Author: ???????? ????????

ന്യൂജേഴ്സി: ചെറുകോൽ വാഴകുന്നത്ത്, പെരുമത്തേത്ത് മാത്യൂ വറുഗീസിന്റെ (രാജു) ഭാര്യ അന്നമ്മ മാത്യു (71) ന്യൂജേഴ്സിയിൽ അന്തരിച്ചു. പരേതരായ പി.പി. നൈനാൻ്റെയും, അന്നമ്മ നൈനാൻ്റെയും എട്ടു മക്കളിൽ അഞ്ചാമത്തെ പുത്രി ആയ അന്നമ്മ കല്ലൂപ്പാറ, മാരേട്ട് പാറക്കടവിൽ കുടുംബാംഗമാണ്. അമേരിക്കയിലേക്ക് കുടിയേറിയതു മുതല്‍ ന്യൂജേഴ്സിയിലെ സെന്റ് മേരീസ്‌ ഓർത്തഡോക്സ് ചർച്ച്‌ ഓഫ് ഇൻഡ്യയിലെ (ലിണ്ടൻ) മെംബറും, സജീവ പ്രവർത്തകയുമായിരുന്നു. മക്കൾ: നോജിൻ മാത്യൂ, ലവിൻ മാത്യൂ. സഹോദരങ്ങൾ: പരേതനായ സണ്ണിക്കുട്ടി, പരേതയായ സൂസൻ, കുഞ്ഞുമോൾ, സാലി, സോജൻ, ഫിലിപ്പ്, ഉഷ (എല്ലാവരും ന്യൂജേഴ്സി, യു‌എസ്‌എ). സംസ്കാരം പിന്നീട്. കൂടുതല്‍ വിവരങ്ങള്‍ക്ക്: ഫിലിപ്പ് മാരേട്ട് 973 715 4205.

ഹൂസ്റ്റൺ: ഹൂസ്റ്റൺ കോട്ടയം ക്ലബിന് പരിചയ സമ്പന്നരുടെയും യുവാക്കളുടെയും നേതൃത്വത്തിൽ ശക്തമായ നേതൃ നിര ചുമതലയേറ്റു. ‘അക്ഷര നഗരി’യുടെ പ്രവാസി കൂട്ടായ്മയുടെ നേതൃത്വം പുതിയ കാഴ്ചപാടും ദീർഘവീക്ഷണവുമുള്ള ഒരുപറ്റം വ്യക്തിത്വങ്ങളിൽ എത്തിച്ചേർന്നപ്പോൾ ഹൂസ്റ്റണിലെ കോട്ടയം നിവാസികൾ വളരെ പ്രതീക്ഷയോടെയാണ് നോക്കിക്കാണുന്നത് ചെയർമാൻ ബാബു ചാക്കോയുടെ അധ്യക്ഷതയിൽ മാർച്ച് 9 നു സ്റ്റാഫോർഡിലെ കേരള കിച്ചൻ റെസ്റ്റോറന്റിൽ ചേർന്ന പൊതു യോഗത്തിൽ അംഗങ്ങളിൽ ഭൂരിപക്ഷവും പങ്കെടുത്തു പ്രസിഡണ്ട് ജോമോൻ ഇടയാടി അദ്ധ്യക്ഷത വഹിച്ചു. ക്ലബിന്റെ സ്ഥാപകാംഗവും ജോയിന്റ് സെക്രട്ടറിയുമായിരുന്ന പരേതനായ മാത്യു പന്നപ്പാറയോടുള്ള ആദരസൂചകമായി അംഗങ്ങൾ മൗനമായി പ്രാർത്ഥിക്കുകയും കുടുംബാംഗങ്ങളുടെ ദുഃഖത്തിൽ; പങ്കു ചേർന്ന് അനുശോചന സന്ദേശം അറിയിക്കുകയും കൈമാറുകയും ചെയ്തു. അദ്ദേഹം ക്ലബ്ബിന് നൽകി തന്ന എല്ലാ നല്ല കാര്യങ്ങളെയും അംഗങ്ങൾ അനുസ്മരിച്ചു. 2009 ൽ പ്രവർത്തനമാരംഭിച്ച സംഘടനയുടെ പ്രവർത്തനങ്ങൾ ഊർജിതമാക്കുന്നതിനും ജീവകാരുണ്യ പദ്ധതികൾ ഉൾപ്പെടെ പുതിയ…

