Author: .

ധാക്ക: പ്രധാനമന്ത്രി ഷെയ്ഖ് ഹസീന ഇന്ത്യയിലേക്ക് പലായനം ചെയ്യാനുണ്ടായ ബംഗ്ലാദേശിലെ അക്രമം ഗുരുതരമായ മറ്റൊരു തലത്തിലേക്ക് നീങ്ങി. അത് സർക്കാർ ഉദ്യോഗസ്ഥരെയും പൊതുപ്രവർത്തകരെയും ജഡ്ജിമാരെയും സൈന്യത്തെയും പോലും ബാധിച്ചു തുടങ്ങി. അടുത്തിടെ ഗോപാൽഗഞ്ച് മേഖലയിൽ സൈനിക വാഹനത്തിന് നേരെ ഏറ്റുമുട്ടൽ ഉണ്ടായി. സംഭവത്തിൽ സൈനിക ഉദ്യോഗസ്ഥർ, മാധ്യമ പ്രവർത്തകർ, പ്രദേശവാസികൾ എന്നിവരുൾപ്പെടെ 15 പേർക്ക് പരിക്കേറ്റു. ശനിയാഴ്ച വൈകീട്ട് നാലോടെയുണ്ടായ അക്രമത്തിനിടെ പരിക്കേറ്റവരിൽ രണ്ടുപേർക്ക് വെടിയേറ്റതായാണ് റിപ്പോർട്ട്. മുൻ പ്രധാനമന്ത്രി ഷെയ്ഖ് ഹസീനയെ തിരിച്ചു കൊണ്ടുവരണമെന്ന് ആവശ്യപ്പെട്ട് ആയിരക്കണക്കിന് അവാമി ലീഗ് അനുഭാവികൾ തെരുവിലിറങ്ങിയതോടെയാണ് അക്രമം പൊട്ടിപ്പുറപ്പെട്ടത്. സമരക്കാരെ പിരിച്ചുവിടാൻ സൈനികർ ശ്രമിച്ചതോടെ സംഘർഷം രൂക്ഷമായി. ധാക്ക-ഖുൽന ഹൈവേ ഉപരോധിച്ച പ്രതിഷേധക്കാരോട് റോഡ് വിട്ടുപോകാന്‍ ആവശ്യപ്പെട്ടപ്പോൾ സൈനിക ഉദ്യോഗസ്ഥർക്ക് നേരെ ഇഷ്ടിക എറിയാൻ തുടങ്ങി. സൈനികർ ബാറ്റൺ ഉപയോഗിച്ചാണ് പ്രതികരിച്ചത്, പക്ഷേ സ്ഥിതിഗതികൾ പെട്ടെന്ന് നിയന്ത്രണാതീതമായി. ജനക്കൂട്ടം…

ധാക്ക : സർക്കാർ വിരുദ്ധ പ്രതിഷേധങ്ങൾക്കിടയിൽ ഓഗസ്റ്റ് 5 ന് രാജ്യം വിടുന്നതിന് മുമ്പ് ഷെയ്ഖ് ഹസീന ബംഗ്ലാദേശ് പ്രധാനമന്ത്രിസ്ഥാനം ഔദ്യോഗികമായി രാജിവച്ചില്ലെന്ന് മകൻ സജീബ് വസേദ് ജോയ് ശനിയാഴ്ച ഒരു മാധ്യമത്തോട് പറഞ്ഞു. “എൻ്റെ അമ്മ ഒരിക്കലും ഔദ്യോഗികമായി രാജിവച്ചിട്ടില്ല. അവര്‍ക്ക് അതിന് സമയം ലഭിച്ചില്ല,”സജീബ് വാസെദ് ജോയ് വാഷിംഗ്ടണിൽ നിന്ന് മാധ്യമങ്ങളോട് പറഞ്ഞു. “ഒരു പ്രസ്താവന നടത്താനും രാജി സമർപ്പിക്കാനും അവര്‍ പദ്ധതിയിട്ടിരുന്നു. എന്നാൽ, പിന്നീട് പ്രതിഷേധക്കാർ പ്രധാനമന്ത്രിയുടെ വസതിയിലേക്ക് മാർച്ച് ചെയ്യാൻ തുടങ്ങി. പിന്നെ സമയമില്ലായിരുന്നു. എൻ്റെ അമ്മ പാക്ക് പോലും ചെയ്തിരുന്നില്ല. ഭരണഘടനയനുസരിച്ച്, അവർ ഇപ്പോഴും ബംഗ്ലാദേശിൻ്റെ പ്രധാനമന്ത്രിയാണ്, ” അദ്ദേഹം പറഞ്ഞു. നിയമ നിർവ്വഹണ ഏജൻസികളുമായുള്ള ഏറ്റുമുട്ടലിൽ 200-ലധികം പേർ കൊല്ലപ്പെട്ടതിനെത്തുടർന്ന് വൻതോതിലുള്ള സർക്കാർ വിരുദ്ധ പ്രതിഷേധങ്ങളെത്തുടർന്ന് ഷെയ്ഖ് ഹസീന ഓഗസ്റ്റ് 5 ന് ഇന്ത്യയിലേക്ക് പലായനം ചെയ്തു. സർക്കാർ…

