Author: ??? ??????

ലോകമെമ്പാടുമുള്ള ജി ഐ സി അംഗങ്ങളുടെയും വിശിഷ്ട വ്യക്തികളുടെയും ആവേശകരമായ പങ്കാളിത്തത്തോടെ ഗ്ലോബൽ ഇന്ത്യൻ കൗൺസിൽ (ജിഐസി) ഇന്ത്യയുടെ 77-മത് റിപ്പബ്ലിക് ദിനം വെർച്വലായി ആഘോഷിച്ചു. ലോകമെമ്പാടുമുള്ള ഇന്ത്യൻ പ്രവാസികളുടെ  ഐക്യത്തിന്റെയും, ദേശസ്‌നേഹത്തിന്റെയും, സാംസ്കാരിക അഭിമാനത്തിന്റെയും ആത്മാവിനെ പ്രതിഫലിപ്പിക്കുന്നതായിരുന്നു ഈ പരിപാടി. പരിപാടി മുഴുവൻ ചാരുതയോടും പ്രൊഫഷണലിസത്തോടും കൂടി കൈകാര്യം ചെയ്യുന്നതിൽ തന്റെ അസാധാരണമായ കഴിവ് വീണ്ടും പ്രകടിപ്പിച്ച എംസി കോമൾ ആണ് പരിപാടിക്ക് നേതൃത്വം നൽകിയത്. സാബു വർഗീസ് ആലപിച്ച ഇന്ത്യൻ ദേശീയ ഗാനവും ഇമ്മാനുവൽ വർഗീസ് ആലപിച്ച അമേരിക്കൻ ദേശീയ ഗാനവും ദേശസ്‌നേഹത്തിന്റെ ഒരു ഭാവത്തോടെയാണ് ആഘോഷം ആരംഭിച്ചത്. പ്രഗത്ഭനായ മിനിസ്‌ക്രീൻ നടനും ഗായകനുമായ സാബു വർഗീസ്, ആത്മാർത്ഥമായ ദേശസ്‌നേഹ ഗാനങ്ങളാൽ സദസ്സിനെ കൂടുതൽ ഊർജ്ജസ്വലരാക്കി. കേരളത്തിലെ എപിജെ അബ്ദുൾ കലാം ടെക്‌നോളജിക്കൽ യൂണിവേഴ്‌സിറ്റി വൈസ് ചാൻസലർ പ്രൊഫ. ഡോ. സിസ തോമസിനെ മുഖ്യാതിഥിയായി…

ഒക്ലഹോമ: ഒക്ലഹോമയിൽ നിലനിൽക്കുന്ന രൂക്ഷമായ അധ്യാപക ക്ഷാമം നേരിടാൻ ‘എമർജൻസി സർട്ടിഫൈഡ്’ അധ്യാപകരുടെ എണ്ണം വർധിപ്പിക്കുന്നു. കഴിഞ്ഞ അഞ്ച് വർഷത്തിനിടെ 20,000-ത്തിലധികം പേരെയാണ് ഇത്തരത്തിൽ നിയമിച്ചത്. അധ്യാപനത്തിൽ പൂർണ്ണമായ ലൈസൻസ് ഇല്ലാത്തവർക്കും നിശ്ചിത യോഗ്യതയുണ്ടെങ്കിൽ ക്ലാസുകളിൽ പഠിപ്പിക്കാൻ അനുമതി നൽകുന്ന രീതിയാണിത്. ബിരുദവും, ക്രിമിനൽ പശ്ചാത്തല പരിശോധനയും, പ്രത്യേക വിഷയത്തിലുള്ള പരീക്ഷയും പാസായാൽ ഇവർക്ക് താൽക്കാലികമായി പഠിപ്പിക്കാം. ഇത്തരം അധ്യാപകർക്ക് പിന്നീട് പൂർണ്ണ യോഗ്യത നേടുന്നതിനായി പ്രത്യേക പരിശീലന പരിപാടികൾ ഒക്ലഹോമ സിറ്റി പബ്ലിക് സ്കൂൾസ് (OKCPS) നടപ്പിലാക്കുന്നുണ്ട്. സാമൂഹിക പ്രവർത്തകയായിരുന്ന ജൂഡിത്ത് ഹൂർത്ത ഇത്തരത്തിൽ അധ്യാപനത്തിലേക്ക് വരികയും പിന്നീട് മാസ്റ്റേഴ്സ് ബിരുദം പൂർത്തിയാക്കി പൂർണ്ണ യോഗ്യത നേടുകയും ചെയ്തു. നിലവിൽ മികച്ച രീതിയിൽ ഇംഗ്ലീഷ് പഠിപ്പിക്കുന്ന അവർ ഭാവിയിൽ സ്കൂൾ പ്രിൻസിപ്പാളാകാൻ തയ്യാറെടുക്കുകയാണ്. മികച്ച സ്വഭാവഗുണമുള്ളവർ അധ്യാപനത്തിലേക്ക് വരുന്നത് കുട്ടികൾക്ക് ഗുണകരമാണെന്നും, അവർക്ക് ആവശ്യമായ എല്ലാ…

