Category: AMERICA

സാൻ ഫ്രാൻസിസ്‌കോ: ഫോമാ വെസ്റ്റേൺ റീജിയൻ ചെയർ ശ്രീമതി: റെനി പൗലോസിനെ ഇന്ത്യൻ കോൺസുലേറ്റും അസ്സോസിയേഷൻസ് ഓഫ് ഇൻഡോ അമേരിക്കൻസും (AIA) നാരി (NAARI) അവാർഡ് നൽകി ആദരിച്ചു. അന്താരാഷ്ട്ര വനിതാ ദിനത്തോട് അനുബന്ധിച്ച് നടത്തിയ ചടങ്ങിൽ വെച്ചാണ് അവാർഡ് പ്രഖ്യാപിച്ചത്. പ്രസ്തുത ചടങ്ങിൽ സാൻ ഫ്രാൻസിസ്‌കോ ഇന്ത്യൻ കോൺസുലേറ്റ് ജനറൽ ഡോക്ടർ കെ. ശ്രീകർ റെഡ്‌ഡി മുഖ്യാതിഥി ആയിരുന്നു. സമൂഹത്തിൽ വനിതകളുടെ ഉന്നമനത്തിന് വേണ്ടി പ്രവർത്തിക്കുന്ന വനിതാ നേതാക്കൾക്ക് നല്കുന്നതാണ് ഈ അവാർഡ്. ഒരു സ്ത്രീയുടെ ജീവിത വിജയം എന്ന് പറയുന്നത്, അവളുടെ ആത്മവിശ്വാസവും, ആത്മധര്യവും, വിദ്യാഭ്യാസവുമാണ്. അമേരിക്കയിലുള്ള ഇന്ത്യൻ സ്ത്രീകൾ നേരിടുന്ന ബുദ്ധിമുട്ടുകൾ മനസിലാക്കി അവരുടെ മാനസികമായ ശാക്തീകരണത്തിന് വേണ്ടി പ്രവർത്തിക്കുന്നതിൽ റെനി അഭിമാനം കൊള്ളുന്നുവെന്ന് പറഞ്ഞു. ഫോമാ എക്സിക്യൂട്ടീവിലെ ആദ്യത്തെ വനിതാ ജോയിന്റ് സെക്രെട്ടറി എന്ന പദവി റെനി പൗലോസിന് സ്വന്തമാണ്. മങ്കയിൽ…

ഡാളസ്: നോർത്ത് ടെക്സസിലെ പ്രവാസി മാധ്യമപ്രവർത്തകരുടെ കൂട്ടായ്മയായ ഇന്ത്യ പ്രസ് ക്ലബ് ഓഫ് നോർത്ത് ടെക്സസ്  സംഘടിപ്പിച്ച “ആഘോഷിക്കാം, ഒത്തുചേരാം” എന്ന പ്രത്യേക പരിപാടി ജനപങ്കാളിത്തം കൊണ്ട് ശ്രദ്ധേയമായി. ഗാർലൻഡിലെ കെ.ഇ.എ ഇവന്റ് സെന്ററിൽ നടന്ന ചടങ്ങിൽ പ്രമുഖ മാധ്യമപ്രവർത്തകനും ‘മറുനാടൻ മലയാളി’യുടെ സ്ഥാപക എഡിറ്ററുമായ ഷാജൻ സ്കറിയ മുഖ്യാതിഥിയായി പങ്കെടുത്തു. സോഷ്യൽ മീഡിയ ദിനത്തോടനുബന്ധിച്ച് സംഘടിപ്പിച്ച ഈ പരിപാടിയിൽ മാധ്യമരംഗത്തെ പുതിയ പ്രവണതകളെക്കുറിച്ചും വെല്ലുവിളികളെക്കുറിച്ചും സജീവമായ ചർച്ചകൾ നടന്നു. ഡോ. അഞ്ജു ബിജിലി എംസിയായി പരിപാടികൾ നിയന്ത്രിച്ചു.ആൾസ്റ്ററിന്റെ  ഗാനാ ലാപനത്തോടെയാണ് ചടങ്ങുകൾക്ക് തുടക്കമായത്. ഡി മലയാളി ചീഫ് എഡിറ്റർ പി.പി. ചെറിയാൻ സ്വാഗതം ആശംസിച്ചു. ഇന്ത്യ പ്രസ് ക്ലബ് ഓഫ് നോർത്ത് ടെക്സസ് പ്രസിഡന്റ് സണ്ണി മാളിയേക്കൽ അധ്യക്ഷത വഹിച്ചു.തുടർന്ന് ലാലി ജോസഫിന്റെ മനോഹരമായ ഗാനം സദസ്സിനെ ഹർഷ പുളകിതമാക്കി . ഐപിസിഎൻടി ഭാരവാഹികളെ സിജു…

