Category: KERALA

കൊച്ചി: 1487 ഗ്രാം സ്വർണവുമായി വയനാട് സ്വദേശി ഷാഫിയെ കൊച്ചിയിൽ കസ്റ്റംസ് പ്രിവന്റീവ് കമ്മിഷണറേറ്റ് പിടികൂടി. ബഹ്‌റൈൻ-കോഴിക്കോട്-കൊച്ചി സർവീസിലെ ക്യാബിൻ ക്രൂ അംഗമായ ഷാഫി സ്വർണം കടത്തുന്നതായി കസ്റ്റംസ് പ്രിവന്റീവ് കമ്മിഷണറേറ്റിന് രഹസ്യവിവരം ലഭിച്ചിരുന്നു. കൈകളിൽ സ്വർണ്ണം പൊതിഞ്ഞ്, ഷർട്ട് സ്ലീവ് മറച്ച്, ഗ്രീൻ ചാനലിലൂടെ കടന്നുപോകുകയായിരുന്നു ലക്ഷ്യം. ഇയാളെ കൂടുതൽ ചോദ്യം ചെയ്തു വരികയാണെന്ന് ഉദ്യോഗസ്ഥർ അറിയിച്ചു. അതിനിടെ, ചെന്നൈ കസ്റ്റംസ് പ്രകാരം 6.8 കിലോഗ്രാം ഭാരവും 3.32 കോടി രൂപ വിലമതിക്കുന്നതുമായ സ്വർണവുമായി സിംഗപ്പൂരിൽ നിന്നുള്ള രണ്ട് യാത്രക്കാരെ ചെന്നൈ വിമാനത്താവളത്തിൽ ബുധനാഴ്ച അറസ്റ്റ് ചെയ്തു. സിംഗപ്പൂരിൽ നിന്ന് എഐ-347, 6ഇ-52 എന്നീ വിമാനങ്ങൾ വഴിയാണ് യാത്രക്കാർ ചെന്നൈയിലെത്തിയത്.

കൊളംബസ്: കൊളംബസ് സീറോ മലബാര്‍ കത്തോലിക്കാ മിഷന്‍, പ്രീസ്റ്റ് ഇന്‍ ചാര്‍ജ് ഫാദര്‍ നിബി കണ്ണായിയുടെ നേതൃത്വത്തില്‍ 2023 – 2024 കാലയളവിലേക്കുള്ള പാരിഷ് കൗണ്‍സില്‍ പുതിയ പ്രതിനിധികൾ ചുമതലയേറ്റു. ജിൻസൺ സാനി (ട്രസ്റ്റി), ദീപു പോൾ (ട്രസ്റ്റി), എബിന്‍ ജയിംസ് (ഫിനാന്‍സ്), ബബിത ഡിലിൻ (പി.ആർ.ഓ, സി.സി.ഡി), ഷിംഷ മനോജ് (സെക്രട്ടറി, ലിറ്റര്‍ജി, ക്വയര്‍), ബിനിക്സ് ജോൺ (ഫാമിലി അപോസ്റ്റലെറ്റ്, സാക്രിസ്റ്റിൻ), പ്രശാന്ത് നിക്കോളാസ് (സേഫ് എന്‍വയണ്‍മെന്റ്, ഐ.റ്റി & സോഷ്യൽ മീഡിയ ) , സ്റ്റാലിൻ ജോസഫ് (ചാരിറ്റി, യൂത്ത് അപോസ്റ്റലെറ്റ്) എന്നിവരാണ് തിരഞ്ഞെടുക്കപ്പെട്ടത്. ഇത് കൂടാതെ, മിഷനിലെ രണ്ടു വാര്‍ഡുകളും 2023 – 2024 ലേക്കുള്ള ഭാരവാഹികളെയും തിരഞ്ഞെടുത്തു. ജോസഫ് സെബാസ്റ്റ്യൻ , റോസ്മി അരുൺ (സെയിന്റ്റ്. അല്‍ഫോന്‍സാ വാര്‍ഡ്), ചെറിയാൻ മാത്യു , ഡോക്ടർ. ദീപക് തോമസ് (സെയിന്റ്റ്. ചാവറ വാര്‍ഡ്)…

