Category: AMERICA

ഫിലാഡൽഫിയ: ചത്തീസ്ഗഢിലെ കന്യാസ്രീകളുടെ അറസ്റ്റിൽ ഐഒസി പെൻസിൽവാനിയ ചാപ്റ്റർ പ്രെതിഷേധം രേഖപ്പെടുത്തി. ഭരണഘടന അനുശാസിക്കുന്ന സ്വാതത്ര്യം കാറ്റിൽ പറത്തിക്കൊണ്ട് ന്യൂനപക്ഷ പീഡനം നടത്തുന്ന ബിജെപി യുടെ ഹീനമായ നടപടിക്കെതിരെ ഇന്ത്യ ഒട്ടാകെ വ്യാപക പ്രതിഷേധങ്ങൾ നടക്കുന്നുണ്ട്. പൗര സംഘടനകൾ, വിദ്യാർത്ഥികളും സ്ത്രീകളുമടങ്ങുന്ന വിവിധ സംഘടനകളും പ്രതിഷേധത്തിൽ പങ്കെടുത്തു വന്പിച്ച പ്രെതിഷേധ റാലികളാണ് നടക്കുന്നത് ജൂലൈ 25 ന് ചത്തീസ്ഗഢിലെ അംബികാപൂരിൽ നിന്ന് അസ്സിസി സിസ്റ്റേഴ്‌സ് ഓഫ് മേരി ഇമ്മാകുലേറ്റ് സഭയിലേക്കുള്ള സിസ്റ്റർ പ്രീതിമേരിയും വന്ദന ഫ്രാൻസിസും അറസ്റ്റിലായ നടപടിക്കെതിരെയാണ് ഐഒസി പെൻസിൽവാനിയ ചാപ്റ്റർ പ്രേതിഷേധ പ്രേമേയം അവതരിപ്പിച്ചത്. ഇവർക്കെതിരെ മതപരിവർത്തന നിയമവും മനുഷ്യക്കടത്ത് തടയുന്ന നിയമങ്ങളും പ്രകാരം കള്ളക്കേസ് കേസ് ചമച്ചാണ് അറസ്റ്റ് രേഖപ്പെടുത്തിയത് എന്ന് സംഘടനാ നേതാക്കൾ സംയുക്ത പ്രെസ്താവനയിലൂടെ അഭിപ്രായപ്പെട്ടു. . ഐഒസി പെൻസിൽവാനിയ ചാപ്റ്റർ പ്രെസിഡൻറ്റ് ഡോ ഈപ്പൻ ഡാനിയേൽ, ചെയർമാൻ സാബു…

ഓര്‍മ്മ ഇന്റര്‍നാഷണല്‍ (ഓവര്‍സീസ് റസിഡന്റ് മലയാളീസ് അസോസിയേഷന്‍) ടാലന്റ് പ്രൊമോഷന്‍ ഫോറം സംഘടിപ്പിക്കുന്ന ഇന്റര്‍നാഷണല്‍ പ്രസംഗമത്സരം സീസണ്‍ 3 വിജയകരമായ മൂന്നു ഘട്ടങ്ങളും പൂര്‍ത്തിയാക്കി ഗ്രാന്‍ഡ് ഫിനാലേയിലേക്ക് കടക്കുന്നു. ആഗസ്റ്റ് 8, 9 തീയതികളില്‍ പാലായിലെ സെന്റ് തോമസ് കോളേജ് ഇന്റഗ്രേറ്റഡ് സ്പോര്‍ട്സ് കോംപ്ലക്സ് ഓഡിറ്റോറിയത്തില്‍ വെച്ചാണ് ഗ്രാന്‍ഡ് ഫിനാലെ നടക്കുന്നത്. കേരളത്തിന്റെ കൃഷി മന്ത്രിയും, വാഗ്മിയുമായ പി പ്രസാദ് ഗ്രാന്‍ഡ് ഫിനാലേ ഉദ്ഘാടനം ചെയ്യും. കേരളത്തിന്റെ ഇന്റലിജിൻസ് വിഭാഗം മേധാവി എ ഡിജിപി, P വിജയൻ IPS മുഖ്യപ്രഭാഷണം നടത്തും. ജോസ് കെ മാണി എം പി, മാണി സി കാപ്പൻ എം എൽ എ, പാലാ മുൻസിപ്പൽ ചെയർമാൻ തോമസ് പീറ്റർ, പ്രശസ്ത സിനിമ സംവിധായകൻ ഭദ്രൻ മാട്ടേൽ, 24 ന്യൂസിലെ ന്യൂസ് അവതാരകൻ ഹാഷ്മി താജ് എന്നിവർ മുഖ്യ അതിഥികൾ ആയിരിക്കും. പ്രശസ്ത…

റ്റാമ്പാ: മലയാളി അസോസിയേഷന്‍ ഓഫ് റ്റാമ്പായുടെ ഈ വര്‍ഷത്തെ ഓണാഘോഷം വര്‍ണ്ണശബളമായ പരിപാടികളോടെ ഓഗസ്റ്റ് 9-ാം തീയതി നടത്തപ്പെടും. രാവിലെ 11:00 മണിക്ക് ക്നാനായ കമ്മ്യൂണിറ്റി സെന്‍ററില്‍ ആഘോഷങ്ങള്‍ക്ക് തിരി തെളിയും. വാദ്യമേളത്തിന്‍റേയും താലപ്പൊലിയുടേയും അകമ്പടിയോടുകൂടി മാവേലിമന്നനെ വരവേല്‍ക്കുന്ന ഘോഷയാത്ര, സാംസ്കാരിക സാമുദായിക നേതാക്കന്‍മാര്‍ പങ്കെടുക്കുന്ന പൊതുസമ്മേളനം, കണ്ണിനും കരളിനും കുളിര്‍മ്മയേകുന്ന വൈവിധ്യമാര്‍ന്ന മികച്ച കലാപരിപാടികള്‍ എന്നിവയ്ക്കുള്ള തയ്യാറെടുപ്പുകള്‍ അണിയറയില്‍ പൂര്‍ത്തിയായി വരുന്നു. വിഭവസമൃദ്ധമായ ഓണസദ്യയോടുകൂടിയാണ് ഈ വര്‍ഷത്തെ അമേരിക്കയിലെ ആദ്യത്തെ ഓണാഘോഷ പരിപാടികള്‍ക്ക് ‘മലയാളി അസോസിയേഷന്‍ ഓഫ് താമ്പാ’ തുടക്കം കുറിക്കുന്നത്. ഈ ഓണാഘോഷ പരിപാടികളിലേക്കു എല്ലാവരേയും ഹൃദയപൂര്‍വ്വം സ്വാഗതം ചെയ്യുന്നതായി പ്രസിഡണ്ട് ജോണ്‍ കല്ലോലിക്കലിന്‍റെ നേതൃത്വത്തിലുള്ള ഭാരവാഹികള്‍ അറിയിച്ചു.

