Author: .

ചരിത്രങ്ങൾ ആദ്യ ദിനം തന്നെ തിരുത്തിക്കുറിച്ചു മുന്നേറുകയാണ് ലോകേഷ് കനകരാജ് സംവിധാനം ചെയ്ത വിജയ് ചിത്രം ലിയോ. ഇന്ത്യയിൽ ഈ വർഷം റിലീസ് ചെയ്ത എല്ലാ ചിത്രങ്ങളുടെ ഓപ്പണിങ് റെക്കോർഡുകൾ ഭേദിച്ച് പുതുചരിത്രം തീർത്തിരിക്കുകയാണ് ലിയോ. 148.5 കൊടിയില്‍‌പരം രൂപയാണ് ചിത്രത്തിന്റെ വേൾഡ് വൈഡ് ഗ്രോസ് കളക്ഷൻ. ചിത്രത്തിന്റെ നിർമ്മാതാക്കളായ സെവൻ സ്ക്രീൻ സ്റ്റുഡിയോസ് പുറത്തുവിട്ട രേഖകൾ പ്രകാരം നൂറ്റി നാല്പത്തി എട്ടു കോടിയും കടന്നു പുതിയ റെക്കോർഡിലേക്ക് കുതിച്ച ലിയോ ഇന്ത്യൻ സിനിമയിൽ പുതിയ അദ്ധ്യായം കുറിക്കുകയാണ്. കേരളത്തിൽ ആദ്യ ദിനം 12 കോടിയോളം ഗ്രോസ് കളക്ഷൻ നേടിയ ചിത്രം മറ്റു സിനിമകൾ കേരളത്തിൽ നേടിയ കളക്ഷൻ റെക്കോർഡുകൾ കോടികൾ വ്യത്യാസത്തിൽ തകർത്തെറിഞ്ഞു മുൻനിരയിലെത്തി. വിദേശ രാജ്യങ്ങളിലും സകലവിധ റെക്കോർഡുകളും തകർത്തെറിഞ്ഞ ലിയോ ലോകവ്യാപകമായി കളക്ഷനിലും പ്രേക്ഷക അഭിപ്രായത്തിലും മുന്നിലാണ്. മലയാളി താരം മാത്യു തോമസ്…

മലപ്പുറം: ആദിവാസികൾക്ക് വാഗ്ദാനം ചെയ്ത ഒരു ഏക്കർ ഭൂമി ലഭിക്കാതെ നിലമ്പൂരിൽ ആദിവാസി ഭൂമിക്ക് വേണ്ടി ഐ ടി ഡി സി ഓഫീസിനു മുമ്പിൽ 167 ദിവസമായി തുടരുന്ന ആദിവാസികളുടെ സമരം അവസാനിക്കില്ലെന്ന് വെൽഫെയർ പാർട്ടി സംസ്ഥാന സെക്രട്ടറി ജ്യോതിവാസ് പറവൂർ അഭിപ്രായപ്പെട്ടു. നിലമ്പൂരിൽ നടക്കുന്ന ആദിവാസി സമരത്തിന് ഐക്യദാർഡ്യം പ്രഖ്യാപിച്ചും വൻകിട കയ്യേറ്റക്കാരെ സഹായിക്കുന്ന ഭൂപതിവ് ചട്ട ഭേദഗതി പിൻവലിക്കുക എന്നീ ആവശ്യങ്ങൾ ഉന്നയിച്ച് വെൽഫെയർ പാർട്ടി ജില്ലാ കമ്മിറ്റി മലപ്പുറം