Category: AMERICA

ഫ്‌ലോറിഡ : മലയാളി അസോസിയേഷന്‍ ഓഫ് ടല്ലഹാസ്സി (മാറ്റ്) 2022 സെപ്റ്റംബര്‍ 24ന് ഫോര്‍ട്ട് ബ്രേഡന്‍ കമ്യൂണിറ്റി സെന്ററില്‍ വെച്ച് പ്രൗഢഗംഭീരമായി ഓണാഘോഷ പരിപാടികള്‍ നടത്തി . ഋത്മിക രേഷ്മിത്തിന്റെ പ്രാര്‍ത്ഥന ഗാനത്തോടെ പരിപാടികള്‍ക്ക് തുടക്കം കുറിച്ചു . അസോസിയേഷന്‍ പ്രസിഡന്റ് പ്രഷീല്‍ കളത്തില്‍ അംഗങ്ങളെ അഭിസംബോധന ചെയ്തു സംസാരിക്കുകയും ഓണാശംസകള്‍ നേരുകയും ചെയ്തു. അസോസിയേഷന്‍ എക്‌സിക്യൂട്ടീവ് മെറില്‍ ജോണ്‍ ചാക്കോള സ്വാഗത പ്രസംഗം നടത്തുകയും ഓണത്തിന്റെ ഐതിഹ്യത്തെക്കുറിച്ചും പ്രത്യേകതകളെക്കുറിച്ചും വിശദീകരിച്ചു. മുതിര്‍ന്ന രക്ഷിതാക്കള്‍ നിലവിളക്കില്‍ ദീപം തെളിച്ച് വര്‍ണശബളമായ പരിപാടികള്‍ക്ക് തുടക്കം കുറിച്ചു. അതി മനോഹരമായ പൂക്കളം അംഗങ്ങള്‍ക്കും കുട്ടികള്‍ക്കും ഒരു ദൃശ്യവിരുന്നു തന്നെ ആയിരുന്നു. തൂശനിലയിലെ വിഭവസമൃദ്ധമായ ഓണസദ്യയ്ക്ക് ശേഷം ആവേശകരമായ മത്സരങ്ങള്‍ നടന്നു. പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കും പ്രത്യേകം വടംവലി മത്സരങ്ങള്‍ ഉണ്ടായിരുന്നു. ചിത്ര ഗാനങ്ങള്‍ കോര്‍ത്തിണക്കിയ രാഗസുധ പരിപാടിക്ക് മാറ്റുകൂട്ടി. ചടങ്ങില്‍…

ചിക്കാഗോ: ഇന്ത്യന്‍ എഞ്ചിനീയര്‍മാരുടെ അംബ്രല്ലാ ഓര്‍ഗനൈസേഷനായ അമേരിക്കന്‍ അസോസിയേഷന്‍ ഓഫ് എഞ്ചിനീയേഴ്സ് ഓഫ് ഇന്ത്യന്‍ ഒറിജിന്‍ (എ.എ.ഇ.ഐ.ഒ) യു.എസ്- ഇന്ത്യ ഗ്ലോബല്‍ ഉച്ചകോടിയും വാര്‍ഷികാഘോഷവും വിജയകരമായി നടത്തി. ഓക് ബ്രൂക്ക് മാരിയറ്റിന്റെ ഗ്രാന്റ് ബാള്‍ റൂമില്‍ വച്ച യു.എസ് കോണ്‍ഗ്രസ്‌മാന്‍ ബില്‍ ഫോസ്റ്റര്‍ പരിപാടികളുടെ ഉദ്ഘാടനം നിര്‍വഹിച്ച് സംസാരിച്ചു. എ.എ.ഇ.ഐ.