നിരണം: ബിലീവേഴ്സ് ഈസ്റ്റേൺ ചർച്ച് പരമാധ്യക്ഷ്യൻ മോറോൻ മാർ അത്തനേഷ്യസ് യോഹാൻ മെത്രാപ്പോലീത്തയുടെ 73-ാം ജന്മദിനം കാരുണ്യ ദിനമായി ആചരിച്ചു. കൊമ്പങ്കേരി ലൈറ്റ് റ്റു ലൈഫ് ഓൾഡേജ് ഹോമിൽ നടന്ന ചടങ്ങിൽ സെൻ്റ് തോമസ് ബിലീവേഴ്സ് ഈസ്റ്റേൺ ചർച്ച് നിരണം ഇടവക വികാരി ഫാദർ വില്യംസ് ചിറയത്ത് അധ്യക്ഷത വഹിച്ചു. യാക്കോബ സഭാ നിരണം ഭദ്രാസനാധിപൻ ഡോ. ഗീവർഗ്ഗീസ് മാർ കൂറിലോസ് മെത്രാപോലീത്ത ഉദ്ഘാടനം ചെയ്തു. റവ.ഫാദർ ബിജു പി.തോമസ് ,ട്രസ്റ്റി അംഗങ്ങളായ ഡോ.ജോൺസൺ വി.ഇടിക്കുള, അജോയി.കെ.വർഗീസ്, റെന്നി തോമസ് തേവേരിൽ എന്നിവർ പ്രസംഗിച്ചു.തുടർന്ന് കേക്ക് മുറിച്ച് ജന്മദിനാ മാഘോഷിച്ചു. സ്നേനേഹവിരുന്നും സംഘടിപ്പിച്ചു. ബിലീവേഴ്സ് ചർച്ച് മെഡിക്കൽ കോളജ് ഹോസ്പിറ്റൽ, സെൻ്റ് ഇഗ്നേഷ്യസ് തിയോളജിക്കൽ സെമിനാരി, നിരവധി റസിഡൻഷ്യൽ സ്കൂൾസ് ഉൾപെടെ യുള്ള വിദ്യാഭ്യാസ സ്ഥാപനങ്ങൾ , ജീവകാരുണ്യ – ആതുരസേവന പ്രസ്ഥാനങ്ങളുടെ അമരക്കാരനായ മെത്രാപോലീത്ത ഇംഗ്ലീഷിലും…

സ്പെഷ്യൽ മാര്യേജ് ആക്ട് പ്രകാരം ഭാര്യയെ പുനർവിവാഹം ചെയ്ത ഷുക്കൂർ വക്കീലിനെതിരെ ഫത്വ കൗൺസിൽ പ്രസ്താവനയിറക്കി. ഷുക്കൂർ വക്കീലിന്റെ വിവാഹ രജിസ്‌ട്രേഷൻ ഒരു തന്ത്രമാണെന്ന് ആരോപിച്ച് സമസ്തയുടെ കീഴിലുള്ള ദാറുൽ ഹുദാ യൂണിവേഴ്‌സിറ്റി ഫത്വ കൗൺസിൽ പ്രസ്താവനയിറക്കി. തന്റെ മരണശേഷം തന്റെ സമ്പാദ്യം മുഴുവൻ തന്റെ മൂന്ന് പെൺമക്കൾക്ക് നൽകാനാണ് അഭിഭാഷകന്റെ നാടകമെന്ന് ഫത്വ കൗൺസിൽ ആരോപിച്ചു. മതപരമായ ആചാരപ്രകാരം വിവാഹം കഴിച്ചിട്ടും ഇസ്ലാം മതവിശ്വാസിയാണെന്ന് അവകാശപ്പെടുന്ന ഇയാൾ സ്പെഷ്യൽ മാരേജ് ആക്ട് പ്രകാരം വീണ്ടും വിവാഹം രജിസ്റ്റർ ചെയ്തത് വിരോധാഭാസമാണെന്നും പ്രസ്താവനയിൽ പറയുന്നു. ഇസ്‌ലാമിക അനന്തരാവകാശ നിയമമനുസരിച്ച്, മരിച്ചുപോയ പിതാവിന്റെ സ്വത്തിന്റെ മൂന്നിൽ രണ്ട് ഭാഗമേ പെൺമക്കൾക്ക് ലഭിക്കൂ. ബാക്കിയുള്ളത് പിതാവിന്റെ സഹോദരങ്ങൾക്കും സഹോദരിമാർക്കും വിഭജിക്കണം. ഈ വ്യവസ്ഥ മറികടക്കാനും സ്വത്തിന്റെ ഒരംശം പോലും സഹോദരങ്ങൾക്ക് നൽകാതിരിക്കാനും വിവാഹം രജിസ്റ്റർ ചെയ്യാൻ ഷുക്കൂർ നിർബന്ധിതനാകുന്നു. മതനിയമങ്ങൾ…

