Category: ARTICLES

വീര്യവും, വിലയും കുറഞ്ഞ മദ്യം വിപണിയിൽ എത്തുമ്പോൾ ഉണ്ടാകുന്ന സാമൂഹിക വിപത്തുകളെ കുറിച്ച് യു ഡി എഫ് മുന്നണി കൂടുതൽ പഠനവും, ചർച്ചകളും നടത്തി ഒരു പുനർചിന്തനം നടത്തേണ്ടതുണ്ട്. ഇത് വ്യാജ മദ്യ ഒഴുക്കിനും, അന്യ സംസ്ഥാന മദ്യ ലോബികളുടെ കടന്നു കയറ്റത്തിനും വഴിവയ്ക്കും,ഒപ്പം സമോഹ്ഹയ്ക,കുടുംബ ഭദ്രതയെ സാരമായി ബാധിയ്ക്കും. കേരളത്തിന്റെ രാഷ്ട്രീയ ചരിത്രത്തിലും സാമൂഹിക ചരിത്രത്തിലും ഏറ്റവും കൂടുതൽ ചർച്ച ചെയ്യപ്പെട്ട വിഷയങ്ങളിലൊന്നാണ് മദ്യനയം. സംസ്ഥാനത്തിന്റെ സാമ്പത്തിക വരുമാനത്തിൽ നിർണായക പങ്കുവഹിക്കുന്ന ഒരു മേഖലയായിരിക്കുമ്പോൾ തന്നെ കുടുംബങ്ങളുടെ തകർച്ചയ്ക്കും ആരോഗ്യപ്രശ്നങ്ങൾക്കും സാമൂഹിക അസ്വസ്ഥതകൾക്കും കാരണമാകുന്ന ഘടകമായും മദ്യപാനം നിലകൊള്ളുന്നു. അതുകൊണ്ടുതന്നെ മദ്യനയം വെറും സാമ്പത്തിക നയമല്ല; അത് ഒരു സാമൂഹിക നയവും ആരോഗ്യനയവും രാഷ്ട്രീയ നയവുമാണ്. ഇനി വിലയും,വീര്യവും കുറഞ്ഞ മദ്യം വിപണിയിൽ എത്തുമ്പോൾ സർക്കാരിന്റെ വരുമാനം വർദ്ധിയ്ക്കുനാടിനൊപ്പം ,മദ്യപരുടെ ശരാശരി ചെലവിലും,മദ്യപാനത്തിലും ഉള്ള അളവും…

പെരിയാറിൻ്റെ ഓളപ്പരപ്പിൽ പരിചിതമായൊരു വെള്ളി വെളിച്ചം തൂകി, ഉച്ചവെയിൽ ആ നദീതീരത്ത് ഭാരത്തോടെ പെയ്തിറങ്ങുകയായിരുന്നു. എന്നാൽ ആ പാലത്തിനരികിൽ നിൽക്കുമ്പോൾ, ചുറ്റുമുള്ള കാറ്റിൻ്റെ താളം എനിക്ക് തീർത്തും അപരിചിതമായി തോന്നി. ​ 42 വർഷങ്ങൾക്ക് മുൻപ്, ഈ പുഴയ്ക്ക് മറ്റൊരു മൃദുല താളമായിരുന്നു. പ്രാർത്ഥനകളുടെ നേർത്ത മന്ത്രധ്വനികളും, മരത്തോണികളിൽ തട്ടി ചിതറുന്ന ജലത്തിൻ്റെ മർമ്മരവും, മണൽ പുറത്ത് പെയ്തുവീണ മഴയുടെ സുഗന്ധവും എൻ്റെ ഓർമ്മകളിൽ ഇന്നുമുണ്ട്. 1984-ൽ, ഒരു കൈപ്പെട്ടിയിൽ ആയുസ്സിൻ്റെ സമ്പാദ്യവും നെഞ്ചുനിറയെ ആശങ്കകളുമായി ഞാൻ ആലുവയോട് വിടപറയുമ്പോൾ, എൻ്റെ മനസ്സിൽ കോറിയിട്ട പ്രകൃതിചിത്രമിതായിരുന്നു. അമേരിക്കയിലെ കൊടുംതണുപ്പുള്ള ശീതകാലങ്ങളിലും, ഉറക്കമില്ലാത്ത കഠിനാധ്വാനത്തിൻ്റെ വർഷങ്ങളിലും എൻ്റെ ജീവിതത്തെ താങ്ങിനിർത്തിയത് ആ ഓർമ്മകളെന്ന നങ്കൂരമായിരുന്നു. ജീവിക്കാൻ വേണ്ടി അഹോരാത്രം പൊരുതിയ ആ നാളുകളിൽ, ഈ ശാന്തസുന്ദരമായ നാടിൻ്റെ സ്വപ്നങ്ങളായിരുന്നു എൻ്റെ ഇന്ധനം. ​എന്നാൽ ഇന്നിവിടെ ഭയാനകമായ ഒരു തിരക്ക്…