ചിക്കാഗോ: ചിക്കാഗോ സെന്റ് തോമസ് സീറോ മലബാർ രൂപതയുടെ രജതജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന ‘സീറോ മലബാർ ജൂബിലി കൺവെൻഷൻ 2026’ ജൂലൈ മാസത്തിൽ നടക്കും. ചിക്കാഗോയിലെ പ്രശസ്തമായ മക്കോർമിക് പ്ലേസ് കൺവെൻഷൻ സെന്ററാണ് (McCormick Place) ഈ മഹാസംഗമത്തിന് വേദിയാകുന്നത്. 2026 ജൂലൈ 9 മുതൽ 12 വരെ നടക്കുന്ന ഈ സംഗമത്തിൽ മുഖ്യ ആകർഷണമായി പ്രശസ്ത ദൈവശാസ്ത്രജ്ഞനും ഗ്രന്ഥകാരനും വാഗ്മിയുമായ ഡോ. എഡ്വേർഡ് ശ്രീ (Dr. Edward Sri) മുഖ്യപ്രഭാഷണം നടത്തും. പ്രഭാഷണ വിഷയം: “The Good, the Messy and the Beautiful” (ജീവിതത്തിലെ നന്മകളും പ്രതിസന്ധികളും ദൈവകൃപയും). ജൂലൈ 10-ന് വൈകുന്നേരം 4:00 മണിക്ക് ഡോ. എഡ്വേർഡ് ശ്രീ സംസാരിക്കും. ദൈവകൃപയെക്കുറിച്ചും യഥാർത്ഥ ജീവിതാനുഭവങ്ങളെക്കുറിച്ചുമുള്ള ആഴമേറിയ ചിന്തകൾ പങ്കുവെക്കുന്ന ഈ സെഷൻ വിശ്വാസികൾക്ക് ഏറെ പ്രചോദനകരമായിരിക്കും. രൂപതയുടെ 25 വർഷത്തെ പ്രയാണം…

ഇറാനിൽ വർദ്ധിച്ചുവരുന്ന സംഘർഷങ്ങൾക്കിടയിൽ, ഇറാനിയൻ വനിതാ ഫുട്ബോൾ താരങ്ങൾക്ക് അഭയം നൽകണമെന്ന് യുഎസ് പ്രസിഡന്റ് ഡൊണാൾഡ് ട്രംപ് ഓസ്‌ട്രേലിയയോട് അഭ്യർത്ഥിച്ചു. അഞ്ച് കളിക്കാർക്ക് ഓസ്‌ട്രേലിയ അവിടെ സുരക്ഷിതരാണെന്ന് പറഞ്ഞ് സംരക്ഷണം നൽകി. വാഷിംഗ്ടണ്‍: ഇറാനിൽ സൈനിക സംഘർഷങ്ങൾ വർദ്ധിച്ചുവരുന്നതിനിടയിൽ, അന്താരാഷ്ട്ര ചർച്ചകൾക്ക് തുടക്കമിട്ട ഒരു പുതിയ മാനുഷിക പ്രശ്നം ഉയർന്നു വന്നു. അമേരിക്കയുടേയും ഇസ്രായേലിന്റെയും ആക്രമണങ്ങൾ കാരണം സ്ഥിതി ഇതിനകം പിരിമുറുക്കത്തിലാണെങ്കിലും, ഇറാനിയൻ വനിതാ ഫുട്ബോൾ കളിക്കാരുടെ സുരക്ഷയെക്കുറിച്ച് ആശങ്കകൾ ഉയർന്നു. ഈ വിഷയത്തിൽ, ഈ കളിക്കാർക്ക് അഭയം നൽകണമെന്ന് പ്രസിഡന്റ് ഡൊണാൾഡ് ട്രംപ് ഓസ്‌ട്രേലിയൻ പ്രധാനമന്ത്രി ആന്റണി അൽബനീസിനോട് അഭ്യര്‍ത്ഥിച്ചു. വാസ്തവത്തിൽ, ഇറാന്റെ വനിതാ ഫുട്ബോൾ ടീം അടുത്തിടെ ഏഷ്യൻ കപ്പ് ടൂർണമെന്റിൽ പങ്കെടുക്കാൻ ഓസ്‌ട്രേലിയയിലേക്ക് പോയതാണ്. മത്സരത്തിനിടെ, ചില കളിക്കാർ മത്സരത്തിന് മുമ്പ് ആലപിച്ച ഇറാനിയൻ ദേശീയഗാനം ആലപിക്കാൻ വിസമ്മതിച്ചു. പലരും ഇതിനെ ഇറാന്റെ…

