Category: KERALA

‘പുതുയുഗ വഴിയിൽ നാമുയരുന്നു… നാടുണരുന്നു…’ എന്ന സന്ദേശവുമായി രണ്ടാഴ്ച നീളുന്ന പരിപാടികൾ; വിദ്യാഭ്യാസം, തൊഴിൽ, സ്വയംപര്യാപ്തത എന്നിവയ്ക്ക് ഊന്നൽ കൊച്ചി: സാമൂഹിക നീതിയും തുല്യാവസരവും ഉറപ്പാക്കി പാർശ്വവൽക്കരിക്കപ്പെട്ട ജനവിഭാഗങ്ങളെ സമൂഹത്തിന്റെ മുഖ്യധാരയിലേക്ക് കൂടുതൽ ശക്തമായി കൈപിടിച്ചുയർത്തുകയെന്ന ലക്ഷ്യത്തോടെ സംസ്ഥാനത്ത് ‘സാമൂഹ്യ ഐക്യദാർഢ്യ പക്ഷാചരണം’ സംഘടിപ്പിക്കുന്നു. ഒക്ടോബർ 2 മുതൽ 15 വരെ നീളുന്ന പക്ഷാചരണത്തിന്റെ ഭാഗമായി സംസ്ഥാനത്തുടനീളം വിവിധ ക്ഷേമ, ബോധവത്കരണ, നൈപുണ്യ വികസന പരിപാടികൾ നടക്കും. സംസ്ഥാന സർക്കാരിന്റെ പട്ടികജാതി-പട്ടികവർഗ്ഗ, പിന്നാക്ക ക്ഷേമ വകുപ്പുകളുടെ ആഭിമുഖ്യത്തിലാണ് ഈ വർഷത്തെ പക്ഷാചരണം സംഘടിപ്പിക്കുന്നത്. ‘പുതുയുഗ വഴിയിൽ നാമുയരുന്നു… നാടുണരുന്നു…’ എന്ന സന്ദേശമാണ് ഇത്തവണത്തെ പരിപാടികൾ മുന്നോട്ടുവയ്ക്കുന്നത്. പക്ഷാചരണത്തിന്റെ സംസ്ഥാനതല ഉദ്ഘാടനം ഒക്ടോബർ 2ന് രാവിലെ 10ന് എറണാകുളം മഹാരാജാസ് കോളേജ് ഓഡിറ്റോറിയത്തിൽ മുഖ്യമന്ത്രി വി.ഡി. സതീശൻ നിർവഹിക്കും. പട്ടികജാതി-പട്ടികവർഗ്ഗ, പിന്നാക്ക ക്ഷേമ വകുപ്പ് മന്ത്രി കെ.എ. തുളസി…

വിദ്യാർഥികളെ പൊലീസ് ക്രൂരമായി മർദ്ദിച്ചെന്ന് ആരോപണം; ജില്ലാ പൊലീസ് മേധാവികളുടെ ഓഫീസുകളിലേക്ക് മാർച്ച്, വൈകിട്ട് അഞ്ചിന് സംസ്ഥാനവ്യാപക പ്രതിഷേധം തിരുവനന്തപുരം: യൂണിവേഴ്‌സിറ്റി മെൻസ് ഹോസ്റ്റലിലുണ്ടായ സംഘർഷത്തിനും പിന്നാലെയുണ്ടായ പൊലീസ് ലാത്തിച്ചാർജിനും പിന്നാലെ പ്രതിഷേധം സംസ്ഥാനവ്യാപകമാക്കി എസ്എഫ്ഐ. വിദ്യാർഥികളെ പൊലീസ് മർദ്ദിച്ചെന്നാരോപിച്ച് ഇന്ന് (ഒക്ടോബർ 1) സംസ്ഥാനത്ത് പഠിപ്പുമുടക്ക് നടത്തുമെന്ന് എസ്എഫ്ഐ പ്രഖ്യാപിച്ചു. പൊലീസ് നടപടിക്കെതിരെ എല്ലാ ജില്ലാ പൊലീസ് മേധാവികളുടെ ഓഫീസുകളിലേക്കും എസ്എഫ്ഐ ഇന്ന് മാർച്ച് നടത്തും. പൊലീസ്, യൂത്ത് കോൺഗ്രസ്, കെഎസ്‌യു പ്രവർത്തകരുടെ നടപടികളിൽ പ്രതിഷേധിച്ചാണ് മാർച്ച്. വൈകിട്ട് അഞ്ചിന് സംസ്ഥാനവ്യാപകമായി പ്രത്യേക പ്രതിഷേധ പരിപാടികളും സംഘടിപ്പിക്കുമെന്ന് എസ്എഫ്ഐ അറിയിച്ചു. ഇതോടെ യൂണിവേഴ്‌സിറ്റി ഹോസ്റ്റലിൽ ആരംഭിച്ച സംഘർഷത്തെ തുടർന്നുള്ള പ്രതിഷേധം തലസ്ഥാനത്തിന് പുറത്തേക്കും വ്യാപിക്കുകയാണ്. ഇന്നലെ വൈകിട്ട് യൂത്ത് കോൺഗ്രസ് നടത്തിയ ‘റസിസ്റ്റൻസ് മാർച്ചിനിടെയാണ്’ സംഘർഷം രൂക്ഷമായത്. യൂത്ത് കോൺഗ്രസ് പ്രവർത്തകരും വിദ്യാർഥികളും തമ്മിലുള്ള ഏറ്റുമുട്ടലിനിടെ…

കെ.പി.പി.എല്ലിന്റെ 692 ഏക്കറിൽ 227 ഏക്കർ ഉടൻ ലഭ്യം; കുടിയൊഴിപ്പിക്കൽ വേണ്ട, മികച്ച ഗതാഗത സൗകര്യവും വെള്ളൂരിന് അനുകൂലം വൈക്കം: കേരളത്തിൽ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) സ്ഥാപിക്കുന്നതിനുള്ള സ്ഥലനിർണയത്തിൽ കോട്ടയം ജില്ലയിലെ വൈക്കം വെള്ളൂരിന്റെ സാധ്യത ശക്തമാകുന്നു. കേന്ദ്ര സർക്കാരിന്റെ പരിഗണനയ്ക്കായി സംസ്ഥാന സർക്കാർ തയ്യാറാക്കിയ അന്തിമ സാധ്യതപ്പട്ടികയിൽ വൈക്കം വെള്ളൂരും തൃശൂർ ജില്ലയിലെ കൊരട്ടിയും മാത്രമാണ് ഇടം നേടിയിരിക്കുന്നതെന്നാണ് സൂചന. കേരളത്തിന് എയിംസ് അനുവദിക്കണമെന്ന ആവശ്യം ദീർഘകാലമായി നിലനിൽക്കുന്നതിനിടെയാണ് സ്ഥലനിർണയവുമായി ബന്ധപ്പെട്ട നടപടികൾ വീണ്ടും സജീവമായത്. എയിംസ് സ്ഥാപിക്കുന്നതിനുള്ള വിശദമായ പദ്ധതി തയ്യാറാക്കി കേന്ദ്രസർക്കാരിന് സമർപ്പിക്കുന്നതിനായി ജൂലൈയിൽ പ്രിൻസിപ്പൽ സെക്രട്ടറിക്ക് മന്ത്രി കെ. മുരളീധരൻ നിർദേശം നൽകിയിരുന്നു. ഇതിന്റെ ഭാഗമായി വിവിധ മേഖലകളിൽ നിന്നായി ലഭിച്ച ഒമ്പത് നിർദേശങ്ങൾ പരിശോധിച്ചതായാണ് വിവരം. ഇതിൽ മൂന്ന് നിർദേശങ്ങളും വൈക്കം വെള്ളൂരിനെ എയിംസ്…

