Category: AMERICA

ന്യൂയോർക്ക്: ന്യൂയോർക്ക് സംസ്ഥാനത്ത് ഉടനീളം ഫെഡറൽ ഇമിഗ്രേഷൻ വിഭാഗം നടത്തിയ വൻതോതിലുള്ള പരിശോധനയിൽ 2,197 പേർ അറസ്റ്റിലായി. ന്യൂയോർക്ക് സിറ്റി, ലോംഗ് ഐലൻഡ്, ഹഡ്സൺ വാലി, മറ്റ് വടക്കൻ കൗണ്ടികൾ എന്നിവിടങ്ങൾ കേന്ദ്രീകരിച്ചായിരുന്നു പരിശോധന. എന്നാൽ പ്രാദേശിക നിയമപാലകരും ഐസ് (ICE) ഉദ്യോഗസ്ഥരും തമ്മിലുള്ള സഹകരണത്തിന് ന്യൂയോർക്ക് സർക്കാർ കർശന നിയന്ത്രണങ്ങൾ ഏർപ്പെടുത്തിയതോടെ വിഷയം ഫെഡറൽ കോടതിയിലേക്ക് നീങ്ങി. ഫെഡറൽ ഇമിഗ്രേഷൻ ഉദ്യോഗസ്ഥരുമായി സ്വമേധയാ സഹകരിക്കുന്നതിൽ നിന്ന് തടയാൻ സംസ്ഥാനത്തിന് അധികാരമില്ലെന്ന് ചൂണ്ടിക്കാട്ടി 15 കൗണ്ടി ഷെരിഫുമാർ കോടതിയിൽ ഹർജി നൽകി. ഈ സംഭവവികാസങ്ങളോടെ ന്യൂയോർക്കിലെ കുടിയേറ്റ നിയന്ത്രണം രണ്ട് മുൻനിര പോരാട്ടങ്ങളായി മാറിയിരിക്കുകയാണ്. ഒന്ന് ഫെഡറൽ തലത്തിലുള്ള പരിശോധനകളാണെങ്കിൽ, മറ്റൊന്ന് തിരഞ്ഞെടുക്കപ്പെട്ട ഷെരിഫുമാരുടെ മേൽ ആൽബണി സർക്കാരിന് എത്രത്തോളം നിയന്ത്രണം ചെലുത്താനാകും എന്ന് പരിശോധിക്കുന്ന നിയമപോരാട്ടവുമാണ്.

ഹൂസ്റ്റൺ: ഇക്കഴിഞ്ഞ ദിവസം അന്തരിച്ച, കോൺഗ്രസ് പ്രസ്ഥാനത്തിനും കേരളത്തിലെ യുഡിഎഫിനും വേണ്ടി ദീർഘകാലം ആത്മാർത്ഥമായി പ്രവർത്തിച്ചിരുന്ന ഹൂസ്റ്റണിലെ പ്രമുഖ കോൺഗ്രസ് പ്രവർത്തകനും കോൺഗ്രസ് പോരാളിയുമായിരുന്ന ജോർജ് എബ്രഹാമിനെ അനുസ്മരിക്കുന്നതിനായി യുഡിഎഫ്–കോൺഗ്രസ് അനുഭാവികളുടെ യോഗം സെപ്റ്റംബർ 16 ബുധനാഴ്ച വൈകുന്നേരം ഹൂസ്റ്റണിൽ സംഘടിപ്പിക്കും. ബുധനാഴ്ച വൈകുന്നേരം 6:00 മണിക്ക് മിസോറി സിറ്റി അപ്ന ബസാർ ഓഡിറ്റോറിയത്തിൽ നടക്കുന്ന അനുസ്മരണ യോഗത്തിൽ ഹൂസ്റ്റണിലെ വിവിധ മേഖലകളിൽ നിന്നുള്ള കോൺഗ്രസ്, യുഡിഎഫ് അനുഭാവികളും സുഹൃത്തുക്കളും