ഡാളസ്: ഡാളസിലെ നാല് പതിറ്റാണ്ട് നീണ്ട ഐതിഹാസിക സാമൂഹ്യ സാംസ്കാരിക സംഘടനാ പ്രവർത്തനങ്ങൾക്കു വിരാമമിട്ടു ഐ വർഗീസ് (ഇടിച്ചെറിയ വർഗീസ്) മാർച്ച് മാസം അവസാനത്തോടെ അമേരിക്കയിൽ നിന്നും പിറന്ന മണ്ണിലേക്ക് (കേരളത്തിലേക്ക്) മടങ്ങുന്നു. കേരള അസോസിയേഷന്റെ മാത്രമല്ല അമേരിക്കൻ മലയാളികളുടെ ചരിത്ര താളുകളിൽ തങ്കലിപികളിൽ ലിഖിതപ്പെടുത്തേണ്ട അമൂല്യ വ്യക്തിത്വത്തിന്റെ ഉടമയാണ് ഐ വർഗീസെന്ന് വിശേഷിപ്പിച്ചാൽ അതിൽ ഒട്ടും അതിശയോക്തി ഇല്ലതന്നെ. കേരളത്തിൽ കൊല്ലം ജില്ലയിൽ ആദിത്യനെല്ലൂരിൽ ജനിച്ച ശ്രീ ഐ. വർഗീസ് വിദ്യാർത്ഥിയായിരിക്കുമ്പോൾ തന്നെ രാഷ്ട്രീയ പ്രസ്ഥാനത്തിലും പിന്നീട് ഗവണ്മെന്റ് സർവീസിൽ (ടാക്സ്‌ & റെവന്യു ഡിപ്പാർട്മെന്റ് ) പ്രവേശിച്ചപ്പോൾ ജോലിയ്ക്കൊപ്പം എൻ ജി ഒ യൂണിയനിലും സജീവമായി പ്രവർത്തിക്കുകയും പ്രസ്തുതസംഘടനയുടെ നിര്‍ണായകസ്ഥാനങ്ങൾ അലങ്കരിക്കുകയും ചെയ്തിട്ടുണ്ട്. 1983 കേരളത്തിലെ സർക്കാർ ജോലി ഉപേക്ഷിച്ച് അമേരിക്ക എന്ന സ്വപ്നഭൂമിയിൽ ഭാര്യ മോളി ,മക്കൾ റിനോ റെനി എന്നിവരോടൊപ്പമാണ് ഡിട്രോയിറ്റിൽ…

ഹൂസ്റ്റൺ: പുല്ലാട് കോട്ടുഞ്ഞാലിൽ പരേതരായ ജോർജിന്റെയും, ഏലിയാമ്മയുടെയും മകൻ അന്തരിച്ച കെ.എം. മത്തായി (ജോയി-76) യുടെ പൊതുദർശനം 28 ന് വെള്ളിയാഴ്ച എബനേസർ അസംബ്ലി ഓഫ് ഗോഡ് ചർച്ചിൽ(3350 Fuqua St, Houston, TX 77047) വച്ച് വൈകിട്ട് 6 മുതൽ 9 വരെയും, 29 ശനിയാഴ്ച രാവിലെ 9:30 മുതൽ 12 വരെ അസംബ്ലി ഓഫ് ഗോഡ് ചർച്ചിൽ വെച്ചുള്ള ശുശ്രൂഷകൾക്ക് ശേഷം ഒരു മണിക്ക് സൗത്ത് വെസ്റ്റ് ഫ്യൂണറൽ ഹോം സെമിത്തേരിയിൽ ( South Park Funeral Home,1310 N.main st, Pearland,Tx 77581)സംസ്കാരവും നടത്തും. ഭാര്യ: അമ്മിണി മത്തായി ഓതറ മാടപ്പാട്ട് മണ്ണിൽ കുടുംബാംഗമാണ്. മക്കൾ: ജോജി (ഹൂസ്റ്റൺ), ജോഷി( ഹൈദരാബാദ്), ജോമോൻ( കേരളം). മരുമക്കൾ: ജിനു, അഞ്ചു, രാജി. കൊച്ചുമക്കൾ: അഭിഗേൽ, വിക്ടോറിയ, ഗബ്രിയേല, നതാനിയ,ഒലീവിയ. ജൊവാനാ, മാളു. സഹോദരങ്ങൾ: (പരേതരായ…

