Category: AMERICA

ചിക്കാഗോ: സിറോ മലബാർ സഭയുടെ തലവൻ മേജർ ആർച്ച് ബിഷപ്പ് മാർ ജോർജ് ആലഞ്ചേരിക്ക് ചിക്കാഗോ ഒഹയർ എയർപോർട്ടിൽ ഊഷ്മളമായ വരവേല്പ് നല്‍കി. ചിക്കാഗോ സീറോ മലബാർ രൂപതയുടെ രണ്ടാമത്തെ മെത്രാനായി നിയമിതനായ മാർ ജോയി ആലപ്പാട്ടിന്റെ സ്ഥാനാരോഹണ ചടങ്ങിൽ മുഖ്യകാർമികത്വം വഹിക്കുന്നതിന് ചിക്കാഗോയിൽ എത്തിയ കർദ്ദിനാളിനെയും, തക്കല രുപതാദ്ധ്യക്ഷൻ മാർ ജോർജ് രാജേന്ദ്രനെയും, സിറോ മലബാർ സഭയുടെ ചാൻസിലർ ഫാ. വിൻസെന്റ്‌ ചെറുവത്തൂരിനെയും ചിക്കാഗോ രുപതാ ബിഷപ്പ് മാർ ജേക്കബ് അങ്ങാടിയത്ത് ബൊക്കെ നൽകി സ്വീകരിച്ചു. ചിക്കാഗോ മാർ തോമഗ്ലീഹാ കത്തിഡ്രൽ വികാരിയും, രുപതാ വികാരിജനറലുമായ ഫാ. തോമസ് കടുകപ്പിള്ളി, രുപതാ പ്രൊക്കുറേറ്റർ ഫാ. കുര്യൻ നെടുവേലിച്ചാലുങ്കൽ, സി.എം.സി. സന്യാസിനി സമൂഹത്തെ പ്രതിനിധീകരിച്ച് സിസ്റ്റർ റോസ് പോൾ എന്നിവരോടൊപ്പം സ്ഥാനാരോഹണ കമ്മറ്റി ജനറൽ കോഓർഡിനേറ്റർ ജോസ് ചാമക്കാല, പി.ആർ.ഒ. ജോർജ് അമ്പാട്ട്, അൽമായ പ്രതിനിധി ജോസഫ്…

ബ്രാംപ്ടണ്‍ (കാനഡ): കാനഡയിലെ ബ്രാംപ്ടണ്‍ മുന്‍സിപ്പല്‍ കോര്‍പറേഷനിലെ പാര്‍ക്കിന് ശ്രീഭഗവത് ഗീത പാര്‍ക്ക് എന്ന് പുനര്‍നാമകരണം ചെയ്തത് ഔദ്യോഗികമായി അംഗീകരിച്ചു. ബ്രാംപ്ടണ്‍ മേയര്‍ പാട്രിക് ബ്രൗണ്‍ ഇതു സംബന്ധിച്ചു പ്രഖ്യാപനം ബുധനാഴ്ച നടത്തി. ഹിന്ദു കമ്മ്യൂണിറ്റിയോടു തനിക്ക് അങ്ങേയറ്റം ആദരവാണുള്ളത്. കനേഡിയന്‍ ജനതയും ഹിന്ദു കമ്മ്യൂണിറ്റിയും തമ്മിലുള്ള സൗഹൃദത്തിന്റെ ഒരു ചിഹ്നമായി ഈ പാര്‍ക്കിനെ പ്രഖ്യാപിക്കുന്നു എന്ന് മേയര്‍ പറഞ്ഞു. ഇന്ത്യയ്ക്കു വെളിയില്‍ ശ്രീഭഗവത്ഗീത എന്നു നാമകരണം ചെയ്ത ആദ്യ പാര്‍ക്കാണിതെന്നും മേയര്‍ കൂട്ടിച്ചേര്‍ത്തു. 3.7 ഏക്കറില്‍ വ്യാപിച്ചു കിടക്കുന്നതാണ് പാര്‍ക്ക്. മുന്‍പ് അറിയപ്പെട്ടിരുന്നതു ട്രോയേഴ്‌സ് പാര്‍ക്ക് എന്നായിരുന്നു. ഹിന്ദു സമൂഹം കോര്‍പറേഷന്റെ വികസനത്തിനായി വഹിച്ച നിര്‍ണായക പങ്കിനെ സ്മരിച്ചുകൊണ്ടാണ് പുതിയ നാമകരണം നടത്തിയതെന്നു മേയര്‍ പറഞ്ഞു.