അനാഥത്വത്തിൽ നിന്നും പ്രാരാബ്ധങ്ങളുടെ നടുവിൽ ഹരിഷ്മ. മൂന്ന് വയസ്സുള്ളപ്പോഴാണ് ഹരിഷ്മയെ മാതാവ് ഉപേക്ഷിച്ച് പോയത്. ചില ദിവസങ്ങൾക്കു ശേഷം പിതാവും ഉപേക്ഷിച്ച് കടന്ന് കളഞ്ഞു. പത്ര വാർത്ത വായിച്ചറിഞ്ഞ് ഒരു അനാഥാലയ സ്ഥാപന ഉടമ ഹരിഷ്മയുടെ സംരംക്ഷണം ഏറ്റെടുത്തു. പഠനം പൂർത്തിയാക്കിയതിന് ശേഷം വിവാഹിതയായ ഹരിഷ്മയ്ക്ക് ഒരു പെൺകുഞ്ഞ് പിറന്നു. ജനിച്ച സമയം മുതൽ പലവിധ രോഗങ്ങൾ കുഞ്ഞിനെ അലട്ടികൊണ്ടിരിക്കുന്നു. പഠനത്തിൽ മിടുക്കിയായ വേദത്രയക്ക് 5 വയസ് ഉണ്ടെങ്കിലും 11 കിലോ മാത്രമാണ് ശരീരഭാരം. കഴിഞ്ഞ ചില മാസങ്ങൾക്ക് മുമ്പ് വേദത്രയയ്ക്ക് മഞ്ഞപ്പിത്തം ബാധിച്ച് ജീവൻ അപകടാവസ്ഥയിലായി. ഇപ്പോൾ വൻകുടലും ചെറുകുടലും പിണഞ്ഞു പോകുന്ന അവസ്ഥയിലായതിനാൽ അടിയന്തിരമായി ശസ്ത്രക്രിയയ്ക്ക് വിധേയമാകണം. വാടക വീട്ടിൽ കഴിയുന്ന ഹരിഷ്മ ഇപ്പോൾ തൊഴിൽരഹിതയാണ്. തുച്ഛമായ വരുമാനത്തിൽ നിന്നും മകളുടെ ശസ്ത്രക്രിയ നടത്തുവാന്‍ നിവൃത്തിയില്ലാത്ത അവസ്ഥയിലാണ്. ലക്ഷക്കണക്കിന് രൂപ ഇതിനോടകം ചിലവായിക്കഴിഞ്ഞു. ഇനിയും…

യുഎസ് പ്രസിഡന്റ് ഡോണാള്‍ഡ് ട്രം‌പിന് നോബേല്‍ സമ്മാനം നല്‍കണമെന്ന് പാക്കിസ്താന്‍ നിര്‍ദ്ദേശിച്ചതിനു പിന്നാലെ ഇസ്രായേലും ആ ആവശ്യവുമായി മുന്നോട്ടു വന്നിരുന്നു. ഇപ്പോള്‍ കംബോഡിയയും അദ്ദേഹത്തിന് സമാധാനത്തിനുള്ള നോബൽ സമ്മാനം നൽകണമെന്ന് ആവശ്യപ്പെട്ടിട്ട് രംഗത്തെത്തി. ട്രംപിനെ നോബൽ സമ്മാനത്തിന് നാമനിർദ്ദേശം ചെയ്യുമെന്ന് കംബോഡിയ വെള്ളിയാഴ്ച പ്രഖ്യാപിച്ചു. ട്രംപിന്റെ ഇടപെടലിനെത്തുടർന്ന് തായ്‌ലൻഡുമായുള്ള യുദ്ധം അവസാനിച്ചപ്പോഴാണ് കംബോഡിയ ഈ തീരുമാനമെടുത്തത്. “പ്രസിഡന്റ് ട്രംപിന്റെ ശ്രമങ്ങൾക്ക് ഞങ്ങൾ നന്ദിയുള്ളവരാണ്. സമാധാനം പുനഃസ്ഥാപിക്കുന്നതിൽ അദ്ദേഹം ഒരു പ്രധാന പങ്ക് വഹിച്ചിട്ടുണ്ട്, അതിനാൽ അദ്ദേഹം നോബേൽ സമ്മാനത്തിന് അർഹനാണ്” എന്ന് കംബോഡിയയുടെ ഉപപ്രധാനമന്ത്രി പറഞ്ഞു. കഴിഞ്ഞയാഴ്ച കംബോഡിയയും തായ്‌ലൻഡും തമ്മിലുള്ള യുദ്ധം അവസാനിപ്പിക്കുന്നതിൽ ട്രംപിന്റെ ഒരു ഫോൺ കോൾ നിർണായക പങ്ക് വഹിച്ചു എന്നാണ് അവര്‍ പറയുന്നത്. തിങ്കളാഴ്ച മലേഷ്യയിൽ ഇരു രാജ്യങ്ങളും തമ്മിൽ വെടിനിർത്തൽ കരാർ ഒപ്പുവച്ചു. ഈ യുദ്ധത്തിൽ 43 പേർ മരിക്കുകയും…

