ന്യൂയോര്ക്ക്: സനാതനധര്മ്മ പ്രചരണത്തിനായി അമേരിക്കയില് പ്രവര്ത്തിക്കുന്ന കേരള ഹിന്ദൂസ് ഓഫ് നോര്ത്ത് അമേരിക്കയുടെ രജതജൂബിലി ആഘോഷങ്ങളുടെ മുന്നോടിയായി നടന്ന കേരള കോണ്ക്ലേവ് പ്രൗഢവും അര്ത്ഥവത്തുമായിരുന്നു. അങ്കമാലി അഡ്ലക്സ് ഇന്റര്നാഷണല് കണ്വെന്ഷന് സെന്ററില് ‘കെഎച്ച്എന്എ ഫോര് കേരള’ എന്ന പേരില് നടന്ന പരിപാടിയില് ആര്ഷദര്ശനം സാഹിത്യരംഗത്ത് നടത്തിയ സമഗ്ര സംഭാവനകള്ക്കുള്ള നാലാമത് ആര്ഷദര്ശന പുരസ്കാരം നിരൂപണരംഗത്തെ മഹാമനീഷി ഡോ. എം. ലീലാവതിക്ക് സമര്പ്പിച്ചു. സമഗ്ര സംഭാവനകള്ക്കുള്ള ചലച്ചിത്ര പ്രതിഭ പുരസ്കാരം നടനും സംവിധായകനുമായ ശ്രീനിവാസന് സമ്മാനിച്ചു. രജതജൂബിലിയുടെ ഭാഗമായി കേരളത്തിലെ നിര്ദ്ധനരായ കുടുംബങ്ങള്ക്ക് കൈത്താങ്ങാവുന്ന ‘സ്നേഹോപഹാരം’ പദ്ധതിയില് ഒരു കോടി രൂപയുടെ വിതരണവും നടന്നു. പ്രൊഫഷണല് വിദ്യാഭ്യാസം, വിധവാ പെന്ഷന്, ക്ഷേത്ര കലാകാരന്മാര്ക്ക് ക്ഷേമനിധി, വനവാസി സഹായനിധി, സ്ത്രീകള്ക്ക് ബിസിനസ് പദ്ധതി, ഭിന്നശേഷിക്കാരായ കുട്ടികള്ക്ക് സഹായം, രോഗിയായ ഗൃഹനാഥനുള്ള കുടുംബങ്ങള്ക്ക് സഹായം തുടങ്ങിയ വ്യക്തിഗത സഹായങ്ങള്ക്ക് പുറമേ ബാലാശ്രമങ്ങള്,…
‘കെഎച്ച്എന്എ ഫോര് കേരള’ : കേരള ഹിന്ദൂസ് ഓഫ് നോര്ത്ത് അമേരിക്ക കോണ്ക്ലേവ് പ്രൗഢം
