Author: .

ന്യൂഡൽഹി: മോദിയുടെ പേരുമായി ബന്ധപ്പെട്ട വിവാദ പരാമർശത്തിൽ കോൺഗ്രസ് നേതാവ് രാഹുൽ ഗാന്ധിക്ക് ഗുജറാത്ത് ഹൈക്കോടതിയിൽ നിന്ന് തിരിച്ചടി. രാഹുൽ ഗാന്ധിയുടെ പുനഃപരിശോധനാ ഹർജി ഹൈക്കോടതി തള്ളി. ഹൈക്കോടതി വിധിക്കെതിരെ കോൺഗ്രസ് നേതാക്കളിൽ നിന്നും പ്രതികരണങ്ങൾ വരുന്നുണ്ട്. തീരുമാനത്തിൽ കോൺഗ്രസ് നേതാക്കൾ നിരാശ പ്രകടിപ്പിച്ചു. വിധിക്കെതിരെ സുപ്രീം കോടതിയെ സമീപിക്കാനും കോൺഗ്രസ് തീരുമാനിച്ചിട്ടുണ്ട്. മാനനഷ്ടക്കേസിൽ രാഹുൽ ഗാന്ധി നൽകിയ ഹർജി തള്ളിയ നടപടി സുപ്രീം കോടതിയിൽ ചോദ്യം ചെയ്യുമെന്ന് കോൺഗ്രസ് ജനറൽ സെക്രട്ടറി കെസി വേണുഗോപാൽ പറഞ്ഞു. നീതി ലഭിച്ചില്ല: കോൺഗ്രസ് ഹൈക്കോടതി വിധി നിർഭാഗ്യകരമാണെന്ന് കർണാടക ഉപമുഖ്യമന്ത്രിയും കോൺഗ്രസ് നേതാവുമായ ഡികെ ശിവകുമാർ പറഞ്ഞു. നീതി ലഭിച്ചിട്ടില്ലെന്നും അദ്ദേഹം പറഞ്ഞു. ഇത് ജനാധിപത്യത്തിന്റെ കൊലപാതകമാണെന്നും ശിവകുമാർ പറഞ്ഞു. എന്നിട്ടും രാജ്യമൊട്ടാകെ പ്രതിപക്ഷ പാർട്ടികളും രാഹുൽ ഗാന്ധിക്കൊപ്പം നിൽക്കുന്നു. രാജ്യത്തെ മുഴുവൻ ഒന്നിപ്പിക്കാൻ പോരാടുന്ന മഹാനായ നേതാവാണ്…

പ്രധാനമന്ത്രിക്കെതിരെയുള്ള അധിക്ഷേപ വാക്കുകൾ അപകീർത്തികരവും നിരുത്തരവാദപരവുമാകാം. എന്നാൽ, രാജ്യദ്രോഹത്തിന് തുല്യമാകരുതെന്ന് കർണാടക ഹൈക്കോടതി വെള്ളിയാഴ്ച സുപ്രധാന തീരുമാനത്തിൽ. 2020 ജനുവരി 21 ന് ബിദർ നഗരത്തിലെ സ്കൂൾ പരിസരത്ത് വിദ്യാർത്ഥികൾ പൗരത്വ ഭേദഗതി നിയമത്തിനും എൻആർസിക്കുമെതിരായ നാടകം അവതരിപ്പിച്ചതിനെ തുടർന്ന് ഷഹീൻ സ്കൂൾ മാനേജ്‌മെന്റിനെതിരെ രാജ്യദ്രോഹക്കുറ്റം ചുമത്തിയിരുന്നു. സംഭവം ദേശീയ വാർത്തയായി മാറുകയും ചെയ്തു. അല്ലാവുദ്ദീൻ, അബ്ദുൾ ഖാലിഖ്, മുഹമ്മദ് ബിലാൽ, മുഹമ്മദ് മെഹതാബ് എന്നിവരുൾപ്പെടെ സ്കൂൾ മാനേജ്‌മെന്റിനും സ്‌കൂൾ മാനേജ്‌മെന്റിലെ എല്ലാ അംഗങ്ങൾക്കും എതിരായ രാജ്യദ്രോഹക്കുറ്റം കോടതി റദ്ദാക്കി. കലബുർഗിയിലെ ജസ്റ്റിസ് ഹേമന്ത് ചംദൻഗൗഡർ അദ്ധ്യക്ഷനായ ബെഞ്ച്, മതവിഭാഗങ്ങൾക്കിടയിൽ അസ്വാരസ്യം ഉണ്ടാക്കിയതിന് ഐപിസി സെക്ഷൻ 153 (എ) പ്രകാരം ചുമത്തിയ കുറ്റങ്ങൾ തെളിയിക്കപ്പെട്ടിട്ടില്ലെന്ന് വ്യക്തമാക്കി. “പ്രധാനമന്ത്രിക്കെതിരെ അധിക്ഷേപകരമായ വാക്കുകൾ… ചെരുപ്പു കൊണ്ട് അടിയ്ക്കണം എന്നു പറഞ്ഞത് അപകീർത്തികരം മാത്രമല്ല നിരുത്തരവാദപരവുമാണ്. സർക്കാരിനെതിരെ ക്രിയാത്മകമായ വിമർശനം അനുവദനീയമാണ്.…