കലക്ട്രേറ്റ് പടിക്കൽ സംഘടിപ്പിച്ച രാപ്പകൽ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സുരക്ഷിതമായി വീട് വെച്ച് ആദിവാസി കുടുംബങ്ങൾക്ക് ജീവിക്കാൻ കഴിയുന്ന സാഹചര്യം സർക്കാർ ഒരുക്കണം. പാർട്ടി ഓഫീസുകൾക്കും റിസോർട്ട് മാഫിയക്കും വേണ്ടി ഭേദഗതി ചെയ്ത ഭൂപരിഷ്കരണ നിയമത്തിലെ പുതിയ വകുപ്പുകൾ റദ്ദ് ചെയ്യണം. പിണറായി സർക്കാർ അധികാരത്തിൽ വന്നിട്ട് ഏഴുവർഷം ആയെങ്കിലും…

കോഴിക്കോട്: ലോക സമാധാനത്തിനായി വിവിധ രാജ്യങ്ങളിലുള്ള മുഫ്തിമാർ ഒന്നിച്ചു പ്രവർത്തിക്കണമെന്ന് ജാമിഅ മർകസ് ചാൻസിലറും കേരള ഹജ്ജ് കമ്മിറ്റി ചെയർമാനുമായ സി മുഹമ്മദ് ഫൈസി.  കെയ്റോയിൽ നടന്ന ആഗോള ഫത്‌വ സമ്മേളനത്തിൽ വിഷയമവതരിപിപ്പിച്ച് സംസാരിക്കുകയായിരുന്നു അദ്ദേഹം. യുദ്ധം, തീവ്രവാദ ആക്രമണങ്ങൾ എന്നീ സന്ദർഭങ്ങളിൽ സമാധാനത്തിനും ദുരിതമനുഭവിക്കുന്നവരുടെ പുനരധിവാസത്തിനും ലോകസമൂഹം ഒന്നിക്കണം. സമൂഹ്യ ക്ഷേമവും സുരക്ഷിതത്വവും ഉറപ്പുവരുത്താൻ മുഫ്തിമാരുടെ സക്രിയ ഇടപെടലിലൂടെ സാധിക്കും- സി മുഹമ്മദ് ഫൈസി പറഞ്ഞു. ഫലസ്തീൻ വിഷയത്തിൽ ഇന്ത്യൻ ഗ്രാൻഡ് മുഫ്തി കാന്തപുരം എ പി മുസ്‌ലിയാർ ജറുസലേം മുഫ്തി ശൈഖ് മുഹമ്മദ് ഹുസൈനുമായി ആശയ വിനിമയം നടത്തിയതും പ്രധാനമന്ത്രിയോട് ഇടപെടൽ ആവശ്യപ്പെതും വിഷയാവതരണത്തിനിടെ പരാമർശിച്ചു. ഈജിപ്ത് പ്രസിഡന്റ് അബ്ദുൽ ഫത്താഹ് സീസിയുടെ നേതൃത്വത്തിൽ കഴിഞ്ഞ രണ്ടുദിവസമായി നടന്ന സമ്മേളനത്തിൽ 34 രാജ്യങ്ങളിൽ നിന്നുള്ള അതിഥികൾ പങ്കെടുത്തു. ഇന്ത്യൻ പ്രതിനിധിയായാണ് സി മുഹമ്മദ് ഫൈസി…