ഓക്‌ലന്‍ഡ്: യുഎസ് നഗരമായ ഓക്ക്‌ലൻഡിലെ ഒരു സ്കൂൾ കാമ്പസിൽ ബുധനാഴ്ച നടന്ന കൂട്ട വെടിവെപ്പില്‍ കുറഞ്ഞത് ആറ് പേർക്ക് പരിക്കേറ്റു. നൂറുകണക്കിന് വിദ്യാർത്ഥികളെ ഉച്ചയ്ക്ക് പിരിച്ചുവിടുന്നതിന് മിനിറ്റുകൾക്ക് മുമ്പാണ് വെടിവെയ്പ് നടന്നത്. റുഡ്‌സ്‌ഡെയ്‌ൽ ന്യൂകോമർ ഹൈസ്‌കൂളിൽ നടന്ന വെടിവയ്പിൽ രണ്ടു പേരെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചതായി ഓക്‌ലാൻഡ് അസിസ്റ്റന്റ് പോലീസ് മേധാവി ഡാരൻ ആലിസൺ പറഞ്ഞു. പരിക്കേറ്റവരെല്ലാം 18 വയസ്സിനു മുകളിലുള്ളവരാണെന്നും എന്നാൽ, പരിക്കേറ്റവർ വിദ്യാർത്ഥികളാണോ സ്കൂൾ ജീവനക്കാരാണോ അതോ കണ്ടുനിന്നവരാണോ എന്ന് വ്യക്തമാക്കിയിട്ടില്ലെന്നും അദ്ദേഹം പറഞ്ഞു. തോക്കുധാരിക്കായി പോലീസ് തിരച്ചിൽ തുടരുകയാണെന്നും അദ്ദേഹം പറഞ്ഞു. അമേരിക്കയിലുടനീളമുള്ള സ്‌കൂളുകളിൽ ഈ വർഷം നടന്ന 130-ലധികം സംഭവങ്ങളിൽ വെടിവെപ്പും ഉൾപ്പെടുന്നു. അവയില്‍ 30-ലധികം പേർക്ക് പരിക്കുകളോ മരണമോ സംഭവിച്ചതായി വിവിധ മാധ്യമങ്ങള്‍ റിപ്പോർട്ട് ചെയ്തു. ടെക്‌സാസിലെ ഉവാൾഡെയിലെ ഒരു പ്രാഥമിക വിദ്യാലയത്തിൽ മെയ് മാസത്തിൽ രണ്ട് മുതിർന്നവരുടെയും…

ഡാളസ്: കോളിഫ്ലവര്‍ പെട്ടിക്കകത്ത് മയക്കുമരുന്ന് ഒളിപ്പിച്ചു കടത്താന്‍ ശ്രമിച്ച ഡാളസില്‍ നിന്നുള്ള ഒക്വിന്‍ സലിനാസ് (48) എന്ന പ്രതിക്ക് കോടതി ജീവപര്യന്തം തടവുശിക്ഷ വിധിച്ചു. നോര്‍ത്തേണ്‍ ഡിസ്ട്രിക്റ്റ് ഓഫ് ടെക്സസ് യു എസ് അറ്റോര്‍ണി ഓഫീസാണ് ഇക്കാര്യം വെളിപ്പെടുത്തിയത്. 2021 ഓഗസ്റ്റില്‍ 247 കിലോഗ്രാം മയക്കുമരുന്ന് കോളിഫ്ലവര്‍ പെട്ടിക്കകത്ത് ഒളിപ്പിച്ചു വെച്ച് കടത്താന്‍ ശ്രമിച്ചത് പൊലീസ് പിടികൂടിയിരുന്നു. 