Category: KERALA

തൃശൂർ: തലവേദനയ്ക്കുള്ള കുത്തിവയ്പെടുത്ത ഉടൻ ഏഴുവയസ്സുകാരന്റെ കാലുകൾക്ക് ചലനശേഷി നഷ്ടപ്പെട്ടതായി പരാതി. ചാവക്കാട് താലൂക്ക് ആശുപത്രിയിലാണ് സംഭവം. കുട്ടിയുടെ മാതാപിതാക്കളുടെ പരാതിയെ തുടർന്ന് കുട്ടിയെ ചികിത്സിച്ച ഡോക്ടർക്കും നഴ്‌സിനും എതിരെ പോലീസ് കേസെടുത്തു. തൃശൂർ പാലയൂർ സ്വദേശി ഷാഫിലിന്റെ മകൻ മുഹമ്മദ് ഗസാലിയെ ഡിസംബർ ഒന്നിനാണ് ചാവക്കാട് താലൂക്ക് ആശുപത്രിയിൽ ചികിത്സയ്ക്കായി കൊണ്ടുവന്നത്. കടുത്ത തലവേദനയെ തുടർന്നാണ് കുട്ടിയെ ആശുപത്രിയിൽ എത്തിച്ചത്. തുടർന്ന് അത്യാഹിത വിഭാഗത്തിലെ ഡ്യൂട്ടി ഡോക്ടർ രണ്ട് കുത്തിവയ്പ്പുകൾ നിർദ്ദേശിച്ചു. അത്യാഹിത വിഭാഗത്തിലെ ഒരു പുരുഷ നഴ്സ് ആയിരുന്നു കുട്ടിക്ക് കുത്തിവെപ്പെടുത്തത്. ഒരെണ്ണം ഇടതു കൈയിലും മറ്റൊന്ന് അരക്കെട്ടിന് താഴെ ഇടതുഭാഗത്തും ആയാണ് നൽകിയതെന്ന് മാതാപിതാക്കള്‍ പറഞ്ഞു. കുത്തിവെച്ചയുടനെ കുട്ടിക്ക് കടുത്ത വേദന അനുഭവപ്പെട്ടിരുന്നു. ഈ വിവരം ഡോക്ടറെ അറിയിച്ചപ്പോൾ മാറിക്കോളും എന്ന് പറഞ്ഞ് കുട്ടിയെ വീട്ടിലേക്ക് തിരിച്ചയച്ചു എന്നു പറയുന്നു. വീട്ടിലെത്തി ഏറെ…

കൊല്ലം: കുടുംബ വഴക്കിനെ തുടർന്ന് വയോധികയായ ഭര്‍തൃമാതാവിനെ ക്രൂരമായി മർദിച്ച മരുമകളെ പോലീസ് കസ്റ്റഡിയിലെടുത്തു. 80കാരിയായ ഏലിയാമ്മ വർഗീസിനാണ് മരുമകളുടെ മർദനമേറ്റത്. കസേരയിൽ ഇരിക്കുകയായിരുന്ന അമ്മയെ മരുമകൾ മഞ്ജു തള്ളി താഴെയിടുന്നതിന്റെ ദൃശ്യങ്ങളാണ് പുറത്തായത്. ഒരു വർഷം മുൻപുള്ള ദൃശ്യങ്ങളാണിതെന്ന് പൊലീസ് വ്യക്തമാക്കി. കൊല്ലം തേവലക്കര നടുവിലക്കരയിലാണ് സംഭവം നടന്നത്. ഹയര്‍ സെക്കന്‍ഡറി അദ്ധ്യാപികയാണ് മ­​ഞ്­​ജു മോ​ള്‍ തോ​മ­​സ്. ഭര്‍തൃമാതാവിനെ ഇവര്‍ സ്ഥിരമായി മര്‍ദ്ദിക്കാറുണ്ടെന്ന് അയല്‍‌വാസികള്‍ പറഞ്ഞു. മക്കളുടെ മുന്നില്‍ വെച്ചാണ് മര്‍ദ്ദിക്കുന്നത്. എന്നാല്‍ മര്‍ദ്ദനം സഹിക്കാന്‍ പറ്റാതെയായപ്പോള്‍ വയോധിക പോലീസില്‍ പരാതി നല്‍കുകയായിരുന്നു. വീഡിയോയില്‍ വളരെ മോശമായ ഭാഷയില്‍ യുവതി വൃദ്ധയോട് ആദ്യം എഴുന്നേറ്റ് പോകാന്‍ പറയുന്നുണ്ട് . ശേഷം വൃദ്ധയെ ഇവര്‍ ശക്തിയായി പിടിച്ച് തറയിലേക്ക് തള്ളിയിടുകയാണ് ചെയ്യുന്നത്. വീണിടത്ത് കുറച്ച് നേരം കിടക്കുകയും പിന്നീട് ഇവര്‍ തനിയെ എഴുന്നേറ്റിരിക്കുന്നതായി വീഡിയോയില്‍ കാണാം .…