ഫലസ്ഥീനിൽ മുസ്ലിംകളെ കൊന്നൊടുക്കി കൊണ്ടിരിക്കുന്ന സയണിസവും ഇന്ത്യയിൽ വംശീയത നടപ്പിലാക്കി കൊണ്ടിരിക്കുന്ന ഹിന്ദുത്വ ശക്തികളും ഒരേ തൂവൽ പക്ഷികൾ ആണെന്ന് സിദ്ധീഖ് കാപ്പൻ പറഞ്ഞു. ഹിന്ദുത്വ സയണിസ്റ്റ് വംശീയതക്കെതിരെ സോളിഡാരിറ്റി മലപ്പുറം ജില്ലാ വൈസ് പ്രസിഡന്റ് അജ്മൽ കെ.പി നയിക്കുന്ന പ്രചരണ ജാഥയ്ക്ക് വേങ്ങരയിൽ നൽകിയ സ്വീകരണത്തിൽ സംസാരിക്കുകയായ്രുന്നു അദ്ദേഹം. സോളിഡാരിറ്റി സംസ്ഥാന ജനറൽ സെക്രട്ടറി തൗഫീഖ് മമ്പാട്, ജില്ലാ പ്രസിഡന്റ് ഡോ. അബ്ദുൽ ബാസിത് , സെക്രട്ടറി സാബിക് വെട്ടം തുടങ്ങിയവർ പങ്കെടുത്തു  

കൊച്ചി: യുടിഐ മിഡ്ക്യാപ് ഫണ്ട് കൈകാര്യം ചെയ്യുന്ന ആകെ ആസ്തികള്‍ 8974 കോടി രൂപയുടേതാണെന്ന് സെപ്റ്റംബര്‍ 30-ലെ കണക്കുകള്‍ ചൂണ്ടിക്കാട്ടുന്നു. പദ്ധതിയുടെ നിക്ഷേപത്തിന്‍റെ 85-90 ശതമാനം എപ്പോഴും മിഡ് ക്യാപ്, സ്മോള്‍ ക്യാപ് ഓഹരികളിലായിരിക്കും. സെപ്റ്റംബര്‍ 30-ലെ കണക്കുകള്‍ പ്രകാരം ഫണ്ടിന്‍റെ 69 ശതമാനം നിക്ഷേപവും മിഡ് ക്യാപ് കമ്പനികളിലാണ്. 18 ശതമാനം സ്മോള്‍ ക്യാപ് കമ്പനികളിലും. ചോളമണ്ഡലം ഇന്‍വെസ്റ്റ്മെന്‍റ് ആന്‍റ് ഫിനാന്‍സ്, ശ്രീരാം ഫിനാന്‍സ്, ഫെഡറല്‍ ബാങ്ക്, എപിഎല്‍ അപ്പോളോ ട്യൂബ്സ്, ഭാരത് ഫോര്‍ജ്, പോളികാബ് ഇന്ത്യ, ട്യൂബ് ഇന്‍വെസ്റ്റ്മെന്‍റ്സ് ഓഫ് ഇന്ത്യ, കോഫോര്‍ജ്, ആസ്ട്രല്‍, ഭാരത് ഇലക്ട്രോണിക്സ് എന്നിവയാണ് പദ്ധതി ഏറ്റവും കൂടുതല്‍ നിക്ഷേപിച്ചിട്ടുള്ള കമ്പനികള്‍. ഇടത്തരം കമ്പനികളുടെ വളര്‍ച്ചാ സാധ്യതകളില്‍ നിന്നു നേട്ടമുണ്ടാക്കാന്‍ നിക്ഷേപകരെ സഹായിക്കുകയാണ് ഫണ്ടിന്‍റെ നിക്ഷേപങ്ങളിലൂടെ ലക്ഷ്യമിടുന്നത്.

