Author: .

പത്തനം‌തിട്ട: അഞ്ച് വർഷത്തിനിടെ പ്രായപൂർത്തിയാകാത്ത പെൺകുട്ടിയെ 60 ഓളം പേർ പീഡിപ്പിച്ച സംഭവത്തില്‍ പത്തനംതിട്ട ജില്ലാ പോലീസ് അന്വേഷണം ആരംഭിച്ചു. 13 വയസ്സ് മുതൽ തന്നെ നിരവധി പേർ ദുരുപയോഗം ചെയ്തിട്ടുണ്ടെന്ന് അതിജീവിച്ച, ഇപ്പോള്‍ 18 വയസ്സുള്ള, പെൺകുട്ടിയുടെ വെളിപ്പെടുത്തലിനെ തുടർന്നാണ് കേസ്. ചെന്നീർക്കരയിലെ അയൽക്കാരിലൊരാൾ തൻ്റെ ഫോണിൽ അശ്ലീല വീഡിയോ കാണിച്ചതോടെയാണ് പീഡനം ആരംഭിച്ചതെന്ന് പെണ്‍കുട്ടി പറഞ്ഞു. തുടർന്ന് വീടിന് സമീപമുള്ള ഒറ്റപ്പെട്ട കുന്നിൽ വെച്ച് ഇയാള്‍ പെൺകുട്ടിയെ പീഡിപ്പിക്കുകയും പിന്നീട് സുഹൃത്തുക്കൾക്ക് കാഴ്ച വെക്കുകയും ചെയ്തു. ഈ വിവരങ്ങള്‍ പെൺകുട്ടി പത്തനംതിട്ടയിലെ ചൈൽഡ് വെൽഫെയർ കമ്മിറ്റിയോട് വെളിപ്പെടുത്തിയതോടെയാണ് സംഭവം പുറത്തറിയുന്നത്. പോലീസിൻ്റെ പ്രാഥമിക അന്വേഷണത്തിൽ 62 കുറ്റവാളികളെയെങ്കിലും തിരിച്ചറിഞ്ഞിട്ടുണ്ട്. ഈ കണ്ടെത്തലിൻ്റെ അടിസ്ഥാനത്തിൽ 40 പേർക്കെതിരെ കുട്ടികൾക്കെതിരായ ലൈംഗികാതിക്രമങ്ങൾ തടയൽ (പോക്‌സോ) നിയമപ്രകാരം ഇലവുംതിട്ട പോലീസ് കേസെടുത്തു. പത്തനംതിട്ട പൊലീസ് സ്റ്റേഷനിലും നിരവധി പേർക്കെതിരെ…

പാലക്കാട്: പട്ടാമ്പി കീഴായൂരിൽ വീട്ടമ്മ തീകൊളുത്തി ആത്മഹത്യ ചെയ്ത സംഭവത്തിൽ സമഗ്രമായ അന്വേഷണം നടത്തുമെന്ന് പോലീസ്. കിഴക്കേ പുരയ്ക്കല്‍ ജയയുടെ ബാങ്ക് അക്കൗണ്ടുകൾ പരിശോധിക്കാനാണ് നീക്കം. ജപ്തി നടപടികൾക്ക് മുമ്പ് ഷൊർണൂർ സഹകരണ അർബൻ ബാങ്ക് അധികൃതർ മുന്നറിയിപ്പ് നൽകിയിരുന്നുവെന്നും മതിയായ സമയം നൽകിയിരുന്നുവെന്നും അവർ നൽകിയ വിശദീകരണവും അന്വേഷണത്തിന്റെ ഭാഗമാക്കുമെന്ന് പോലീസ് പറഞ്ഞു. തീകൊളുത്തി മരിച്ച ജയയുടെ ബന്ധുക്കളിൽ നിന്ന് പട്ടാമ്പി പോലീസ് മൊഴി രേഖപ്പെടുത്തി. 2015 ലെ വായ്പാ കുടിശ്ശികയുമായി ബന്ധപ്പെട്ട് കോടതി ഉത്തരവ് പ്രകാരം ഇന്നലെ രാവിലെ ഷൊർണൂർ സഹകരണ അർബൻ ബാങ്ക് ഉദ്യോഗസ്ഥർ ജയയുടെ വീട് ജപ്തി ചെയ്യാൻ എത്തി. ഉദ്യോഗസ്ഥരെ കണ്ട ജയ മണ്ണെണ്ണ ഒഴിച്ച് തീകൊളുത്തുകയായിരുന്നു, 80 ശതമാനം പൊള്ളലേറ്റ ജയയെ തൃശൂർ മെഡിക്കൽ കോളജിൽ പ്രവേശിപ്പിച്ചിരുന്നു. ചികിത്സയിലിരിക്കേ ഇന്നലെ വൈകുന്നേരമാണ് മരിച്ചത്. ഷൊർണൂർ സഹകരണ അർബൻ ബാങ്ക്…

