റോം: തന്റെ അത്ഭുത ശക്തികളാൽ ആളുകളെ സുഖപ്പെടുത്തുന്ന ഫ്രാൻസിസ് മാർപാപ്പ ഗുരുതരാവസ്ഥയിലാണ്. ഒരാഴ്ചയായി ബ്രോങ്കൈറ്റിസ് ബാധിച്ചതിനെ തുടർന്ന് വെള്ളിയാഴ്ചയാണ് ഫ്രാൻസിസ് മാർപാപ്പയെ റോമിലെ ജെമെല്ലി ആശുപത്രിയിൽ പ്രവേശിപ്പിച്ചത്. സങ്കീർണ്ണമായ ശ്വാസകോശ സംബന്ധമായ അണുബാധയെത്തുടർന്ന് ഡോക്ടർമാർ ഫ്രാൻസിസ് മാർപാപ്പയുടെ ചികിത്സ രണ്ടാമതും മാറ്റിയതായി വത്തിക്കാൻ തിങ്കളാഴ്ച അറിയിച്ചു. അദ്ദേഹം ഇപ്പോൾ ആശുപത്രിയിൽ തന്നെ തുടരും. 88 കാരനായ പോപ്പിന് പോളിമൈക്രോബയൽ ശ്വസന അണുബാധയുണ്ടെന്ന് അടുത്തിടെ നടത്തിയ പരിശോധനകളിലും തിങ്കളാഴ്ച നടത്തിയ പരിശോധനകളിലും തെളിഞ്ഞതായി വത്തിക്കാൻ വക്താവ് മാറ്റിയോ ബ്രൂണി പറഞ്ഞു. വൈറസുകൾ, ബാക്ടീരിയകൾ, ഫംഗസുകൾ, പരാദങ്ങൾ എന്നിവയുടെ ഒരേസമയം സാന്നിധ്യം മൂലമാണ് പോളിമൈക്രോബയൽ രോഗങ്ങൾ ഉണ്ടാകുന്നത്. മാർപാപ്പയെ എപ്പോൾ ആശുപത്രിയിൽ നിന്ന് ഡിസ്ചാർജ് ചെയ്യുമെന്ന് ഇതുവരെ വിവരം ലഭിച്ചിട്ടില്ല. എന്നാൽ, അദ്ദേഹത്തിന്റെ ആരോഗ്യനില തൃപ്തികരമാണെന്നും തിങ്കളാഴ്ച അദ്ദേഹം പ്രഭാതഭക്ഷണം കഴിച്ചു, കുറച്ച് ജോലി ചെയ്തു, പത്രങ്ങൾ വായിച്ചുവെന്നും ബ്രൂണി…
ഫ്രാൻസിസ് മാർപാപ്പയ്ക്ക് ശ്വാസകോശ സംബന്ധമായ അണുബാധ; ഡോക്ടർമാർ ചികിത്സയിൽ മാറ്റം വരുത്തി