3.7 മില്യന്‍ ഡോളര്‍ വിലമതിക്കുന്നതായിരുന്നു ഈ മയക്കുമരുന്ന്. ഡാളസ്, ഫോര്‍ട്ട്‌വര്‍ത്ത്, ഹിക്കറി ക്രീക്ക്, ഡാളസ് കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് ഉദ്യോഗസ്ഥരാണ് അന്വേഷണം നടത്തിയത്. മെക്സിക്കോയില്‍ നിന്നാണ് മയക്കുമരുന്ന് കടത്തിയത്. മയക്കുമരുന്ന് കടത്തുകാരുടെ സം‌രക്ഷണത്തിനായി കരുതിയിരുന്ന നാല് തോക്കുകള്‍ പ്രതിയില്‍ നിന്ന് പിടിച്ചെടുത്തു. അമേരിക്കന്‍ ഡ്രഗ് എന്‍ഫോഴ്സ്മെന്റിനു നേരെ ഭീഷണിയുയര്‍ത്തുന്ന മെക്സിക്കോയില്‍ നിന്നുള്ള ഡ്രഗ് കാര്‍ട്ടല്‍സാണ് മയക്കുമരുന്ന് കടത്തിന് നേതൃത്വം നല്‍കുന്നത്. ഇത്തരം പ്രതികളെ കണ്ടെത്തി ശിക്ഷിക്കുന്നതിന് ലോ…

യുഎസ് രഹസ്യാന്വേഷണ ഏജൻസികളുടെ “പൂർണ്ണ നിയന്ത്രണത്തിലുള്ള” ഡെന്മാർക്കിന്റെയും സ്വീഡന്റെയും തീരങ്ങളിൽ വിള്ളലുകൾ ഉണ്ടായതിനാൽ നോർഡ് സ്ട്രീം പൈപ്പ്ലൈനുകളിലെ ചോർച്ചയ്ക്ക് പിന്നിൽ യുഎസാണെന്ന് റഷ്യ ആരോപിച്ചു. നോർഡ് സ്ട്രീം 1, നോർഡ് സ്ട്രീം 2 പൈപ്പ്ലൈനുകള്‍ പൊട്ടിത്തെറിച്ച് ഡെന്മാർക്കിന്റെയും സ്വീഡന്റെയും തീരങ്ങളിൽ നാല് വാതക ചോർച്ചയുണ്ടായത് പൂർണ്ണമായും യുഎസ് നിയന്ത്രണത്തിലുള്ള പ്രദേശത്താണ് സംഭവിച്ചതെന്ന് റഷ്യൻ വിദേശകാര്യ മന്ത്രാലയ വക്താവ് മരിയ സഖറോവ വ്യാഴാഴ്ച പറഞ്ഞു. “ഡെൻമാർക്കിലെയും സ്വീഡനിലെയും വ്യാപാര, സാമ്പത്തിക മേഖലകളിലാണ് ഇത് സംഭവിച്ചത്. ഇവ നേറ്റോ കേന്ദ്രീകൃത രാജ്യങ്ങളാണ്, ”സഖരോവ ഒരു മാധ്യമത്തിന് നൽകിയ അഭിമുഖത്തിൽ പറഞ്ഞു. യുഎസ് രഹസ്യാന്വേഷണ വിഭാഗത്തിന്റെ നിയന്ത്രണത്തിലുള്ള രാജ്യങ്ങളാണ് അവയെന്നും അവർ പറഞ്ഞു. നോർഡ് സ്ട്രീം വാതക പൈപ്പ് ലൈനുകളിൽ ദുരൂഹമായ ചോർച്ചയ്ക്ക് കാരണമായ അട്ടിമറിയുടെ പേരിൽ റഷ്യയും പാശ്ചാത്യ രാജ്യങ്ങളും പരസ്പരം കുറ്റപ്പെടുത്തുകയാണ്. റഷ്യ-യുക്രെയ്ൻ യുദ്ധം ആരംഭിച്ചതുമുതൽ ഊർജ വിതരണത്തെച്ചൊല്ലി…