ഒയും ഫെഡറല്‍ ഗവണ്‍മെന്റും അമേരിക്കയിലെ വിവിധ കമ്പനികളും ഒത്തുചേര്‍ന്ന് ഇന്ത്യന്‍ കമ്യൂണിറ്റിക്കും, ഇന്ത്യന്‍ എന്‍ജീനീയര്‍മാര്‍ക്കും പ്രയോജനം ചെയ്യുന്ന രീതിയിലുള്ള പ്രൊജക്ടുകള്‍ ചെയ്യാന്‍ എ.എ.ഇ.ഐ.ഒ ബോര്‍ഡുമായി ചര്‍ച്ചകള്‍ നടത്തിക്കൊണ്ടിരിക്കുകയാണെന്ന് അദ്ദേഹം അറിയിച്ചു. പ്രസിഡന്റ് ഗ്ലാഡ്‌സണ്‍ വര്‍ഗീസ് ഏവരേയും സ്വാഗതം ചെയ്യുകയും എ.എ.ഇ.ഐ.ഒ 2021- 22 വര്‍ഷത്തില്‍ നടത്തിയ പ്രവര്‍ത്തനങ്ങള്‍ വിശദീകരിക്കുകയും, അടുത്ത വര്‍ഷം നടത്താന്‍പോകുന്ന പദ്ധതികള്‍ വിവരിക്കുകയും ചെയ്തു. എ.എ.ഇ.ഐ.ഒയുടെ 2021- 22 നടത്തിയ പ്രവര്‍ത്തന നേട്ടങ്ങളുടെ വീഡിയോ ചടങ്ങില്‍ പ്രദര്‍ശിപ്പിച്ചു. യു.എസ് – ഇന്ത്യ സമ്മിറ്റിന്റെ ചെയര്‍മാന്‍…

ഷിക്കാഗോ : ഷിക്കാഗോ മലയാളി അസോസിയേഷന്റെ 2021-23 ഭരണ കാലഘട്ടത്തിലെ വാര്‍ഷിക പൊതുയോഗം ഒക്ടോബര്‍ 30-ന് ഞായറാഴ്ച വൈകുന്നേരം 5 മണിക്ക് അസോസിയേഷന്‍ ഓഫീസില്‍*834 E. Rand Rd., St{e 13, Mount prospect, IL-60056) വച്ച് കൂടുന്നതാണ്. അസോസിയേഷന്‍ പ്രസിഡന്റ് ജോഷി വള്ളിക്കളത്തിന്റെ അദ്ധ്യക്ഷതയില്‍ വച്ച് കൂടുന്ന യോഗത്തില്‍ സെക്രട്ടറി ലീല ജോസഫ് വാര്‍ഷിക റിപ്പോര്‍ട്ടും ട്രഷറര്‍ ഷൈനി ഹരിദാസ് വാര്‍ഷിക കണക്കും അവതരിപ്പിക്കുന്നതാണ്. പ്രസ്തുത പൊതുയോഗത്തില്‍ വച്ച് അസോസിയേഷന്റെ 50-ാം വാര്‍ഷികാഘോഷത്തിന്റെ അഭിപ്രായവും, അസോസിയേഷന്‍ വാര്‍ഷിക അംഗത്വ ഫീസ്, ഓഫീസ് സംബന്ധിച്ച കാര്യങ്ങള്‍ എന്നിവ സംബന്ധിച്ച് സംസാരിക്കുന്നതാണ്. പ്രസ്തുത പൊതുയോഗത്തില്‍ അസോസിയേഷന്‍ അംഗങ്ങളെല്ലാവരും പങ്കെടുക്കണമെന്ന് അസോസിയേഷനു വേണ്ടി പ്രസിഡന്റ് ജോഷി വള്ളിക്കളം-312 685 6749, സെക്രട്ടറി- ലീല ജോസഫ് 224 578526, ട്രഷറര്‍ -ഷൈനി ഹരിദാസ്, ജോ.സെക്രട്ടറി-ഡോ.സിബിള്‍ ഫിലിപ്പ്, ജോ.സെക്രട്ടറി-വിവീഷ് ജേക്കബ്.