എടത്വ: ദീർഘകാലം തലവടി ഗ്രാമപഞ്ചായത്ത് അംഗമായും പിന്നീട് വൈസ് പ്രസിഡന്റുമായിരുന്ന  പട്ടരുമഠം  പി.കെ  ചന്ദ്രശേഖരൻ നായർ (97) അന്തരിച്ചു. പരേതയായ  വിലാസിനിയമ്മയാണ് ഭാര്യ. മോഹൻദാസ് ,ഷീല , ശിവദാസ്,ഭരതൻ എന്നിവർ മക്കളും ഉഷ ,ശ്രീലത, സുജ,പരേതനായ വിജയഗോപാൽ എന്നിവർ മരുമക്കളും ആണ്. സംസ്കാരം നാളെ വ്യാഴാഴ്ച ഉച്ചകഴിഞ്ഞു 2 മണിക്ക് വീട്ടുവളപ്പിൽ. നിര്യാണത്തിൽ ജില്ലാ പഞ്ചായത്ത് സ്ഥിരം സമിതി അധ്യക്ഷ ബിനു ഐസക്ക് രാജു, തലവടി ഗ്രാമ പഞ്ചായത്ത് പ്രസിഡന്റ് ഗായത്രി ബി. നായർ , വൈസ് പ്രസിഡന്റ് ജോജി എബ്രഹാം, ബ്ലോക്ക് പഞ്ചായത്ത് അംഗം അജിത്ത് പിഷാരത്ത്, ലയൺസ് ക്ലബ് എടത്വ ടൗൺ പ്രസിഡന്റ് ബിൽബി മാത്യു കണ്ടത്തിൽ, പൊതുപ്രവർത്തകൻ ഡോ. ജോൺസൺ വി. ഇടിക്കുള തുടങ്ങിയവർ അനുശോചിച്ചു.

പമ്പ: ശബരിമലയില്‍ ഇതര സംസ്ഥാനക്കാരായ ഭക്തര്‍ നേരിടുന്ന ദുരിതം കേട്ടറിഞ്ഞ് ബിജെപി നേതാവ് കുമ്മനം രാജശേഖരന്റെ നേതൃത്വത്തിലുള്ള പ്രതിനിധി സംഘം ശബരിമല സന്ദര്‍ശിക്കുന്നു എന്ന വാര്‍ത്തയറിഞ്ഞയുടന്‍ നവകേരള സദസ്സ് വിട്ട് ദേവസ്വം മന്ത്രി കെ രാധാകൃഷ്ണന്‍ ഓടിപ്പാഞ്ഞെത്തി. നവകേരള സദസിന്റെ കോട്ടയത്തെ പരിപാടികൾ ഉപേക്ഷിച്ചാണ് ബിജെപി നേതാക്കൾ ശബരിമലയിലെത്തുന്നതിനു മുന്നേ മന്ത്രി പമ്പയിലെത്തിയത്. കഴിഞ്ഞ ദിവസങ്ങളിൽ അയ്യപ്പഭക്തര്‍ നേരിടുന്ന ബുദ്ധിമുട്ടുകളും ദുരിതങ്ങളും വിവിധ വാര്‍ത്താ മാധ്യമങ്ങളിലൂടെ പുറത്തുവന്നപ്പോഴും മുഖ്യമന്ത്രിയോ ദേവസ്വം മന്ത്രിയോ പമ്പയിലോ സന്നിധാനത്തോ എത്തിനോക്കിയിരുന്നില്ല. ശബരിമലയിലെത്തിയ ഇതര സംസ്ഥാന ഭക്തർ ഉൾപ്പെടെയുള്ളവര്‍ സർക്കാരിനെയും ദേവസ്വം ബോർഡിനെയും രൂക്ഷമായി വിമർശിച്ച് ചാനൽ ക്യാമറകൾക്ക് മുന്നിൽ എത്തിയിരുന്നു. സന്നിധാനത്ത് മണിക്കൂറുകളോളം കാത്തുനിൽക്കേണ്ടി വന്ന അയ്യപ്പഭക്തർ ‘ഡൗൺ ഡൗൺ കേരള സിഎം’ എന്ന മുദ്രാവാക്യം വിളിക്കുന്നതിന്റെ വീഡിയോ സോഷ്യൽ മീഡിയയിൽ വൈറലാകുകയും ചെയ്തു. എരുമേലി, നിലയ്ക്കൽ, പമ്പ, സന്നിധാനം എന്നിവിടങ്ങളിലാണ്…