ലാസ്‌വേഗസ്: യുവാവിനെ പൈപ്പ് ബോംബ് ഉപയോഗിച്ചു കൊലപ്പെടുത്തിയ കേസില്‍ ജീവപര്യന്തം അനുഭവിക്കുന്ന പ്രതി ജയില്‍ ചാടി. കാര്‍ഡ്‌ബോര്‍ഡുകൊണ്ട് ഡമ്മി ഉണ്ടാക്കി വച്ചതിനുശേഷം ജയിലില്‍ നിന്നും ഇയാള്‍ പുറത്തു കടക്കുകയായിരുന്നു. സതേണ്‍ ഡെസര്‍ട്ട് കറക്ഷനല്‍ സെന്ററിലാണ് പൊര്‍ഫിറിയൊ ഹെരാര (42) ജയില്‍ ശിക്ഷ അനുഭവിച്ചിരുന്നത്. ജയില്‍ ചാടുന്നതിന് ഇയാള്‍ക്ക് മറ്റാരുടെയെങ്കിലും സഹായം ലഭിച്ചിട്ടുണ്ടാകാമെന്നാണു കരുതുന്നത്. ചൊവ്വാഴ്ചയാണ് പ്രതി രക്ഷപ്പെട്ട വിവരം ജയിലധികൃതര്‍ അറിയുന്നത്. എന്നാല്‍ തലേ വെള്ളിയാഴ്ച തന്നെ ഇയാള്‍ ഇവിടെ നിന്ന് രക്ഷപ്പെട്ടിട്ടുണ്ടാകാം എന്നാണ് അധികൃതര്‍ കരുതുന്നത്. അതീവ സുരക്ഷ ഏര്‍പ്പെടുത്തിയിട്ടുള്ള ജയിലില്‍ നിന്നും പ്രതി രക്ഷപ്പെട്ടിട്ടും, വിവരം അറിയുന്നതിനു ദിവസങ്ങള്‍ വേണ്ടി വന്നുവെന്നത് അംഗീകരിക്കാനാവില്ലെന്ന് ഗവര്‍ണര്‍ സ്റ്റീഫ് സിസൊ ലാല്‍ പറഞ്ഞു. 2007 മേയ് 7 നാണ് ഹെരേരയും മറ്റൊരു പ്രതിയായ ഒമറും ചേര്‍ന്ന് ഡൊറാന്റിസ് അറ്റോണിയോയെ (24) പൈപ്പ് ബോംബ് ഉപയോഗിച്ചു കൊലപ്പെടുത്തിയത്. ഈ…

ഏഷ്യൻ അമേരിക്കക്കാരും പസഫിക് ദ്വീപുവാസികളും (എഎപിഐ) എന്ന് തിരിച്ചറിയുന്ന സ്ത്രീകൾ പറയുന്നത്, തങ്ങൾ പക്ഷപാതത്തിനും വംശീയ അസമത്വത്തിനും വിധേയരാണെന്ന് ഒരു പുതിയ പഠനം പറയുന്നു. ദി അസോസിയേഷൻ ഓഫ് ഏഷ്യൻ അമേരിക്കൻ ഇൻവെസ്റ്റ്‌മെന്റ് മാനേജേഴ്സ് (എഎഎഐഎം) ചൊവ്വാഴ്ച നടത്തിയ സർവേയുടെ അടിസ്ഥാനത്തിലാണ് പഠനം. യുഎസ് സാമ്പത്തിക മേഖലയിൽ ജോലി ചെയ്യുന്ന ഏഷ്യൻ സ്ത്രീകളിൽ ഏകദേശം 60% പേരും തങ്ങളുടെ വംശം തങ്ങളുടെ തൊഴിലിന്, പ്രത്യേകിച്ച് മുതിർന്ന തലങ്ങളിൽ തടസ്സം സൃഷ്ടിച്ചതായി പറയുന്നതായി പഠനം കാണിക്കുന്നു. വൈവിധ്യം വർധിപ്പിക്കുമെന്ന വ്യവസായ വാഗ്ദാനങ്ങൾക്കിടയിലും, “ഏഷ്യൻ വനിതകളുടെ റാങ്കുകളിൽ വലിയ മാറ്റമൊന്നും ഞാൻ കണ്ടിട്ടില്ല,” പാലാഡിൻ ക്യാപിറ്റൽ ഗ്രൂപ്പിലെ ക്യാപിറ്റൽ ഡെവലപ്‌മെന്റ് ചീഫും എഎഎഐഎം ബോര്‍ഡ് അദ്ധ്യക്ഷയുമായ ബ്രെൻഡ ചിയ പറഞ്ഞു. സർവേയിൽ പങ്കെടുത്ത 10 എഎപിഐ സ്ത്രീകളിൽ എട്ട് പേരും വിവിധ വ്യക്തിപരവും സാംസ്കാരികവും സംഘടനാപരവുമായ വെല്ലുവിളികൾ മാനേജ്മെൻറ് റാങ്കുകളിലൂടെ…