ജൂൺ മാസത്തിലെ മൂന്നാമത്തെ ഞായറാഴ്ച ലോകമെമ്പാടും പിതൃദിനമായി ആചരിക്കുമ്പോൾ, എന്റെ മനസ്സിലേക്ക് ഓടിയെത്തുന്നത് ഓർമ്മകളുടെ ഒരു വലിയ ശൂന്യതയാണ്. കാരണം, വെറും ഒന്നര വയസ്സുള്ളപ്പോൾ എനിക്ക് എന്റെ പിതാവിനെ നഷ്ടപ്പെട്ടു. പിതാവ് എന്ന രണ്ടക്ഷരത്തിന്റെ അർത്ഥമോ, ആ സ്നേഹത്തിന്റെ ആഴമോ രുചിച്ചറിയാൻ പ്രായം അനുവദിക്കാത്ത ഒരു മകൻ! അതുകൊണ്ടുതന്നെ, മറ്റുള്ളവർ തങ്ങളുടെ പിതാക്കന്മാരെക്കുറിച്ച് വാതോരാതെ സംസാരിക്കുമ്പോഴും അവരോടൊപ്പമുള്ള നിമിഷങ്ങൾ പങ്കുവെക്കുമ്പോഴും, ഈ ദിവസം എന്റെ പിതാവിനെ എങ്ങനെ സ്മരിക്കണം എന്നറിയാതെ ഞാൻ പലപ്പോഴും പകച്ചുനിന്നിട്ടുണ്ട്. എന്നാൽ, ആ ശൂന്യത എന്നെ ഒട്ടും തളർത്താതെ കാത്തുസൂക്ഷിച്ചത് എന്റെ മാതാവായിരുന്നു. പിതാവിന്റെയും അമ്മയുടെയും സ്നേഹവും കരുണയും സംരക്ഷണവും ഒരേപോലെ പകർന്നുനൽകിയാണ് അമ്മ എന്നെ വളർത്തിയത്. ഒരു പിതാവിന്റെ അഭാവം എന്റെ ജീവിതത്തിൽ ഒരിടത്തും നിഴലിക്കാതിരിക്കാൻ അമ്മ കാട്ടിയ ആത്മധൈര്യവും ത്യാഗവും ചെറുതല്ല. എങ്കിലും, വളർച്ചയുടെ ഓരോ ഘട്ടങ്ങളിലും സ്വന്തം പിതാവിന്റെ…

അടുത്തിടെ, ചലച്ചിത്ര വ്യവസായത്തിലെ മുതിർന്ന നിർമ്മാതാവും സംവിധായകനുമായ പഹ്ലാജ് നീൽഹാനിയുടെ മരണവാർത്ത മുഴുവൻ വിനോദ ലോകത്തെയും ദുഃഖത്തിലാക്കി. പഹ്ലാജ് നിഹലാനിയുടെ മരണത്തിൽ വികാസും ദുഃഖിതനായിരുന്നു, അദ്ദേഹം എന്താണ് പറഞ്ഞതെന്ന് അറിയുകഃ-അതൊരു വൈകാരിക നിമിഷമായിരുന്നു. അത്തരം പരിചയസമ്പന്നരായ ആളുകളിൽ നിന്നാണ് മുന്നോട്ട് പോകാനുള്ള പ്രചോദനവും അനുഗ്രഹവും തനിക്ക് ലഭിച്ചതെന്ന് അദ്ദേഹം വിശ്വസിക്കുന്നു. അവർ പോയതിനുശേഷം തീർച്ചയായും ഒരു ശൂന്യതയുണ്ട്! ഭക്തിഗാനങ്ങൾ എഴുതാനും രചിക്കാനും പാടാനുമുള്ള ആഗ്രഹം തുടർച്ചയായ വികസനത്തിന്റെ മനസ്സിൽ തുടരുന്നു. ഈ ക്രമത്തിൽ അദ്ദേഹം ഒരു ജൈന സ്തുതിഗീതവും രചിച്ചു, അതിൻ്റെ ഏറ്റവും വലിയ സവിശേഷത അതിൻ്റെ മൌലികതയാണ്. ഈ ഭജന്റെ വാക്കുകൾ, രാഗം, മാനസികാവസ്ഥ എന്നിവ തികച്ചും പുതിയതാണ്. പഴയ പാട്ടുകൾ പലപ്പോഴും പുതിയ രൂപത്തിൽ അവതരിപ്പിക്കപ്പെടുന്ന ഇന്നത്തെ കാലഘട്ടത്തിൽ, പൂർണ്ണമായും മൌലികമായ ഒരു രചന സൃഷ്ടിക്കുന്നത് തന്നെ ഒരു വലിയ നേട്ടമാണ്. അതുകൊണ്ടാണ്, പരിമിതമായ…