ന്യൂയോർക് :പ്രമുഖ റിയൽ എസ്റ്റേറ്റ് ബിസിനസ്സുകാരായ അലക്സാണ്ടർ സഹോദരങ്ങൾ ലൈംഗിക അതിക്രമം, സെക്സ് ട്രാഫിക്കിംഗ് തുടങ്ങിയ കുറ്റങ്ങളിൽ കുറ്റക്കാരാണെന്ന് മാൻഹട്ടൻ ഫെഡറൽ കോടതി ഇന്ന് (തിങ്കളാഴ്ച)  വിധിച്ചു. ടാൽ അലക്സാണ്ടർ, ഓറൻ അലക്സാണ്ടർ, അലോൺ അലക്സാണ്ടർ എന്നിവർക്കെതിരെ ചുമത്തിയ എല്ലാ കുറ്റങ്ങളും തെളിയിക്കപ്പെട്ടു. ഏകദേശം 20 വർഷത്തോളം നീണ്ടുനിന്ന ലൈംഗിക ചൂഷണവും സ്ത്രീകളെയും പെൺകുട്ടികളെയും കടത്തിയതുമായ ക്രിമിനൽ ഗൂഢാലോചന. അഞ്ചാഴ്ച നീണ്ട വിചാരണയ്ക്ക് ശേഷം ജൂറി ഇവരെ കുറ്റക്കാരായി പ്രഖ്യാപിച്ചു. ഇവർക്ക് ജീവപര്യന്തം തടവ് വരെ ലഭിക്കാൻ സാധ്യതയുണ്ട്. ഇരകളായ സ്ത്രീകൾക്ക് മയക്കുമരുന്ന് നൽകി പീഡിപ്പിച്ചതായും, പ്രായപൂർത്തിയാകാത്ത പെൺകുട്ടിയെ ഉപദ്രവിക്കുന്ന ദൃശ്യങ്ങൾ പകർത്തിയതായും പ്രോസിക്യൂഷൻ കോടതിയിൽ ബോധിപ്പിച്ചു. ഓഗസ്റ്റ് 6-ന് ജഡ്ജി വലേരി ഇ. കാപ്രോണി ശിക്ഷ പ്രസ്താവിക്കും. കഴിഞ്ഞ രണ്ട് പതിറ്റാണ്ടിനിടെ അറുപതോളം സ്ത്രീകളെ ഇവർ ഇരയാക്കിയതായാണ് റിപ്പോർട്ടുകൾ. പ്രമുഖരായ റിയൽ എസ്റ്റേറ്റ് ബ്രോക്കർമാർ എന്ന…

ഡെട്രോയിറ്റ്: ആഗോള ക്രൈസ്തവ കൂട്ടായ്മയുടെ ഭാഗമായി ഡെട്രോയിറ്റ് മാർ തോമാ ചർച്ച് ലോക പ്രാർത്ഥനാ ദിനം  ഭക്തിപുരസ്‌സരം ആചരിച്ചു. ഇടവക വികാരി റവ. സന്തോഷ് വർഗീസ്, റവ. പി. ചാക്കോ, സന്നദ്ധ സുവിശേഷികാ സംഘം സെക്രട്ടറി ആനി വർഗീസ് എന്നിവർ പ്രാർത്ഥനാ ശുശ്രൂഷകൾക്ക് നേതൃത്വം നൽകി. നൈജീരിയൻ വനിതകൾ തയ്യാറാക്കിയ “വരൂ, ഞാൻ നിങ്ങൾക്ക് ആശ്വാസം നൽകും” (മത്തായി 11:28) എന്ന ബൈബിൾ വാക്യത്തെ ആസ്പദമാക്കിയായിരുന്നു ഈ വർഷത്തെ ചിന്താവിഷയം. ബ്ലെസി മാത്യു മുഖ്യപ്രഭാഷണം നടത്തി. ജീവിതഭാരങ്ങൾക്കിടയിൽ ക്രിസ്തു നൽകുന്ന ആശ്വാസത്തെയും സമാധാനത്തെയും കുറിച്ച് അവർ സംസാരിച്ചു. നൈജീരിയൻ പതാകയുടെ നിറങ്ങളായ പച്ചയും വെള്ളയും വസ്ത്രങ്ങൾ ധരിച്ചാണ് വിശ്വാസികൾ ചടങ്ങിൽ സംബന്ധിച്ചത്. നൈജീരിയയിലെ സ്ത്രീകൾ നേരിടുന്ന പീഡനങ്ങൾ, ദാരിദ്ര്യം, വിശ്വാസപരമായ വെല്ലുവിളികൾ എന്നിവയെക്കുറിച്ചുള്ള സാക്ഷ്യങ്ങളും വീഡിയോ അവതരണവും ചടങ്ങിന് മാറ്റുകൂട്ടി. സന്നദ്ധ സുവിശേഷികാ സംഘം അംഗങ്ങളായ നാല്…