ആറു മാസമായി റേഷൻ വാങ്ങാത്തവരുടെ കാർഡുകൾ സജീവമാക്കാൻ നീക്കം; അർഹരായ കുടുംബങ്ങളുടെ മുൻഗണനാവകാശം സംരക്ഷിക്കുമെന്ന് സർക്കാർ തിരുവനന്തപുരം: ആറു മാസമായി റേഷൻ വാങ്ങാത്തവരുടെ റേഷൻ കാർഡുകൾ സജീവമായി നിലനിർത്തുന്നതിനുള്ള നടപടികൾ സംസ്ഥാന സർക്കാർ സ്വീകരിച്ചുവരികയാണെന്ന് ഭക്ഷ്യ-പൊതുവിതരണ മന്ത്രി അനൂപ് ജേക്കബ് അറിയിച്ചു. റേഷൻ കാർഡ് ഓരോ കുടുംബത്തിന്റെയും അടിസ്ഥാന രേഖയാണെന്നും അർഹരായ ഒരാൾക്കും അത് നഷ്ടപ്പെടുന്ന സാഹചര്യം ഉണ്ടാകരുതെന്നതാണ് സർക്കാരിന്റെ നയമെന്നും മന്ത്രി വ്യക്തമാക്കി. റേഷൻ കാർഡുകൾ മരവിപ്പിക്കുന്നതുമായി ബന്ധപ്പെട്ട് കേന്ദ്ര സർക്കാരിൽ നിന്ന് ഇതുവരെ ഔദ്യോഗിക അറിയിപ്പൊന്നും സംസ്ഥാനത്തിന് ലഭിച്ചിട്ടില്ല. കേന്ദ്രം ഇക്കാര്യത്തിൽ ഔദ്യോഗിക നടപടി സ്വീകരിക്കുന്ന സാഹചര്യമുണ്ടായാൽ കാർഡുടമകളുടെ താൽപര്യം സംരക്ഷിക്കുന്നതിനാവശ്യമായ ഇടപെടൽ സംസ്ഥാനം നടത്തുമെന്നും മന്ത്രി പറഞ്ഞു. നിലവിൽ അരലക്ഷത്തോളം മുൻഗണനാ റേഷൻ കാർഡുകളുമായി ബന്ധപ്പെട്ടാണ് ആശങ്ക നിലനിൽക്കുന്നത്. ദീർഘകാലമായി റേഷൻ വാങ്ങാത്തവരുടെ വിവരങ്ങൾ റേഷൻ കടകൾ മുഖേന ശേഖരിച്ചുവരികയാണ്. ഇവരെ കണ്ടെത്തി…

‘ആശുപത്രിയിലാണ്, ഉടൻ പണം വേണം’ എന്ന സന്ദേശം വന്നാൽ സൂക്ഷിക്കുക; പരിചിതരുടെ പേരും ചിത്രവും ഉപയോഗിച്ച് പുതിയ സൈബർ തട്ടിപ്പ് തിരുവനന്തപുരം: പരിചയമുള്ളവരുടെ പേരും വാട്സ്ആപ്പ് പ്രൊഫൈൽ ചിത്രവും ദുരുപയോഗം ചെയ്ത് വ്യാജ അക്കൗണ്ടുകൾ സൃഷ്ടിച്ച് പണം തട്ടുന്ന സംഭവങ്ങൾക്കെതിരെ ജാഗ്രത പാലിക്കണമെന്ന് കേരള പോലീസ് മുന്നറിയിപ്പ് നൽകി. സുഹൃത്തോ ബന്ധുവോ സഹപ്രവർത്തകനോ ആണെന്ന തോന്നൽ സൃഷ്ടിച്ച ശേഷം അടിയന്തര സാഹചര്യം ചൂണ്ടിക്കാട്ടിയാണ് തട്ടിപ്പുകാർ പണം ആവശ്യപ്പെടുന്നത്. ‘ഞാൻ ആശുപത്രിയിലാണ്’, ‘അടിയന്തരമായി പണം വേണം’, ‘ഇപ്പോൾ ഫോൺ ചെയ്യാൻ കഴിയില്ല’, ‘ഈ അക്കൗണ്ടിലേക്ക് ഉടൻ പണം അയയ്ക്കണം’ തുടങ്ങിയ സന്ദേശങ്ങളാണ് സാധാരണയായി തട്ടിപ്പുകാർ ഉപയോഗിക്കുന്നത്. പരിചിതനായ വ്യക്തിയുടെ പേരും പ്രൊഫൈൽ ചിത്രവും വാട്സ്ആപ്പ് അക്കൗണ്ടിൽ കാണുന്നതിനാൽ സന്ദേശം ലഭിക്കുന്നയാൾ അത് യഥാർഥമാണെന്ന് വിശ്വസിക്കാനുള്ള സാധ്യത കൂടുതലാണ്. എന്നാൽ, വാട്സ്ആപ്പിൽ കാണുന്ന പേരും പ്രൊഫൈൽ ചിത്രവും മാത്രം നോക്കി…