ഗാസ: കുടുംബങ്ങൾക്ക് രക്ഷപ്പെടാൻ അരമണിക്കൂർ മുന്നറിയിപ്പ് നൽകിയ ശേഷം വെള്ളിയാഴ്ച വടക്കൻ ഗാസ ജില്ലയിൽ ഇസ്രായേൽ വ്യോമാക്രമണം നടത്തി. ഗാസ ആക്രമിക്കുമെന്ന അറിയിപ്പ് പ്രതീക്ഷിച്ചിരുന്നതിനാല്‍ ആളുകള്‍ അഭയം പ്രാപിച്ച ഓർത്തഡോക്സ് ക്രിസ്ത്യൻ പള്ളിയിലാണ് വ്യോമാക്രണം നടത്തിയത്. അതേസമയം, വാഷിംഗ്ടണിൽ യുഎസ് പ്രസിഡന്റ് ജോ ബൈഡൻ ഇസ്രായേലില്‍ നിന്ന് തിരിച്ചു വന്ന് വൈറ്റ് ഹൗസിലെ ഓവല്‍ ഓഫീസില്‍ ഇസ്രായേലിന് പിന്തുണ പ്രഖ്യാപിക്കുകയും, അമേരിക്കക്കാരോട് ഹമാസിനെതിരെ പോരാടുന്നതിന് ഇസ്രായേലിനെ സഹായിക്കാൻ ബില്യൺ കണക്കിന് ഡോളർ ചെലവഴിക്കാൻ ആവശ്യപ്പെടുകയും ചെയ്തു. ഹമാസ് ഇസ്രായേലിന്റെ ജനാധിപത്യത്തെ “നശിപ്പിക്കാൻ” ശ്രമിക്കുകയാണെന്നും അദ്ദേഹം പറഞ്ഞു. ഇസ്രായേൽ ഗാസയെ വ്യോമാക്രമണത്തിലൂടെ തകർക്കുകയും 2.3 ദശലക്ഷം ഫലസ്തീനികളെ ഭവനരഹിതരാക്കുകയും ചെയ്തു. അവര്‍ക്ക് സഹായഹസ്തവുമായി മുന്നോട്ടുവന്ന സന്നദ്ധ സംഘടനകളുടെ ഭക്ഷണം, ഇന്ധനം, മെഡിക്കൽ സപ്ലൈസ് എന്നിവയുടെ കയറ്റുമതി പോലും നിരോധിച്ചു. ഒക്‌ടോബർ 7 മുതൽ 1,500-ലധികം കുട്ടികൾ ഉൾപ്പെടെ 3,785…

ന്യൂയോർക്ക് : മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃദീയൻ കാതോലിക്കാ ബാവായെ മലങ്കര മാർത്തോമ്മാ സഭയുടെ നോര്‍ത്ത് അമേരിക്ക-യൂറോപ്പ് ഭദ്രാസനത്തിന്റെ ആദരവുകൾ ഭദ്രാസനാധിപൻ ബിഷപ് ഡോ. ഐസക് മാർ ഫിലക്സിനോസ് അറിയിച്ചു. ന്യൂയോർക്കിൽ എത്തിച്ചേർന്ന ഡോ.മാത്യൂസ് തൃദീയൻ കാതോലിക്കാ ബാവായെ മലങ്കര ഓർത്തഡോക്സ് സഭയുടെ നോർത്ത് ഈസ്റ്റ്‌ ഭദ്രാസന അരമനയിൽ എത്തിയാണ് ബിഷപ് ഡോ. മാർ ഫിലക്സിനോസ് ഭദ്രാസനത്തിന്റെ ആദരവുകൾ അറിയിച്ചത്. ഭദ്രാസന സെക്രട്ടറി റവ. ജോർജ് എബ്രഹാം കല്ലൂപ്പാറയും ഒപ്പം ഉണ്ടായിരുന്നു. മാർത്തോമ്മാ സഭയുടെ നോര്‍ത്ത് അമേരിക്ക-യൂറോപ്പ് ഭദ്രാസനാധിപനെയും, ഭദ്രാസന സെക്രട്ടറിയെയും മലങ്കര ഓർത്തഡോക്സ് സഭയുടെ നോർത്ത് ഈസ്റ്റ്‌ ഭദ്രാസനാധിപൻ സഖറിയാ മാർ നിക്കോളോവോസ് മെത്രാപ്പൊലീത്താ സ്വീകരിച്ചു. ബിഷപ് ഡോ.