ശബരിമല മാസ്റ്റർ പ്ലാനിൽ ഉൾപ്പെടുത്തി കഴിഞ്ഞ ഏഴു വർഷം കൊണ്ട് 220 കോടി രൂപയാണ് സർക്കാർ അനുവദിച്ചതെന്ന് മുഖ്യമന്ത്രി പിണറായി വിജയൻ. ഇതിന്റെ ഭാഗമായ വികസന പ്രവർത്തനങ്ങൾ ഹൈക്കോടതി ഹൈപവർ കമ്മിറ്റിയുടെ അംഗീകാരത്തോടെ നടന്നു വരികയാണെന്നും മുഖ്യമന്ത്രി അറിയിച്ചു. കോട്ടയത്ത് വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. ശബരിമല തീർത്ഥാടകർക്കും തീർത്ഥാടന കാലത്തിനു ശേഷം പൊതുജനങ്ങൾക്കും ഒരുപോലെ പ്രയോജനപ്പെടുന്ന 6 ഇടത്താവളങ്ങൾ പൂർത്തിയായി വരുന്നു. കിഫ്ബിയിൽ നിന്നും 108 കോടി രൂപ ചെലവിട്ടാണ് ചെങ്ങന്നൂർ, കഴക്കൂട്ടം, ചിറങ്ങര, എരുമേലി, നിലയ്ക്കൽ, മണിയംകോട് എന്നിവിടങ്ങളിൽ ഇടത്താവളം നിർമിക്കുന്നത്. കോവിഡ് പ്രതിസന്ധിയിൽ വലഞ്ഞ കേരളത്തിലെ വിവിധ ദേവസും ബോർഡ് ക്ഷേത്രങ്ങൾക്ക് ഉൾപ്പെടെ 467 കോടി രൂപയുടെ സഹായമാണ് സർക്കാർ നൽകിയത്. തിരുവിതാംകൂർ ദേവസ്വം ബോർഡിന് മാത്രം 144 കോടി നൽകി. ശബരിമല സീസണിലെ ശുചീകരണ പ്രവർത്തനങ്ങൾക്കായി പത്തനംതിട്ട , കോട്ടയം ജില്ലകൾക്ക് 16…