വടക്കാങ്ങര : സ്വതന്ത്ര ഇന്ത്യയുടെ 77ആം റിപ്പബ്ലിക് ദിനത്തോടനുബന്ധിച്ച് രക്ഷിതാക്കൾക്ക് വൈവിധ്യമാർന്ന മത്സരങ്ങൾ ഒരുക്കി വടക്കാങ്ങര ടാലന്റ് പബ്ലിക് സ്കൂൾ. സ്കൂൾ പി.ടി.എയുടെ നേതൃത്വത്തിലാണ്  പുതുമയാർന്ന പരിപാടികളോടെ സ്കൂളിൽ പാരന്റ് സംഗമത്തിന് വേദിയായത്. ഇന്ത്യൻ സ്വാതന്ത്ര്യ സമരത്തെ ആസ്പദമാക്കിയ ക്വിസ് മത്സരം സദസ്സിന് വേറിട്ട അനുഭവമായി. തങ്ങൾ മുമ്പ് പഠിച്ച പലതും ഓർത്തെടുക്കാൻ മത്സരം സഹായിച്ചതായി രക്ഷിതാക്കൾ അഭിപ്രായപ്പെട്ടു. ക്വിസ് മത്സരത്തിന് ഹിസ്റ്ററി വിഭാഗം ഹെഡ് രജീഷ് നേതൃത്വം നൽകി.  അമ്മമാർക്കായി നടത്തിയ മാസ്റ്റർ ഷെഫ് പാരന്റ് മത്സരം ആസ്വാദനത്തിന്റെ പുതിയ രുചിക്കൂട്ടുകൾക്ക് വേദിയായി.  രക്ഷിതാക്കളുടെ സാന്നിധ്യം കൊണ്ട് ശ്രദ്ധേയമായ ക്വിസ് മത്സരത്തിൽ യഥാക്രമം ബാസിമ കെ, ജാബിർ കെ ഒന്നും രണ്ടും സ്ഥാനങ്ങൾ കരസ്ഥമാക്കി. മാസ്റ്റർ ഷെഫ് പാരന്റ് മത്സരങ്ങൾക്ക് താം ഹോട്ടൽ ആൻഡ് റിസോർട്ടസ് എൽ എൽ പി കോർപ്പറേറ്റ് ഷെഫ് മക്സത്ത് ഖാൻ നേതൃത്വം…

കോഴിക്കോട്: ദീപക് എന്ന യുവാവിന്റെ ആത്മഹത്യയുമായി ബന്ധപ്പെട്ട് ഗൂഢാലോചനാ കുറ്റം ചുമത്തി അറസ്റ്റിലായ ഷിംജിത എന്ന യുവതിയുടെ ജാമ്യാപേക്ഷ കോടതി തള്ളി. കോഴിക്കോട് കുന്നമംഗലം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് ഇന്ന് (ജനുവരി 27 ചൊവ്വ) ഷിംജിത മുസ്തഫയുടെ ജാമ്യാപേക്ഷ തള്ളിയത്. ഈ മാസം ആദ്യം കണ്ണൂരിൽ വെച്ചാണ് ഓടുന്ന ബസിൽ തന്നെ ലൈംഗികമായി ദുരുപയോഗം ചെയ്തുവെന്ന് ആരോപിച്ച് വീഡിയോ ചിത്രീകരിച്ച് സമൂഹ മാധ്യമങ്ങളില്‍ ഷിംജിത പ്രചരിപ്പിച്ചത്. തുടര്‍ന്ന് സെയിൽസ്മാൻ യു. ദീപക് ആത്മഹത്യ ചെയ്യുകയായിരുന്നു. കേസിൽ അന്വേഷണം പുരോഗമിക്കുകയാണെന്നും, പ്രതിയെ വിട്ടയക്കുന്നത് തെളിവുകൾ നശിപ്പിക്കുന്നതിനും സാക്ഷികളെ സ്വാധീനിക്കുന്നതിനും ഇടയാക്കുമെന്ന പ്രോസിക്യൂഷന്റെ വാദത്തോട് മജിസ്ട്രേറ്റ് എം. ആതിര യോജിച്ചു. കൂടാതെ, അന്വേഷണ ഉദ്യോഗസ്ഥർ അവരുടെ മൊബൈൽ ഫോണിന്റെ ഫോറൻസിക് വിശകലനം നടത്തേണ്ടതുണ്ട്. ഷിംജിതയ്ക്ക് ദീപക്കിനെ മുമ്പ് പരിചയമുണ്ടായിരുന്നില്ലെന്നതുൾപ്പെടെയുള്ള പ്രതിഭാഗം അഭിഭാഷകന്റെ വാദങ്ങൾ കോടതി അംഗീകരിക്കാൻ വിസമ്മതിച്ചു.…

