Author: .

സിഐഎ ഡയറക്ടർ ജോൺ റാറ്റ്ക്ലിഫിന്റെ മോസ്കോയിലേക്കുള്ള രഹസ്യ സന്ദർശനം അന്താരാഷ്ട്ര പ്രതിഷേധത്തിന് കാരണമായി. ഓഗസ്റ്റ് 25 ന് റാറ്റ്ക്ലിഫ് വളരെ രഹസ്യമായാണ് മോസ്കോയിൽ എത്തിയത്. റഷ്യൻ ഇന്റലിജൻസ് ഉദ്യോഗസ്ഥരുമായി റാറ്റ്ക്ലിഫ് ചർച്ച നടത്തിയതായി റഷ്യൻ പ്രസിഡൻഷ്യൽ ഓഫീസ് വക്താവ് ദിമിത്രി പെസ്കോവ് പറഞ്ഞു. വാഷിംഗ്ടണ്‍: യുഎസ് രഹസ്യാന്വേഷണ ഏജൻസിയായ സിഐഎയുടെ ഡയറക്ടർ ജോൺ റാറ്റ്ക്ലിഫിന്റെ റഷ്യ സന്ദർശനം അന്താരാഷ്ട്ര തലത്തിൽ പുതിയൊരു കോളിളക്കം സൃഷ്ടിച്ചു. ഓഗസ്റ്റ് 25 ന് വളരെ രഹസ്യമായാണ് റാറ്റ്ക്ലിഫ് മോസ്കോയിൽ എത്തിയത്. ഒരു യുഎസ് സി-17 സൈനിക വിമാനവും പിന്നീട് ഒരു യുഎസ് നയതന്ത്ര വാഹനവ്യൂഹവും വിമാനത്താവളത്തിൽ കണ്ടപ്പോഴാണ് അദ്ദേഹത്തിന്റെ സാന്നിധ്യം വെളിപ്പെട്ടത്. സിഐഎ മേധാവിയായതിനുശേഷം അദ്ദേഹത്തിന്റെ റഷ്യയിലേക്കുള്ള ആദ്യ സന്ദർശനമാണിതെന്ന് റിപ്പോർട്ട്. എന്നിരുന്നാലും, പ്രസിഡന്റ് വ്‌ളാഡിമിർ പുടിനെ അദ്ദേഹം കണ്ടില്ല. റാറ്റ്ക്ലിഫിന്റെ മോസ്കോ സന്ദർശനം വളരെ രഹസ്യമായി സൂക്ഷിച്ചിരുന്നതിനാൽ പൊതുജനങ്ങൾക്ക് അതേക്കുറിച്ച്…

മോഹൻ ഭാഗവതിന്റെ ന്യൂയോർക്കിലെ പരിപാടിക്ക് മുന്നോടിയായി അമേരിക്കൻ ഹിന്ദുസ് ഫോർ എൻഗേജ്മെന്റ് ആൻഡ് ഡയലോഗിന്റെ എക്സ് അക്കൗണ്ട് താൽക്കാലികമായി അടച്ചുപൂട്ടി. സംഭവവുമായി ബന്ധപ്പെട്ട വിവാദങ്ങൾ യുഎസിൽ തുടരുകയാണ്. ന്യൂയോര്‍ക്ക്: രാഷ്ട്രീയ സ്വയംസേവക സംഘം (ആർഎസ്എസ്) മേധാവി മോഹൻ ഭഗവതിന്റെ ന്യൂയോർക്ക് പരിപാടിയുമായി ബന്ധപ്പെട്ട് വിവാദങ്ങൾ രൂക്ഷമാകുന്നു. പരിപാടിയുടെ സംഘാടകരായ അമേരിക്കൻ ഹിന്ദുസ് ഫോർ എൻഗേജ്‌മെന്റ് ആൻഡ് ഡയലോഗിന്റെ (എഎച്ച്ഇഡി ഫോറം) എക്സ് അക്കൗണ്ട് നഷ്ടപ്പെട്ടു. അക്കൗണ്ട് സസ്‌പെൻഡ് ചെയ്തത് ഒരു തെറ്റായിരിക്കാം എന്ന് സംഘടന പറയുന്നു. ന്യൂയോർക്ക് മേയർ സൊഹ്‌റാൻ മംദാനി പരിപാടിയെ എതിർക്കുന്നുണ്ടെങ്കിലും, ഒരു സ്വകാര്യ പരിപാടി റദ്ദാക്കാനുള്ള അധികാരം നഗരത്തിനില്ലെന്ന് പറഞ്ഞു. തങ്ങളുടെ എക്സ് അക്കൗണ്ട് താൽക്കാലികമായി നിർത്തിവച്ചത് തെറ്റിദ്ധാരണയുടെ പേരിലായിരിക്കാമെന്ന് എഎച്ച്ഇഎഡി ഫോറം ഒരു പ്രസ്താവനയിൽ പറഞ്ഞു. വ്യത്യസ്ത മതങ്ങളും സംസ്കാരങ്ങളും തമ്മിലുള്ള സമാധാനം, ഐക്യം, മതാന്തര പോസിറ്റീവ് സംവാദം എന്നിവ പ്രോത്സാഹിപ്പിക്കുക…

