Category: ARTICLES

2024 വർഷം അവസാനിക്കാൻ എണ്ണപ്പെട്ട ദിനങ്ങൾ മാത്രം! നോർത്ത് അമേരിക്കയിലെ വിവിധ ദേവാലയങ്ങളിൽ പുതിയ ഭരണസമിതി അംഗങ്ങളെ തിരഞ്ഞെടുക്കുന്നതിനുള്ള തെയ്യാറെടുപ്പിലാണ്. മുൻ കാലങ്ങളിൽ .എല്ലാവരും ഒരുമിച്ചിരുന്നു പ്രാർത്ഥനയുടെ ആത്മാവിൽ ദൈവഭയമുള്ള , മാതൃകാപര ജീവിതം നയിക്കുന്ന അർഹരായ ചുമതലകരെ തിരെഞ്ഞെടുക്കുക എന്ന കീഴ്വഴക്കം ഇന്ന് വെറും ഒരു സ്വപ്നമായി മാറിയിരിക്കുന്നു . പകരം ഗ്രൂപ്പുകൾ തിരിഞ്ഞു സ്ഥിരം അഭിനേതാക്കളെ അവതരിപ്പിക്കാനുള്ള ചർച്ചകൾ മിക്കവാറും അണിയറയിൽ പുരോഗമിക്കുകയാണ്. ഓരോ വർഷം പിന്നിടുംതോറും ഇതിന്റെ അതിപ്രസരം വര്‍ധിച്ചു വരുന്നുവെന്നുള്ളത് വിശ്വാസ സമൂഹം വേദനയോടെയാണ് നോക്കികാണുന്നത്. മാത്രമല്ല മറ്റൊരു സംസ്കാരം കൂടി ഉടലെടുത്തിരിക്കുന്നു. ഓരോ ഞായറാഴ്ചയും പരിശുദ്ധമായി കാത്തുസൂക്ഷിക്കേണ്ട ദേവാലയ പരിസരം ഫുഡ് കോർട്ടുകളായി, വ്യാപാര കേന്ദ്രങ്ങളായി മാറുന്നവെന്നതും ഭീതിയോടെ മാത്രമേ നോക്കികാണാനാകു. ഇതിനെതിരെ ചെറുവിരൽ അനക്കുവാന്‍ പോലും ആത്മീയ നേത്ര്വത്വവും തയാറാകുന്നില്ല എന്നതിലുപരി ഇതിനെ പ്രോത്സാഹിപ്പിക്കുന്ന നയമാണ് സ്വീകരിച്ചിരിക്കുന്നതെന്നത് വസ്തുതയാണ്.…

അങ്ങനെ ട്രംപ് വിജയിച്ചു. സന്തോഷം കൊണ്ട് ഇരിക്കാന്‍ മേലാ. എനിക്കല്ല, എന്‍റെ പ്രിയതമ പുഷ്പാജിക്ക്. എന്തുകൊണ്ടോ അവള്‍ക്ക് കമലാ മാഡത്തിനെ അത്ര ഇഷ്ടമല്ല. ‘ആ പെണ്ണുംപിള്ള എപ്പോഴും ഇളിച്ചുകൊണ്ടാ നടക്കുന്നത്’, ഒരു മാതിരി വളിച്ച ചിരി. അതവള്‍ക്ക് സഹിക്കാന്‍ കഴിയുന്നില്ല. കമലാ ഹാരിസ് ചിലപ്പോള്‍ എന്നെ നോക്കിയാണ് ചിരിക്കുന്നത് എന്നവള്‍ക്കു തോന്നും. “എന്തോന്നാ ഇത്ര കണ്ട് ന്യൂസ് കാണാന്‍. എഴുന്നേറ്റു പോകരുതോ? ആ എരണം കെട്ടവളുടെ ഒരു ചിരി കാണാന്‍ കുത്തിയിരിക്കുന്നു.” ഏതെങ്കിലും