Category: AMERICA

ബോസ്റ്റൺ: ഗാസയിലെ ഇസ്രായേൽ യുദ്ധത്തിൽ പലസ്തീനികളെ പിന്തുണച്ച് ശബ്ദമുയർത്തുകയും ഈ ആഴ്ച യുഎസ് ഇമിഗ്രേഷൻ ഉദ്യോഗസ്ഥർ കസ്റ്റഡിയിലെടുക്കുകയും ചെയ്ത ടഫ്റ്റ്സ് സർവകലാശാലയിലെ ഒരു തുർക്കി ഡോക്ടറൽ വിദ്യാർത്ഥിയെ നാടുകടത്തുന്നത് മസാച്യുസെറ്റ്‌സിലെ ഒരു ഫെഡറൽ ജഡ്ജി വെള്ളിയാഴ്ച തടഞ്ഞു. ചൊവ്വാഴ്ചയാണ് മസാച്യുസെറ്റ്‌സിലെ വീടിനടുത്ത് നിന്ന് യുഎസ് ഇമിഗ്രേഷൻ അധികൃതർ 30 കാരിയായ റുമൈസ ഓസ്‌ടർക്കിനെ കസ്റ്റഡിയിലെടുത്തത്. യുഎസ് ഉദ്യോഗസ്ഥർ അവരുടെ വിസ റദ്ദാക്കുകയും ചെയ്തു. യുഎസ് സർക്കാർ “വിദേശ ഭീകര സംഘടന” എന്ന് തരംതിരിച്ചിരിക്കുന്ന ഹമാസിനെ പിന്തുണയ്ക്കുന്ന പ്രവർത്തനങ്ങളിൽ ഏർപ്പെട്ടതായി തെളിവുകൾ നൽകാതെയാണ് യുഎസ് ഹോംലാൻഡ് സെക്യൂരിറ്റി വകുപ്പ് ഓസ്‌ടർക്കിനെതിരെ കുറ്റം ചുമത്തിയത്. ഇസ്രായേലുമായി ബന്ധമുള്ള കമ്പനികളിൽ നിന്ന് പിന്മാറാനും “പലസ്തീൻ വംശഹത്യയെ അംഗീകരിക്കാനും” വിദ്യാർത്ഥികൾ നടത്തിയ ആഹ്വാനങ്ങളോടുള്ള സർവകലാശാലയുടെ പ്രതികരണത്തെ വിമർശിച്ചുകൊണ്ട് ടഫ്റ്റിന്റെ വിദ്യാർത്ഥി പത്രത്തിൽ റുമൈസ ഒരു അഭിപ്രായ ലേഖനം എഴുതിയതിന് ഒരു വർഷത്തിന് ശേഷമാണ്…

വാഷിംഗ്ടണ്‍: മാര്‍ച്ച് 28 ഈദിന് മുമ്പുള്ള അവസാന വെള്ളിയാഴ്ചയാണ്. ലോകമെമ്പാടുമുള്ള രാജ്യങ്ങളുടെയും അവയുടെ രാഷ്ട്രത്തലവന്മാരുടെയും ഇഫ്താർ വിരുന്നിൽ പങ്കെടുക്കുന്നതിന്റെയും റമദാൻ ആഘോഷങ്ങളിൽ പങ്കെടുക്കുന്നതിന്റെയും വാര്‍ത്തകള്‍ വന്നുകൊണ്ടിരിക്കേ, യുഎസ് പ്രസിഡന്റ് ഡൊണാൾഡ് ട്രംപിന്റെ സാന്നിധ്യത്തിൽ ഇന്നലെ വൈറ്റ് ഹൗസിൽ ഇഫ്താർ വിരുന്ന് സംഘടിപ്പിച്ചു. പശ്ചിമേഷ്യയിലെ സംഘർഷങ്ങൾ, പ്രത്യേകിച്ച് ഇസ്രായേലും ഹമാസും തമ്മിലുള്ള യുദ്ധം, പലസ്തീൻ ജനതയ്ക്ക് വേദനയും കഷ്ടപ്പാടും സൃഷ്ടിച്ച ഒരു സമയത്താണ് ഈ ഇഫ്താര്‍ വിരുന്ന് സംഘടിപ്പിച്ചത്. കൂടാതെ, ഇസ്രായേലിനുള്ള അമേരിക്കയുടെ പിന്തുണയിൽ വലിയൊരു വിഭാഗം അറബ് മുസ്ലീങ്ങൾ രോഷാകുലരാണ്. ഇഫ്താർ സംഘടിപ്പിച്ച ശേഷം ട്രംപ് മുസ്ലീം സമൂഹത്തിന് നന്ദി പറഞ്ഞു. അവരുടെ വിലയേറിയ പിന്തുണയ്ക്ക് നന്ദി പറയുകയും ചെയ്തു. മുസ്ലീം സമൂഹത്തിന് നൽകിയ വാഗ്ദാനങ്ങൾ തന്റെ സർക്കാർ നിറവേറ്റുന്നുണ്ടെന്നും, മിഡിൽ ഈസ്റ്റിൽ ശാശ്വത സമാധാനം സ്ഥാപിക്കുന്നതിനുള്ള നയതന്ത്ര ശ്രമങ്ങളിൽ ഏർപ്പെട്ടിരിക്കുകയാണെന്നും ട്രംപ് പറഞ്ഞു. പ്രസിഡന്റ് തിരഞ്ഞെടുപ്പിൽ…

ഭരത കല തീയേറ്റേഴ്‌സും, ലിററ്റ് ദി വേ ചാരിറ്റി സംഘടനയും സംയുക്തമായി രൂപപ്പെടുത്തിയ എഴുത്തച്ഛൻ നാടകം, മാർച്ച് 22 ന് കേരളാ അസ്സോസിയേഷൻ ഓഫ് നാഷ്‌വിൽ അവതരിപ്പിച്ചു. മലയാള ഭാഷാ പിതാവ് തുഞ്ചത്ത് എഴുത്തച്ഛൻറെ സംഭവബഹുലമായ ജീവിത കഥ അരങ്ങിൽ അവതരിപ്പിച്ചപ്പോൾ, കാണികളിൽ പലർക്കും അതൊരു പുതിയ അറിവായിരുന്നു. പ്രശസ്ത സാഹിത്യകാരനായ സി രാധാകൃഷ്ണന്റെ 470 പേജുകളുള്ള, ചരിത്ര നോവലായ “തീക്കടൽ കടഞ്ഞ് തിരുമധുരം” എന്ന കൃതിയെ ആസ്പദമാക്കിയാണ് ഈ നാടകം തയ്യാറാക്കിയിരിക്കുന്നത്. ഈ നാടകത്തിന്റെ അഞ്ചാമത്തെ വേദിയായിരുന്നു നാഷ്‌വിൽ. കൂടുതൽ വേദികളിലൂടെ, തുഞ്ചത്ത് രാമാനുജൻ എഴുത്തച്ഛനെന്ന ഇതിഹാസ നായകനെ പരമാവധി മലയാളികളിൽ എത്തിക്കാനുള്ള ശ്രമത്തിന്, വമ്പിച്ച സ്വീകാര്യത കിട്ടുന്നതിലുള്ള ചാരിതാർത്ഥ്യത്തിലാണ് നാടകത്തിലെ അണിയറ പ്രവർത്തകർ എല്ലാവരും.