ന്യൂയോർക്ക്: ഫ്ലോറൽപാർക്ക്-ബല്ലെറോസ് ഇന്ത്യൻ മെർച്ചൻറ്സ് അസ്സോസ്സിയേഷൻ (F-BIMA) കഴിഞ്ഞ എട്ട് വർഷമായി ഇന്ത്യൻ സ്വാതന്ത്ര്യ ദിനത്തോടനുബന്ധിച്ച് നടത്തിവരുന്ന ഇന്ത്യാ ഡേ പരേഡിന്റെ ഒമ്പതാമത് പരേഡ് ഈ മാസം 17 ശനിയാഴ്ച ഉച്ചക്ക് 1 മണി മുതൽ നടത്തപ്പെടുന്നു. ഫ്ലോറൽപാർക്കിലെ ഹിൽസൈഡ് അവന്യൂ റോഡിൽ ലാങ്‌ഡെയിൽ സ്ട്രീറ്റ് (268th Street) മുതൽ 249 സ്ട്രീറ്റ് വരെയാണ് പരേഡ് നടത്തപ്പെടുന്നത്. ഒമ്പതാമത് ഇന്ത്യ ഡേ പരേഡിനുള്ള ഒരുക്കങ്ങളെല്ലാം പൂർത്തി ആയതായി പരേഡ് കമ്മറ്റി ചെയർമാൻ ഹേമന്ത് ഷാ, വൈസ് ചെയർമാൻ കോശി തോമസ്, F-BIMA പ്രസിഡൻറ് ഡിൻസിൽ ജോർജ്, വൈസ് പ്രസിഡൻറ് മേരി ഫിലിപ്പ് എന്നിവർ സംയുക്തമായി പ്രസ്താവിച്ചു. കഴിഞ്ഞ വർഷങ്ങളിൽ നടത്തിയതിനേക്കാൾ വളരെ വിപുലമായാണ് ഇത്തവണ പരേഡിൻറെ ക്രമീകരണങ്ങൾ ചെയ്തിരിക്കുന്നത്. ധാരാളം ഫ്ലോട്ടുകൾ സ്പോൺസർ ചെയ്യുവാൻ സന്നദ്ധമായി കൂടുതൽ സംഘടനകളും വ്യാപാര സ്ഥാപനങ്ങളും തയ്യാറായി എത്തിയിട്ടുണ്ട്. കഴിഞ്ഞ വർഷങ്ങളിൽ…