തിരുവനന്തപുരം: കെഎസ്ആർടിസിയിൽ ശമ്പളം തവണകളായി നൽകുന്നതിനെതിരെ തൊഴിലാളികളുടെ പ്രതിഷേധം. ഇക്കാര്യം ചർച്ച ചെയ്യാൻ ഗതാഗത മന്ത്രി ആന്റണി രാജു ഇന്ന് വിളിച്ച യോഗത്തിൽ തൊഴിലാളി സംഘടനകൾ തങ്ങളുടെ നിലപാടില്‍ ഉറച്ചു നിന്നതോടെ പ്രതിസന്ധി രൂക്ഷമായി. തീരുമാനം അംഗീകരിക്കില്ലെന്ന് ബിഎംഎസ്, ടിഡിഎസ് സംഘടനകൾ വ്യക്തമാക്കി. നിലപാടിൽ നിന്ന് പിന്നോട്ടില്ലെന്ന് സർക്കാർ വ്യക്തമാക്കിയതോടെ തൊഴിലാളികൾ വീണ്ടും സമരത്തിനിറങ്ങുമെന്ന് വ്യക്തമായി. സർക്കാർ നിലപാടിൽ പ്രതിഷേധിച്ചാണ് സമരത്തിന് നോട്ടീസ് നൽകിയതെന്ന് കെഎസ്ആർടി എംപ്ലോയീസ് സംഘ് പ്രസിഡന്റ് ജി.കെ.അജിത്ത് വ്യക്തമാക്കി. സമര തീയതി ഞായറാഴ്ച പ്രഖ്യാപിക്കും. കോര്‍പ്പറേഷന് വരുമാനം ഉറപ്പാക്കിയിട്ടും ശമ്പളം നല്‍കുന്നില്ലെന്നും യൂണിയന്‍ ആരോപിച്ചു. ജീവനക്കാരുടെ പെന്‍ഷന്റെ കാര്യത്തിലും യൂണിയന്‍ ആവശ്യങ്ങള്‍ അംഗീകരിക്കണം. കെഎസ്ആര്‍ടിസിയുമായി ബന്ധപ്പെട്ട് ഇത്തരത്തില്‍ അടുക്കള ചര്‍ച്ചകള്‍ നടത്തുന്നത് തന്നെ ശരിയായ രീതിയല്ലെന്നും യൂണിയന്‍ കുറ്റപ്പെടുത്തി. അംഗീകൃത യൂണിയനുകളെ ഒറ്റയ്ക്ക് ചര്‍ച്ചയ്ക്ക് വിളിക്കുന്നത് ശരിയല്ലെന്നും അങ്ങനെ വിളിച്ചാല്‍ ഇനിമുതല്‍ സഹകരിക്കില്ലെന്നും…

കൊച്ചി: കേരളത്തിലെ ക്രിസ്ത്യന്‍ ന്യൂനപക്ഷങ്ങളുടെ വിദ്യാഭ്യാസ, സാമ്പത്തിക പിന്നോക്കാവസ്ഥ, ക്ഷേമം എന്നിവ സംബന്ധിച്ച പ്രശ്‌നങ്ങള്‍ പഠിച്ച് സമര്‍പ്പിക്കുവാന്‍ സംസ്ഥാന സര്‍ക്കാര്‍ 2020 നവംബര്‍ 5ന് നിയമിച്ച ജെ.ബി.കോശി കമ്മീഷന്‍ റിപ്പോര്‍ട്ട് കാലതാമസം ഒഴിവാക്കി അടിയന്തരമായി സമര്‍പ്പിക്കണമെന്ന് കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍ ആവശ്യപ്പെട്ടു. കമ്മീഷന്റെ പരിഗണനാവിഷയങ്ങള്‍ സംബന്ധിച്ച് വ്യക്തതവരുത്തി 2021 ഫെബ്രുവരി 9ന് സര്‍ക്കാര്‍ പ്രത്യേക ഉത്തരവും ഇറക്കിയിരുന്നു. 2021 ജൂലൈ 30നുള്ളില്‍ വിവിധ ക്രൈസ്തവ വിഭാഗങ്ങളില്‍ നിന്ന് നിര്‍ദ്ദേശങ്ങള്‍ സ്വീകരിക്കുകയും തുടര്‍ന്ന് വിവിധ കേന്ദ്രങ്ങളില്‍ സിറ്റിംഗ് നടത്തുകയും ചെയ്തു. ഒരു വര്‍ഷത്തിനുള്ളില്‍ വിശദമായ റിപ്പോര്‍ട്ടും നിര്‍ദ്ദേശങ്ങളും സമര്‍പ്പിക്കണമെന്ന് 2021 ഫെബ്രുവരി 9 ന് ഇറക്കിയ സര്‍ക്കാര്‍ ഉത്തരവില്‍ പ്രത്യേകം സൂചിപ്പിച്ചിരുന്നു. പക്ഷേ ഇതിനോടകം 2 വര്‍ഷങ്ങള്‍ കഴിഞ്ഞിട്ടും ജെ.ബി.കോശി കമ്മീഷന്‍ പഠനറിപ്പോര്‍ട്ടും നിര്‍ദ്ദേശങ്ങളും സമര്‍പ്പിക്കാത്തത് ഖേദകരമാണ്. കേരളത്തിലെ…