ഡാളസ്: വെട്ടിയാർ പാലൊലിൽ കുടുംബാംഗവും പരേതനായ ജോൺ മാത്യുവിന്റെ ഭാര്യയുമായ ചിന്നമ്മ ജോൺ ആഗസ്ത് 27 വ്യാഴാഴ്ച രാവിലെ ഡാളസ്സിൽ അന്തരിച്ചു . ഷാരോൺ ഫെല്ലോഷിപ്പ് മുൻ പാസ്റ്റർ പി. ജി. ഡാനിയേലിന്റെ സഹോദരിയാണ്. മക്കൾ: ജോളി വില്യം ജേക്കബ് ജോൺ ജോസഫ് ജോൺ (എല്ലാവരും ഡാളസ്) മരുമക്കൾ: വില്യം ജോർജ് ബേബി ജോൺ സുനി ജോസഫ് സംസ്കാര ചടങ്ങുകൾ പിന്നീട് നടക്കും. വിശദവിവരങ്ങൾ അറിയിക്കുന്നതാണ്. കൂടുതൽ വിവരങ്ങൾക്ക് വില്യം ജോർജ് 469 441 0726

കസവുടുപ്പും രാജവേഷവും ആരോഗ്യവടിവും ഇനി ഒരു ക്ലിക്കിന്റെ അകലം; ആഘോഷങ്ങളെ പുതുക്കുന്ന കൃത്രിമബുദ്ധിയുടെ ചിരിയും ചിന്തയും കഴിഞ്ഞ ഏതാനും ദിവസങ്ങളായി ഇൻസ്റ്റാഗ്രാമും ഫേസ്ബുക്കും വാട്ട്‌സ്ആപ്പ് സ്റ്റാറ്റസുകളും എടുത്തു നോക്കിയവർ ഒന്നടങ്കം അത്ഭുതപ്പെട്ടു കാണും. “ഇതെന്താ നമ്മുടെ നാട് പെട്ടെന്ന് സിനിമാ താരങ്ങളുടെയും ബോഡി ബിൽഡർമാരുടെയും നാടായി മാറിയോ?” എന്ന് സംശയിച്ചെങ്കിൽ തെറ്റുപറയാനാകില്ല. കാരണം, ഈ ഓണത്തിന് മലയാളി പങ്കുവെച്ച ആശംസാ ചിത്രങ്ങളിലും വീഡിയോകളിലും കണ്ടത് ഒന്നൊന്നര ഫിറ്റ്‌നസ് ഉള്ള, രാജകീയ ലുക്കിലുള്ള ആളുകളെയാണ്! ഈ വർഷത്തെ ഓണത്തിന് മലയാളികൾക്കിടയിൽ ഒരു അപൂർവ ആരോഗ്യവിപ്ലവം നടന്നു. ഓണത്തിന് മലയാളികൾക്കൊക്കെ സിക്‌സ് പാക്ക്! പണ്ടൊക്കെ ഇതുപോലൊരു രാജകീയ ലുക്കിൽ, അഴളളളവുകളുള്ള ശരീരത്തോടെ, മികച്ച ലൈറ്റിംഗും കോസ്റ്റ്യൂമും ഒക്കെ ഒപ്പിച്ചു ഫോട്ടോയെടുക്കാൻ വൻ തുക മുടക്കേണ്ടിയിരുന്നു. വൻകിട സിനിമകളുടെ പ്രൊമോ വീഡിയോകളും മോഡലുകളുടെ ഹൈ-പെയ്ഡ് ഫോട്ടോഷൂട്ടുകളും കണ്ടു “ഹാ! എനിക്കും ഇതുപോലെ…

ചിക്കാഗോ: ചിക്കാഗോ ഒഹെയർ അന്താരാഷ്ട്ര വിമാനത്താവളത്തിൽ ടേക്ക് ഓഫിനായി റൺവേയിലേക്ക് നീങ്ങുന്നതിനിടെ അമേരിക്കൻ എയർലൈൻസ് വിമാനത്തിന്റെ രണ്ട് ടയറുകൾ പൊട്ടിത്തെറിച്ചു. ബുധനാഴ്ച ഉച്ചയ്ക്ക് നോർത്ത് കരോളിനയിലെ ഷാർലറ്റിലേക്ക് പുറപ്പെടേണ്ടിയിരുന്ന ബോയിംഗ് 737 (ഫ്ലൈറ്റ് 3280) വിമാനത്തിനാണ് അപകടമുണ്ടായത്. വിമാനത്തിലുണ്ടായിരുന്ന യാത്രക്കാരെ അടിയന്തരമായി ബസുകളിൽ ടെർമിനലിലേക്ക് സുരക്ഷിതമായി മാറ്റി. തുടർന്ന് മറ്റൊരു വിമാനത്തിലാണ് യാത്രക്കാരെ ലക്ഷ്യസ്ഥാനത്ത് എത്തിച്ചത്. സംഭവത്തിൽ ആളപായമില്ല. ഈ മാസം മാത്രം ചിക്കാഗോ വിമാനത്താവളത്തിൽ റിപ്പോർട്ട് ചെയ്യപ്പെടുന്ന അഞ്ചാമത്തെ ടയർ അപകടമാണിത്. സംഭവത്തെക്കുറിച്ച് ഫെഡറൽ ഏവിയേഷൻ അഡ്മിനിസ്ട്രേഷൻ (FAA) അന്വേഷണം ആരംഭിച്ചു.