ന്യൂയോർക് :നിർണായക ബ്ലൂ വാൾ സംസ്ഥാനങ്ങളിൽ(മിഷിഗൺ, പെൻസിൽവാനിയ, വിസ്കോൺസിൻ) ഹാരിസ് ലീഡ് ചെയ്യുന്നു,ശനിയാഴ്ച പ്രസിദ്ധീകരിച്ച പുതിയ സർവേയിൽ പങ്കെടുത്ത ഭൂരിപക്ഷം വോട്ടർമാരും ട്രംപിനെക്കാൾ അവർക്ക് വോട്ട് ചെയ്യുമെന്നും അവർ  സത്യസന്ധയും മിടുക്കിയും  ഭരിക്കാൻ യോഗ്യയുമാണെന്ന് കരുതുന്നുവെന്നും പറഞ്ഞു.ന്യൂയോര്‍ക്ക് ടൈംസ്/ സിയാന കോളജ് നടത്തിയ വോട്ടെടുപ്പിലാണ് കമലയുടെ മുന്നേറ്റം ചൂണ്ടിക്കാണിക്കുന്നത് ആഗസ്റ്റ് 5 മുതൽ 9 വരെ നടന്ന വോട്ടെടുപ്പിൽ മിഷിഗൺ, പെൻസിൽവാനിയ, വിസ്കോൺസിൻ എന്നിവിടങ്ങളിലെ വോട്ടർമാരോട് ഹാരിസിനോടും ട്രംപിനോടുമുള്ള മനോഭാവത്തെക്കുറിച്ച് ചോദിച്ചറിഞ്ഞു. ഇന്ന് തിരഞ്ഞെടുപ്പ് നടന്നാൽ ആർക്ക് വോട്ട് ചെയ്യുമെന്ന് ചോദിച്ചപ്പോൾ, ട്രംപിൻ്റെ 46 ശതമാനത്തിന് 50 ശതമാനം പിന്തുണ ഹാരിസിന് ലഭിച്ചു.. ഈ വര്‍ഷമാദ്യം പെന്‍സില്‍വാനിയയില്‍ നടത്തിയ രണ്ട് വ്യത്യസ്ത ന്യൂയോര്‍ക്ക് ടൈംസ്/ സിയാന  സര്‍വേകളില്‍ ട്രംപിന് 48 ശതമാനം വോട്ട് ലഭിച്ചപ്പോള്‍ ബൈഡന് 45 ശതമാനം വോട്ടായിരുന്നു കിട്ടിയത്. ഈ ആഴ്ച വിസ്‌കോണ്‍സിന്‍, മിഷിഗണ്‍…

ഒന്റാരിയോ: കാനഡയിലെ തൃശൂർ ജില്ലക്കാരുടെ കൂട്ടായ്മയായ ‘തൃശൂർ ഗഡീസ് ഇൻ കാനഡ’ യുടെ ആദ്യ സമാഗമം ഗഡീസ് പിക്‌നിക് 2024 ആഗസ്റ്റ് 4ാം തിയ്യതി ഞായറാഴ്ച, ഒൻ്റാരിയോ പ്രൊവിൻസിലെ മിൽട്ടൻ സ്പോർട്സ് സെൻ്ററിലെ കമ്മ്യുണിറ്റി പാർക്കിൽ വച്ച് സംഘടിപ്പിച്ചു. ഈ സംഗമത്തിൽ, കാനഡയിലെ വിവിധ പ്രൊവിൻസുകളിലും പ്രദേശങ്ങളിലും ഉള്ള, തൃശൂർ സ്വദേശികളായ 200 ൽ പരം ആളുകൾ പങ്കെടുത്തു. അംഗങ്ങളുടെ കലാ-കായിക മത്സരങ്ങൾക്ക് പുറമെ, ആഘോഷങ്ങൾക്ക് മാറ്റ് കൂട്ടാനായി ചെണ്ട മേളവും അരങ്ങേറി. രുചികരമായ നാടൻ ഭക്ഷ്യ വിരുന്നിന് ശേഷം മത്സര വിജയികൾക്കും പങ്കെടുത്തവർക്കും സ്നേഹ സമ്മാനങ്ങളും വിതരണം ചെയ്തു. റിയൽറ്റർ ഹംദി അബ്ബാസ് ചോല, ഗോപിനാഥൻ പൊന്മനാടിയിൽ (രുദ്രാക്ഷ രത്ന) തുടങ്ങിയവരായിരുന്നു മുഖ്യ പ്രായോജകർ. തൃശൂരിൻ്റെ സാംസ്കാരിക പൈതൃകത്തിന്റെ പെരുമ നിലനിർത്തുന്നതിനും സൗഹാർദ്ദത്തിൻ്റെയും സാഹോദര്യത്തിൻ്റെയും സ്നേഹ സന്ദേശങ്ങൾ പടർത്തുന്നതിനും തൃശൂർ ഗഡീസ് കൂട്ടായ്മ പ്രതിജ്ഞാബദ്ധരാണെന്ന് സംഘാടകർ…