അറ്റ്‌ലാന്റ: അറ്റ്‌ലാന്റ മെട്രോ മലയാളി അസ്സോസിയേഷൻ (അമ്മ) ജൂലൈ മാസത്തിൽ ചേർന്ന എക്സിക്യൂട്ടീവ് കമ്മറ്റി യോഗത്തിൽ വരും വർഷങ്ങളിലേക്കുള്ള അമ്മയുടെ പുതിയ സാരഥികളെ ഐകകണ്ഠ്യേന തിരഞ്ഞെടുക്കുകയുണ്ടായി. ജയിംസ്ജോയി കല്ലറക്കാനിയിൽ പ്രിഡന്റായി ചുമതല ഏൽക്കുന്ന ഭരണ സമിതിയിൽ ചുറുചുറുക്കും കാരൃക്ഷമതയും കൈമുതലായുള്ള യുവജനങ്ങളാണ് അണിനിരക്കുന്നത്. ”അമ്മ” സംഘടനയെ പരമോന്നതിയിലെത്തിക്കാൻ, കൂടുതൽ യുവജനങ്ങളെ രംഗത്തേക്ക് എത്തിക്കുവാൻ സമൂഹത്തിനൂവേണ്ടി എന്നും എപ്പോഴും നിലകൊള്ളുവാൻ തയ്യാറായി മുന്നോട്ട് വന്നിരിക്കുന്ന ഇവർ സെപ്റ്റംബർ 24ാം തീയതി അമ്മ സംഘടിപ്പിച്ച ഓണപരിപാടിയിൽ വെച്ച് ജനസാഗരങ്ങളെ സാക്ഷി നിര്‍ത്തി അധികാരമേറ്റെടുത്തു. ജയിംസ് ജോയി കല്ലറക്കാനിയിൽ (പ്രസിഡന്റ്‌), ജിത്തു വിനോയ് (വൈസ് പ്രസിഡന്റ്‌), അമ്പിളി സജിമോൻ (സെക്രട്ടറി ), കൃഷ്ണ രവീന്ദ്രനാഥ് (ജോയിന്റ് സെക്രട്ടറി ), ഷാനു പ്രകാശ് (ട്രഷറർ), കാജൽ സഖറിയ, റോഷേൽ മെറാൻഡസ്, ഫെമിനാ നാസർ, റോബിൻ തോമസ്, സൂരജ് ജോസഫ്, ലൂക്കോസ് തരിയൻ എന്നിവരാണ്…

ഡാളസ്: ടെക്‌സസ് ഗവര്‍ണര്‍ ഗ്രേഗ് ഏബട്ടുമായി സംസാരിച്ചിട്ടു രണ്ടു വര്‍ഷത്തിലേറെയായെന്ന് ഡാളസ് കൗണ്ടി ജഡ്ജി ക്ലെ ജങ്കിന്‍സ്. കഴിഞ്ഞ വാരാന്ത്യമാണ് അദ്ദേഹം ഈ വിവരം പുറത്തുവിട്ടത്. ടെക്‌സസ് ഗവര്‍ണറുമായി നിരവധി വിഷയങ്ങളില്‍ കോവിഡ് മഹാമാരിയുടെ ആരംഭത്തില്‍ തന്നെ വിയോജിപ്പു പ്രകടിപ്പിച്ച ജഡ്ജി ക്ലെ ജങ്കിന്‍സ് ദേശീയ തലത്തില്‍ തന്നെ വലിയ മാധ്യമ ശ്രദ്ധ പിടിച്ചുപറ്റിയിരുന്നു. സെപ്റ്റംബര്‍ 25നു ഡാലസ് ഹാമില്‍ട്ടണ്‍ പാര്‍ക്ക് യുനൈറ്റഡ് മെത്തഡിസ്റ്റ് ചര്‍ച്ചില്‍ പ്രസ്താവന നടത്തുകയായിരുന്നു ജഡ്ജി. ഗ്രോഗ് ഏബട്ടിനെതിരെ മത്സരിക്കുന്ന ഡമോക്രാറ്റിക് സ്ഥാനാര്‍ഥി ബെറ്റൊ ഒ. റൂര്‍ക്കെക്ക് വോട്ടു ചെയ്യുന്നതിനെ കുറിച്ചും ചര്‍ച്ചില്‍ വെച്ചു ജഡ്ജി ചര്‍ച്ചകള്‍ നടത്തി. എല്ലാം സുരക്ഷിതമായി