Author: .

തിരുവനന്തപുരം: ലോകോത്തര അക്കാദമിക് കേന്ദ്രങ്ങളെ കേരളത്തിലേക്കെത്തിക്കുക എന്നതാണ് യുഡി‌എഫ് സര്‍ക്കാരിന്റെ ലക്ഷ്യമെന്ന് മുഖ്യമന്ത്രി വി ഡി സതീശൻ പറഞ്ഞു. ഇന്ന് (ജൂണ്‍ 1 തിങ്കളാഴ്ച) രാവിലെ തിരുവനന്തപുരം പട്ടം ഗവൺമെന്റ് മോഡൽ ഗേൾസ് ഹയർ സെക്കൻഡറി സ്കൂളിൽ സംസ്ഥാനതല സ്കൂൾ പ്രവേശനോത്സവം (സ്കൂൾ പുനരാരംഭിക്കൽ ഉത്സവം) ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. “വിദ്യാഭ്യാസത്തിന്റെ ഒരു ലക്ഷ്യസ്ഥാനമായി കേരളം മാറണം. വിദേശത്ത് നിന്ന് വിദ്യാർത്ഥികൾ പഠിക്കാൻ വരുന്ന മികച്ച വിദ്യാഭ്യാസ സ്ഥാപനങ്ങളും കോഴ്സുകളും സംസ്ഥാനത്ത് യാഥാർത്ഥ്യമാക്കുമെന്ന് ഞാൻ നിങ്ങൾക്ക് വാഗ്ദാനം ചെയ്യുന്നു. ഇവിടുത്തെ വിദ്യാർത്ഥികൾക്കും ഉന്നത വിദ്യാഭ്യാസത്തിനായി പുറത്തേക്ക് പോകേണ്ട ആവശ്യമുണ്ടാകുകയില്ല,” വിദ്യാർത്ഥികളും അദ്ധ്യാപകരും ജനപ്രതിനിധികളും പങ്കെടുത്ത സമ്മേളനത്തിൽ അദ്ദേഹം പറഞ്ഞു. ശാസ്ത്രബോധം പ്രോത്സാഹിപ്പിക്കുന്നതിനായി സംസ്ഥാനത്ത് കൂടുതൽ കേന്ദ്രങ്ങൾ ആരംഭിക്കുമെന്ന് മുഖ്യമന്ത്രി പ്രഖ്യാപിച്ചു. ശാസ്ത്രബോധത്തിന്റെ വക്താവായിരുന്ന ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്‌റുവിന്റെ പേരിലായിരിക്കും അവ അറിയപ്പെടുന്നതെന്നും അദ്ദേഹം…

കാസാബ്ലാങ്കാ ഫിലിം ഫാക്ടറി വിതരണം ചെയ്യുന്ന പുതിയ തമിഴ് റൊമാന്റിക് കോമഡി ചിത്രമായ തൊലൈവിൽ ഒരു കാതൽ ഇപ്പോൾ വാച്ചോ ഒടിടിയിൽ റിലീസ് ചെയ്തു. പ്രണയത്തിനും നർമ്മത്തിനും തുല്യ പ്രാധാന്യം നല്കിയൊരുക്കിയ ചിത്രം സംവിധാനം ചെയ്തിരിക്കുന്നത് വിജയാനന്ദ് കന്ദസ്വാമിയാണ്. അഴഗുരാജ പ്രൊഡക്ഷൻസിന്റെ ബാനറിൽ നിർമ്മിച്ച ചിത്രത്തിൽ യോഗേഷ് രാജേന്ദ്രൻ, വസുദ കൃഷ്ണമൂർത്തി, യോഗ വിഗ്നേഷ് സുരത്തി, വൈഷ്ണവി ഭാസ്കരൻ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സിനിമയുടെ ഭൂരിഭാഗവും ചിത്രീകരിച്ചിരിക്കുന്നത് അമേരിക്കയിലാണ്. അമേരിക്കയിലെ തമിഴ് സംരംഭകർ നടത്തുന്ന ഒരു ടെക് കമ്പനിയുടെ പശ്ചാത്തലത്തിൽ പ്രണയവും നർമ്മവും ഇടകലർത്തി അവതരിപ്പിച്ച ചിത്രത്തിന് നിലവിൽ മികച്ച പ്രേക്ഷക സ്വീകാര്യതയാണ് ലഭിക്കുന്നത്. സിനിമയുടെ ഡിജിറ്റൽ വിതരണ ചുമതല നിർവഹിക്കുന്നത് നിർമൽ ബേബി വർഗീസിന്റെ കാസാബ്ലാങ്കാ ഫിലിം ഫാക്ടറിയാണ്. വരും ദിവസങ്ങളിൽ ചിത്രം കൂടുതൽ ഒടിടി പ്ലാറ്റ്ഫോമുകളിൽ ചിത്രത്തിന്റെ സ്ട്രീമിംഗ് തുടങ്ങുമെന്നും കാസാബ്ലാങ്കാ ഫിലിം…