പങ്കെടുക്കും. കോൺഗ്രസ് പ്രസ്ഥാനത്തോട് അഗാധമായ പ്രതിബദ്ധത പുലർത്തിയിരുന്ന ജോർജ് എബ്രഹാം കഴിഞ്ഞ നിരവധി വർഷങ്ങളായി ഹൂസ്റ്റണിലെ കോൺഗ്രസ് അനുഭാവികൾക്കിടയിൽ സജീവ സാന്നിധ്യമായിരുന്നു. കോൺഗ്രസിന്റെ ജനാധിപത്യ, മതേതര മൂല്യങ്ങൾ ഉയർത്തിപ്പിടിക്കുന്നതിലും സഹപ്രവർത്തകരെ ഒരുമിച്ച് നിർത്തുന്നതിലും അദ്ദേഹം നൽകിയ സംഭാവനകൾ അനുസ്മരണ യോഗത്തിൽ പ്രത്യേകം സ്മരിക്കും. അദ്ദേഹത്തിന്റെ സമർപ്പിതമായ പൊതുപ്രവർത്തനവും കോൺഗ്രസ് പ്രസ്ഥാനത്തോടുള്ള ആത്മാർത്ഥമായ സേവനവും അനുസ്മരിക്കുന്നതിനൊപ്പം, അദ്ദേഹവുമായി…

വാഷിംഗ്ടൺ: പ്രമുഖ മനുഷ്യാവകാശ സംഘടനയായ ‘സതേൺ പോവർട്ടി ലോ സെന്ററി’ന്റെ (SPLC) ഇൻ്റലിജൻസ് ഡയറക്ടറും എക്‌സ്ട്രീമിസം ഗവേഷകയുമായ ഹൈഡി ബെയ്‌റിച്ച് (Heidi Beirich) ഫെഡറൽ കുറ്റകൃത്യങ്ങളിൽ അറസ്റ്റിലായി. FBI ഡയറക്ടർ കാഷ് പട്ടേൽ ആണ് ഇത് സംബന്ധിച്ച വിവരങ്ങൾ പുറത്തുവിട്ടത്. വയർ ഫ്രോഡ് കൺസ്പിറസി ഫെഡറൽ ഇൻഷുറൻസ് പരിരക്ഷയുള്ള ബാങ്കിൽ വ്യാജ പ്രസ്താവനകൾ സമർപ്പിക്കാൻ ഗൂഢാലോചന നടത്തൽ ,പണം വെളുപ്പിക്കൽ മറച്ചുവെക്കുന്നതിനുള്ള ഗൂഢാലോചന തുട്ങ്ങി സംഘടനയുടെ നേതൃത്വവുമായി ബന്ധപ്പെട്ട ഗൂഢാലോചന കേസിലാണ് ഈ നടപടി. 2007 മുതൽ 2023 വരെയുള്ള കാലയളവിൽ ഏകദേശം 4.2 ദശലക്ഷം ഡോളറിന്റെ തട്ടിപ്പുകൾക്ക് ഹൈഡി ബെയ്‌റിച്ച് നേതൃത്വം നൽകിയതായി പ്രോസിക്യൂഷൻ ആരോപിക്കുന്നു. തങ്ങൾ എതിർക്കുന്നതായി അവകാശപ്പെടുന്ന തീവ്രവാദ സംഘടനകളുടെ തലപ്പത്തുള്ളവർക്ക് പണം എത്തിച്ചു നൽകാനായി, ദാതാക്കളെ കബളിപ്പിച്ച് തെറ്റായതും വഞ്ചനാപരവുമായ മാർഗ്ഗങ്ങളിലൂടെ ഫണ്ട് സ്വരൂപിച്ചു എന്നാണ് പ്രധാന ആരോപണം. തീവ്രവാദ ഗ്രൂപ്പുകളെ…