കൊപ്പേൽ (ടെക്‌സാസ്): ഒരു വര്‍ഷം നീണ്ടുനില്‍ക്കുന്ന രജത ജൂബിലി ആഘോഷങ്ങള്‍ക്ക് ചിക്കാഗോ സെന്റ് തോമസ് സിറോ മലബാര്‍ കത്തീഡ്രല്‍ ദേവാലയത്തില്‍ തുടക്കമായി. ഇതിന്റെ ഭാഗമായി രൂപതയിലെ ഇടവകകളിലും തിരിതെളിച്ചു ജൂബിലി വർഷ ആഘോഷങ്ങൾക്കു തുടക്കം കുറിച്ചു. ഇടവകതല ജൂബിലി ആഘോഷങ്ങളുടെ ഭാഗമായി കൊപ്പേൽ സെന്റ് അൽഫോൻസാ ദേവാലയത്തിൽ നടന്ന ചടങ്ങിൽ റവ. ഡോ. മെജോ കൊരെത്ത് (ഷംഷാബാദ് രൂപതാ ചാൻസലർ) ജൂബിലി ദീപം തെളിയിച്ചു. ഇടവക വികാരി ഫാ. മാത്യൂസ് കുര്യൻ മുഞ്ഞനാട്ട്, അസിസ്റ്റന്റ് വികാരി ഫാ. ജിമ്മി എടക്കുളത്തൂർ, ട്രസ്റ്റിമാരായ റോബിൻ കുര്യൻ, ജോഷി കുര്യാക്കോസ്, റോബിൻ ചിറയത്ത്, രഞ്ജിത്ത് തലക്കോട്ടൂർ, സെബാസ്റ്റ്യൻ പോൾ (സെക്രട്ടറി) എന്നിവർ സന്നിഹിതരായിരുന്നു. ഇടവക സമൂഹവും ആഘോഷങ്ങളിൽ പങ്കുചേർന്നു. വടക്കേ അമേരിക്കയിലേക്കു കുടിയേറിയ സീറോ മലബാര്‍ കത്തോലിക്കരുടെ വിശ്വാസ ജീവിതത്തില്‍ നിര്‍ണ്ണായക വഴിത്തിരിവായി, 1984 ൽ അമേരിക്കയിൽ ഡാലസിലാണ് സീറോ…

ഡാളസ്: ഏലിയാമ്മ തോമസ് (അമ്മാൾ – 87) മാർച്ച് 23 ന് ഡാളസിൽ അന്തരിച്ചു . പരേതരായ സി എം  ഡാനിയേൽ – മറിയാമ്മ ഡാനിയേൽ ദമ്പതികളുടെ മകളാണ് .. തിരുവല്ല സ്വദേശി പി എം  തോമസ് ആണ് ഭർത്താവ്. മക്കൾ: ജെസ്സി തോമസ്, ബിന്ദു തോമസ്. 1972-ൽ  ന്യൂയോർക്കിൽ എത്തിയ അമ്മാൾ 25 വർഷത്തോളം ന്യൂയോർക്ക് ക്വീൻസിലുള്ള സെൻ്റ് ജോൺസ് ഹോസ്പിറ്റലിൽ ആതുര സേവനരംഗത്ത് നഴ്‌സായി പ്രവർത്തിച്ചു  . 2010-ൽ ഡാളസിലേക്ക് താമസം മാറിയ കുടുംബം കമ്പാഷനേറ്റ് ചർച്ച് ഓഫ് ഗോഡ്, ഫോർണി അംഗമാണ് . സംസ്കാരം മാർച്ച് 31 തിങ്കളാഴ്ച രാവിലെ 10 മണിക്ക് സണ്ണി വെയ്ൽ ന്യൂ ഹോപ്പ് ഫ്യൂണറൽ ഹോമിലെ (500 US 80, Sunnyvale , Texas ) ശുശ്രൂഷകൾക്ക് ശേഷം നടക്കും. ശുശ്രൂഷകളുടെ തത്സമയ സംപ്രേക്ഷണം www.Provisiontv.in ൽ ദർശിക്കാവുന്നതാണ്. വിവരങ്ങൾക്ക്…