അറ്റ്‌ലാന്റ (ജോര്‍ജിയ): വിവാഹം കഴിഞ്ഞ് മണിക്കൂറുകൾക്കകം വരനും പൈലറ്റും കൊല്ലപ്പെട്ട ഹെലികോപ്റ്റർ അപകടത്തിന്റെ ഞെട്ടലിൽ നിന്ന് അറ്റ്ലാന്റയിലെ മലയാളികൾ ഇതുവരെ മുക്തരായിട്ടില്ല. വെള്ളിയാഴ്ച രാത്രി 10.30 നാണ് ഞെട്ടിക്കുന്ന സംഭവം നടന്നത്. മോശം കാലാവസ്ഥയെ തുടർന്ന് ദമ്പതികൾ സഞ്ചരിച്ചിരുന്ന ഹെലികോപ്റ്റർ തകർന്നു വീഴുകയായിരുന്നു. മൂവാറ്റുപുഴ കടുവാക്കുഴി സ്വദേശി ജോർജ് ഫിജിയുടെയും ഫെബയുടെയും മകൻ ഡേവ് ഫിജിയാണ് അപകടത്തില്‍ മരിച്ചത്. തലവടി ചുടുക്കാട്ടിൽ ജെസവിൻ വില്ലയിൽ സാം ഉമ്മൻ-ഷീല സാം ദമ്പതികളുടെ മകളായ വധു ജെസ്‌നി നിലവില്‍ ആശുപത്രിയില്‍ ചികിത്സയിലാണ്. ഡെൽറ്റ എയർലൈൻസിൽ പൈലറ്റായിരുന്ന ഡേവും നഴ്‌സായ ജെസ്‌നിയും കഴിഞ്ഞ വെള്ളിയാഴ്ചയാണ് വിവാഹിതരായത്. വിവാഹ പാർട്ടിക്ക് തിരഞ്ഞെടുത്ത വാഹനം റോബിൻസൺ R66 അഞ്ച് സീറ്റർ ടർബൈൻ ലൈറ്റ്‌വെയ്റ്റ് ഹെലികോപ്റ്ററായിരുന്നു. ജോർജിയയിലെ ചാംബ്ലിയിലുള്ള ഡെകാൽബ് പീച്ച്‌ട്രീ വിമാനത്താവളത്തിലേക്ക് പുറപ്പെട്ട ഹെലികോപ്റ്റർ വിവാഹ വേദിയായ ഡോസൺ വില്ലയ്ക്ക് സമീപമാണ് തകർന്നു വീണത്.…

ന്യൂവർക്ക് (ന്യൂജേഴ്‌സി): ഡെലാനി ഹാൾ ഇമിഗ്രേഷൻ തടങ്കൽ കേന്ദ്രത്തിന് പുറത്ത് തുടർച്ചയായ രണ്ടാം രാത്രിയിലും പ്രതിഷേധക്കാരും ന്യൂജേഴ്‌സി സ്റ്റേറ്റ് പൊലീസും തമ്മിൽ ശക്തമായ ഏറ്റുമുട്ടലുണ്ടായി. ബാരിക്കേഡുകൾ തകർത്ത പ്രതിഷേധക്കൂട്ടത്തിന് നേരെ പൊലീസ് കണ്ണീർവാതകം പ്രയോഗിച്ചു. തടങ്കൽ കേന്ദ്രത്തിനുള്ളിലെ മോശം സാഹചര്യങ്ങൾക്കെതിരെ ഇമിഗ്രേഷൻ വിരുദ്ധ ഗ്രൂപ്പുകളും അനുകൂലികളും തമ്മിൽ ശനിയാഴ്ച പകൽ വലിയ പ്രതിഷേധ പ്രകടനങ്ങൾ നടന്നിരുന്നു. തുടർന്ന് രാത്രിയോടെ സ്ഥിതിഗതികൾ നിയന്ത്രണാതീതമായി. ആയുധങ്ങളുമായി ചിലരെ പൊലീസ് അറസ്റ്റ് ചെയ്ത പശ്ചാത്തലത്തിൽ, പൊതുജനസുരക്ഷ മുൻനിർത്തി തടങ്കൽ കേന്ദ്രത്തിന് ചുറ്റുമുള്ള അര മൈൽ പരിധിയിൽ രാത്രികാല കർഫ്യൂ (രാത്രി 9 മുതൽ പുലർച്ചെ 6 വരെ) പ്രഖ്യാപിച്ചു. ന്യൂവർക്ക് മേയർ റാസ് ജെ. ബരാക്ക. ശനിയാഴ്ച രാത്രിയോടെയാണ് മേയർ ഈ കർശന ഉത്തരവ് പുറപ്പെടുവിച്ചത് . സമാധാനപരമായി പ്രതിഷേധിക്കാൻ ഗവർണർ ജനങ്ങളോട് ആവശ്യപ്പെട്ടിട്ടുണ്ട്.