അല്പസ്വല്പം ചന്തമുള്ള ഒരു തരുണീമണി എന്നെ നോക്കി ഒന്നു പുഞ്ചിരിച്ചാല്‍, ഒരു സംശയദൃഷ്ടിയോടെ അവള്‍ എന്നെയൊന്നു നോക്കും. എന്നിട്ടൊരു കമന്‍റും. “എനിക്കൊന്നും അറിയത്തില്ല എന്നാ അങ്ങേരുടെ വിചാരം. ഞാനത്ര പൊട്ടിയൊന്നുമല്ല.” അതിന് അകമ്പടിയായി അമക്കിയൊരു മൂളലും. അമേരിക്കയില്‍, മലയാളികളുടെ ഗൃഹഭരണത്തിന്‍റെ അവസാന വാക്ക് സ്ത്രീകള്‍ക്കാണെങ്കില്‍ത്തന്നെയും നാടു ഭരിക്കുന്നത് പുരുഷന്മാരായിരിക്കണം എന്ന ചിന്താഗതിയുള്ള ധാരാളം…

ആസന്നമായിരിക്കുന്ന അമേരിക്കൻ പ്രസിഡന്റ് തിരഞ്ഞെടുപ്പിൽ ആര് ജയിക്കും എന്നുള്ള വാദപ്രതിവാദം കൊടുമ്പിരി കൊണ്ടിരിക്കുന്ന ഈ സാഹചര്യത്തിൽ, ഒരു ശരാശരി അമേരിക്കൻ മലയാളി വോട്ടറുടെ രാഷ്ട്രീയ ചിന്താധാരയിലേക്ക് ഒരു എത്തിനോട്ടമാണ് ഇത്. നവംബർ അഞ്ചാം തീയതി ചൊവ്വാഴ്ച വൈകിട്ട് അവസാനിക്കുന്ന വോട്ടിംഗ് പ്രക്രീയ, അടുത്ത നാല് വർഷത്തേക്കുള്ള അമേരിക്കൻ പ്രസിഡന്റിനെ തീരുമാനിച്ചുകൊണ്ടായിരിക്കും. പകുതിയിലധികം വോട്ടറന്മാർ അവരുടെ വോട്ടുകൾ രേഖപ്പെടുത്തിയ ഈ സമയം ഇനിയും ശേഷിക്കുന്നത് ഹൃദയമിടിപ്പിന്റെ ഓരോ നിമിഷങ്ങളാണ്. അമേരിക്കയിലെ ഇന്ത്യക്കാരെ സംബന്ധിച്ചിടത്തോളം ഇത്തവണത്തെ തിരഞ്ഞെടുപ്പിന് വളരെ പ്രാധാന്യമുണ്ട്. ഒരു ഇന്ത്യൻ വംശജയായ കമല ഹാരിസ് അമേരിക്കയുടെ പ്രഥമ വനിതയായി മത്സരിക്കുന്നതിലുപരി, അവർ വിജയിച്ചാൽ അമേരിക്കയുടെ ആദ്യത്തെ വനിതാ പ്രസിഡന്റ് എന്ന ഖ്യാതി ചരിത്രത്തിൽ കൂട്ടിച്ചേർക്കും . അവർ മത്സരിക്കുന്നത് ഒരു മുൻ അമേരിക്കൻ പ്രസിഡന്റും, വലിയ ഒരു ബിസിനസുകാരനുമായ ഡൊണാൾഡ് ട്രം‌പിനോടാണ് എന്ന പ്രത്യേകതയുമുണ്ട്. രാഷ്ട്രീയ പ്രബുദ്ധതയിൽ…