ആറു മാസമായി സെക്രട്ടറിയില്ല; അസി. സെക്രട്ടറിയും അവധിയിൽ; ഫയൽ തീർപ്പാക്കലും സർട്ടിഫിക്കറ്റ് വിതരണവും വൈകുന്നതായി പരാതി മാള: മാള ഗ്രാമപഞ്ചായത്തിലെ പ്രധാന ഉദ്യോഗസ്ഥ തസ്തികകൾ ഒഴിഞ്ഞു കിടക്കുന്നത് ഓഫീസ് പ്രവർത്തനങ്ങളെ പ്രതിസന്ധിയിലാക്കുന്നതായി പരാതി. ആറു മാസത്തോളമായി പഞ്ചായത്ത് സെക്രട്ടറിയുടെ കസേര ഒഴിഞ്ഞു കിടക്കുന്നതിനിടെ, അസിസ്റ്റന്റ് സെക്രട്ടറിയും ഒരു മാസത്തോളമായി അവധിയിലായതോടെ ഇരുവരുടെയും ചുമതലകൾ ജൂനിയർ സൂപ്രണ്ടിന്റെ ചുമലിലായിരിക്കുകയാണ്. പഞ്ചായത്തിന്റെ ദൈനംദിന ഭരണനിർവഹണത്തിൽ നിർണായകമായ രണ്ട് തസ്തികകളുടെയും ഉത്തരവാദിത്തം ഒരാൾക്ക് വഹിക്കേണ്ടിവന്നതോടെ ഫയലുകൾ സമയബന്ധിതമായി തീർപ്പാക്കുന്നതിലും പൊതുജനങ്ങൾക്ക് ആവശ്യമായ സേവനങ്ങൾ ലഭ്യമാക്കുന്നതിലും കാലതാമസം നേരിടുന്നതായാണ് ആക്ഷേപം. വിവിധ ആവശ്യങ്ങൾക്കായി പഞ്ചായത്ത് ഓഫീസിലെത്തുന്നവരാണ് ഇതുമൂലം ഏറെ ബുദ്ധിമുട്ടുന്നതെന്നാണ് പരാതി. മാള പഞ്ചായത്തിൽ സ്ഥിരം സെക്രട്ടറിയെ നിയമിക്കണമെന്ന ആവശ്യം മാസങ്ങളായി ഉയരുന്നുണ്ടെങ്കിലും ഇതുവരെ നടപടിയായിട്ടില്ലെന്നാണ് ആക്ഷേപം. സെക്രട്ടറിയുടെ ഒഴിവ് നികത്താതെ തുടരുന്നതിനിടെയാണ് അസിസ്റ്റന്റ് സെക്രട്ടറിയും അവധിയിൽ പ്രവേശിച്ചത്. ഇതോടെ സെക്രട്ടറിയുടെയും അസിസ്റ്റന്റ്…

തിരുവനന്തപുരം: മാധ്യമം ദിനപത്രത്തിലെ ജീവനക്കാരുടെ സമരം ഒത്തുതീർപ്പാക്കാൻ സംസ്ഥാന സർക്കാർ അടിയന്തരമായി ഇടപെടണമെന്ന് പിണറായി വിജയൻ ആവശ്യപ്പെട്ടു. കേരള യൂണിയൻ ഓഫ് വർക്കിങ് ജേണലിസ്റ്റ്സും കേരള ന്യൂസ്‌പേപ്പർ എംപ്ലോയീസ് ഫെഡറേഷനും ചേർന്ന് 12 കേന്ദ്ര-സംസ്ഥാന ട്രേഡ് യൂണിയനുകളുടെ പിന്തുണയോടെ സെക്രട്ടേറിയറ്റിന് മുന്നിൽ സംഘടിപ്പിച്ച രാപ്പകൽ പ്രക്ഷോഭത്തിൽ സംസാരിക്കുകയായിരുന്നു അദ്ദേഹം. മുൻ എൽഡിഎഫ് സർക്കാർ വിഷയത്തിൽ ഇടപെട്ട് താൽക്കാലിക