Author: ആന്‍സി വര്‍ഗീസ്

ബാങ്കോക്കിലെ ഭൂകമ്പത്തിൽ നിർമ്മാണത്തിലിരുന്ന 33 നില കെട്ടിടം പൂർണ്ണമായും തകർന്നു, 17 പേർ കൊല്ലപ്പെടുകയും ഡസൻ കണക്കിന് തൊഴിലാളികളെ കാണാതാവുകയും ചെയ്തു. ഈ കെട്ടിടം നിർമ്മിച്ച ചൈനീസ് കമ്പനിയെക്കുറിച്ച് ചോദ്യങ്ങൾ ഉയരുന്നുണ്ട്. ഗുണനിലവാരമില്ലാത്ത നിർമ്മാണ വസ്തുക്കളാണോ ഈ അപകടത്തിന് കാരണമായത്? അന്വേഷണത്തിന് ശേഷം സത്യം പുറത്തുവരുമെന്ന് പ്രതീക്ഷിക്കുന്നു. മ്യാൻമറിൽ 7.7 തീവ്രത രേഖപ്പെടുത്തിയ ഭൂകമ്പം തായ്‌ലൻഡിലും വൻ നാശത്തിന് കാരണമായി. ബാങ്കോക്കിൽ നിർമ്മാണത്തിലിരുന്ന 33 നില കെട്ടിടം നിമിഷങ്ങൾക്കുള്ളിൽ തകർന്നുവീണു. ഈ അപകടത്തിൽ ഇതുവരെ 17 പേർ മരിച്ചു, 32 പേർക്ക് പരിക്കേറ്റു, 83 തൊഴിലാളികളെ കാണാതായി. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവർക്കായി രക്ഷാപ്രവർത്തകർ തിരച്ചിൽ നടത്തുന്നുണ്ട്, കുറഞ്ഞത് 15 പേരെങ്കിലും ജീവനോടെയുണ്ടാകുമെന്ന് പ്രതീക്ഷിക്കുന്നു. പക്ഷേ ചോദ്യം ഈ കെട്ടിടം എങ്ങനെ തകർന്നു എന്നതാണ്, ഈ അപകടത്തിന് പിന്നിൽ ഒരു ചൈനീസ് കമ്പനിയുടെ അശ്രദ്ധയാണോ? ഭൂകമ്പത്തിൽ പൂർണ്ണമായും തകർന്ന ബാങ്കോക്കിലെ…

ഡാളസ്‌: മാർത്തോമ യൂത്ത് ചാപ്ലിൻസി മിനിസ്ട്രിയുടെ ഭാഗമായി മാർത്തോമ യൂത്ത് ഫെല്ലോഷിപ്പ് അംഗങ്ങൾ പട്ടണത്തിന് വിവിധ ഭാഗങ്ങളിലായി ഭവനരഹിതരായി കഴിയുന്നവർക്ക് ഭക്ഷണവുമായി കടന്നുചെന്ന് ക്രിസ്തു സ്നേഹ സന്ദേശം പകരുന്നു. ഡാളസ് ക്രോസ്‌വേ മാർത്തോമ ഇടവക വികാരിയും, ഡാളസ്‌ യൂത്ത് ചാപ്ലയിനുമായ റവ. എബ്രഹാം കുരുവിളയുടെ (മനു അച്ചൻ) നേതൃത്വത്തിലാണ് ക്രമീകരണങ്ങൾ പുരോഗമിക്കുന്നത്. “ഐസായ കോഡ്” എന്ന പേരിലാണ് അച്ചൻറെ നേതൃത്വത്തിൽ ഡാളസിൽ ശ്രുശൂഷ നടത്തപ്പെടുന്നത്. “വിശപ്പുള്ളവന് നിൻറെ അപ്പം നുറുക്കി കൊടുക്കുന്നതും, അലഞ്ഞു നടക്കുന്ന സാധുക്കളെ നിൻറെ വീട്ടിൽ ചേർത്തു കൊള്ളുന്നതും, നഗ്നനെ കണ്ടാൽ അവനെ ഉടുപ്പിക്കുന്നതും, നിൻറെ മാംസ രക്തങ്ങൾ ആയിരിക്കുന്നവർക്ക് നിന്നെ തന്നെ മറക്കാതിരിക്കാനും അല്ലയോ എനിക്ക് ഇഷ്ടമുള്ള ഉപവാസം” യെശയ്യാവ് പ്രവാചകൻറെ പുസ്തകം അമ്പത്തിയെട്ടാം അധ്യായം ഏഴാം വാക്യമാണ് തങ്ങൾക്ക് ഈ ശുശ്രൂഷയ്ക്ക് പ്രചോദനം നൽകിയതെന്ന് യൂത്ത് ഫെല്ലോഷിപ്പ് അംഗങ്ങൾ അഭിപ്രായപ്പെട്ടു. ഈ…