വാഷിംഗ്ടൺ, ഡിസി, മാർച്ച് 23, 2025 – ഏറെ പ്രതീക്ഷയോടെ കാത്തിരിക്കുന്ന ഫാമിലി/യൂത്ത് കോൺഫറൻസ്  കിക്കോഫും രജിസ്ട്രേഷനും മാർച്ച് 23 ഞായറാഴ്ച വാഷിംഗ്ടൺ ഡി. സി. സെന്റ് ഗ്രിഗോറിയോസ് ഓർത്തഡോക്സ് ഇടവകയിൽ നടന്നു. ഫിലിപ്പ് തങ്കച്ചൻ (കോൺഫറൻസ്  ഫിനാൻസ് മാനേജർ), ഷെറിൻ എബ്രഹാം (ജോയിന്റ് സെക്രട്ടറി), അനിത ഫിലിപ്പ് (രജിസ്ട്രേഷൻ കമ്മിറ്റി), ബിന്ദു റിനു (ഫിനാൻസ് കമ്മിറ്റി), മാത്യു ജോഷ്വ (മുൻ  ട്രഷറർ) എന്നിവരടങ്ങുന്ന ടീമിനെ പരിചയപ്പെടുത്തിക്കൊണ്ട് പരിപാടി ശ്രദ്ധേയമായി. കുർബാനയ്ക്ക് ശേഷം ഡോ. ഷെറിൻ എബ്രഹാം കോൺഫറൻസ്  ടീമിനെ പരിചയപ്പെടുത്തി. കോൺഫറൻസിന്റെ തീയതി, സ്ഥലം, പങ്കെടുക്കുന്ന വിശിഷ്ട പ്രഭാഷകർ എന്നിവയുൾപ്പെടെ കോൺഫറൻസിനെക്കുറിച്ചുള്ള പ്രധാന വിവരങ്ങൾ ഡോ. എബ്രഹാം പങ്കുവച്ചു. കോൺഫറൻസിന്റെ രജിസ്ട്രേഷൻ പ്രക്രിയയെക്കുറിച്ച് ഫിലിപ്പ് തങ്കച്ചൻ വിശദീകരിച്ചു, വ്യക്തികൾക്കും ബിസിനസുകൾക്കും കോൺഫറൻസിനെ  പിന്തുണയ്ക്കുന്നതിനായി ലഭ്യമായ വിവിധ സ്പോൺസർഷിപ്പ് അവസരങ്ങളെക്കുറിച്ച് മാത്യു ജോഷ്വ എടുത്തുപറഞ്ഞു. കോൺഫറൻസുമായി ബന്ധപ്പെട്ട്…

ലോകത്തിലെ ഏറ്റവും വിലകൂടിയ കുപ്പിവെള്ളം സ്വരോവ്സ്കി ക്രിസ്റ്റലുകള്‍ കൊണ്ട് അലങ്കരിച്ച കുപ്പികളിലാണ് വരുന്നത്, മികച്ച ആഭരണങ്ങളോട് സാമ്യമുള്ള രീതിയിൽ ഇത് രൂപകൽപ്പന ചെയ്തിട്ടുണ്ട്. ഈ വെള്ളം കുടിക്കാൻ മാത്രമല്ല, ഒരു ആഡംബര വസ്തുവായും പദവിയുടെ പ്രതീകമായും കാണപ്പെടുന്നു. ലിറ്ററിന് 1390 യു എസ് ഡോളര്‍ വില വരുന്ന ഈ കുപ്പി വെള്ളം, ഉയർന്ന ക്ലാസ് ആളുകൾ ഇഷ്ടപ്പെടുന്ന ഒരു അതുല്യവും അപൂർവവുമായ ഇനമാക്കി മാറ്റുന്നു. മനുഷ്യശരീരത്തിൽ ഏകദേശം 60% വെള്ളമാണ്, ഇത് ശരീരത്തിന്റെ പ്രവർത്തനത്തിന് ജലത്തിന്റെയും അതിന്റെ നിലനിൽപ്പിന്റെയും പ്രാധാന്യത്തെ സൂചിപ്പിക്കുന്നു. വെള്ളമില്ലാതെ ഈ ഭൂമിയിലെ ജീവിതം സങ്കൽപ്പിക്കാൻ പോലും കഴിയില്ല, എല്ലാത്തിനുമുപരി, ജീവന്റെ നിലനിൽപ്പിനും വളർച്ചയ്ക്കും പരിപാലനത്തിനും അത് അനിവാര്യമാണ്. വെള്ളത്തെക്കുറിച്ച് ചിന്തിക്കുമ്പോൾ, അതിൽ ഒരു ആഡംബരവും ഇല്ല. എന്നാല്‍, ആഡംബരപൂർണ്ണമായ ഒരു ജലസ്രോതസ്സുണ്ട്. ലോകത്തിലെ ഏറ്റവും വിലകൂടിയ കുപ്പിവെള്ളമാണിത്, ഇതിനെ ഫിലിക്കോ ജ്വല്ലറി വാട്ടർ…

ഹൂസ്റ്റൺ: തിയോളജിയിൽ പോസ്റ്റ് ഗ്രാജുവേറ്റ് ഡിപ്ലോമ കോഴ്സ് വിജയകരമായി പൂർത്തീകരിച്ച് ഫസ്റ്റ് ക്ലാസ് നേടി ബാബു കൊച്ചുമ്മൻ. ചെന്നൈ ജൂബിലി മെമ്മോറിയൽ ബൈബിൾ കോളേജിൽ(JMBC) നടന്ന ചടങ്ങിൽ ബിഷപ്പ്. ഡോ. എബ്രഹാം ചാക്കോയിൽ നിന്ന് സർട്ടിഫിക്കറ്റും, കോളേജ് പ്രിൻസിപ്പാൾ റവ.ഡോ.പ്രകാശ് എബ്രഹാം മാത്യുവിൽ നിന്ന് മൊമെന്റോയും ബാബു കൊച്ചുമ്മൻ ഏറ്റുവാങ്ങി. ഒരു വർഷത്തോളം നീണ്ടുനിന്ന തിയോളജി ഡിപ്ലോമ കോഴ്സ് ആധ്യാത്മികമായി വേദപുസ്തക ജ്ഞാനം വർദ്ധിപ്പിക്കുവാനും, വിശ്വാസികളിലേക്ക് പകർന്നു നൽകുവാനും തൻ്റെ പഠനം കാരണമാകട്ടെ എന്ന് കൊച്ചുമ്മൻ പ്രത്യാശ പ്രകടിപ്പിച്ചു. ഹൂസ്റ്റൺ സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ ഇടവകാംഗമായ ബാബുവിന് ഇടവകാംഗങ്ങൾ, യു.സി.എഫ് പ്രസിഡണ്ട് മത്തായി കെ മത്തായി, ട്രഷറർ പി. ഐ. വർഗീസ് എന്നിവർ പ്രത്യേകം അനുമോദിച്ച് ആശംസകൾ നേർന്നു. കൊല്ലം സ്വദേശിയായ ബാബു കൊച്ചുമ്മന്റെ ഈ നേട്ടത്തിൽ ഭാര്യ അനിത, മക്കൾ ജോയൽ,…

