Author: .

കണ്ണൂര്‍: ഓണാഘോഷങ്ങളുടെ ഭാഗമായി, സംസ്ഥാന ടൂറിസം വകുപ്പും കണ്ണൂർ ജില്ലാ ടൂറിസം പ്രമോഷൻ കൗൺസിലും സംയുക്തമായി സംഘടിപ്പിക്കുന്ന ജില്ലാതല ഓണം വാരാചരണം ഓഗസ്റ്റ് 24 മുതൽ 30 വരെ കണ്ണൂർ കളക്ടറേറ്റ് മൈതാനത്ത് നടക്കുമെന്ന് എംഎൽഎ ടി ഒ മോഹനൻ പത്രസമ്മേളനത്തിൽ പ്രഖ്യാപിച്ചു. കല, സംഗീതം, വിനോദം, പാരമ്പര്യം എന്നിവ സംഗമിക്കുന്ന ഈ ഉത്സവ വേദിയിൽ കുടുംബസമേതം ആസ്വദിക്കാൻ വൈവിധ്യമാർന്ന പരിപാടികൾ ഒരുക്കിയിട്ടുണ്ടെന്ന് അദ്ദേഹം പറഞ്ഞു. ഓണാഘോഷം 2026-ന്റെ ഔദ്യോഗിക ഉദ്ഘാടനം കേരള വൈദ്യുതി വകുപ്പ് മന്ത്രി സണ്ണി ജോസഫ് നാളെ (ആഗസ്റ്റ് 24) വൈകിട്ട് 6.30 മണിക്ക് നിര്‍വഹിക്കും. ചടങ്ങില്‍ അഡ്വ. ടി.ഒ. മോഹനന്‍ എം.എല്‍.എ. അധ്യക്ഷത വഹിക്കും. കെ. സുധാകരന്‍ എംപി, മേയര്‍ ശ്രീമതി. പി. ഇന്ദിര, ജനപ്രതിനിധികള്‍ തുടങ്ങിയവര്‍ പങ്കെടുക്കും. ജില്ലാ കളക്ടര്‍ പി വിഷ്ണു രാജ് സ്വാഗതം ആശംസിക്കും. എല്ലാ ദിവസവും…

ന്യൂയോർക്ക്: എൻഡോസൾഫാൻ ബാധിതരായ ഭിന്നശേഷിക്കാരുടെയും മറ്റ് ഭിന്നശേഷി കുട്ടികളുടേയും ഉന്നമനത്തിനും പുനരധി വാസത്തിനുമായി മജീഷ്യൻ പ്രൊഫ. ഗോപിനാഥ് മുതുകാടിന്റെ ഡിഫറൻറ് ആർട്സ് സെന്റർ (DAC) കാസർഗോഡ് ആരംഭിക്കുന്ന പുതിയ പ്രൊജക്ടിന്റെ ധനശേഖരണാർധം നടത്തുന്ന എംക്യൂബ് (MCUBE – Magic – Melody – Mission) മാജിക്-മെലഡി-മിഷൻ സ്റ്റേജ് പ്രോഗ്രാം ന്യൂയോർക്ക് ക്വീൻസ്ബൊറോ കമ്മ്യൂണിറ്റി കോളേജ് ഓഡിറ്റോറിയത്തിൽ (Queensborough Community College, 222-05 56th Avenue, Bayside, New York 11364) സെപ്റ്റംബർ 6 ഞായറാഴ്ച വൈകിട്ട് 5:30-ന് അരങ്ങേറുന്നു. പ്രസ്തുത സ്‌റ്റേജ് ഷോ പരിപാടിയിൽ പങ്കെടുക്കുന്നതിന് ലോക പ്രശസ്‌ത മാന്ത്രികനും ഇന്റർനാഷണൽ മജിഷ്യൻസ് സൊസൈറ്റി (International Magicians Society – IMS) സ്ഥാപകനുമായ ടോണി ഹസ്സിനി താത്പര്യം പ്രകടിപ്പിച്ചിരിക്കുന്നു. ലോസാഞ്ചലസിൽ താമസക്കാരനായ ടോണി ഹസ്സിനി മുതുകാടിന്റെ ഭിന്നശേഷിക്കാർക്കായുള്ള പ്രോജക്ടിനെപ്പറ്റി മനസ്സിലാക്കി അതിന് എല്ലാ പിന്തുണയും നൽകുന്നതിനാണ് ന്യൂയോർക്കിലെ…