വാഷിംഗ്ടണ്‍: റഷ്യയിൽ ചേരാനുള്ള ഹിതപരിശോധനയിൽ നിരവധി കിഴക്കൻ ഉക്രേനിയൻ പ്രദേശങ്ങൾ വൻതോതിൽ വോട്ട് ചെയ്തതിനാൽ യുക്രെയ്‌നിനായി 1.1 ബില്യൺ ഡോളറിന്റെ പുതിയ ആയുധ പാക്കേജ് യുഎസ് തയ്യാറാക്കുന്നു. HIMARS ലോഞ്ചർ സംവിധാനങ്ങളും കൗണ്ടർ ഡ്രോൺ, റഡാർ സംവിധാനങ്ങളും ഉൾപ്പെടുന്ന പാക്കേജ്, റഷ്യയുമായുള്ള പോരാട്ടത്തിനിടയിൽ ഉക്രെയ്‌നുള്ള യുഎസ് മാരക സഹായത്തിന്റെയും ആയുധങ്ങളുടെയും ഏറ്റവും പുതിയ പാക്കേജായിരിക്കും. അഞ്ച് ദിവസത്തെ റഫറണ്ടത്തിന് ശേഷം നിരവധി ഉക്രേനിയൻ പ്രദേശങ്ങൾ റഷ്യയിൽ ചേരുന്നതിന് അനുകൂലമായി വോട്ട് ചെയ്തു. ഉക്രേനിയൻ പ്രദേശങ്ങളായ ഡൊനെറ്റ്‌സ്‌ക്, ലുഹാൻസ്‌ക് എന്നിവിടങ്ങളിലും കെർസണിന്റെ തെക്കൻ മേഖലയിലും തെക്കുകിഴക്കൻ മേഖലയായ സപോരിജിയയിലുമാണ് വോട്ടെടുപ്പ് നടന്നത്. റഷ്യയുമായുള്ള സംയോജനത്തിന് അനുകൂലമായി ഭൂരിപക്ഷം പേരും വോട്ട് ചെയ്തതായി അവിടത്തെ പ്രാദേശിക ഉദ്യോഗസ്ഥർ പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു. കിയെവും അതിന്റെ പാശ്ചാത്യ സഖ്യകക്ഷികളും വോട്ടുകളെ “കപടം” എന്നാണ് വിശേഷിപ്പിച്ചത്. റഫറണ്ടത്തിന് ശേഷം റഷ്യയുമായുള്ള ചർച്ചകൾ…

ചിക്കാഗോ: അമേരിക്കയിലെ ക്‌നാനായ റീജിയണിൽ ചെറുപുഷ്‌പ മിഷൻ ലീഗിന്റെ പ്ലാറ്റിനം ജൂബിലിയുടെ ഇടവക തലത്തിലുള്ള സമാപന ആഘോഷങ്ങൾ ഒക്ടോബർ 2 ഞായറാഴ്ച നത്തപ്പെടുന്നു. അന്നേ ദിവസം ക്‌നാനായ റീജിയണിലുള്ള പതിനഞ്ചു ഇടവകളിലും രണ്ടു മിഷനുകളിലും പതാക ഉയർത്തൽ, കൃതജ്ഞതാ ബലി, തിരി തെളിക്കൽ, മിഷൻ റാലി തുടങ്ങിയ വിപുലമായ പരിപാടികളോടെയാണ് ജൂബിലി സമാപനം ക്രമീകരിച്ചിരിക്കുന്നത്. മിഷൻ ലീഗ് യുണിറ്റ് ഡയറക്ടർമാരും ഓർഗനൈസർമാരും ഭാരവാഹികളും വേദപാഠ അദ്ധ്യാപകരും പരിപാടികൾക്ക് നേതൃത്വം നൽകും. 