മുന്നോട്ടു പോകണമെന്നാണ് നാം ആഗ്രഹിക്കുന്നത്. എന്നാല്‍, എല്ലാം തകരാറിലാക്കുകയാണ് ഗവര്‍ണറെന്ന് ജഡ്ജി പറഞ്ഞു. ഗവര്‍ണറുടെ ഫോണ്‍ നമ്പര്‍ പോലും എനിക്കറിയില്ല. അയയ്ക്കുന്ന ഇമെയിലുകള്‍ക്ക് മറുപടി നല്‍കാറില്ലെന്നും ജഡ്ജി കുറ്റപ്പെടുത്തി. ഡാലസ്…

“രണ്ടായിരത്തി അമ്പത്തിരണ്ട് – അന്നാണ് മലങ്കര സഭ ഇൻഡ്യയിൽ സ്ഥാപിതമായതിന്റെ 2000 വര്ഷം സമാഗതമാവുന്നത് . ഒരു മുപ്പതു വർഷത്തെ പദ്ധതി: നമ്മുടെ മനസ്സിലും നമ്മെപ്പോലെ ചിന്തിക്കുന്നവരുടെ മനസ്സിലും ഈ വീക്ഷണം ഉണ്ടാവണം. ഒരു താല്പര്യവും ഉണ്ടാവണം. നമുക്കൊക്കെ അറിയാവുന്നപോലെ നമ്മുടെ ചുറ്റുപാട് പ്രശ്നങ്ങളാൽ കലുഷിതമാണ് . പക്ഷെ അതൊന്നുമായിരിക്കരുത് നമ്മെ മുന്നോട്ടുനയിക്കേണ്ടത്.” നോർത്ത് ഈസ്റ്റ് അമേരിക്കൻ ഭദ്രാസനത്തിന്റെ സ്വീകരണ വേദിയിൽ സംസാരിക്കുകയായിരുന്നു പരിശുദ്ധ മോറോൻ മാർ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവ. സഭയുടെ ദൗത്യവും ദര്ശനവും മനസ്സിലാക്കി അടുത്ത മൂന്നു പതിറ്റാണ്ടിലേക്കുള്ള പദ്ധതികൾ ആവിഷ്കരിക്കുവാൻ പ്രതിജ്ഞാബദ്ധമാണ്. സ്നേഹത്തിൽ അധിഷ്ഠിതമായ സഹവർത്തിത്വമാണ് എല്ലാമതങ്ങളും പഠിപ്പിക്കുന്നത്. ഒരു ആഗോള ദർശനമാണ് നമുക്ക് വേണ്ടത്. വിശ്വജനീനമായസാഹോദര്യം . കരുതലും പങ്കുവെക്കലും അവിടെ കാണാൻ കഴിയണം. നമ്മുടെ അത്യാർത്തിമൂലം അതൊക്കെ നഷ്ടപ്പെട്ടോ എന്ന് സംശയം . എല്ലാം വിട്ടെറിഞ്…

വിയന്ന: ഇറാന്റെ ആണവ കരാർ പുനരുജ്ജീവിപ്പിക്കാനുള്ള ശ്രമങ്ങൾക്കിടെ താൻ തിങ്കളാഴ്ച ഇറാന്റെ ആണവോർജ്ജ ഏജൻസി മേധാവിയുമായി കൂടിക്കാഴ്ച നടത്തിയതായി യുഎൻ ആണവ നിരീക്ഷണ വിഭാഗം മേധാവി പറഞ്ഞു. ഇറാന്റെ ആണവ പ്രവർത്തനങ്ങളുടെ കടുത്ത പരിമിതിക്ക് പകരമായി അന്താരാഷ്ട്ര ഉപരോധങ്ങളിൽ ഇളവ് വാഗ്ദാനം ചെയ്ത 2015 ലെ തകർന്ന കരാർ സംരക്ഷിക്കാനുള്ള ശ്രമങ്ങൾ അന്നത്തെ യു എസ് പ്രസിഡന്റ് ഡൊണാൾഡ് ട്രംപ് 2018 ൽ അമേരിക്കയെ അതിൽ നിന്ന് പിൻവലിച്ചതിനുശേഷം