നമ്മുടെ ജീവിതത്തിൽ നാം കടന്നുപോകുന്ന ഓരോ കൊച്ചു അനുഭവങ്ങൾക്കും പിന്നിൽ ദൈവത്തിന്റെ വലിയൊരു ഉദ്ദേശ്യം ഒളിഞ്ഞിരിപ്പുണ്ട്. കുട്ടിക്കാലത്തെ നിഷ്കളങ്കമായ ആഗ്രഹങ്ങളും, അവ സാധിച്ചുകിട്ടുമ്പോഴുള്ള സന്തോഷവും, പിന്നീട് അതിൽ നിന്നുണ്ടാകുന്ന നിരാശകളും ഒടുവിൽ നമ്മെ എത്തിക്കുന്നത് വലിയൊരു ജീവിതസത്യത്തിലേക്കാണ്. ജൂൺ മാസത്തിലെ കനത്ത ഇടവപ്പാതിയിൽ ജനലരികിൽ നിന്ന് മഴ നോക്കിനിന്നിരുന്ന ആ കുട്ടിക്കാലം ഇന്നും മനസ്സിൽ മായാതെ നിൽക്കുന്നു. വലിയ കുട ചൂടിയും തിളങ്ങുന്ന റെയിൻകോട്ട് ധരിച്ചും സ്കൂളിലേക്ക് പോകുന്ന കൂട്ടുകാരെ കാണുമ്പോൾ ഹൃദയത്തിൽ ഒരേയൊരു മോഹം മാത്രം: ഒരിക്കലെങ്കിലും ഒരു റെയിൻകോട്ട് ലഭിക്കണം, മഴ നനയാതെ അഭിമാനത്തോടെ സ്കൂളിലേക്ക് നടക്കണം! നീണ്ട കാത്തിരിപ്പിനൊടുവിൽ, ഒരു ദിവസം അപ്പന്റെ കൈകളിൽ നിന്ന് ഒരു റെയിൻകോട്ട് സമ്മാനമായി ലഭിച്ചു. അന്ന് അനുഭവിച്ച സന്തോഷം വാക്കുകളിൽ വിവരിക്കാനാകാത്തതായിരുന്നു. വലിയ പ്രതീക്ഷകളോടെയായിരുന്നു അടുത്ത ദിവസം വിദ്യാലയത്തിലേക്കുള്ള യാത്ര. ആ റെയിൻകോട്ടിനുള്ളിൽ ഞാനും എന്റെ…

ജൂൺ 21 – ലോകമെമ്പാടും പിതൃദിനം ആയി ആഘോഷിക്കുന്ന ദിവസം. ഒരു പ്രത്യേക ദിവസം മാത്രം ആഘോഷിക്കപ്പെടേണ്ടവർ ആണോ യഥാർത്ഥ ജീവിതത്തിലെ ഹീറോസ് ആയ നമ്മുടെ അച്ഛന്മാർ!! അവരുടെ അതിജീവന ചരിത്രം, അവർ കടന്നുവന്ന കനൽ വഴികൾ, അവരുടെ ത്യാഗങ്ങൾ എന്നും ഓർമ്മയിൽ തെളിഞ്ഞു നിൽക്കേണ്ടതല്ലേ? മക്കളെ വലിയ നിലയിൽ എത്തിക്കാൻ അവർ പലപ്പോഴും നടത്തിയ ഒറ്റയാൾ യുദ്ധങ്ങൾ മറക്കാൻ കഴിയുമോ? ഒരു കുഞ്ഞിന് ജന്മം നൽകാൻ അമ്മ നേരിടേണ്ടിവരുന്ന വേദനകളും സഹനങ്ങളും എല്ലാവരും നന്നായി മനസ്സിലാക്കാറുണ്ട്. അമ്മയുടെ സ്നേഹവും സഹനവും തീർച്ചയായും സമാനതകളില്ലാത്തത് തന്നെയാണ്. എന്നാൽ ഒരു അച്ഛൻറെ സ്നേഹം ആരും കാണാതെ ഒളിപ്പിച്ചു വച്ച വലിയൊരു നിധിയാണ്. തന്റെ ഭാര്യ തന്റെ കുഞ്ഞിനെ ഉദരത്തിൽ വഹിക്കുന്നു എന്നറിയുന്ന നിമിഷം മുതൽ ആ കുഞ്ഞിനെ തൻറെ ഹൃദയത്തിൽ ഗർഭം ധരിച്ച് ആ കുഞ്ഞിനുവേണ്ടി അവൻ അനുഭവിക്കുന്ന…