ട്രംപും പുടിനും തമ്മിലുള്ള വാക്പോര് ശക്തമായി. മുൻ റഷ്യൻ പ്രസിഡന്റ് ദിമിത്രി മെദ്‌വദേവിന്റെ സമീപകാല പ്രകോപനപരമായ പ്രസ്താവനകളോട് യുഎസ് പ്രസിഡന്റ് ഡൊണാൾഡ് ട്രംപ് രൂക്ഷമായി പ്രതികരിച്ചു. എന്നാല്‍, ട്രം‌പിനെ പരിഹസിച്ചുകൊണ്ട് പുടിന്‍ പറഞ്ഞു…. “ക്യാമറയ്ക്ക് മുന്നിൽ അഭിനയിച്ചുകൊണ്ട് കരാറോ സമാധാനമോ ഉണ്ടാക്കാൻ കഴിയില്ല. അതിനായി നിശബ്ദമായി ശ്രമങ്ങൾ നടത്തണം” എന്ന്. ട്രംപിന്റെ പൊതു വാചാടോപത്തെ പരിഹസിക്കുന്നതായിരുന്നു പുടിന്റെ ഈ പ്രസ്താവന. വാഷിംഗ്ടണ്‍: മുൻ റഷ്യൻ പ്രസിഡന്റ് ദിമിത്രി മെദ്‌വദേവിന്റെ സമീപകാല പ്രകോപനപരമായ പ്രസ്താവനകളോട് പ്രസിഡന്റ് ഡൊണാൾഡ് ട്രംപ് രൂക്ഷമായി പ്രതികരിച്ചിരുന്നു. വാക്കുകളുടെ ശരിയായ ഉപയോഗം വളരെ പ്രധാനമാണെന്നും പലപ്പോഴും അത് ഗുരുതരമായ പ്രത്യാഘാതങ്ങൾ ഉണ്ടാക്കുമെന്നുമാണ് ട്രംപ് മുന്നറിയിപ്പ് നൽകിയത്. അത്തരം ഭാഷ വീണ്ടും ഉപയോഗിക്കില്ലെന്ന് ഞാൻ പ്രതീക്ഷിക്കുന്നു എന്നും അദ്ദേഹം പറഞ്ഞു. ട്രംപിന്റെ ഈ പ്രസ്താവന നയതന്ത്ര വൃത്തങ്ങളിൽ റഷ്യ-യുഎസ് ബന്ധത്തെക്കുറിച്ചുള്ള ശക്തമായ സന്ദേശമായി കണക്കാക്കപ്പെടുന്നു. ട്രംപിന്റെ…

ഇന്ത്യ ഉൾപ്പെടെയുള്ള മറ്റ് രാജ്യങ്ങൾക്ക് മേൽ ചുമത്തിയ തീരുവകളിൽ നിന്ന് ലഭിക്കുന്ന വരുമാനത്തിന്റെ ഒരു ഭാഗം അമേരിക്കൻ പൊതുജനങ്ങൾക്ക് ലാഭവിഹിതമായി വിതരണം ചെയ്യുമെന്ന് യുഎസ് പ്രസിഡന്റ് ഡൊണാൾഡ് ട്രംപ് സൂചിപ്പിച്ചു. ഈ പദ്ധതി ഇപ്പോഴും പ്രാരംഭ ഘട്ടത്തിലാണ്, പക്ഷേ ആഗോള വ്യാപാരത്തിലും ആഭ്യന്തര രാഷ്ട്രീയത്തിലും ഇതിന് സ്വാധീനം ചെലുത്താൻ കഴിയും. വാഷിംഗ്ടന്‍: യുഎസ് പ്രസിഡന്റ് ഡൊണാൾഡ് ട്രംപ് പുതിയതും