പരാജയപ്പെട്ടു. യു എസ് ഇറാനു മേല്‍ ഉപരോധങ്ങൾ വീണ്ടും ഏർപ്പെടുത്തിയത് ടെഹ്‌റാനെ അതിന്റെ ആണവ പ്രതിബദ്ധതകളിൽ നിന്ന് പിന്മാറാൻ പ്രേരിപ്പിച്ചു. സമ്പുഷ്ടമായ യുറേനിയത്തിന്റെ ശേഖരം വളരെയധികം വർദ്ധിപ്പിച്ചു, യുഎൻ ന്യൂക്ലിയർ വാച്ച്‌ഡോഗ്, ഇന്റർനാഷണൽ ആറ്റോമിക് എനർജി ഏജൻസി (IAEA) പ്രവർത്തിപ്പിക്കുന്ന നിരീക്ഷണ ക്യാമറകൾ ഓഫ് ചെയ്തു. എന്നാൽ, മാസങ്ങൾ നീണ്ട സംഘർഷത്തിനൊടുവിൽ വിയന്നയിൽ ഇരുവിഭാഗവും മുഖാമുഖം കണ്ടു.…

ഒക്കലഹോമ: അപരന്റെ കൈകൾക്കു കരുത്ത് പകരുന്നതിനുള്ള ഉത്തരവാദിത്തം മാർത്തോമാ സഭയിലെ ഓരോ സന്നദ്ധ സുവിശേഷക സംഘാഗവും ഏറ്റെടുക്കണമെന്നു കൺവെൻഷൻ പ്രാസംഗീകനും സുവിശേഷകനുമായ പുഷ്പരാജ്ഉദ്ബോധിപ്പിച്ചു. മാർത്തോമാ സന്നദ്ധ സുവിശേഷക സംഘത്തിന്റെ സൗത്ത് വെസ്റ്റ് സെന്റർ എ യുടെ ആഭിമുഖ്യത്തിൽ വർഷം തോറും നടത്തി വരുന്ന സംഘ വാര കൺവെൻഷന്റെ പ്രാരംഭദിനത്തിൽ (സെപ്റ്റ് :26 വൈകീട്ട്) സൂം പ്ലാട്ഫോമിൽ വചന ശുശ്രുഷ നിർവഹിക്കുകയായിരുന്നു ഡബ്ലിയു.എസ് മുട്ടപള്ളി മിഷൻ സെന്ററിലെ സുവിശേഷകൻ പുഷ്പരാജ്. വിശുദ്ധ ബൈബിളിൽ ആരാലും ശ്രദ്ധിക്കപ്പെടാത്ത കൂടുതൽ വിവരങ്ങൾ ഒന്നും ലഭ്യമല്ലാത്ത എന്നാൽ ജീവിതത്തിൽ വ്യക്തമായ മാതൃക പുലർത്തിയിരുന്ന ഒരു വ്യക്തിയായിരുന്നു ഹൂർ. മോശെയെയും അഹരോനെയും ജീവിതത്തിൽ താങ്ങും തണലുമായി നിൽക്കാൻ കഴിഞ്ഞു എന്നുള്ളതാണ് തൻറെ ജീവിതത്തിൻറെ അഭിമാനമായി ഹൂർ കണ്ടത്. അപരനിലെ ദൈവസാന്നിധ്യം അംഗീകരിച്ച ,അപരൻറെ ദൈവത്തെ ചേർത്ത് പിടിക്കുവാൻ മനസ്സ് കാണിച്ച,ദൈവത്തെയും വിശ്വാസത്തെയും തലമുറകളിലേക്ക് പകർന്നു…

ന്യൂയോര്‍ക്ക്‌: യോങ്കേഴ്‌സ്‌ സെന്റ്‌ തോമസ്‌ ഓര്‍ത്തഡോക്സ്‌ പള്ളി മര്‍ത്തമറിയം വനിതാ സമാജത്തിന്റെ 40-ാം വാര്‍ഷികം ആഘോഷിച്ചു. സെപ്റ്റംബര്‍ 25-ാം തിയ്യതി വിശുദ്ധ കുര്‍ബാനയ്ക്കുശേഷം വികാരി വെരി റവ. ചെറിയാന്‍ നീലാങ്കല്‍ കോര്‍ എപ്പിസ്കോപ്പായുടെ പ്രസംഗത്തോടുകൂടി ചടങ്ങുകള്‍ ആരംഭിച്ചു. സമാജം അംഗങ്ങളുടെ ഗാനങ്ങള്‍ ഓര്‍ത്തഡോക്സ്‌ സഭയുടെ പൈതൃകവും, സംസ്‌കാരവും കാത്തുസൂക്ഷിച്ചു. വികാരി ചെറിയാന്‍ നീലാങ്കല്‍ അച്ചനും, സഹ വികാരി ഷോണ്‍ അച്ചനും സീനിയേഴ്‌സിനെ അനുമോദിക്കുകയും അവര്‍ സമാജത്തിനുവേണ്ടി ചെയ്ത സംഭാവനകള്‍ എടുത്തു പറയുകയും ചെയ്തു. സമാജം ജോയിന്റ്‌ സെക്രട്ടറി സമാജത്തിന്റെ ചരിത്രം, ജീവകാരുണ്യ പ്രവര്‍ത്തനങ്ങള്‍ എന്നിവയെക്കുറിച്ച്‌ സംസാരിച്ചു. മോനി വര്‍ഗീസും, ലീലാമ്മ തോമസും അവരുടെ പഴയകാല ഓര്‍മ്മകള്‍ പങ്കുവെച്ച്‌ സംസാരിച്ചു. നീലാങ്കല്‍ അച്ചനും ഷോണ്‍ അച്ചനും സീനിയേഴ്‌സിനെ ഷാള്‍ അണിയിച്ചും, സമ്മാനങ്ങള്‍ നല്‍കിയും ആദരിച്ചു. അന്നമ്മ ഈപ്പന്‍ നന്ദി പ്രകാശിപ്പിച്ചു. ഫോട്ടോ സെഷന്‍, ലഞ്ച്‌ എന്നിവയോടുകൂടി പരിപാടികള്‍ അവസാനിച്ചു.

വാഷിംഗ്ടണ്‍: നവംബറിലെ ഇടക്കാല തെരഞ്ഞെടുപ്പിൽ ഡെമോക്രാറ്റുകൾ പരാജയപ്പെടുകയും ജിഒ‌പി ഹൗസിന്റെ നിയന്ത്രണം ഏറ്റെടുക്കുകയും ചെയ്താൽ, റിപ്പബ്ലിക്കൻമാർ യുഎസ് പ്രസിഡന്റ് ജോ ബൈഡനെ ഇംപീച്ച് ചെയ്യാനുള്ള സമ്മർദ്ദം നേരിടേണ്ടിവരുമെന്ന് സൗത്ത് കരോലിനയില്‍ നിന്നുള്ള റിപ്പബ്ലിക്കന്‍ പ്രതിനിധി നാൻസി മേസ് പറയുന്നു. എൻബിസി “മീറ്റ് ദ പ്രസ്” മോഡറേറ്റർ ചക്ക് ടോഡിന്റെ ഇംപീച്ച്‌മെന്റ് വോട്ടിനെക്കുറിച്ചുള്ള ചോദ്യങ്ങള്‍ക്ക് മറുപടി പറയുകയായിരുന്നു മേസ്. ബൈഡന്റെ ഇംപീച്ച്‌മെന്റിൽ താൻ വോട്ട് ചെയ്യുമോ എന്ന് മേസ് പറഞ്ഞില്ല. എന്നാൽ, 2021 ൽ മുൻ റിപ്പബ്ലിക്കൻ പ്രസിഡന്റ് ഡൊണാൾഡ് ട്രംപിനെ ഇംപീച്ച് ചെയ്യുന്നതിന് താൻ വോട്ട് ചെയ്തിട്ടില്ലെന്നും അവര്‍ പറഞ്ഞു. കാരണം അതിന്റെ “നടപടി ക്രമങ്ങള്‍” പാലിച്ചില്ല എന്നും അവര്‍ കൂട്ടിച്ചേർത്തു. “ആർക്കെങ്കിലും വേണ്ടി നടപടിക്രമങ്ങൾ ഇല്ലാതാക്കിയതായി എനിക്ക് തോന്നിയാല്‍ ഒരു പ്രസിഡന്റിനെയും ഇംപീച്ച് ചെയ്യുന്നതിനായി ഞാൻ വോട്ട് ചെയ്യില്ല. ആരാണ് അധികാരത്തിലിരിക്കുന്നതെന്നത് പരിഗണിക്കാതെ തന്നെ ഞാൻ…