കാനഡ: ഉന്നതപഠനത്തിനും മികച്ചൊരു ഭാവി കെട്ടിപ്പടുക്കാനുമുള്ള സ്വപ്നങ്ങളുമായി രണ്ട് വർഷം മുമ്പ് കാനഡയിലെത്തിയ ഇന്ത്യൻ വിദ്യാർത്ഥിനി ഇഷ റാണി, ഗുരുതരമായ രക്താർബുദത്തോട് പൊരുതുന്നതിനിടെ അന്തരിച്ചതായി റിപ്പോർട്ട്. ഇഷയുടെ ചികിത്സയ്ക്കായി കുടുംബം ആരംഭിച്ച GoFundMe ധനസമാഹരണ ക്യാമ്പയിനിൽ നൽകിയ വിവരങ്ങൾ പ്രകാരം, കാനഡയിലെത്തിയതിന് പിന്നാലെയാണ് ഇഷയ്ക്ക് ഗുരുതരമായ രക്താർബുദം സ്ഥിരീകരിച്ചത്. രോഗം അതിവേഗം മൂർച്ഛിച്ചതിനെ തുടർന്ന് ആശുപത്രിയിൽ തീവ്ര ചികിത്സയിൽ കഴിയുകയായിരുന്നു. ഇഷയുടെ ആരോഗ്യനില അതീവ ഗുരുതരമായതോടെ ചികിത്സാ ചെലവുകൾക്കും കുടുംബത്തെ സഹായിക്കുന്നതിനുമായി ബന്ധുക്കൾ സാമ്പത്തിക സഹായവും പ്രാർത്ഥനയും അഭ്യർഥിച്ചിരുന്നു. പഠനത്തിലൂടെ പുതിയൊരു ജീവിതം പടുത്തുയർത്തണമെന്ന പ്രതീക്ഷയോടെ കാനഡയിലെത്തിയ യുവതിയുടെ വിയോഗവാർത്ത കുടുംബാംഗങ്ങളെയും സുഹൃത്തുക്കളെയും സമൂഹത്തെയും ദുഃഖത്തിലാഴ്ത്തിയിരിക്കുകയാണ്. https://gofund.me/0d55ef0d4

മലയാളികൾ ഇംഗ്ലീഷ് സംസാരിക്കുന്നത് അഹങ്കാരമാണോ അല്ലയോ എന്ന ചർച്ച നടക്കുന്നതിനിടയിൽ ഞാൻ മറ്റൊരു കാര്യം സൂചിപ്പിച്ചോട്ടെ. മലയാളത്തിൽ സംസാരിക്കുമ്പോൾ തെറ്റുകൾ കൂടാതെ നല്ല മലയാളത്തിലും, ഇംഗ്ലീഷ് സംസാരിക്കുമ്പോൾ തെറ്റുകൾ കൂടാതെ നല്ല ഇംഗ്ലീഷിലും സംസാരിച്ചു കേട്ടാൽ നന്നായിരുന്നു. കേരളത്തിൽ നിന്നുള്ള social media influencers, അവതാരകർ എന്ന് മാത്രമല്ല ചില മുതിർന്ന മാധ്യമ പ്രവർത്തകർ വരെ തെറ്റുകൾ കലർന്ന English ആണ് പറഞ്ഞുകൊണ്ടിരിക്കുന്നത്. ഒരു മുതിർന്ന മാധ്യമ പ്രവർത്തകൻ equipments എന്നും, മറ്റൊരു senior journalist informations എന്നും ചാനലിൽ പറയുന്നത് ഞാൻ കേട്ടിട്ടുണ്ട്. Equipment, information എന്നിവ uncountable nouns ആണ്. അതുകൊണ്ട് അവയുടെ കൂടെ ‘s’ ചേർത്ത് plural ആയി ഉപയോഗിക്കാൻ പാടില്ല. സിനിമാ താരമായിരുന്ന ഒരു അവതാരക സ്ഥിരമായി തന്റെ പരിപാടിയിൽ “ന്യൂസസ്” എന്ന് പറയുന്നത് കേട്ടിട്ടുണ്ട്. News എന്ന വാക്ക് തന്നെ…