അപ്രതീക്ഷിതവുമായ ഒരു പദ്ധതി പരിഗണിക്കുന്നതായി റിപ്പോര്‍ട്ട്. അതിൽ അന്താരാഷ്ട്ര വ്യാപാരത്തിന് ചുമത്തിയ താരിഫിൽ നിന്ന് ലഭിക്കുന്ന വരുമാനത്തിന്റെ ഒരു ഭാഗം അമേരിക്കൻ പൗരന്മാർക്കിടയിൽ ‘ഡിവിഡന്റ്’ രൂപത്തിൽ വിതരണം ചെയ്യുന്നതിനുള്ള സാധ്യത അദ്ദേഹം പരിശോധിക്കുന്നുണ്ടെന്നാണ് റിപ്പോര്‍ട്ടില്‍. ഇന്ത്യ ഉൾപ്പെടെ നിരവധി രാജ്യങ്ങളിൽ കനത്ത താരിഫ് ചുമത്തുമെന്ന് യുഎസ് പ്രഖ്യാപിച്ച സമയത്താണ് ഈ പദ്ധതി വന്നിരിക്കുന്നത്. റിപ്പോർട്ടുകൾ പ്രകാരം, ഇന്ത്യൻ ഇറക്കുമതിക്ക് 25% തീരുവ ഏർപ്പെടുത്തിയ ദിവസം തന്നെ പ്രസിഡന്റ്…

ഇലോൺ മസ്‌കിന്റെ കമ്പനിയായ ടെസ്‌ലയ്ക്ക് യുഎസ് കോടതിയിൽ നിന്ന് വലിയ തിരിച്ചടി. 2019 ലെ ഓട്ടോപൈലറ്റ് അപകടത്തിൽ ടെസ്‌ല കുറ്റക്കാരാണെന്ന് ഫ്ലോറിഡയിലെ മിയാമി കോടതി വിധിക്കുകയും 243 മില്യൺ ഡോളർ നഷ്ടപരിഹാരം നൽകാൻ ഉത്തരവിടുകയും ചെയ്തു. അപകടത്തിൽ ഒരു സ്ത്രീ മരിക്കുകയും കാമുകന് ഗുരുതരമായി പരിക്കേൽക്കുകയും ചെയ്തിരുന്നു. ഫ്ലോറിഡ: ടെസ്‌ലയുടെ ഓട്ടോപൈലറ്റ് സാങ്കേതികവിദ്യയെക്കുറിച്ച് വളരെക്കാലമായി ചോദ്യങ്ങൾ ഉയർന്നിരുന്നു. 2019 ൽ, ഫ്ലോറിഡയിലെ ലാർഗോ നഗരത്തിൽ ടെസ്‌ലയുടെ മോഡൽ എസ് കാർ ഒരു എസ്‌യുവിയുമായി കൂട്ടിയിടിച്ചതിന്റെ ഫലമായി 22 വയസ്സുള്ള ഒരു യുവതിക്ക് ജീവൻ നഷ്ടപ്പെട്ടു. കോടതിയില്‍ നാല് വർഷം നീണ്ട വാദം കേൾക്കലിന് ശേഷം, ഈ അപകടത്തിന് ഡ്രൈവർ മാത്രമല്ല, ടെസ്‌ലയുടെ ഓട്ടോപൈലറ്റ് സംവിധാനവും ഉത്തരവാദിയാണെന്ന് കോടതി വിധിച്ചു. ഇപ്പോൾ കമ്പനി വലിയ നഷ്ടപരിഹാരം നൽകേണ്ടിവരും. വാസ്തവത്തിൽ, 2019 ൽ ഈ അപകടം നടന്നപ്പോൾ, കാർ ഓട്ടോപൈലറ്റ്…

അമേരിക്കയിലേക്ക് മലയാളികൾ ഉപജീവനം തേടിയെത്തിയപ്പോൾ കൂടെകൂട്ടിയ മതവും ജാതിയും സഭകളും ഉപസഭകളുമൊക്കെകൂടി ഈ സ്വപ്നഭൂമിയുടെ സാമൂഹ്യ അന്തരീക്ഷത്തെ മലിനമാക്കാൻ തുടങ്ങിട്ട് വർഷങ്ങളേറെയായി. സാങ്കേതിക മികവും ശാസ്ത്രബോധവുമുള്ള ഇവിടെ വളരുന്ന അടുത്ത