‘അറബിക്കടലിൻറെ ഗസൽ നിലാവ്’ കൊച്ചിയിൽ ചിത്രീകരണം ആരംഭിച്ചു. കൊച്ചി: കലയിലൂടെ തൻറെ ജീവിതം മറ്റുള്ളവർക്കുവേണ്ടി സമർപ്പിച്ച കറകളഞ്ഞൊരു കലാകാരനായിരുന്നു ഉമ്പായിയെന്ന് ഹൈക്കോടതി മുൻ ജസ്റ്റിസ് ബി. കെമാൽ പാഷ. എഴുത്തുകാരൻ വി. ആർ. രാജമോഹൻറെ തിരക്കഥയിൽ സതീഷ് കളത്തിൽ സംവിധാനവും ഛായാഗ്രഹണവും നിർവ്വഹിക്കുന്ന ‘അറബിക്കടലിൻറെ ഗസൽ നിലാവ്’ എന്ന ഉമ്പായിയെകുറിച്ചുള്ള മ്യൂസിക്കൽ ഡോക്യുമെന്ററിയുടെ സ്വിച്ച് ഓണിൽ ക്ലാപ്പ് ചെയ്തുകൊണ്ട് സംസാരിക്കുകയായിരുന്നു അദ്ദേഹം. സ്വയം ഈണം പകർന്ന്, സ്വന്തമായി പാടി, ഓരോ ഗാനത്തിലൂടെയും മനുഷ്യമനസുകളെ അലയടിപ്പിക്കുകയും അലിയിപ്പിക്കുകയും ചെയ്ത്, ഇന്ത്യയിലെ മുൻനിര ഗസൽ സംഗീതജ്ഞർക്കിടയിൽ ഇടംപിടിച്ച വ്യക്തിയായിരുന്നു ഉമ്പായി. ഒരു അന്യഭാഷയിലെ സംഗീതശാഖയെ മറ്റൊരു ദേശത്തേക്ക്, ഭാഷയിലേക്ക് പറിച്ചു നടുകയും അതിനെ, സ്വപ്രയത്നത്താൽ ജനകീയമാക്കുകയും ചെയ്ത മറ്റൊരു പ്രതിഭയെ തനിക്കറിയില്ലെന്നും കർണ്ണാട്ടിക്- ഹിന്ദുസ്ഥാനി സംഗീതങ്ങളേക്കാൾ തനിക്കു താല്പര്യം ഉമ്പായിയുടെ ഗസലുകളാണെന്നും കെമാൽ പാഷ തുടർന്നു പറഞ്ഞു. കവിയും വിവർത്തകനുമായ…