ഫിലാഡൽഫിയ: അമേരിക്കയിലെ സൗത്ത് വെസ്റ്റ് ഫിലാഡൽഫിയയിൽ അമ്മയെ ശാരീരികമായി ഉപദ്രവിക്കുന്നത് കണ്ട 11 വയസ്സുകാരൻ അമ്മയുടെ കാമുകനെ വെടിവെച്ചു കൊന്നു. 30 വയസ്സുകാരനായ ജെയ്‌മീർ ജോൺസ് വാക്കർ ആണ് കൊല്ലപ്പെട്ടത്. മാർച്ച് 5-ന് രാത്രിയായിരുന്നു സംഭവം. വാക്കറും കാമുകിയും (കുട്ടിയുടെ അമ്മ) തമ്മിൽ ഇവരുടെ നവജാത ശിശുവിനെ സന്ദർശിക്കുന്നതുമായി ബന്ധപ്പെട്ട് തർക്കം നിലനിന്നിരുന്നു. തർക്കം രൂക്ഷമായതോടെ വാക്കർ യുവതിയെ മുറിക്കുള്ളിലിട്ട് മർദ്ദിക്കാൻ തുടങ്ങി. അമ്മ ക്രൂരമായി മർദ്ദനമേൽക്കുന്നത് കണ്ട കുട്ടി, അമ്മയുടെ പേരിൽ ലൈസൻസുള്ള തോക്കെടുത്ത് വാക്കറുടെ മുഖത്തേക്ക് വെടിയുതിർക്കുകയായിരുന്നു. സംഭവസ്ഥലത്ത് വെച്ച് തന്നെ ഇയാൾ മരിച്ചു. വെടിവെപ്പിന് ശേഷം കുട്ടിയും അമ്മയും പോലീസുമായി പൂർണ്ണമായി സഹകരിച്ചു. അമ്മയെ രക്ഷിക്കാൻ വേണ്ടിയാണ് കുട്ടി ഇത് ചെയ്തതെന്ന് പ്രാഥമിക അന്വേഷണത്തിൽ വ്യക്തമായിട്ടുണ്ട്. കൊലപാതകത്തിന് ഉപയോഗിച്ച സെമി ഓട്ടോമാറ്റിക് പിസ്റ്റൾ പോലീസ് സംഭവസ്ഥലത്തുനിന്ന് കണ്ടെടുത്തു. നിലവിൽ കുട്ടിക്കെതിരെ കേസുകളൊന്നും ചാർജ്…

ഡാളസ് ചെങ്ങന്നൂർ: സെന്റ് ജോർജ് ഓർത്തഡോക്സ് ഇടവക മുൻ ട്രസ്റ്റിയും സുനിൽ ഫിലിപ്പിന്റെ പിതാവുമായ ചെങ്ങന്നൂർ മലക്കര കടവനാലിൽ എബ്രഹാം ഫിലിപ്പ് (80) ഇന്ന് ചെങ്ങന്നൂരിൽ നിര്യാതനായി. സംസ്‌കാരം പിന്നീട്. ഭാര്യ: ഏലിയാമ്മ ഫിലിപ്പ് (പത്തനാപുരം ചിറ്റാർ വള്ളിയാനിക്കുന്ന് കുടുംബാംഗം). മക്കൾ: സുനിൽ ഫിലിപ്പ് (ഡാളസ്), അനിൽ ഫിലിപ്പ് (അയർലൻഡ്) മരുമക്കൾ: അനിത സുനിൽ (ഡാളസ്), ഷീന അനിൽ (അയർലൻഡ്) കൊച്ചുമക്കൾ: അൽവിൻ ഫിലിപ്പ്, ആഷ്‌ലി ഫിലിപ്പ്, സിബിൻ ഫിലിപ്പ്, ഓസ്റ്റിൻ ഫിലിപ്പ്, ആഞ്ചലിൻ ഫിലിപ്പ്, ആഷർ ഫിലിപ്പ് (അയർലൻഡ്). സെന്റ് ജോർജ് ഓർത്തഡോക്സ് മുൻ ഇടവക അംഗമായ എബ്രഹാം ഫിലിപ്പിന്റെ വിയോഗത്തിൽ വികാരി വെരി റവ രാജു ഡാനിയേൽ കോർ എപ്പിസ്കോപ്പ അനുശോചിച്ചു. കൂടുതൽ വിവരങ്ങൾക്കു: സുനിൽ ഫിലിപ്പ് (ഡാളസ് ) 214 603 1277