Category: MIDDLE EAST/GULF

വയനാട് പ്രകൃതി ദുരന്ത നിവാരണത്തിന് ലാൽ കെയേഴ്‌സ് ബഹ്‌റൈൻ സമാഹരിച്ച സഹായം വിശ്വശാന്തി ഫൌണ്ടേഷന് കൈമാറി. പത്ഭഭൂഷൺ മോഹൻലാൽ സ്ഥാപകനായ വിശ്വശാന്തി ഫൗണ്ടേഷൻ വയനാടിൽ ബൃഹത്തായ പുനരധിവാസ പദ്ധതികളാണ് നടത്തുന്നത്. ലാൽ കെയേഴ്സ് അംഗങ്ങള്‍ സമാഹരിച്ച സഹായധനം വിശ്വശാന്തി ഫൌണ്ടേഷന് കൈമാറിയ രേഖ ലാൽ കെയേഴ്സ് ബഹ്‌റൈൻ കോഓർഡിനേറ്റർ ജഗത് കൃഷ്ണകുമാറിന് എക്സിക്യൂട്ടിവ് കമ്മിറ്റി അംഗം ജെയ്സൺ കൈമാറി. പ്രസിഡന്റ് എഫ്.എം. ഫൈസൽ, സെക്രട്ടറി ഷൈജു കമ്പ്രത്ത്, ട്രഷറർ അരുൺ ജി നെയ്യാർ മറ്റു എക്സിക്യൂട്ടിവ് കമ്മിറ്റി അംഗങ്ങളായ വിഷ്ണു, വിപിൻ രവീന്ദ്രൻ, അരുൺ തൈക്കാട്ടിൽ, നന്ദൻ എന്നിവർ ചടങ്ങിൽ സന്നിഹിതരായിരുന്നു .

ദോഹ: ഡോ.അമാനുല്ല വടക്കാങ്ങരക്ക് സിഎച്ച് സ്മാരക സമിതി പുരസ്‌കാരം. അറബി ഭാഷക്കും സാഹിത്യത്തിനും നല്‍കിയ സംഭാവനകള്‍ പരിഗണിച്ചാണ് പുരസ്‌കാരം. ഖത്തറിലെ ഇന്ത്യന്‍ സ്‌കൂളുകളില്‍ അറബി രണ്ടാം ഭാഷയായി നടപ്പാക്കുന്നതിന് നേതൃത്വം നല്‍കിയ അമാനുല്ല അറബി ഭാഷയുമായി ബന്ധപ്പെട്ട നാല്‍പതിലധികം ഗ്രന്ഥങ്ങളുടെ കര്‍ത്താവാണ്. തിരുവവന്തപുരം മന്നം ഹാളില്‍ നടന്ന ചടങ്ങില്‍ സി എച്ചിന്റെ മകനും മുന്‍ മന്ത്രിയുമായ ഡോ. എം.കെ. മുനീര്‍ എം.എല്‍.എ പുരസ്‌കാരം സമ്മാനിച്ചു. കേരളത്തില്‍ അറബി ഭാഷാ പഠനത്തിന് ദിശാബോധം നല്‍കിയ മഹാനായ നേതാവാണ് സി.എച്ച് മുഹമ്മദ് കോയയെന്നും അദ്ദേഹത്തിന്റെ പേരിലുള്ള പുരസ്‌കാരം സ്വീകരിക്കുന്നതില്‍ ഏറെ സന്തോഷമുണ്ടെന്നും അവാര്‍ഡ് സ്വീകരിച്ച് സംസാരിക്കവേ അമാനുല്ല പറഞ്ഞു. മുന്‍ കെപിസിസി പ്രസിഡണ്ട് കെ. മുരളീധരന്‍ എം.എല്‍.എ, മുന്‍ എം.പി.മാരായ പന്ന്യന്‍ രവീന്ദ്രന്‍, പീതാംബരക്കുറുപ്പ്, കേരള മീഡിയ അക്കാദമി ചെയര്‍മാന്‍ ആര്‍.എസ്.ബാബു, പബ്‌ളിക് പ്രൊസീക്യൂട്ടര്‍ അഡ്വ, ആര്‍.എസ് വിജയ് മോഹന്‍,…