വാഷിംഗ്ടൺ: സൈനിക തന്ത്രത്തിലെ ഒരു പ്രധാന മാറ്റത്തിൽ, തങ്ങളുടെ ചില ബഹിരാകാശ നിയന്ത്രണ ആയുധങ്ങൾ ഇതിനകം ബഹിരാകാശത്ത് വിന്യസിച്ചിട്ടുണ്ടെന്ന് യുഎസ് ഔദ്യോഗികമായി സമ്മതിച്ചു. ചൈനയിൽ നിന്നും റഷ്യയിൽ നിന്നും ബഹിരാകാശ മേഖലയ്ക്ക് വർദ്ധിച്ചുവരുന്ന ഭീഷണികളെ ചെറുക്കുന്നതിനാണ് ഈ നീക്കം പ്രധാനമായും ലക്ഷ്യമിടുന്നതെന്നും യു എസ് പറയുന്നു. ബഹിരാകാശത്ത് എത്ര ആയുധങ്ങൾ വിന്യസിച്ചിട്ടുണ്ട്, അവ എവിടെയാണ് സ്ഥാപിച്ചിരിക്കുന്നത്, അവയുടെ സാങ്കേതിക കോൺഫിഗറേഷൻ എന്താണെന്നത് യുഎസ് വ്യക്തമാക്കിയിട്ടില്ല. എന്നാല്‍, ഈ കഴിവുകളിൽ കൈനറ്റിക്, നോൺ-കൈനറ്റിക് മാർഗങ്ങൾ ഉൾപ്പെടാമെന്ന് ഉദ്യോഗസ്ഥർ സൂചിപ്പിച്ചിട്ടുണ്ട്. ഇതിനർത്ഥം യുഎസ് സാങ്കേതിക വിദ്യകൾക്ക് ഭൗതിക കൂട്ടിയിടി കൂടാതെ ശത്രു ബഹിരാകാശ സംവിധാനങ്ങളുടെ പ്രവർത്തനത്തെ നേരിട്ട് സ്വാധീനിക്കാനോ തടസ്സപ്പെടുത്താനോ കഴിയും എന്നാണ്. എന്തുകൊണ്ടാണ് ബഹിരാകാശത്തെ പുതിയ യുദ്ധക്കളമായി കണക്കാക്കുന്നത്? ആധുനിക സൈനിക പ്രവർത്തനങ്ങളുടെ നട്ടെല്ലായി ഉപഗ്രഹങ്ങൾ മാറിയിരിക്കുന്നു: സൈനിക ആശയവിനിമയങ്ങൾ മിസൈൽ മുന്നറിയിപ്പ് സംവിധാനം ഇന്റലിജൻസും നിരീക്ഷണവും നാവിഗേഷനും…

മെയ് മാസത്തിൽ ബഹാമാസിൽ നടന്ന ആഡംബര വിവാഹത്തിലെ ആഘോഷങ്ങളുടെ വലിയൊരു ഭാഗം, പ്രശസ്ത റഷ്യൻ വ്യവസായിയും വ്‌ളാഡിമിർ പുടിന്റെ അടുത്ത വിശ്വസ്തനുമായ ഉമർ ക്രെംലെവ് സ്പോൺസർ ചെയ്തു. വാഷിംഗ്ടണ്‍: യുഎസ് പ്രസിഡന്റ് ഡൊണാൾഡ് ട്രംപിന്റെ മൂത്ത മകൻ ഡൊണാൾഡ് ട്രംപ് ജൂനിയറിന്റെയും ഭാര്യ ബെറ്റിന ആൻഡേഴ്‌സണിന്റെയും വിവാഹവുമായി