കേരളത്തിലായാലും പ്രവാസ ലോകത്തിലായാലും നമ്മുടെ ഗൃഹാതുരത്വത്തെ ഇത്രമേൽ തൊട്ടുണർത്തുന്ന മറ്റൊരാഘോഷവും മലയാളിക്കില്ലാ എന്നത് ശ്രദ്ധേയമാണ്! മനുഷ്യൻ തീർത്ത മതിൽക്കെട്ടുകൾക്കെല്ലാം അപ്പുറത്ത് ഹൃദയസമന്വയത്തിന്‍റെ ഒരു ആത്മീയത യാത്രയായി ഓരോ ഓണവും ആഘോഷിക്കുന്നു. ഞാനെന്നും നീയെന്നുമുള്ള അകലങ്ങളും, അത് തീർക്കുന്ന അതിരുകളും ക്രമേണ ഇല്ലാതെയാകുന്നു എന്നതാണ് ഓണാഘോഷങ്ങളുടെ പൈതൃകം. ദേശീയഉത്സവം എന്നതിലുപരി മനുഷ്യനിലെ ആത്മീയദര്ശങ്ങളെ വേരൂട്ടി വളർത്തുന്ന നല്ല അനുഭവങ്ങൾ എന്നും മലയാളിക്ക് പ്രദാനം ചെയ്തിട്ടുണ്ട്. അസുരരാജാവായ മഹാബലിയുടെയും വാമനന്‍റെയും പുരാണപ്രസിദ്ധമായ കഥ ഓണാഘോഷങ്ങൾക്ക് വിശേഷപ്പെട്ട ഒരു മിത്തുകൂടിയാണ്.. പുരാതനകാലത്തെ ഒളിഞ്ഞും തെളിഞ്ഞും കാണപ്പെടുന്ന ഒട്ടേറെ ആചാരങ്ങളും അനുഷ്ഠാനങ്ങളും ഓണാഘോഷങ്ങളിലൂടെ തെളിമപ്പെടുന്നു. മാവേലി തമ്പുരാൻ നാടിന്‍റെ ഐശ്വര്യം ദർശിക്കുവാൻ വിരുന്നെത്തുന്നത് ഭൂമിയുടെ ആഴങ്ങളിൽ നിന്നാണ്. ഭൂമിയുടെ മടിത്തട്ടിലാണ് സമൃദ്ധിയുടെ സ്വർഗ്ഗം എന്ന പ്രകൃത്യാവബോധം നമ്മളിൽ തട്ടി ഉണർത്തുന്ന അവസരങ്ങളാണ് ഓണാഘോഷങ്ങളിൽ തെളിഞ്ഞു കാണുന്നത്. പോസിറ്റീവ് ആയ ചിന്തകൾ മനസ്സുകളിൽ പ്രതിഫലിക്കുന്ന…

ഗ്രാന്റ് പ്രെയറി: ടെക്സസ് സംസ്ഥാനത്തുള്ള ഗ്രാന്റ് പ്രെയറിയിൽ കനത്ത ചൂടിനിടെ ഒരു വാണിജ്യ മേഖലയിൽ നിർത്തിയിട്ടിരുന്ന മുപ്പതോളം കാറുകൾക്ക് തീപിടിച്ചു. ഞായറാഴ്ച വൈകുന്നേരം 3:45ഓടെയാണ് സംഭവം. ഈസ്റ്റ് അവന്യൂ ജെയിലെ ഒരു കെട്ടിടത്തിന്റെ പിൻവശത്തെ പാർക്കിങ് ലോട്ടിലാണ് തീപിടിത്തമുണ്ടായത്. വിവരമറിഞ്ഞെത്തിയ ഫയർഫോഴ്സ് ഉദ്യോഗസ്ഥർ തീയണയ്ക്കുകയും സമീപ പ്രദേശങ്ങളിലേക്ക് പടരുന്നത് തടയുകയും ചെയ്തു. സംഭവത്തിൽ ആളപായമൊന്നും റിപ്പോർട്ട് ചെയ്തിട്ടില്ലെങ്കിലും തീപിടിത്തത്തിന്റെ കാരണം വ്യക്തമല്ല. അധികൃതർ അന്വേഷണം ആരംഭിച്ചിട്ടുണ്ട്.

ഇല്ലിനോയ്‌ : 2024-ൽ  ഇല്ലിനോയിസിൽ വീട്ടിൽ അതിക്രമിച്ചുകയറാൻ ശ്രമിച്ചയാളെക്കുറിച്ച് പരാതിപ്പെടാൻ 911-ൽ വിളിച്ച സോണിയ മാസി (36) എന്ന കറുത്തവർഗ്ഗക്കാരിയായ സ്ത്രീയെ വെടിവെച്ചുകൊന്ന കേസിൽ ശിക്ഷ അനുഭവിക്കുകയായിരുന്ന മുൻ ഷെരീഫ് ഡെപ്യൂട്ടി ഷീൻ ഗ്രേസൺ (32) ഇന്ന്മരിച്ചു. രണ്ടാം ഘട്ട കൊലപാതകക്കുറ്റത്തിന് 20 വർഷത്തെ തടവുശിക്ഷ അനുഭവിച്ചു വരികയായിരുന്ന ഗ്രേസൺ, ശിക്ഷാകാലാവധിയുടെ ആറാം മാസത്തിലാണ് മരണപ്പെടുന്നത്. മരണ വിവരം കുടുംബാംഗങ്ങൾ സ്ഥിരീകരിച്ചു വൻ പ്രതിഷേധങ്ങൾക്കും നിയമപരിഷ്കാരങ്ങൾക്കും വഴിവെച്ച ഈ സംഭവത്തിൽ, 2023 മുതൽ സ്റ്റേജ് 3 വൻകുടൽ കാൻസറിന് ചികിത്സയിലായിരുന്ന ഗ്രേസണ് പിന്നീട് രോഗം മൂർച്ഛിച്ചിരുന്നു. എന്നാൽ മരണകാരണം കാൻസർ തന്നെയാണോ എന്നത് ഔദ്യോഗികമായി സ്ഥിരീകരിച്ചിട്ടില്ല. മുൻപ് ഇയാൾ നൽകിയ പരോൾ അപേക്ഷ അധികൃതർ തള്ളിയിരുന്നു.