കോട്ടയം: കേന്ദ്ര സർക്കാരിന്റെ അനുമതി ലഭിച്ചാലുടൻ കെ-റെയില്‍ പദ്ധതി പുനരാരംഭിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. കോട്ടയം ജറുസലേം മാർത്തോമ്മാ ചർച്ച് പാരിഷ് ഹാളിൽ നടന്ന പ്രഭാതയോഗത്തിലാണ് അദ്ദേഹം ഇക്കാര്യം പറഞ്ഞത്. സംസ്ഥാന സർക്കാർ പദ്ധതി ഉപേക്ഷിച്ചിട്ടില്ല. രാഷ്ട്രീയാഭിപ്രായ വ്യത്യാസം വന്നതോടെ പദ്ധതി നടത്തിപ്പിൽ പ്രശ്‌നങ്ങളുണ്ടായി. കെ-റെയിൽ നമുക്ക് മാത്രം നടപ്പിലാക്കാൻ കഴിയില്ല. അതിന് കേന്ദ്രാനുമതി വേണം. കോട്ടയം നഗരത്തിലെ കഞ്ഞിക്കുഴി ഭാഗത്ത് ഗതാഗതക്കുരുക്ക് അഴിക്കാൻ ഫ്‌ളൈ ഓവറുകൾ നിർമ്മിക്കണമെന്നും കോടിമത മുതൽ നാഗമ്പടം പാലം വരെ ഫ്‌ളൈ ഓവർ നിർമ്മിക്കണം എന്നുമുള്ള ആവശ്യം പരിഗണിക്കുമെന്ന് മുഖ്യമന്ത്രി പറഞ്ഞു. ജെ ബി കോശി കമ്മിഷൻ റിപ്പോർട്ട് സർക്കാർ ഗൗരവതരമായാണ് കാണുന്നതെന്ന് മുഖ്യമന്ത്രി പറഞ്ഞു. ജെ.ബി. കോശി കമ്മീഷൻ റിപ്പോർട്ട് ചർച്ചയ്ക്ക് എടുക്കുമ്പോൾ സഭാ പ്രതിനിധികളെ ഉൾപ്പെടുത്തുന്നമെന്ന ആവശ്യം പരിഗണിക്കാവുന്നതാണെന്നും അദ്ദേഹം വ്യക്തമാക്കി. ന്യൂനപക്ഷ വികസന ധനകാര്യ കോർപറേഷന്റെ…

ന്യൂഡൽഹി: ശബരിമല തീർഥാടകർക്കായി ഇന്ത്യൻ റെയിൽവേ പ്രത്യേക വന്ദേഭാരത് ട്രെയിൻ അനുവദിച്ചു. ഡിസംബർ 15 മുതൽ 25 വരെ നാല് ദിവസങ്ങളിലാണ് പ്രത്യേക ട്രെയിൻ സർവീസ്.15, 17, 22, 24 തീയതികളിലായിരിക്കും ശബരിമല പ്രത്യേക ട്രെയിൻ സർവീസ്. ചെന്നൈ-കോട്ടയം റൂട്ടിൽ ശബരിമല പ്രത്യേക വന്ദേ ഭാരത് ട്രെയിൻ സർവീസ് നടത്തും. തമിഴ്നാട്ടിൽ നിന്ന് ശബരിമല ദർശനത്തിനെത്തുന്ന അയ്യപ്പഭക്തർക്ക് ഈ പുതിയ വന്ദേഭാരത് സേവനം ഏറെ പ്രയോജനപ്പെടും. ശബരിമലയിലെ തിരക്ക് കണക്കിലെടുത്താണ് റെയിൽവേയുടെ ഈ നീക്കം. ചെന്നൈ സെൻട്രലിൽ നിന്ന് പുലർച്ചെ 4.30 ന് സർവീസ് ആരംഭിക്കുന്ന ഈ സ്പെഷ്യൽ സർവീസ് ട്രെയിൻ വൈകുന്നേരം 4.15ന് ആയിരിക്കും കോട്ടയം റെയിൽവേ സ്റ്റേഷനിലെത്തുക. പിറ്റേദിവസം രാവിലെ 4.40ന് ഇതേ ട്രെയിൻ കോട്ടയം റെയിൽവേ സ്റ്റേഷനിൽ നിന്ന് പുറപ്പെട്ട് അന്ന് വൈകുന്നേരം 5.15ന് ചെന്നൈ സെൻട്രൽ സ്റ്റേഷനിൽ എത്തിച്ചേരുന്നതായിരിക്കും. ചെന്നൈയിൽ നിന്ന്…