ഡാളസ് : കേരള അസോസിയേഷൻ ഓഫ് ഡാളസ് ,ഇന്ത്യ കൾച്ചറൽ & എഡ്യൂക്കേഷൻ സെൻ്റർ സംയുക്തമായി സ്കൂൾ സപ്ലൈ ഡ്രൈവ് സംഘടിപ്പിച്ചു. ജൂലൈ 20 – ആഗസ്ത് 10 വരെ അംഗങ്ങളിൽ നിന്നും ശേഖരിച്ച  വാട്ടർ ബോട്ടിലുകൾ , ബൈൻഡറുകൾ, നോട്ട്ബുക്കുകൾ, ക്രയോൺസ്, ഡിവൈഡർ ടാബുകൾ (കോളേജ് / വൈഡ് ലീഫുകൾ, റൂൾഡ് ലീഫുകൾ) പേനകൾ (കോളേജ്/വൈഡ്-റൂൾ), പേപ്പർ ക്ലിപ്പുകൾ, പെൻസിലുകൾ, ഹൈലൈറ്ററുകൾ, പെൻസിൽ കേസ്, കോമ്പോസിഷൻ ബുക്കുകൾ, ഷാർപ്പി മാർക്കറുകൾ, ലഞ്ച് ബാഗുകൾ എന്നിവയുടെ വാൻ ശേഖരം മെസ്‌ക്വിറ്റിലുള്ള സാം റഥർഫോർഡ് എലിമെൻ്ററി സ്കൂൾ അധിക്രതരെ ഏല്പിച്ചു ആഗസ്ത് 10  ശനിയാഴ്ച രാവിലെ പതിനൊന്നിന് കേരള അസോസിയേഷൻ ഓഫീസിൽ  സംഘടിപ്പിച്ച ലളിതമായ ചടങ്ങിൽ സോഷ്യൽ സർവീസ് ഡയറക്‌ടർ ജെയ്‌സി ജോർജ്ജ് സാം റഥർഫോർഡ് എലിമെൻ്ററി സ്കൂൾ  സ്റ്റുഡന്റ്  സക്സ്സസർ ഡോ ബ്രിയാന്ന ബ്രൂസ്‍സിനയെ ഏല്പിച്ചു. ഡാളസിലെ…

ധാക്ക: ബംഗ്ലാദേശിലെ ജനങ്ങളുടെ അക്രമാസക്തമായ പ്രതിഷേധത്തെ തുടർന്ന് പ്രധാനമന്ത്രി ഷെയ്ഖ് ഹസീനയ്ക്ക് രാജ്യം വിടേണ്ടിവന്നതിനു പിറകെ, ഇപ്പോൾ ബംഗ്ലാദേശ് സുപ്രീം കോടതി ചീഫ് ജസ്റ്റിസ് ഒബൈദുൽ ഹസനെ ലക്ഷ്യമിട്ട് പ്രതിഷേധക്കാര്‍. ഇന്ന് രാവിലെ സുപ്രീം കോടതി പരിസരം വളഞ്ഞ പ്രതിഷേധക്കാർ ചീഫ് ജസ്റ്റിസിനും മറ്റ് ജഡ്ജിമാർക്കും രാജി വെയ്ക്കാന്‍ പ്രാദേശിക സമയം ഉച്ചയ്ക്ക് ഒരു മണി വരെ സമയം നല്‍കിയിരിക്കുകയാണ്. പ്രസിഡൻ്റ് മുഹമ്മദ് ഷഹാബുദ്ദീനുമായുള്ള ചർച്ചയ്ക്ക് ശേഷം വൈകുന്നേരത്തോടെ ചീഫ് ജസ്റ്റിസ് ഒബൈദുൽ ഹസൻ രാജിവെച്ചേക്കുമെന്നാണ് പുറത്തുവരുന്ന വാര്‍ത്തകള്‍. പ്രതിഷേധക്കാർ സുപ്രീം കോടതി സമുച്ചയം വളഞ്ഞപ്പോഴാണ് അദ്ദേഹം ഇക്കാര്യം അറിയിച്ചത്. ഈ ജഡ്ജിമാർ രാജിവച്ചില്ലെങ്കിൽ അവരുടെ വീടുകൾ വളയുമെന്നും അവരെ പിടികൂടുമെന്നും സമരക്കാർ ഭീഷണിപ്പെടുത്തിയതായി മാധ്യമങ്ങൾ റിപ്പോർട്ട് ചെയ്യുന്നു. ഇന്ന് രാവിലെ 10.30 മുതൽ നൂറുകണക്കിന് പ്രതിഷേധക്കാർ സുപ്രീം കോടതി പരിസരത്ത് തടിച്ചുകൂടാൻ തുടങ്ങി. നിരവധി വിദ്യാർത്ഥികളും…