(2026 ജൂൺ ആറാം തിയ്യതി ശനിയാഴ്ച അന്തരിച്ച ജോർജ് മണ്ണിക്കരോട്ട് രചിച്ച “അമേരിക്കയിലെ ആധുനിക മലയാളസാഹിത്യ ചരിത്രം” എന്ന ബൃഹത്തായ, ഈടുറ്റ ഗ്രന്ഥത്തെ കുറിച്ച് ഈ ലേഖകൻ 2021ൽ എഴുതിയ ഒരു ലേഖനം അദ്ദേഹത്തെ അനുസ്മരിച്ചുകൊണ്ട് ഒരിക്കൽക്കൂടെ പ്രസിദ്ധീകരിക്കുകയാണ്. ഈ വിഷയത്തിൽ ഇത്രയധികം ഗവേഷണാൽമകമായ ഒരു രചനാ ഗ്രന്ഥം ഈ ലേഖകൻ ഇതേവരെ കണ്ടിട്ടില്ല. ഈ വർഷം ഈ പുസ്തകം ഇംഗ്ലീഷില്‍ വിവർത്തനം ചെയ്തു പ്രസിദ്ധീകരിക്കുകയുണ്ടായി) ഹൂസ്റ്റണ്‍: അമേരിക്കയില്‍ അധിവസിക്കുന്ന പ്രസിദ്ധ മലയാള ഭാഷാസാഹിത്യകാരനും, ചരിത്രകാരനുമായ ജോര്‍ജ്ജ് മണ്ണിക്കരോട്ട് രചിച്ച ‘അമേരിക്കയിലെ ആധുനിക മലയാള സാഹിത്യചരിത്രം’ പ്രസിദ്ധീകരിച്ചു. വടക്കെ അമേരിക്കയ്ക്കു പുറമെ കാനഡയിലെയും ആധുനിക മലയാള സാഹിത്യ ചരിത്രം ഈ ബൃഹത്തായ ഗ്രന്ഥത്തില്‍ ഉള്‍പ്പെടുത്തിയിരിക്കുന്നു. അമേരിക്കയില്‍ ആദ്യമായി 2007ല്‍ ‘അമേരിക്കയിലെ മലയാള സാഹിത്യ ചരിത്രം’ എന്ന ഒരു ചരിത്ര പുസ്തകം ജോര്‍ജ്ജ് മണ്ണിക്കരോട്ട് രചിച്ചിരുന്നു. 2021ല്‍ കൂടുതല്‍…

നിർമ്മാണ കമ്പനി, കഥ, സംവിധാനം, അഭിനേതാക്കൾ, കഥാതന്തു… എല്ലാം കാലേകൂട്ടി പറഞ്ഞിട്ട്, ക്ലൈമാക്സ് മാത്രം പറയാതെ പറഞ്ഞ് നമ്മളെ വെള്ളിത്തിരയിലേക്ക് ആകർഷിക്കുന്ന ഒരു മാന്ത്രികവിദ്യയുണ്ട് സിനിമയ്ക്ക്. സാധാരണക്കാരന്റെ ഏറ്റവും വലിയ വിനോദമായ ഈ മായാലോകം കാലഘട്ടത്തിന് മുൻപേ സഞ്ചരിക്കുവാൻ തുടങ്ങിയിട്ട് കാലമേറെയായി. സിനിമ തിയേറ്റർ കഴിഞ്ഞാൽ ജീവിതത്തിൽ നമ്മൾ കേൾക്കുന്ന വേറൊരു തീയറ്റർ, ഞാൻ മനസ്സിലാക്കിയിട്ടുള്ളത് ഓപ്പറേഷൻ തിയേറ്റർ മാത്രമാണ്. കൗതുകകരമായ കാര്യം എന്തെന്നാൽ, ഇവ രണ്ടിന്റെയും പ്രവർത്തനരീതിയിൽ നല്ല സാമ്യമുണ്ട്! മിക്കവാറും കാര്യങ്ങൾ കാലേകൂട്ടി പ്രവചിച്ച്, ഫോൺ ഓഫ് ചെയ്ത്, ചുറ്റിനും ഇരിക്കുന്നത് ആരെന്നറിയാതെയാണ് രണ്ടു സ്ഥലത്തും ആളുകൾ ഇരിക്കുന്നത്. വലിയ ആരാധനാലയങ്ങളിൽ പോലും ഉണ്ടാകില്ല സിനിമ തിയേറ്ററിലെ അത്രയധികം നിശബ്ദതയും ശ്രദ്ധയും! ഇവിടെ സിനിമയെ വെറുമൊരു കലാരൂപമായി മാത്രമല്ല, സ്വന്തം ജീവിതം തൽക്കാലത്തേക്ക് മറന്ന് ആസ്വദിക്കാനുള്ള ഒരു അത്ഭുത മാധ്യമമായിട്ടാണ് ആളുകൾ കാണുന്നത്. സിനിമ…