തലമുറയുടെ മുന്നിൽ സ്വയം അപഹാസ്യരാകുന്നത് എന്തുകൊണ്ടോ അവർ അറിയുന്നില്ല. കേരളത്തിൽ പോലും ജനപ്രീതി കുറഞ്ഞുകൊണ്ടിരിക്കുന്ന ധ്യാനം കൂടലും ശത്രു സംഹാരവും ആഭിചാര ക്രിയകളും ഏറ്റെടുത്തു പ്രചരിപ്പിക്കാൻ ചില ഗ്രൂപ്പുകൾ അമേരിക്കയിലും സജീവമായി പ്രവർത്തിച്ചുവരുന്നു. യാതൊരു അധികാരികതയുമില്ലാത്ത ചില സഭാ വിഭാഗങ്ങളും വൈദിക പാരമ്പര്യമോ മലയാള ഭൂമിയിൽ വേരുകളോ ഇല്ലാതെ അടുത്ത കാലത്തു പൊട്ടിമുളച്ച ചില വ്യാജ സന്യാസ ഗ്രൂപ്പുകളുമാണ് ഇതിന്റെ പ്രധാന പ്രായോജകർ. കാൽ നൂറ്റാണ്ടു പിന്നിട്ട ഒരു ഹൈന്ദവ സംഘടനയിൽ കൃത്യം നാലു വർഷം മുൻപ് നാളിതുവരെ കേട്ടിട്ടില്ലാത്ത രീതിയിൽ കുറെയേറെ സ്‌പോൺസേർഡ് അംഗങ്ങളെ രജിസ്‌ട്രേഷൻ ഫീസും വിമാന ടിക്കറ്റും നൽകി എത്തിച്ചു സംഘടനയെ…

വാഷിംഗ്‌ടൺ ഡി സി :മുൻ റഷ്യൻ പ്രസിഡന്റ് ദിമിത്രി മെദ്‌വദേവിൻ്റെ ഭീഷണികൾക്ക് മറുപടിയായി റഷ്യയ്ക്ക് സമീപം രണ്ട് ആണവ അന്തർവാഹിനികൾ സ്ഥാപിക്കാൻ ഉത്തരവിട്ടതായി യുഎസ് പ്രസിഡന്റ് ഡൊണാൾഡ് ട്രംപ് വെള്ളിയാഴ്ച അറിയിച്ചു. മെദ്‌വദേവിൻ്റെ പ്രസ്താവനകൾ “മണ്ടത്തരവും പ്രകോപനപരവുമാണ്” എന്ന് ട്രംപ് ഒരു സോഷ്യൽ മീഡിയ പോസ്റ്റിൽ കുറിച്ചു. “ഈ മണ്ടത്തരവും പ്രകോപനപരവുമായ പ്രസ്താവനകൾ അതിര് കടന്നാൽ, ഉചിതമായ പ്രദേശങ്ങളിൽ രണ്ട് ആണവ അന്തർവാഹിനികൾ സ്ഥാപിക്കാൻ ഞാൻ ഉത്തരവിട്ടിട്ടുണ്ട്,” ട്രംപ് വ്യക്തമാക്കി. വാക്കുകൾക്ക് വലിയ പ്രാധാന്യമുണ്ടെന്നും അപ്രതീക്ഷിത പ്രത്യാഘാതങ്ങൾ ഉണ്ടാക്കാമെന്നും അദ്ദേഹം കൂട്ടിച്ചേർത്തു. റഷ്യ യുക്രെയ്നിൽ വെടിനിർത്തൽ പ്രഖ്യാപിക്കാൻ 10 ദിവസത്തെ സമയപരിധി ട്രംപ് ചൊവ്വാഴ്ച നൽകിയതിന് പിന്നാലെയാണ് ഇരു നേതാക്കളും തമ്മിലുള്ള വാക്പോര് രൂക്ഷമായത്. ട്രംപിന്റെ സമയപരിധി പാലിക്കുന്നതിൽ റഷ്യ ഇതുവരെ യാതൊരു സൂചനയും നൽകിയിട്ടില്ല. “അന്തിമ നിർദ്ദേശങ്ങളുടെ കളി”യിലാണ് ട്രംപ് ഏർപ്പെട്ടിരിക്കുന്നതെന്ന് മെദ്‌വദേവ് തിങ്കളാഴ്ച ആരോപിച്ചിരുന്നു.…