മാനസിക ക്ലേശങ്ങളിൽ നിന്ന് നമ്മെ രക്ഷിക്കുന്നതിൽ സാമൂഹിക പിന്തുണ വഹിക്കുന്ന പങ്കുകൾ നിരവധിയാണ്. എന്നാൽ നമ്മുടെ സാമൂഹിക പിന്തുണ, സമ്മർദം, മാനസികാരോഗ്യം എന്നിവ തമ്മിലുള്ള സങ്കീർണ്ണമായ പരസ്പര ബന്ധത്തെക്കുറിച്ചുള്ള ധാരണ മെച്ചപ്പെടുത്തുന്നതിന് സഹായിക്കുന്നു. അതുപോലെ നിങ്ങളുടെ സുഹൃത്തുക്കളുമായും, കുടുംബാംഗങ്ങളുമായുള്ള ബന്ധങ്ങൾ മാനസികാവസ്ഥയെ ശക്തിപ്പെടുത്താനും, കാഴ്ചപ്പാട് മെച്ചപ്പെടുത്താനും, മാനസിക ക്ഷേമം സംരക്ഷിക്കാനും കഴിയുന്നു. കൂടാതെ സാമൂഹിക പിന്തുണ മെച്ചപ്പെട്ട മാനസികാരോഗ്യവുമായി ബന്ധപ്പെട്ടിരിക്കുന്നു. ഉയർന്ന സാമൂഹിക പിന്തുണയുള്ള ആളുകൾ സമ്മർദപൂരിതമായ സാഹചര്യങ്ങളെ അഭിമുഖീകരിക്കുമ്പോൾ അവർ കൂടുതൽ പ്രതിരോധശേഷിയുള്ളവരാണെന്ന് കാണുന്നു. എന്നാൽ ആധുനിക സമൂഹത്തിൽ, നല്ല മനോഭാവവും, നല്ല മാനസികാരോഗ്യവും ഉണ്ടായിരിക്കേണ്ടത് അത്യന്താപേക്ഷിതമാണ്. ഇന്ന് ലോകമെമ്പാടുമുള്ള ദശലക്ഷക്കണക്കിന് ആളുകളെ ദിവസവും ബാധിക്കുന്ന വിഷാദവും, ഉത്കണ്ഠയും, വളരെ യഥാർത്ഥമാണ്. ഇത് മോശം മാനസികാരോഗ്യത്തിന് സാധ്യത കൂടുന്നു. അതുകൊണ്ട് നല്ല മാനസികാരോഗ്യം നിലനിർത്തുന്നതിനുള്ള സാധ്യമായ പരിഹാരം സാമൂഹിക കഴിവുകൾ വികസിപ്പിക്കുക എന്നതാണ്. എന്താണ് സാമൂഹിക…

എല്ലാ വര്‍ഷവും നവംബര്‍ ഒന്ന്‌ കേരളപ്പിറവി മഹോത്സവമായി ആഘോഷിക്കാറുണ്ട്. പ്രകൃതിരമണീയമായ കേരളം കടല്‍ത്തീരങ്ങളും, കുന്നുകളും, നദികളും, തടാകങ്ങളും ജൈവവൈവിദ്ധ്യം കൊണ്ട്‌ ‘ദൈവത്തിന്റെ സ്വന്തം നാട്‌’ എന്നാണ്‌ വിരേഷിപ്പിക്കപ്പെടുന്നത്. കേരളത്തെപ്പറ്റി മഹാഭാരതം, വാല്മീകിരാമായണം, ചാണക്യന്റെ അര്‍ത്ഥ ശാസ്ത്രത്തില്‍ വരെ പരാമര്‍ശമുണ്ട്‌. ചാണക്യന്റെ കാലം (ബി.സി.350- 275) മഹാനായ മാസിഡോണിയൻ ചക്രവര്‍ത്തി അലക്സാണ്ടറിന്റെ കാലവും ഇത്‌ തന്നെ. ബി.സി.യില്‍ നിന്ന്‌ ധാരാളം വെള്ളമൊഴുകി എ.