വാഷിംഗ്ടണ്‍: ടെസ്‌ല വാഹനങ്ങളിൽ സ്റ്റിക്കറുകൾ പതിക്കുന്ന വ്യക്തികളെയും അറസ്റ്റ് ചെയ്യാൻ സാധ്യതയുണ്ടെന്ന് ട്രംപിന്റെ മുന്നറിയിപ്പ്. “ഇലോണ് ഭ്രാന്താകുന്നതിന് മുമ്പ് ഞാൻ ഇത് വാങ്ങി” എന്നെഴുതിയ സ്റ്റിക്കറുകളാണ് ട്രം‌പിനെ ചൊടിപ്പിച്ചത്. ട്രംപ് എപ്പോഴും മസ്‌കിന്റെയും ടെസ്‌ലയുടെയും ശക്തമായ പിന്തുണക്കാരനായിരുന്നു. ടെസ്‌ല കമ്പനിയെ പ്രോത്സാഹിപ്പിക്കാൻ അദ്ദേഹം നിരന്തരം ശ്രമിക്കുന്നുണ്ട്. കൂടാതെ, കമ്പനിയുടെ ഓഹരികളിൽ നിക്ഷേപം പ്രോത്സാഹിപ്പിക്കുകയും ചെയ്തിട്ടുണ്ട്. ടെസ്‌ല വാഹനങ്ങളെയും സൗകര്യങ്ങളെയും ആക്രമിക്കുന്നവർക്ക് 20 വർഷം വരെ തടവ് ലഭിക്കുമെന്ന് അദ്ദേഹം അടുത്തിടെ നടത്തിയ പ്രസ്താവനയിൽ പറഞ്ഞു. അവരെ എൽ സാൽവഡോറിലെ കുപ്രസിദ്ധമായ ജയിലിലേക്ക് അയക്കുമെന്നും അദ്ദേഹം പറഞ്ഞു. മൊളോടോവ് കോക്ടെയിലുകൾ ഉപയോഗിച്ച് ടെസ്‌ല പ്രോപ്പർട്ടികൾ ആക്രമിച്ച മൂന്ന് വ്യക്തികൾക്കെതിരെ യുഎസ് നീതിന്യായ വകുപ്പ് കുറ്റം ചുമത്തിയതിന് പിന്നാലെയാണ് ഈ പരാമർശങ്ങൾ വന്നത്. #TeslaTakedown പ്രസ്ഥാനവുമായി ബന്ധപ്പെട്ടതായിരുന്നു ആക്രമണം. കഴിഞ്ഞ വർഷം മുതൽ ടെസ്‌ലയുടെ ഓഹരികൾ 50 ശതമാനം ഇടിഞ്ഞു.…

വാഷിംഗ്ടണ്‍: നാല് രാജ്യങ്ങളിലെ പൗരന്മാരുടെ നിയമപരമായ പദവി യുഎസ് പ്രസിഡന്റ് ഡൊണാൾഡ് ട്രംപ് അവസാനിപ്പിച്ചു. ക്യൂബ, ഹെയ്തി, നിക്കരാഗ്വ, വെനിസ്വേല എന്നിവിടങ്ങളിൽ നിന്നുള്ള ദശലക്ഷക്കണക്കിന് ആളുകൾ ഇപ്പോൾ നാടുകടത്തൽ ഭീഷണി നേരിടുന്നു. വാസ്തവത്തിൽ, അധികാരത്തിൽ വന്നാലുടൻ കുടിയേറ്റക്കാരെ പുറത്താക്കുമെന്ന് ട്രംപ് തിരഞ്ഞെടുപ്പ് സമയത്ത് പറഞ്ഞിരുന്നു. 2022-ൽ മുൻ പ്രസിഡന്റ് ജോ ബൈഡൻ ‘മാനുഷിക പരോളിന്റെ’ അടിസ്ഥാനത്തിൽ നാല് രാജ്യങ്ങളിലെ പൗരന്മാർക്ക് നിയമപരമായ പദവി നൽകിയിരുന്നു. 2025 ജനുവരി 20 ന് രണ്ടാമതും അമേരിക്കയുടെ പ്രസിഡന്റ് സ്ഥാനം ഏറ്റെടുത്ത ശേഷം, ഡൊണാൾഡ് ട്രംപ് ഒന്നിനുപുറകെ ഒന്നായി കടുത്ത തീരുമാനങ്ങൾ എടുക്കുകയാണ്. നാല് രാജ്യങ്ങളിലെ പൗരന്മാരുടെ നിയമപരമായ പദവിയാണ് അദ്ദേഹം റദ്ദാക്കിയത്. അതോടെ ഏകദേശം 5,32,000 ആളുകൾ അപകടത്തിലാണ്. ക്യൂബ, ഹെയ്തി, നിക്കരാഗ്വ, വെനിസ്വേല എന്നിവിടങ്ങളിൽ നിന്നുള്ള ദശലക്ഷക്കണക്കിന് ആളുകളെ ഒരു മാസത്തിനുള്ളിൽ നാടുകടത്തുമെന്ന് ഹോംലാൻഡ് സെക്യൂരിറ്റി വകുപ്പ് അറിയിച്ചു.…