കൊച്ചി: ജനുവരി 9-ന് അന്തരിച്ച ഭാവ ഗായകന്‍ പി.ജയചന്ദ്രൻ്റെ സംസ്‌കാരം ഇന്ന് (ശനിയാഴ്ച) എറണാകുളം ജില്ലയിലെ വടക്കൻ പറവൂരിനടുത്തുള്ള ചേന്ദമംഗലത്തുള്ള തറവാട്ടുവീട്ടിൽ സംസ്ഥാന ബഹുമതികളോടെ സംസ്‌കരിച്ചു. മൃതദേഹം പാലിയത്തെ തറവാട്ടുവീട്ടിൽ പൊതുദർശനത്തിന് വച്ചശേഷം ഉച്ചയ്ക്ക് 1.20ഓടെ മകൻ ദിനനാഥൻ ചിത തെളിച്ചു. അദ്ദേഹത്തിന് പോലീസ് ഗാർഡ് ഓഫ് ഓണർ നൽകി. രാവിലെ തൃശൂർ പൂങ്കുന്നത്തെ വസതിയിൽ നിന്ന് മൃതദേഹം വഹിച്ചുള്ള ആംബുലൻസ് തറവാട്ടിലേക്ക് എത്തിച്ചപ്പോൾ നൂറുകണക്കിനാളുകൾ പ്രശസ്ത ഗായകന് അന്തിമോപചാരം അർപ്പിച്ചു. തറവാട്ടുവീട്ടിൽ പല ചടങ്ങുകൾക്കും പോകാറുണ്ടായിരുന്നെന്ന് കുടുംബാംഗങ്ങൾ അനുസ്മരിച്ചു. ചേന്ദമംഗലത്ത് സംസ്‌കരിക്കണമെന്നത് അദ്ദേഹത്തിൻ്റെയും ആഗ്രഹമായിരുന്നുവെന്ന് അവർ പറഞ്ഞു. ഉച്ചകഴിഞ്ഞ് 3.30 ഓടെയാണ് സംസ്‌കാരം ആദ്യം നിശ്ചയിച്ചിരുന്നതെങ്കിലും, അദ്ദേഹത്തിൻ്റെ കുടുംബാംഗങ്ങളുടെ ആഗ്രഹപ്രകാരം അത് നേരത്തെയാക്കുകയായിരുന്നു. മന്ത്രിമാരായ എം.ബി.രാജേഷ്, ആർ.ബിന്ദു, പ്രതിപക്ഷ നേതാവ് വി.ഡി.സതീശൻ എന്നിവരും ഗായകന് അന്തിമോപചാരം അർപ്പിച്ചു. അമല ആശുപത്രിയിലെ മോര്‍ച്ചറിയില്‍ സൂക്ഷിച്ചിരുന്ന മൃതദേഹം വെള്ളിയാഴ്ച…