2021 ഒക്ടോബർ മൂന്നിനാണ് ക്‌നാനായ റീജിയണൽ ഇടവക തലത്തിലും റീജിയൺ തലത്തിലുമുള്ള ജൂബിലി ആഘോഷങ്ങൾ ഉദ്ഘാടനം ചെയ്‌തത്. റീജിയൺ തലത്തിലുമുള്ള ജൂബിലി സമാപനം ഒക്ടോബർ 15, 16 തീയതികളിൽ ഹൂസ്റ്റണിൽ വിവിധ പരിപാടികളോടെ ആഘോഷിക്കും. 1947-ൽ ഭരണങ്ങാനത്ത് ഏബ്രഹാം പല്ലാട്ടുകുന്നേലിന്റെയും ഫാ. ജോസഫ് മാലിപറമ്പിലിന്റെയും നേതൃത്വത്തിൽ സ്ഥാപിച്ച ചെറുപുഷ്‌പ മിഷൻ ലീഗ് ഇന്ന് അന്തർദേശീയ സംഘടനയായി…

ചിക്കാഗോ: മലയാളി അസോസിയേഷന്‍ ഓഫ് റെസ്പിരേറ്ററി കെയറിന്‍റെ ഈ വര്‍ഷത്തെ കുടുംബസംഗമം റെസ്പിരേറ്ററി കെയര്‍ വാരത്തോടനുബന്ധിച്ച് ഒക്ടോബര്‍ 22-ന് ശനിയാഴ്ച നടത്തപ്പെടും. കുടുംബസംഗമത്തിന് വേദിയാകുന്നത് മോര്‍ട്ടണ്‍ഗ്രോവിലുള്ള സെന്‍റ് മേരീസ് ക്നാനായ കാത്തലിക് പാരിഷ് ഹാളാണ്. വൈകുന്നേരം 6-ന് ആരംഭിക്കുന്ന ആഘോഷപരിപാടികള്‍ രാത്രി 11.30 വരെ തുടരുന്നതായിരിക്കും. മാര്‍ക്ക് പ്രസിഡണ്ട് വിജയന്‍ വിന്‍സെന്‍റ് സമ്മേളനത്തില്‍ ആദ്ധ്യക്ഷ്യം വഹിക്കും. വിസ്താ മെഡിക്കല്‍ സെന്‍റര്‍ പള്‍മണറി വിഭാഗം മേധാവി ഡോക്ടര്‍ ലവണ്യ ശ്രീനിവാസന്‍ സമ്മേളനത്തില്‍ മുഖ്യപ്രഭാഷണം നടത്തും. ചിക്കാഗോയിലെ സംഗീതപ്രേമികളുടെ മനസ്സില്‍ ഇടംപിടിച്ച് വളര്‍ന്നുവരുന്ന നാദന്‍ സോള്‍ ഓര്‍ക്കസ്ട്രായുടെ സംഗീതവിരുന്ന് സമ്മേളനത്തിനു കൊഴുപ്പു പകരും. കൂടാതെ റെസ്പിരേറ്ററി കെയര്‍ പ്രൊഫഷണലുകളും കുടുംബാംഗങ്ങളും അവതരിപ്പിക്കുന്ന വൈവിദ്ധ്യമാര്‍ന്ന കലാപരിപാടികളും സമ്മേളനത്തില്‍ ഉള്‍പ്പെടുത്തിയിട്ടുണ്ട്. കുടുംബസംഗമത്തിനുള്ള ടിക്കറ്റ് വില്പന സെപ്റ്റംബര്‍ 10-ന് നടത്തപ്പെട്ട മാര്‍ക്കിന്‍റെ വിദ്യാഭ്യാസ സെമിനാറില്‍ വെച്ച് നോര്‍ത്ത് ചിക്കാഗോ വെറ്ററന്‍സ് അഡ്മിനിസ്ട്രേഷന്‍ ഹോസ്പിറ്റല്‍ സ്ളിപ്ലാബ്…