ന്യൂയോർക്ക് : ഫൊക്കാനയുടെ പ്രവർത്തന മേഖലയിൽ അഭിമാനമായ ഫൊക്കാന ഹെൽത്ത് ക്ലിനിക്കിന്റെ പ്രവർത്തനം അവസാന ഘട്ടത്തിലേക്ക്. സജിമോൻ ആന്റണിയുടെ നേതൃത്വത്തിൽ ഫൊക്കാനയുടെ ഈ ഭരണസമിതി വാഗ്‌ദാനം ചെയ്‌ത യൂണിക്ക് പദ്ധതികളിൽ ഒന്നാണ് ഫൊക്കാന ഹെൽത്ത് ക്ലിനിക്ക്. അമേരിക്കയിലെഹെൽത്ത് ഇൻഷുറൻസ് ഇല്ലാത്ത മലയാളികൾക്ക് ആരോഗ്യ പരിരക്ഷ ഉറപ്പാക്കുക എന്നതാണ് ഈ യൂണിക്ക് പദ്ധതിയുടെ ലക്ഷ്യം. അമേരിക്കയിൽ വിസിറ്റിങ് വിസയിൽ ഉള്ളവരും മെഡി കെയർ, മെഡിക്കെയിട് , ഒബാമ കെയർ തുടങ്ങിയ ഇൻഷുറൻസ് പരിരക്ഷയില്ലാത്ത നൂറു കണക്കിന് ഫാമിലികളും , കുട്ടികളും , വാർദ്ധക്യമായവരും അമേരിക്കയിൽ ഉണ്ട് . അങ്ങനെയുള്ള ആളുകൾക്ക് വേണ്ടി ആണ് ഫൊക്കാനയുടെ ഹെൽത്ത് ക്ലിനിക്ക് പ്ലാൻ ചെയ്യുന്നത് . സാധാരണ ആശുപത്രികളിൽ നിന്ന് വ്യത്യസ്തമായി രോഗികളെ അഡ്മിറ്റ് ചെയ്യാതെ ഔട്ട് പേഷ്യൻ്റ് ആയി പ്രാഥമിക പരിചരണം മാത്രം നൽകുന്ന ആരോഗ്യ കേന്ദ്രങ്ങൾ അമേരിക്കയുടെ വിവിധ സ്ഥലങ്ങളിൽ…

ന്യൂയോര്‍ക്ക്: മാർച്ച് 14 വെള്ളിയാഴ്‌ച വൈകിട്ടു 9 മണിക്ക് (EST) കോതമംഗലം എം. എ. കോളേജ് അസോസിയേഷൻ സെക്രട്ടറിയും ആർട്സ് & സയൻസ് കോളേജ് മുൻ പ്രിൻസിപ്പലുമായ ഡോ. വിന്നി വർഗീസിൻറെ അധ്യക്ഷതയിൽ സൂം പ്ലാറ്ഫോമിൽ നടന്ന പൂർവവിദ്യാർഥി സമ്മേളനത്തിൽ അമേരിക്കയിലുള്ള മാർ അത്തനേഷ്യസ് ആർട്സ് & സയൻസ് കോളേജിലെ പൂർവവിദ്യാർഥി സംഘടനയായ മാർ അത്തനേഷ്യസ് കോളേജ് ആർട്സ് & സയൻസ് യു. എസ്. എ. ആലുമ്നി (MAC USA Alumni) യുടെ 2025 -2027 ലേക്കുള്ള ഭാരവാഹികളെ തെരഞ്ഞെടുത്തു. അമേരിക്കയിലെ വിവിധ സംസ്ഥാനങ്ങളിൽ നിന്നായി 100-ൽ പരം പൂർവ്വവിദ്യാർത്ഥികൾ പങ്കെടുത്ത യോഗത്തിൽ, താഴെ പറയുന്നവരെ തിരഞ്ഞെടുത്തു. എക്സിക്യൂട്ടീവ് കമ്മിറ്റി: സാബു സ്കറിയ (പ്രസിഡന്റ്) ജോബി മാത്യു (ജനറൽ സെക്രട്ടറി) ജോർജ്ജ് മാലിയിൽ (ട്രെഷറർ) ജെയ്‌ബി റോയ് (വൈസ് – പ്രസിഡന്റ്) എൽസി ജൂബ്ബ് (വൈസ് –…