് അനുബന്ധം-ഡി ഉൾപ്പെടുത്തിയിരുന്നത്. പുതിയ വോട്ടറായി പേര് ചേർക്കുന്ന വ്യക്തിയുടെയോ മാതാപിതാക്കളുടെയോ മുത്തശ്ശി-മുത്തച്ഛന്മാരുടെയോ പേരുകൾ മുൻ എസ്‌ഐആർ കാലത്തെ വോട്ടർ പട്ടികയിൽ ഉണ്ടായിരുന്നോയെന്ന വിവരങ്ങളാണ് ഈ പ്രഖ്യാപനത്തിലൂടെ തേടിയിരുന്നത്. പഴയ വോട്ടർ പട്ടികയുമായി ബന്ധിപ്പിക്കുന്ന വിവരങ്ങൾ അപേക്ഷകർ നൽകേണ്ട…
ഫോം 6ൽ നിന്ന് ‘അനുബന്ധം-ഡി’ ഒഴിവാക്കി; വിവാദത്തിന് പിന്നാലെ തിരഞ്ഞെടുപ്പ് കമ്മീഷന്റെ തിരുത്തൽ