കലബുർഗി: കർണാടകയിലെ കലബുർഗി ജില്ലയിൽ പ്രായപൂർത്തിയാകാത്ത ആൺകുട്ടികൾ ചേർന്ന് ഒമ്പത് വയസ്സുകാരിയെ കൂട്ടബലാത്സംഗം ചെയ്ത ഞെട്ടിക്കുന്ന സംഭവത്തിൽ നാല് പേരെ കസ്റ്റഡിയിലെടുത്തതായി പോലീസ് അറിയിച്ചു. ക്രൂരമായ പീഡനത്തിനു ശേഷം കുട്ടിയെ ആശുപത്രിയിൽ പ്രവേശിപ്പിച്ചിരിക്കുകയാണ്. ഇതുമായി ബന്ധപ്പെട്ട് 12 വയസിനും 14 വയസിനും ഇടയിൽ പ്രായമുള്ള നാല് ആൺകുട്ടികളെ പോലീസ് കസ്റ്റഡിയിലെടുത്ത് റിമാൻഡ് ഹോമിലേക്ക് മാറ്റി, അഞ്ചാം പ്രതിക്കായി പോലീസ് തിരച്ചിൽ ആരംഭിച്ചു. കലബുർഗി വനിതാ പോലീസ് സ്റ്റേഷൻ പരിധിയിൽ ബുധനാഴ്ച ഉച്ചയോടെയാണ് സംഭവം. പ്രായപൂർത്തിയാകാത്ത അഞ്ച് ആൺകുട്ടികൾ അടങ്ങുന്ന സംഘം വീടിന് മുന്നിൽ ഇരുന്നിരുന്ന പെണ്‍കുട്ടിയെ ചോക്ലേറ്റ് വാങ്ങി നൽകാമെന്ന് പറഞ്ഞ് ഒറ്റപ്പെട്ട സ്ഥലത്തേക്ക് പ്രലോഭിപ്പിച്ച് സമീപത്തെ വീടിന്റെ മുകളിലേക്ക് കൂട്ടിക്കൊണ്ടുപോയി കൂട്ടബലാത്സംഗം ചെയ്തതായി ഇരയുടെ അമ്മ പരാതിയിൽ പറയുന്നു. പീഡനത്തിനിരയായ പെൺകുട്ടി നേരത്തെ സ്‌കൂളിൽ പോയി തിരിച്ചെത്തിയ ശേഷം ബദാം പൊട്ടിക്കാൻ ശ്രമിക്കുന്നതിനിടെയാണ് ആൺകുട്ടികൾ കൂട്ടിക്കൊണ്ടുപോയത്.…

ന്യൂഡൽഹി: മണിപ്പൂർ കലാപത്തെക്കുറിച്ച് ഇന്ത്യയിലെ യുഎസ് അംബാസഡർ എറിക് ഗാർസെറ്റി അഭിപ്രായപ്പെട്ടതിന് തൊട്ടുപിന്നാലെ, ഇന്ത്യയുടെ ആഭ്യന്തര കാര്യങ്ങളെക്കുറിച്ച് ഒരു യുഎസ് അംബാസഡർ ഇത്തരത്തിലുള്ള പ്രസ്താവന നടത്തുന്നത് കേട്ടിട്ടില്ലെന്ന് കോൺഗ്രസ് വെള്ളിയാഴ്ച കേന്ദ്രസർക്കാരിനെ രൂക്ഷമായി വിമർശിച്ചു. “പൊതുജീവിതത്തിൽ കുറഞ്ഞത് നാല് പതിറ്റാണ്ടെങ്കിലും പിന്നോട്ട് പോകുന്ന എന്റെ ഓർമ്മയിൽ, ഇന്ത്യയുടെ ആഭ്യന്തര കാര്യങ്ങളെക്കുറിച്ച് ഒരു യുഎസ് അംബാസഡർ ഇത്തരത്തിലുള്ള പ്രസ്താവന നടത്തുന്നത് ഞാൻ കേട്ടിട്ടില്ല, ”കോൺഗ്രസ് നേതാവ് മനീഷ് തിവാരി സർക്കാരിനെ രൂക്ഷമായി വിമർശിച്ച് ട്വീറ്റ് ചെയ്തു. “പഞ്ചാബ്, ജമ്മു കശ്മീർ, വടക്കുകിഴക്കൻ മേഖലകളിൽ പതിറ്റാണ്ടുകളായി നമ്മള്‍ വെല്ലുവിളികൾ നേരിടുകയും വിവേകത്തോടെ അവയെ അതിജീവിക്കുകയും ചെയ്തു. 1990-കളിൽ റോബിൻ റാഫേൽ ജമ്മു കശ്മീർ വിഷയത്തിൽ വാചാലനായപ്പോള്‍ പോലും ഇന്ത്യയിലെ യുഎസ് അംബാസഡർ ജാഗ്രത പുലർത്തിയിരുന്നു,” മുൻ കേന്ദ്രമന്ത്രിയായ തിവാരി പറഞ്ഞു. “ഇന്ത്യയിലെ പുതിയ യുഎസ് അംബാസഡർ എറിക് ഗാർസെറ്റി, യു‌എസ്-ഇന്ത്യ…