കൊച്ചി; കടുത്ത ചുമയും വയറുവേദനയും അനുഭവപ്പെട്ട് ചികിത്സയിൽ കഴിയുന്ന നടൻ ബാലയെ കാണാൻ ബാലയുടെ മുൻ ഭാര്യയും ഗായികയുമായ അമൃതയും മകൾ പപ്പുവും എത്തി. അമൃതയുടെ സഹോദരി അഭിരാമിയും ബാലയെ കാണാന്‍ ആശുപത്രിയിലെത്തി. രാവിലെ തന്നെ കാണാനെത്തിയ ഉണ്ണി മുകുന്ദനോടും സുഹൃത്തുക്കളോടും മകളെ കാണണമെന്ന ആഗ്രഹം ബാല പ്രകടിപ്പിച്ചിരുന്നു. മണിക്കൂറുകൾക്ക് ശേഷം അമൃതയും പപ്പുവും ആശുപത്രിയിലേക്ക് ഓടിയെത്തി. ഫേസ്ബുക്കിലൂടെയാണ് അഭിരാമി ഇക്കാര്യം അറിയിച്ചത്. ബാല ചേട്ടന്റെ അടുത്ത് ഞങ്ങൾ കുടുംബസമേതം എത്തി. പാപ്പുവും ചേച്ചിയും കണ്ടു, സംസാരിച്ചു എന്നാണ് അഭിരാമി ഫെയ്സ്ബുക്കിൽ കുറിച്ചത്. അമൃത ഇപ്പോഴും ആശുപത്രിയിലുണ്ട്. ചെന്നൈയിൽ നിന്ന് ബാലയുടെ സഹോദരൻ ശിവ എത്തിയിട്ടുണ്ടെന്നും നിലവിൽ വേറെ പ്രശ്നങ്ങളൊന്നുമില്ലെന്നും അഭിരാമി പറഞ്ഞു. വ്യാജവാർത്തകൾ പ്രചരിപ്പിക്കരുതെന്നും ബാലയുടെ രോഗശാന്തിക്കായി പ്രാർത്ഥിക്കണമെന്നും അവർ കൂട്ടിച്ചേർത്തു. അസുഖത്തെ തുടർന്ന് കഴിഞ്ഞ ദിവസമാണ് ബാലയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. കരൾ…

പാചകവാതക വില അനിയന്ത്രിതമായി വർധിപ്പിച്ചതിൽ പ്രതിഷേധിച്ചു കേരള സംസ്ഥാന വ്യാപാരി വ്യവസായി സമിതി ആലപ്പുഴ ജില്ലാ കമ്മറ്റി പ്രതിഷേധ പ്രകടനവും യോഗവും നടത്തി. ആലപ്പുഴ ചെത്ത്‌ തൊഴിലാളി യൂണിയൻ ഓഫീസിനു മുൻപിൽ നിന്നും ആരംഭിച്ച പ്രകടനം മുല്ലക്കൽ ജംഗ്ഷനിലെത്തി നടത്തിയ യോഗംവ്യാപാരി വ്യവസായി സമിതി സംസ്ഥാന ജോയിന്റ് സെക്രട്ടറി ടി വി. ബൈജു ഉത്ഘാടനം ചെയ്തു. എം എം ഷെരിഫ്, എസ്സ്. ശരത്ത്, പി സി. മോനിച്ചൻ, ബി. എസ്. അഫ്സൽ, ജെമീല പുരുഷോത്തമൻ, ഇ എ സെമീർ,ലെജി സനൽ, വി. വേണു എന്നിവർ സംസാരിച്ചു

തിരുവനന്തപുരം: ആറ്റുകാൽ അമ്മയ്ക്ക് പൊങ്കാല അർപ്പിച്ച് മലയാളത്തിന്റെ വാനമ്പാടി ഗായിക ചിത്ര. തിരുവനന്തപുരത്തെ വീട്ടിൽ കുടുംബത്തോടൊപ്പമായിരുന്നു ചിത്ര പൊങ്കാലയർപ്പിച്ചത്. ഇതിന്റെ ചിത്രങ്ങൾ ഗായിക സ്വന്തം ഫേസ്ബുക്കില്‍ പങ്കുവച്ചിട്ടുണ്ട്. വീട്ടുമുറ്റത്ത് അടുപ്പ് കൂട്ടിയാണ് ചിത്ര പൊങ്കാലയിട്ടത്. മൺപാത്രത്തിൽ നിന്ന് വ്യത്യസ്തമായി ഉരുളിയിലാണ് ഇത്തവണ നിവേദ്യം തയ്യാറാക്കിയത്. കുടുംബാംഗങ്ങൾക്ക് പ്രസാദം നൽകി. മുൻവർഷങ്ങളിലും ചിത്ര സ്വന്തം വീട്ടുമുറ്റത്ത് പൊങ്കാല അർപ്പിച്ചിരുന്നു. അതേ സമയം കൊറോണ സൃഷ്ടിച്ച രണ്ട് വർഷത്തെ ഇടവേളയ്ക്ക് ശേഷം നടന്ന പൊങ്കാലയിൽ വലിയ ജന പങ്കാളിത്തമാണ് ഉണ്ടായത്. ചിപ്പി, സ്വാസ്വിക തുടങ്ങിയ താരങ്ങളും ക്ഷേത്രത്തിൽ എത്തി പൊങ്കാലയിട്ടു. നടിയും സംവിധായകൻ ഷാജി കൈലാസിന്റെ ഭാര്യയുമായ ആനി വീട്ടിലായിരുന്നു ഇക്കുറി പൊങ്കാലയിട്ടത്.