ചിക്കാഗോ: ബെൻസൻവിൽ തിരുഹൃദയ ക്നാനായ കത്തോലിക്കാ ഫൊറോന ദൈവാലയത്തിലെ ഈ വർഷത്തെ നോമ്പുകാല വാർഷിക ധ്യാനം മാർച്ച് 28 മുതൽ 30 വരെ ഭക്തിനിർഭരമായി നടത്തപ്പെട്ടു. കോഴിക്കോട് രൂപതാദ്ധ്യക്ഷൻ മാർ വർഗീസ് ചക്കാലയ്ക്കലാണ് ഈ ധ്യാനത്തിന് നേതൃത്വം നൽകിയത്. ചിക്കാഗോ രൂപതാദ്ധ്യക്ഷൻ മാർ ജോയി ആലപ്പാട്ട് ആമുഖ സന്ദേശം നൽകി തിരി തെളിച്ച് ധ്യാനത്തിന് തുടക്കം കുറിച്ചു. മെയ് 28 വെളളിയാഴ്ച രാവിലെ 9 മണിക്ക് കുർബാനയോടെ ആരംഭിച്ച ധ്യാനം മാർച്ച് 30 ഞായറാഴ്ച വൈകുന്നേരം 4 മണിക്ക് അവസാനിച്ചു. ശനി, ഞായർ ദിവസങ്ങളിൽ കാർമ്മലൈറ്റ് സിസ്റ്റേഴ്സിന്റെ നേതൃത്വത്തിൽ വിശ്വാസ പരിശീലനത്തിൽ ഏർപ്പെട്ടിരിക്കുന്ന കുട്ടികൾക്കും പ്രത്യേകം ധ്യാനം നടത്തപ്പെട്ടു. ഇടവകയുടെ കൈക്കാരന്മാരായ തോമസ് നെടുവാമ്പുഴ, മത്തിയാസ് പുല്ലാപ്പള്ളിൽ, സാബു മുത്തോലം, ജെൻസൻ ഐക്കരപ്പറമ്പിൽ, കിഷോർ കണ്ണാല എന്നിവരാണ് ധ്യാനത്തിൻറെ ക്രമീകരണങ്ങൾ നടത്തിയത്.

വാഷിംഗ്ടണ്‍: ലോകമെമ്പാടുമുള്ള ബിസിനസ് തന്ത്രങ്ങൾക്കും കഠിനമായ തീരുമാനങ്ങൾക്കും പേരുകേട്ട ടെസ്‌ല, സ്‌പേസ് എക്‌സ് ഉടമ എലോൺ മസ്‌ക് പ്രതിസന്ധിയെ നേരിടുകയാണ്. യുഎസ് ഗവൺമെന്റിന്റെ ‘ഡിപ്പാർട്ട്‌മെന്റ് ഓഫ് ഗവൺമെന്റ് എഫിഷ്യൻസി’ (DOGE) യുടെ തലവൻ എന്ന നിലയിലുള്ള അദ്ദേഹത്തിന്റെ പങ്കിനെക്കുറിച്ച് പല കോണുകളില്‍ നിന്നും ചോദ്യങ്ങൾ ഉയർന്നുവന്നുകൊണ്ടിരിക്കുകയാണ്. അദ്ദേഹം ഉടൻ തന്നെ ഈ സ്ഥാനത്ത് നിന്ന് പടിയിറങ്ങിയേക്കുമെന്ന് അഭ്യൂഹമുണ്ട്. സർക്കാർ ചെലവുകൾ വെട്ടിക്കുറയ്ക്കുന്നതിൽ തനിക്ക് മടുപ്പുണ്ടെന്ന് മസ്‌ക് അടുത്തിടെ ഒരു അഭിമുഖത്തിൽ സൂചിപ്പിച്ചിരുന്നു. അദ്ദേഹത്തിന്റെ പ്രസ്താവനയ്ക്ക് ശേഷം, തന്റെ സ്ഥാനം രാജിവച്ചേക്കുമെന്ന് ഊഹാപോഹങ്ങൾ പരക്കുന്നുണ്ട്. സർക്കാർ ചെലവുകൾ വെട്ടിക്കുറയ്ക്കുന്നതിന് ഉത്തരവാദിയായ ഡോഗ് (DOGE) തലവനായി പ്രസിഡന്റ് ഡൊണാൾഡ് ട്രംപാണ് മസ്കിനെ പ്രത്യേക ഉപദേഷ്ടാവായി നിയമിച്ചത്. അദ്ദേഹത്തിന്റെ നയങ്ങൾ കാരണം ഏകദേശം 95,000 സർക്കാർ ജീവനക്കാർക്ക് ജോലി നഷ്ടപ്പെട്ടു. എന്നാല്‍, പിരിച്ചുവിടലുകളുടെ ആഘാതം മസ്‌ക് കുറച്ചു കാണുകയും സർക്കാരിനെ ശക്തിപ്പെടുത്തേണ്ടത്…