ഐസക് മാർ ഫിലക്സിനോസ് മുൻപ് ബസേലിയോസ് മാർത്തോമ്മാ മാത്യൂസ് തൃദീയൻ കാതോലിക്കാ ബാവായോടൊപ്പം കോട്ടയത്തെ FFRRC തിയോളജിക്കൽ സെമിനാരിയിൽ ഫാക്കൽറ്റികൾ…

ലോസ്ആഞ്ചലസ് : സതേണ്‍ കാലിഫോര്‍ണിയയിലെ ലോസ്ആഞ്ചലസ്, ഓറഞ്ച്, സാന്‍ഡിയാഗോ, റിവര്‍സൈഡ്, സാന്‍ബെര്‍ണാഡിനോ എന്നീ കൗണ്ടികളിലായി വ്യാപിച്ചുകിടക്കുന്ന സീറോ മലബാര്‍ കാത്തലിക് വിശ്വാസികള്‍ക്കായുള്ള പുതിയ ദേവാലയത്തിന്റെ വെഞ്ചരിപ്പും കൂദാശാ കര്‍മ്മവും പ്രഥമ വിശുദ്ധ കുര്‍ബാനയും ഒക്‌ടോബര്‍ ഒന്നിന് നടത്തപ്പെട്ടു. ചിക്കാഗോ സെന്റ് തോമസ് സീറോ മലബാര്‍ രൂപതാധ്യക്ഷന്‍ മാര്‍ ജോയി ആലപ്പാട്ട് ആയിരുന്നു മുഖ്യ കാര്‍മികന്‍. ഭക്തിസാന്ദ്രവും വര്‍ണ്ണാഭവുമായ തിരുകര്‍മ്മങ്ങളില്‍ ചിക്കാഗോ രൂപതയുടെ പ്രഥമ അധ്യക്ഷനായിരുന്ന മാര്‍ ജേക്കബ് അങ്ങാടിയത്ത്, ചാന്‍സിലര്‍ റവ.ഡോ. ജോര്‍ജ് ദാനവേലില്‍, പ്രൊക്യുറേറ്റര്‍ റവ.ഫാ. കുര്യന്‍ നെടുവേലിച്ചാലുങ്കല്‍, വികാരി റവ.ഫാ. ജേക്കബ് ക്രിസ്റ്റി പറമ്പുകാട്ടില്‍, മുന്‍ വികാരി റവ.ഫാ. മാത്യൂസ് മുഞ്ഞനാട്ട്, റവ.ഡോ. പോള്‍ പൂവത്തുങ്കല്‍ എന്നിവര്‍ സഹകാര്‍മികരായിരുന്നു. അലങ്കരിച്ച ദൈവാലയ കവാടത്തില്‍ വച്ച് സഭാദ്ധ്യക്ഷന്മാരെ വികാരി ക്രിസ്റ്റിയച്ചന്‍ മെഴുകുതിരികള്‍ നല്‍കി സ്വീകരിച്ചു. ബഹുമാനപ്പെട്ട വൈദീകരെ ട്രസ്റ്റിമാരായ ജിമ്മി ജോസഫ്, ബിജു ജോര്‍ജ്, സോണി…

മാലിബു (കാലിഫോർണിയ ):ചൊവ്വാഴ്ച പെപ്പർഡൈൻ സർവകലാശാലയിലെ നാല് വിദ്യാർത്ഥിനികൾ കാലിഫോർണിയയിലെ മാലിബുവിലെ പസഫിക് കോസ്റ്റ് ഹൈവേയുടെ വളവിൽ കാറിടിച്ച് മരിച്ചു. രാത്രി 8.30 ഓടെയാണ് അപകടം. PCH ന്റെ 21500 ബ്ലോക്കിൽ ചൊവ്വാഴ്ച പടിഞ്ഞാറ് ഭാഗത്തേക്ക് പോകുകയായിരുന്ന വാഹനം നിയന്ത്രണം നഷ്ടപ്പെട്ട് പാർക്ക് ചെയ്തിരുന്ന മൂന്ന് വാഹനങ്ങളിലെങ്കിലും ഇടിക്കുകയും അത് വിദ്യാർത്ഥികളുടെ കൂട്ടത്തിലേക്ക് ഇടിചു കയറുകയും ചെയ്തുവെന്ന് അന്വേഷണ ഉദ്യോഗസ്ഥർ വിശ്വസിക്കുന്നു.