എടത്വ: തലവടി ചുട്ടുമാലി സെന്റ് തോമസ് സിഎസ്ഐ ചർച്ച് പ്രതിഷ്ഠ ചടങ്ങ് ജനുവരി 15ന് വൈകിട്ട് 4ന് നടക്കും. സിഎസ്ഐ മദ്ധ്യ കേരള മഹായിടവക ബിഷപ്പ് ഡോ മലയിൽ സാബു കോശി ചെറിയാൻ നേതൃത്വം നല്‍കും. തുടർന്ന് കുർബാന അർപ്പിക്കും. 16മുതൽ 18 വരെ നടക്കുന്ന ബൈബിൾ കൺവൻഷൻ ഇടവക വികാരി റവ. മാത്യൂ ജിലോ നൈനാൻ ഉദ്ഘാടനം ചെയ്യും. റവ. ചാർലി ജോൺസ്, സുവി. ജയിംസ് പോൾ, റവ. റെജി പി ജോസഫ് എന്നിവർ പ്രസംഗിക്കും. എല്ലാ ദിവസവും വൈകിട്ട് 6.30ന് സംഗീത ശുശ്രൂഷ ആരംഭിക്കുമെന്ന് സഭാ ശുശ്രൂഷകൻ സുവി. ഡെന്നി ദാനിയേല്‍ , കൈക്കാരൻ ജോർജ്ജ് തോമസ് എന്നിവര്‍ അറിയിച്ചു.

കാലിഫോര്‍ണിയ: ലോസ് ഏഞ്ചൽസിലെ പല വനങ്ങളിലും പടരുന്ന തീ ജനവാസ മേഖലകളെ വിഴുങ്ങുന്നു. കാലാവസ്ഥാ വിവരങ്ങൾ നൽകുന്ന സ്വകാര്യ സ്ഥാപനമായ അക്യുവെതർ, തീപിടുത്തം മൂലമുണ്ടായ നാശനഷ്ടം ഏകദേശം 135 ബില്യൺ മുതൽ 150 ബില്യൺ ഡോളർ വരെ കണക്കാക്കുന്നു. ഹോളിവുഡ് ഹിൽസിലാണ് തീ പടർന്നിരിക്കുന്നത്. ലോകത്തിലെ പല വലിയ പ്രൊഡക്ഷൻ ഹൗസുകളുടെയും സ്റ്റുഡിയോകൾ ഇവിടെയാണ് സ്ഥിതി ചെയ്യുന്നത്. ലോസ് ഏഞ്ചൽസിനു സമീപമുള്ള വനത്തിൽ ചൊവ്വാഴ്ച പുലർച്ചെയുണ്ടായ തീപിടുത്തം അഞ്ചാം ദിവസമായിട്ടും നിയന്ത്രണാതീതമായി തുടരുകയാണ്. ലോസ് ഏഞ്ചൽസ് നഗരത്തിൻ്റെ വലിയൊരു ഭാഗത്തെ തീ വിഴുങ്ങി, ഇത് മൂലം പതിനായിരത്തിലധികം കെട്ടിടങ്ങൾ ചാരമായി. ഇതൊക്കെയാണെങ്കിലും, രക്ഷാപ്രവർത്തനം തുടരുകയാണ്. എന്നാൽ, തീപിടുത്തത്തിൽ 10 പേർക്ക് ജീവൻ നഷ്ടപ്പെട്ടു, 1,80,000-ത്തിലധികം ആളുകൾക്ക് അവരുടെ വീടുകൾ വിട്ടുപോകേണ്ടിവന്നു. മറ്റ് രണ്ട് ലക്ഷം ആളുകളോടും സുരക്ഷിത സ്ഥാനങ്ങളിലേക്ക് മാറാൻ ആവശ്യപ്പെട്ടിട്ടുണ്ട്. പസഫിക് പാലിസേഡ്സ് മേഖലയിലെ 5,300-ലധികം…