മലയാള സിനിമയുടെ വിസ്മയങ്ങളായ മമ്മൂട്ടിയും മോഹൻലാലും ചേർന്ന് അനൗൺസ് ചെയ്ത ‘കൂടോത്രം’ എന്ന ചിത്രത്തിൻ്റെ ഫസ്റ്റ് ലുക്ക് മലയാളത്തിന്റെ ലേഡി സൂപ്പർസ്റ്റാർ മഞ്ജുവാര്യറും പ്രശസ്ത ഛായാഗ്രാഹകരായ ജോമോൻ ടി. ജോൺ, ജിംഷി ഖാലിദ്, ഷൈജു ഖാലിദ്, സുജിത് വാസുദേവ്, ആനന്ദ് സി. ചന്ദ്രൻ എന്നിവരും ചിത്രത്തിന്റെ ഫസ്റ്റ് ലുക്ക് പോസ്റ്റർ സോഷ്യൽ മിഡിയയിലൂടെ ഡിജിറ്റൽ പുറത്തിറക്കി. ഹൊറർ, മിസ്റ്ററി, ഫാമിലി ഡ്രാമ എന്നീ മൂന്ന് ജോണറുകളെ കൂട്ടിയിണക്കി എത്തുന്ന ഈ ചിത്രം സിനിമാ പ്രേമികൾക്കിടയിൽ വലിയ ചർച്ചയായി മാറിക്കഴിഞ്ഞു. ഇടുക്കിയുടെ മനോഹരമായ ഗ്രാമീണ പശ്ചാത്തലത്തിലാണ് ചിത്രം ഒരുങ്ങുന്നത്. പച്ചപ്പും കോടമഞ്ഞും നിറഞ്ഞ ഇടുക്കിയുടെ ഭംഗിക്കൊപ്പം ഭയത്തിൻ്റെയും കൗതുകത്തിൻ്റെയും നിഴൽ വീഴ്ത്തുന്നതാകും ചിത്രത്തിൻ്റെ പ്രമേയം എന്നാണ് ഫസ്റ്റ് ലുക്ക് നൽകുന്ന സൂചന. നടൻ ബൈജു ഏഴുപുന്ന സംവിധായകനാകുന്ന ചിത്രത്തിന് തിരക്കഥ ഒരുക്കിയിരിക്കുന്നത് സന്തോഷ് ഇടുക്കി ആണ്. സാൻജോ പ്രൊഡക്ഷൻസിൻ്റെ…

കോഴിക്കോട്: വ്ലോഗര്‍ ഷിംജിത മുസ്തഫയെ ബസില്‍ വെച്ച് പീഡിപ്പിച്ചെന്ന് വരുത്തിത്തീര്‍ത്ത് വീഡിയോ ചിത്രീകരിച്ച് സമൂഹ മാധ്യമങ്ങളില്‍ പ്രചരിപ്പിച്ചതിനെത്തുടര്‍ന്ന് ഗോവിന്ദപുരം സ്വദേശി ദീപക് ആത്മഹത്യ ചെയ്ത കേസുമായി ബന്ധപ്പെട്ട് റിമാൻഡിലായ ഷിംജിതയുടെ ജാമ്യ ഹര്‍ജിയില്‍ കുന്നമംഗലം മജിസ്ട്രേറ്റ് കോടതി ഇന്ന് വിധി പറയും. വടകര സ്വദേശിനിയായ ഷിംജിത മുസ്തഫ (35) ക്കെതിരെ ആത്മഹത്യാ പ്രേരണാ കുറ്റം ചുമത്തിയാണ് പോലീസ് കേസെടുത്തത്. ബസിൽ നിന്ന് ഒരു വീഡിയോ ചിത്രീകരിച്ച് സോഷ്യൽ മീഡിയയിൽ അപ്‌ലോഡ് ചെയ്ത ഷിംജിത, ബസ്സില്‍ വെച്ച് ഒരാൾ തന്നെ ലൈംഗികമായി പീഡിപ്പിച്ചുവെന്ന് ആരോപിച്ചാണ് വീഡിയോ പ്രചരിപ്പിച്ചത്, ആ വ്യക്തി ദീപക് എന്ന യുവാവാണെന്ന് തിരിച്ചറിഞ്ഞു. വീഡിയോ വൈറലായതോടെ കടുത്ത മനോവിഷമത്തിലായ ദീപക് തന്റെ സുഹൃത്തുക്കളോട് നിരപരാധിത്വം പ്രഖ്യാപിക്കുകയും അപമാനം മൂലം ആത്മഹത്യ ചെയ്യുകയും ചെയ്തു. ജാമ്യം അനുവദിച്ചാൽ പ്രതി സാക്ഷികളെ സ്വാധീനിക്കുമെന്ന് പോലീസ് കോടതിയെ അറിയിച്ചിട്ടുണ്ട്. കേസിന്റെ…