നാലു പേരും സംഭവസ്ഥലത്ത് തന്നെ മരിച്ചു. മാലിബുവിലെ പസഫിക് കോസ്റ്റ് ഹൈവേയിലുണ്ടായ അപകടത്തിൽ നാല് പെപ്പർഡൈൻ യൂണിവേഴ്സിറ്റി വിദ്യാർത്ഥികൾ കൊല്ലപ്പെടുകയും മറ്റ് രണ്ട് പേർക്ക് പരിക്കേൽക്കുകയും ചെയ്തതിനെ തുടർന്ന് 22 കാരനായ കാര് ഡ്രൈവർ ഫ്രേസർ ബോമിനെ അറസ്റ്റ് ചെയ്തതായി അധികൃതർ അറിയിച്ചു. അശ്രദ്ധയോടെ വാഹനങ്ങൾ കൊണ്ടുള്ള നരഹത്യയുടെ പേരിൽ ഫ്രേസർ ബോമിനെ അറസ്റ്റ് ചെയ്തെങ്കിലും കൂടുതൽ വിശദാംശങ്ങൾ പുറത്തുവിട്ടില്ല.ബോമിനെതിരെ കേസെടുത്തു, എന്നാൽ ഇയാളെ കസ്റ്റഡിയിൽ…

കൊച്ചി: പിണറായി വിജയന്‍ സര്‍ക്കാരിന്റെ രാജി ആവശ്യപ്പെട്ട്‌ ഈ മാസം 30ന്‌ സെക്രട്ടേറിയറ്റ്‌ ഉപരോധിക്കാന്‍ എന്‍ഡിഎ സംസ്ഥാന നേത്യയോഗം തീരുമാനിച്ചു. എന്‍ഡിഎ ജില്ലാ-സംസ്ഥാന നേതാക്കള്‍ക്കുള്ള ശില്‍പശാല നവംബര്‍ ആറിന്‌ ചേര്‍ത്തലയില്‍ നടക്കും. ബിഡിജെഎസ്‌ സംസ്ഥാന കമ്മിറ്റിയാണ്‌ ശില്‍പശാല നടത്തുന്നത്‌. ലോക്സഭാ തിരഞ്ഞെടുപ്പിന്‌ മുന്നോടിയായി സംസ്ഥാന പദയാത്രകള്‍, മുഴുവന്‍ പഞ്ചായത്തുകളിലും പ്രകടനങ്ങള്‍, പൊതുയോഗങ്ങള്‍ എന്നിവ ശില്‍പശാലയില്‍ ആസൂത്രണം ചെയ്യും. ഘടകകക്ഷികളുടെ അനുബന്ധ സംഘടനകളുടെ സംസ്ഥാനതല ഏകോപന സംവിധാനം നടപ്പാക്കും. സോഷ്യല്‍ മീഡിയ ഗ്രൂപ്പുകളുടെ ഏകോപനത്തിനായുള്ള ആദ്യ യോഗം തിരുവനന്തപുരത്ത്‌ ചേരും. സംസ്ഥാന സ്റ്റിയറിംഗ് കമ്മിറ്റി ചെയര്‍മാന്‍ കെ. സുരേന്ദ്രനും വൈസ്‌ ചെയര്‍മാനായി തുഷാര്‍ വെള്ളാപ്പള്ളിയുമാണ്. മറ്റ്‌ ഭാരവാഹികള്‍: പി.കെ.കൃഷ്ണദാസ്, കെ. പത്മകുമാര്‍, സി.കെ. ജാനു, വിഷ്ണുപുരം ചന്ദ്രശേഖരന്‍, കുരുവിള മാത്യൂസ്, വി.വി. രാജേന്ദ്രന്‍ (വൈസ്‌ ചെയര്‍മാന്‍മാര്‍), പി.എച്ച്‌. രാമചന്ദ്രന്‍, നിയാസ് വൈദ്യരകം (ജോയിന്റ്‌ കണ്‍വീനര്‍മാര്‍). സംസ്ഥാന ചെയര്‍മാനും ബിജെപി…