കാലിഫോർണിയ: ലോസ് ഏഞ്ചൽസിൽ ഉണ്ടായ തീപിടിത്തം വൻ നാശം വിതച്ചു. ചൊവ്വാഴ്ച പസഫിക് പാലിസേഡ്സ് വനങ്ങളിൽ ആരംഭിച്ച തീ ഇപ്പോൾ 8 വനങ്ങളിലേക്ക് പടർന്നിരിക്കുകയാണ് ഇതോടെ തീപിടിത്തത്തിൽ മരിച്ചവരുടെ എണ്ണം 11 ആയി. നിരവധി ഹോളിവുഡ് താരങ്ങളുടെ വീടുകളും തീപിടിത്തത്തില്‍ കത്തി നശിച്ചു. ഗായിക ബ്രിട്ട്‌നി സ്പിയേഴ്സും ഈ ദുരന്തത്തിന് ഇരയായി, അവരുടെ ആഡംബര 7.4 മില്യൺ ഡോളർ വിലവരുന്ന മാന്‍ഷന്‍ ഉപേക്ഷിച്ച് ഒരു ഹോട്ടലിൽ താമസിക്കേണ്ടിവന്നു. ഹോട്ടലിൽ താമസിക്കാൻ നാല് മണിക്കൂർ ഡ്രൈവ് ചെയ്യുകയാണെന്ന് സ്പിയേഴ്സ് ഇൻസ്റ്റാഗ്രാമിൽ വെളിപ്പെടുത്തി. കഴിഞ്ഞ രണ്ട് ദിവസമായി കറണ്ട് ഇല്ലാത്തതിനാൽ ഫോൺ ചാർജ് ചെയ്യാൻ പോലും കഴിയാതെയായെന്നും അവര്‍ പറഞ്ഞു. കാലിഫോർണിയയുടെ ചരിത്രത്തിലെ ഏറ്റവും വിനാശകരമായ രണ്ടാമത്തെ തീപിടുത്തമായാണ് ഇതിനെ കണക്കാക്കുന്നത്. 2900 ഏക്കറിലാണ് ഇതുവരെ തീ പടർന്നത്. മാർക്ക് ഹാമിൽ, മാൻഡി മൂർ, മരിയ ഷ്രിവർ, ജാമി ലീ…

സ്വാമിവി വേകാനന്ദന്‍ കേരളത്തെ നോക്കി മതഭ്രാന്തന്മാര്‍ എന്ന് വിളിച്ചെങ്കില്‍ ഇന്ന് വിളിക്കേണ്ടത് കാമ ഭ്രാന്തന്മാരുടെ നാടെന്നാണ്. കുറെ മനുഷ്യരുടെ പഴുത്തു ചീഞ്ഞ മലീമസമായ ചിന്തകളാണ് നടി ഹണി റോസിന്‍റെ ലൈംഗിക പരാതിയില്‍ വ്യവസായി ബോബി ചെമ്മണ്ണൂര്‍ അറസ്റ്റിലായത്. തലയില്ലാത്ത സോഷ്യല്‍ മീഡിയയടക്കം പശുവിനു് പ്രസവവേദന മറ്റൊരു കൂട്ടര്‍ക്ക് കാളയ്ക്ക് കാമവേദന ഇതാണ് ഈ കൂട്ടരുടെ മനോസംസ്കാരം. പത്തനംതിട്ട ജില്ലയില്‍ അറുപതിലേറെ പേര്‍ ചേര്‍ന്ന് ഒരു ദളിത് കായികതാരത്തെ പീഡിപ്പിച്ചതിന് പോലീസ് അറസ്റ്റ്തുടരുന്നു. വാളയാര്‍ പെണ്‍കുട്ടികള്‍ കൊലചെയ്യപ്പെട്ടത്, വണ്ടിപ്പെരിയാര്‍ പിഞ്ചുപൈതല്‍ ഇങ്ങനെ കേരളത്തിന്‍റെമുക്കിലുംമൂലയിലും പച്ചപ്പുല്ല് കണ്ട പശുവിനെ പോലെ കാമഭ്രാന്തന്മാര്‍ വിലസുന്നത് വിദേശ മലയാളികള്‍ ആശ്ചര്യത്തോടെ കാണുന്നു. ഈ കാമ രോഗികളുടെ ശിരസ്സില്‍ ചുംബിച്ചു് താലോലിക്കുന്നത് ആരാണ്? നവോദ്ധാനം പ്രസംഗിക്കുന്ന നാട്ടില്‍ ഹേമ കമ്മിറ്റി പുറത്തുവിട്ട, ആക്രമിക്കപ്പെട്ട സ്ത്രീകളുടെ പരാതിയില്‍ സിനിമ കാമഭ്രാന്തന്മാരില്‍ ആരെങ്കിലും ജയില്‍വാസമനുഭവിക്കുന്നുണ്ടോ? സിനിമാ രംഗം…