ന്യൂയോർക്ക്: മലങ്കര ഓർത്തഡോക്സ് സഭ നോർത്ത് ഈസ്റ്റ് അമേരിക്കൻ ഭദ്രാസന വാർഷിക ഫാമിലി ആൻഡ് യൂത്ത് കോൺഫറൻസിന്റെ രജിസ്ട്രേഷന് ടാപ്പൻ സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോൿസ് ദേവാലയത്തിൽ ഉജ്വല തുടക്കം. 2026 ജൂലൈ 15 മുതൽ 18 വരെ പെൻസിൽവേനിയയിലെ ലാങ്കസ്റ്ററിലാണ്   കോൺഫറൻസ് സംഘടിപ്പിച്ചിരിക്കുന്നത് . “കൃപയുടെ പാത്രങ്ങൾ” എന്നതാണ് ചിന്താ വിഷയം. (2 തിമോത്തി 2:20-22 – എന്നാൽ ഒരു വലിയ വീട്ടിൽ പൊന്നും വെള്ളിയും കൊണ്ടുള്ള സാമാനങ്ങൾ മാത്രമല്ല, മരവും മണ്ണുംകൊണ്ടുള്ളവയും ഉണ്ടു; ചിലതു മാന്യകാര്യത്തിന്നും ചിലതു ഹീനകാര്യത്തിന്നും ഉപയോഗിക്കുന്നു. ഇവയെ വിട്ടകന്നു തന്നെത്താൻ വെടിപ്പാക്കുന്നവൻ വിശുദ്ധവും ഉടമസ്ഥന്നു ഉപയോഗവുമായി നല്ല വേലെക്കു ഒക്കെയും ഒരുങ്ങിയിരിക്കുന്ന വിശിഷ്ട പാത്രം ആയിരിക്കും അതുകൊണ്ട് യൗവനമോഹങ്ങളെ വിട്ടോടുക; എന്നാൽ ശുദ്ധഹൃദയത്തിൽ നിന്ന് കർത്താവിനെ വിളിച്ചപേക്ഷിക്കുന്നവരോടു കൂടെ നീതിയും വിശ്വാസവും സ്നേഹവും സമാധാനവും പിന്തുടരുക).…

ഡാളസ്: ഡാളസ് സ്കൂൾ ഓഫ് തിയോളജി അലുംനി അസോസിയേഷന്റെ (Dallas School of Theology Alumni Association) വാർഷിക പൊതുയോഗം ഭക്തിനിർഭരമായ അന്തരീക്ഷത്തിൽ വിജയകരമായി സംഘടിപ്പിച്ചു. 2026 മേയ് 31 ഞായറാഴ്ച വൈകുന്നേരം 5:00 മണി മുതൽ 7:00 മണി വരെ റിച്ചാർഡ്സൺ ഗ്രേസ് ക്രിസ്ത്യൻ അസംബ്ലി ചർച്ചിലായിരുന്നു സമ്മേളനം. “സേവനത്തിനായി വിളിക്കപ്പെട്ടവർ: ക്രിസ്തീയ ശുശ്രൂഷയിലെ ആഹ്വാനങ്ങളും വെല്ലുവിളികളും” (“Called to Serve: The Call and Challenges of Christian Ministry”) എന്നതായിരുന്നു ഈ വർഷത്തെ മുഖ്യ ചിന്താവിഷയം. പാസ്റ്റർ മാത്യു സാമുവൽ അധ്യക്ഷത വഹിച്ച യോഗം ബ്രദർ ജോൺസൺ സാമുവലിന്റെ പ്രാരംഭ പ്രാർത്ഥനയോടെയാണ് ആരംഭിച്ചത്. പാസ്റ്റർ ജസ്റ്റിൻ വർഗീസ് ആരാധനയ്ക്ക് നേതൃത്വം നൽകി. ബ്രദർ ബാബു സൈമൺ യോഗത്തിൽ പങ്കെടുത്തവർക്ക് സ്വാഗതമാശംസിക്കുകയും സമ്മേളനത്തിന്റെ ലക്ഷ്യങ്ങളെക്കുറിച്ച് ആമുഖ പ്രഭാഷണം നടത്തുകയും ചെയ്തു. തുടർന്ന് നടന്ന സെമിനാറിൽ…