സിൽവർ സ്പ്രിംഗ്, മേരിലൻഡ് – സിൽവർ സ്പ്രിംഗിലുള്ള സെയിന്റ് തോമസ് ഓർത്തഡോക്സ് ഇടവക , മാർച്ച് 23 ന് നോർത്ത് ഈസ്റ്റ് അമേരിക്കൻ ഭദ്രാസന ഫാമിലി/ യൂത്ത് കോൺഫറൻസിന്റെ കിക്കോഫ് പരിപാടിക്ക് വേദിയായി. കുർബാന ശുശ്രൂഷയ്ക്ക് ശേഷം, വികാരി ഫാ. റെജി ചാക്കോ, കോൺഫറൻസ് ടീമിനെ ഊഷ്മളമായി സ്വാഗതം ചെയ്തു. ഫാമിലി കോൺഫറൻസിന്റെ ആത്മീയവും സാമൂഹികവുമായ മൂല്യം എടുത്തുപറഞ്ഞുകൊണ്ട് എല്ലാവരും രജിസ്റ്റർ ചെയ്യാനും പങ്കെടുക്കാനും ഫാ. റെജി ചാക്കോ പ്രോത്സാഹിപ്പിച്ചു. കോൺഫറൻസ് ട്രഷറർ ജോൺ താമരവേലിൽ കോൺഫറൻസ് ടീമിനെ പരിചയപ്പെടുത്തുകയും കോൺഫറൻസിന്റെ വിശദാംശങ്ങൾ പങ്കുവെക്കുകയും ചെയ്തു. രജിസ്ട്രേഷൻ പ്രക്രിയയുടെ ഒരു അവലോകനം അദ്ദേഹം നൽകുകയും ഭദ്രാസനത്തിലെ കുടുംബങ്ങളുടെ ആത്മീയ ഉണർവിന് കോൺഫറൻസിന്റെ പ്രാധാന്യം എടുത്തുകാണിക്കുകയും ചെയ്തു. അസിസ്റ്റന്റ് ട്രഷറർ ലിസ് പോത്തൻ, കോൺഫറൻസിന്റെ വേദി, തീയതി, മുഖ്യ ചിന്താവിഷയം എന്നിവയെക്കുറിച്ചുള്ള പ്രധാന വിവരങ്ങൾ പങ്കുവച്ചു. സമ്മേളനത്തിൽ സെഷനുകളും…

നാഷ്‌വിൽ (ടെന്നസി): കേരള അസ്സോസിയേഷൻ ഓഫ് നാഷ്‌വിൽ (KAN) വിവിധ കലാരൂപങ്ങളെ കോർത്തിണക്കി ആദ്യമായി സംഘടിപ്പിച്ച ‘കാൻ കലോത്സവം 2025’ സംഘടനാ മികവുകൊണ്ടും, അവതരണ തികവുകൊണ്ടും വളരെ ശ്രദ്ധേയമായി. ഈ കലാ-സാംസ്കാരിക മഹോത്സവത്തിൽ നൃത്തം, സംഗീതം, സാഹിത്യ രചന, നാടകം എന്നിവ ഉൾപ്പെട്ട വൈവിധ്യമാർന്ന പരിപാടികൾ അരങ്ങേറി. മുൻവർഷത്തെ ഓണപരിപാടിയിൽ കഴിവ് തെളിയിച്ച ഇരുപതോളം കുട്ടികൾ ചേർന്നായിരുന്നു ഭരണസമിതി അംഗങ്ങളുടെ സാന്നിധ്യത്തിൽ കാൻ കലോത്സവത്തിനു തിരി തെളിയിച്ചത്. കാൻ പ്രസിഡന്റ് ശ്രീ.ഷിബു പിള്ള അധ്യക്ഷത വഹിച്ച ഉദ്‌ഘാടന സമ്മേളനത്തിൽ, വൈസ് പ്രസിഡന്റ് ശങ്കർ മന സ്വാഗതവും , സെക്രട്ടറി സുശീല സോമരാജൻ നന്ദിയും രേഖപ്പെടുത്തി. നാഷ്‌വില്ലിലെ സംഗീത കൂട്ടായ്മയായ നാദം മ്യൂസിക്കൽസ് വിവിധ വാദ്യമേളത്തിന്റെ അകമ്പടിയോടെ അവതരിപ്പിച്ച സംഗീത സദ്യ പങ്കെടുത്തവർക്ക് നല്ലൊരു അനുഭവം സമ്മാനിച്ചു. പഴയതും പുതിയതും ആയ ഒട്ടേറെ ഗാനങ്ങൾ ഡ്രമ്സ്, ഗിറ്റാർ, തബല,…