കണ്ണൂർ: എയ്ഡഡ് ബിരുദ കോളേജ് അദ്ധ്യാപകർക്ക് ഗവേഷണ മാർഗനിർദേശം ലഭിക്കുന്നത് തടയാൻ കണ്ണൂർ സർവകലാശാല റിസർച്ച് ഡയറക്ടറേറ്റ് ശ്രമിക്കുന്നതായി കേരള പ്രൈവറ്റ് കോളജ് ടീച്ചേഴ്സ് അസോസിയേഷൻ (കെപിസിടിഎ) ആരോപിച്ചു. കണ്ണൂർ സർവകലാശാലയിലെ റിസർച്ച് ഡയറക്ടർക്കെതിരായ പരാതി ചാൻസലർക്കും വൈസ് ചാൻസലർക്കും ലഭിച്ചു. മുൻ വൈസ് ചാൻസലറുടെ പുനർ നിയമനത്തിനെതിരായ നിയമപരമായ വെല്ലുവിളികളിൽ നിർണായക പങ്ക് വഹിച്ച കെപിസിടിഎ റീജിയണൽ പ്രസിഡന്റ് ഡോ. ഷിനോ പി. ജോസ് ഈ നടപടിയെ ശക്തമായി എതിർത്തു, ഇത് ഗൂഢാലോചനയാണെന്നും ആരോപിച്ചു. ഒരേ യോഗ്യതയുള്ള ബിരുദ (യുജി), ബിരുദാനന്തര (പിജി) അദ്ധ്യാപകർക്കിടയിൽ വിവേചനം കാണിക്കുന്നതിലെ അനീതി അദ്ദേഹം എടുത്തുകാട്ടി. വിഷയത്തിലെ തീരുമാനം ഡയറക്ടറേറ്റ് ഒരു കമ്മിറ്റിയെ ഏൽപ്പിച്ചിരിക്കുകയാണെന്ന് ഡോ. ജോസ് പറഞ്ഞു, ഇത് ബിരുദ അദ്ധ്യാപകർക്ക് പ്രത്യേകമായി അവസരങ്ങൾ നിഷേധിക്കാൻ ലക്ഷ്യമിട്ടുള്ള തന്ത്രപരമായ നീക്കമാണെന്ന് അദ്ദേഹം പറഞ്ഞു. ഗവേഷണ ഗൈഡുകളായി ബിരുദ അദ്ധ്യാപകരെ…

ന്യൂഡൽഹി: സംസ്ഥാന സർക്കാരിന്റെ പ്രവർത്തനത്തിൽ കടുത്ത അതൃപ്തി രേഖപ്പെടുത്തി ഗവർണർ ആരിഫ് മുഹമ്മദ് ഖാൻ. ഭരണഘടനാപരമായ കടമകൾ സർക്കാർ അവഗണിക്കുകയാണെന്ന് അദ്ദേഹം ആരോപിച്ചു, സംസ്ഥാനത്തിനുള്ളിൽ നിലനിൽക്കുന്ന സാമ്പത്തിക പ്രതിസന്ധിയുടെ പ്രാഥമിക കാരണം സർക്കാരിന്റെ നയങ്ങളാണെന്ന് അദ്ദേഹം എടുത്തുപറഞ്ഞു. ഡൽഹിയിൽ മാധ്യമങ്ങളോട് സംസാരിക്കവെയാണ് സർക്കാരിന്റെ ഫണ്ട് മാനേജ്മെന്റിനെക്കുറിച്ച് അദ്ദേഹം ആശങ്ക പ്രകടിപ്പിച്ചത്. രണ്ടു വർഷത്തെ സർവീസുള്ള മിനിസ്റ്റീരിയൽ സ്റ്റാഫിന് ഇത്തരം ആനുകൂല്യങ്ങൾ നൽകുമ്പോൾ വർഷങ്ങളോളം സർക്കാരിൽ സേവനമനുഷ്ഠിച്ചവർക്ക് പെൻഷൻ നൽകാൻ സർക്കാരിന് സാധിക്കാത്തത് അദ്ദേഹം എടുത്തുപറഞ്ഞു. മുഖ്യമന്ത്രിയും മന്ത്രിമാരും നടത്തിയ നവകേരള സദസ് യാത്രയുടെ കാര്യക്ഷമതയും ലക്ഷ്യവും ഗവർണർ ഖാൻ ചോദ്യം ചെയ്തു. പരാതികൾ സ്വീകരിക്കുന്നതിനുള്ള ഒരു വേദി മാത്രമാണിതെന്നും എന്നാൽ അവ ഫലപ്രദമായി പരിഹരിക്കുന്നതിൽ പരാജയപ്പെട്ടെന്നും അദ്ദേഹം വിമർശിച്ചു. തന്റെ വാഹനത്തിന് നേരെ എസ്എഫ്‌ഐ പ്രവർത്തകർ നടത്തിയ ആക്രമണത്തെക്കുറിച്ച് സമഗ്രമായ റിപ്പോർട്ട് തയ്യാറാക്കാൻ ഗവർണർ ഖാൻ തീരുമാനിച്ചു.…