ഒത്തുതീർപ്പിന് വഴിയൊരുക്കിയിരുന്നുവെന്ന് പിണറായി വിജയൻ ചൂണ്ടിക്കാട്ടി. ജീവനക്കാർക്ക് സ്വീകാര്യമല്ലാത്ത നിലപാടുകളിൽ നിന്ന് മാധ്യമം മാനേജ്‌മെന്റിനെ പിന്തിരിപ്പിക്കാൻ ഇപ്പോഴത്തെ സർക്കാർ മുൻകൈയെടുക്കണമെന്നും അദ്ദേഹം ആവശ്യപ്പെട്ടു. ജീവനക്കാർ ആവശ്യപ്പെടുന്നത് അർഹമായ ശമ്പളവും തൊഴിൽ അവകാശങ്ങളുമാണെന്ന് അദ്ദേഹം പറഞ്ഞു. മാധ്യമം സ്ഥാപനത്തിൽ നടക്കുന്നതായി ജീവനക്കാർ ഉന്നയിക്കുന്ന കാര്യങ്ങൾ ഒരു മാധ്യമ സ്ഥാപനത്തിൽ മാത്രമല്ല, ഏതൊരു ആധുനിക തൊഴിൽ സ്ഥാപനത്തിലും ഉണ്ടാകാൻ പാടില്ലാത്തതാണെന്നും അദ്ദേഹം അഭിപ്രായപ്പെട്ടു. സ്ഥിരം ജീവനക്കാരെ രാജിവയ്ക്കാൻ സമ്മർദ്ദം ചെലുത്തുകയും പിന്നീട്…

NH 544-ൽ നിർദ്ദിഷ്ട 1.38 കിലോമീറ്റർ മേൽപ്പാലം പട്ടണത്തെ ഭൗതികമായും സാമ്പത്തികമായും വിഭജിക്കുമെന്ന് ജനകീയ സമിതി; 70 മീറ്റർ സബ്‌വേ അപര്യാപ്തമെന്നും വിമർശനം തൃശൂർ: ദേശീയപാത 544-ൽ പുതുക്കാട് നിർമ്മിക്കാൻ ഉദ്ദേശിക്കുന്ന മേൽപ്പാലം പട്ടണത്തിന്റെ ഗതാഗതപ്രശ്നങ്ങൾക്ക് പരിഹാരമാകുന്നതിന് പകരം പട്ടണത്തെ രണ്ടായി വിഭജിക്കുമോ എന്ന ആശങ്കയിലാണ് നാട്ടുകാർ. മണ്ണ് നിറച്ച എലിവേറ്റഡ് ഘടനയായി ഏകദേശം 1.38 കിലോമീറ്റർ നീളത്തിൽ നിർമിക്കാൻ ഉദ്ദേശിക്കുന്ന പദ്ധതി ദേശീയപാതയുടെ ഇരുവശങ്ങളിലുമുള്ള സ്ഥാപനങ്ങളിലേക്കും വ്യാപാരകേന്ദ്രങ്ങളിലേക്കും അവശ്യ സേവനങ്ങളിലേക്കുമുള്ള ജനങ്ങളുടെ സഞ്ചാരം തടസ്സപ്പെടുത്തുമെന്നാണ് പ്രധാന പരാതി. ദേശീയപാതയുടെ ഇരുവശങ്ങളിലുമായി വിദ്യാഭ്യാസ, ഭരണ, വാണിജ്യ, ആരോഗ്യ സ്ഥാപനങ്ങൾ ഉൾപ്പെടെ നിരവധി പ്രധാന കേന്ദ്രങ്ങളാണ് പ്രവർത്തിക്കുന്നത്. ഈ സാഹചര്യത്തിൽ മേൽപ്പാലത്തിന്റെ മധ്യഭാഗത്ത് നിർദേശിച്ചിട്ടുള്ള 70 മീറ്റർ സബ്‌വേ മാത്രം പട്ടണത്തിന്റെ ആവശ്യങ്ങൾക്ക് തീർത്തും അപര്യാപ്തമാണെന്ന് പുതുക്കാട് മേൽപ്പാലം ജനകീയ സമിതി ചൂണ്ടിക്കാട്ടുന്നു. പുതുക്കാട് പഞ്ചായത്ത് ഓഫീസ്, സബ്…