ബന്ധപ്പെട്ട് പുതിയ വിവാദം പൊട്ടിപ്പുറപ്പെട്ടു. മെയ് മാസത്തിൽ ബഹാമാസിൽ നടന്ന ആഢംബര വിവാഹ ആഘോഷങ്ങളിൽ ഭൂരിഭാഗവും പ്രമുഖ റഷ്യൻ വ്യവസായിയും വ്‌ളാഡിമിർ പുടിന്റെ അടുത്ത വിശ്വസ്തനുമായ ഉമർ ക്രെംലെവിന്റെ സ്‌പോൺസർഷിപ്പിലാണെന്ന് സമീപകാല റിപ്പോർട്ടുകൾ അവകാശപ്പെടുന്നു. വാഷിംഗ്ടണിലെ രാഷ്ട്രീയ വൃത്തങ്ങളിൽ ഈ വാർത്ത വലിയ കോളിളക്കമാണ് സൃഷ്ടിച്ചിരിക്കുന്നത്. ഡെമോക്രാറ്റുകള്‍ ഇതുസംബന്ധിച്ച് ശക്തമായ ചോദ്യങ്ങൾ ഉന്നയിച്ചിട്ടുണ്ട്. ഇത്രയും സ്വാധീനമുള്ളതും പുടിൻ അനുകൂലിയുമായ ഒരു റഷ്യൻ പ്രഭുവില്‍ നിന്ന് പ്രസിഡന്റിന്റെ കുടുംബം ഇത്രയും വിലപ്പെട്ട ഒരു സമ്മാനം സ്വീകരിക്കണമായിരുന്നോ എന്നാണ് അവരുടെ ചോദ്യം.…

ഹൂസ്റ്റൺ: തിരുവല്ലയിൽ നിന്ന് എത്തിയ അവർ ഒന്നിച്ചു കൂടി. നാടിന്റെ കഥകളും ഓർമകളും ഒരുമിച്ചു പങ്കുവച്ചു. ഗൃഹാതുരത്വം നിറഞ്ഞു നിന്ന ആ മനോഹര ദിനത്തിൽ ആട്ടവും പാട്ടും എല്ലാമായി അവർ ഒത്തൊരുമിച്ച് ഓണം കൊണ്ടാടി. അങ്ങനെ സ്റ്റാഫോർഡ് ഒരു കൊച്ചു തിരുവല്ലയായി മാറി. തിരുവല്ലയുടെ സ്നേഹവും സൗഹൃദവും പൈതൃകവും ഹൃദയത്തിൽ സൂക്ഷിക്കുന്ന ഹൂസ്റ്റൺ മേഖലയിലെ കൂട്ടായ്മയായ ഫ്രണ്ട്സ് ഓഫ് തിരുവല്ലയുടെ ഓണാഘോഷം സ്റ്റാഫോർഡിലെ APNA MAX റെസ്റ്റോറന്റിൽ വിപുലമായ പരിപാടികളോടെ നടന്നു. കുടുംബങ്ങളും സുഹൃത്തുക്കളും ഒത്തുചേർന്ന ആഘോഷം അക്ഷരാർത്ഥത്തിൽ പ്രവാസ ഭൂമിയിൽ ഒരു കൊച്ചു തിരുവല്ലയും അവിടുത്തെ ഓണാഘോഷവും ആയി മാറി. നിശ്ശബ്ദ പ്രാർത്ഥനയോടെയാണ് ആഘോഷത്തിന് തുടക്കമായത്. ഫ്രണ്ട്സ് ഓഫ് തിരുവല്ല സെക്രട്ടറി ഡോ. ജോർജ് കാക്കനാട്ട് സ്വാഗതപ്രസംഗം നടത്തി. “ഫ്രണ്ട്സ് ഓഫ് തിരുവല്ല ഒരു സംഘടന മാത്രമല്ല, ഹൂസ്റ്റൺ പ്രദേശത്ത് ജീവിക്കുന്ന അനേകം തിരുവല്ലക്കാരുടെ ഒരു…