ഡി.2024- ല്‍ എത്തി നില്‍ക്കുമ്പോള്‍ കേരളവും ധാരാളം പുരോഗതി കൈവരിച്ചിട്ടുണ്ട്‌. ആ പുരോഗതിയില്‍ എല്ലാം മനുഷ്യര്‍ക്കും വലിയ പങ്കാണുള്ളത്‌. അതില്‍ മുന്നില്‍ നില്‍ക്കുന്നത്‌ പ്രവാസികളാണ്‌. കലാസാഹിത്യ പ്രതിഭകളടക്കം അവരെ കറിവേപ്പില പോലെ വലിച്ചെറിയുന്നുണ്ടെങ്കിലും അവരുടെ വിയര്‍പ്പിന്റെ ഫലം കേരളത്തിലെത്തിയതു കൊണ്ടാണ്‌ നമ്മുടെ നാട്‌ പട്ടിണി, ദാരിദ്രത്തില്‍ നിന്ന്‌ മുക്തി നേടിയത്‌. കേരളത്തില്‍ നിന്ന്‌ ഗള്‍ഫിലേക്കും പാശ്ചാത്യ രാജ്യങ്ങളിലേക്കും മലയാളിയെ എടുത്തെറിഞ്ഞപ്പോള്‍ ആ സ്ഥാനത്തേക്ക്‌ വടക്കേ ഇന്ത്യാക്കാര്‍…

മത ഗ്രന്ഥങ്ങൾ മനുഷ്യ നിർമ്മിതങ്ങളാണെന്ന് കണ്ടെത്തിക്കഴിഞ്ഞ നിലയ്ക്കും, അപൂർണ്ണനായ മനുഷ്യന്റെ എല്ലാ പ്രവർത്തനങ്ങളിലും ആ അപൂർണ്ണത നിഴൽ വിരിച്ചു നിൽക്കുന്നുണ്ടാവും എന്നതിനാലും മതഗ്രന്ഥങ്ങളിലെ പോരായ്മകളെ ചൂണ്ടി യുക്തിവാദികളും സ്വതന്ത്ര ചിന്തകരും ഇപ്പോൾ നടത്തിക്കൊണ്ടിരിക്കുന്ന അധര വ്യായാമങ്ങൾക്ക് ഇനി യാതൊരു പ്രസക്തിയുമില്ല എന്ന് അവരെങ്കിലും മനസ്സിലാക്കണം. എന്നിട്ടും സംവാദ വേദികകൾ മത കഥാപാത്രങ്ങളുടെ പോരായ്മകളും അതിലൂടെ അവർ സൃഷ്ടിച്ചു വിട്ട സാമൂഹ്യ ആചാരങ്ങളും ഇഴകീറി പരിശോധിക്കപ്പെടുന്നതിലൂടെ മാനവികതയുടെ മഹത്തായ സാദ്ധ്യതകൾ ഉൽപ്രാപനം ചെയ്യുന്നതിനുള്ള വിലപ്പെട്ട സമയം വെറുതേ പാഴായിപ്പോവുകയാണ് ചെയ്യുന്നത്. ഏതൊരു മനുഷ്യനും അവൻ ജീവിച്ചിരിക്കുന്ന കാലത്തെ കൂടി പ്രതിനിധീകരിക്കുന്നുണ്ട് എന്നതിനാൽ ആകാലത്തിന്റെ കണ്ണാടിയാകുവാനേ അവനും സാധിക്കുകയുള്ളു എന്നതിന്റെ തെളിവുകളായി നിൽക്കുന്നു അവൻനടത്തിയിട്ടുള്ള ഏതൊരു രചനകളും. അത് കൊണ്ട് തന്നെയാണ് ഇന്നായിരുന്നെങ്കിൽ പോക്സോ കേസിൽഅഴിയെണ്ണേണ്ടിയിരുന്ന. പല പല ദൈവ അവതാരങ്ങളും സ്വന്തം പേരിൽ നിർമ്മിക്കപ്പെട്ട ക്ഷേത്രങ്ങളിലുംപള്ളികളിലും മോസ്‌ക്കുകളിലും പ്രതിഷ്ഠിക്കപ്പെട്ട്…