ദോഹ: ഖത്തറും ജോർദാനും യുഎഇയും ശനിയാഴ്ച സൗദി അറേബ്യയുമായി ചേർന്ന് ഇറാനില്‍ ഇസ്രായേൽ നടത്തിയ വ്യോമാക്രമണത്തെ അപലപിച്ചു. അതേസമയം, മേഖലയിലെ സുരക്ഷയിലും സ്ഥിരതയിലും തുടര്‍ന്നു വരുന്ന സംഘര്‍ഷം മൂലമുണ്ടാകുന്ന പ്രത്യാഘാതങ്ങളിലും അഗാധമായ ഉത്കണ്ഠ രേഖപ്പെടുത്തി. ഇറാൻ്റെ പരമാധികാരത്തിൻ്റെ നഗ്നമായ ലംഘനവും അന്താരാഷ്ട്ര നിയമ തത്വങ്ങളുടെ വ്യക്തമായ ലംഘനവും കണക്കിലെടുത്ത് ഇസ്‌ലാമിക് റിപ്പബ്ലിക് ഓഫ് ഇറാനെ ഇസ്രായേൽ ലക്ഷ്യമിടുന്നതിനെ ഖത്തർ സ്റ്റേറ്റ് ശക്തമായി അപലപിക്കുകയും പ്രതിഷേധിക്കുകയും ചെയ്യുന്നു എന്ന് ഖത്തർ വിദേശകാര്യ മന്ത്രാലയം പുറത്തിറക്കിയ പ്രസ്താവനയിൽ പറഞ്ഞു. ഈ നടപടി മൂലമുണ്ടായേക്കാവുന്ന ഗുരുതരമായ പ്രത്യാഘാതങ്ങളെക്കുറിച്ച് രാജ്യത്തിൻ്റെ ആഴത്തിലുള്ള ഉത്കണ്ഠ ഊന്നിപ്പറയുകയും സംയമനം പാലിക്കാനും ചർച്ചകളിലൂടെയും സമാധാനപരമായ മാർഗങ്ങളിലൂടെയും തർക്കങ്ങൾ പരിഹരിക്കാനും മേഖലയിലെ സുരക്ഷയും സ്ഥിരതയും അസ്ഥിരപ്പെടുത്തുന്നത് ഒഴിവാക്കാനും ബന്ധപ്പെട്ട എല്ലാ കക്ഷികളോടും മന്ത്രാലയം അഭ്യർത്ഥിച്ചു. മേഖലയിലെ ജനങ്ങളുടെ, പ്രത്യേകിച്ച് ഗാസയിലെയും ലെബനനിലെയും ജനങ്ങളുടെ ദുരിതം അവസാനിപ്പിക്കാനും സംഘർഷം കുറയ്ക്കാനും…

ബഹ്റൈന്‍: ബഹ്‌റൈനിലെ കൊല്ലം പ്രവാസി അസോസിയേഷന്റെ ഈ വർഷത്തെ ഓണാഘോഷം, സ്റ്റാർ വിഷൻ ഇവെന്റ്‌സുമായി സഹകരിച്ചു സംഘടിപ്പിച്ച പൊന്നോണം 2024 ജനപങ്കാളിത്തം കൊണ്ട് ശ്രദ്ധേയമായി. അധാരി പാർക്കിൽ വച്ചു നടന്ന ആഘോഷ പരിപാടികൾ കൊല്ലം, ചാത്തന്നൂർ നിയോജക മണ്ഡലം എം.എൽ. എ ജയലാൽ ഉത്ഘാടനം ചെയ്തു. അസ്സോസിയേഷൻ്റെ പത്ത് ഏരിയ കമ്മിറ്റികളും, വനിതാ വിഭാഗം പ്രവാസിശ്രീയും പങ്കെടുത്ത നയന മനോഹരമായ ഘോഷ യാത്ര ഓണാഘോഷത്തിന് മാറ്റുകൂട്ടി. ആയിരത്തില്‍‌പരം പേർക്കുള്ള വിഭവസമൃദ്ധമായ സദ്യ, ഈ വർഷത്തെ ഓണാഘോഷത്തിന് മികവേകി. കുട്ടികളുടെയും മുതിർന്നവരുടെയും കലാപരിപാടികൾ, കേരള ശ്രീമാൻ – മലയാളി മങ്ക മത്സരം, തിരുവാതിര, സഹൃദയ അവതരിപ്പിച്ച നാടൻ പാട്ടുകൾ എന്നിവ കൂടുതൽ ആവേശമാക്കി. കെ.പി. എ പ്രസിഡന്റ് അനോജ് മാസ്റ്ററുടെ അദ്ധ്യക്ഷതയിൽ നടന്ന ഓണാഘോഷ പരിപാടിയിൽ ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതം പറഞ്ഞു. യു.എ. ഇ യിലെ…

അജ്മാൻ: മർകസ് ത്വയ്ബയുടെ കീഴിൽ അജ്മാൻ മുവൈഹാത്തിൽ ആരംഭിച്ച എഡ്യൂബറി ട്രെയ്നിംഗ് സെൻ്ററിൻ്റെ ഔപചാരിക ഉദ്‌ഘാടനം സുൽത്വാനുൽ ഉലമ കാന്തപുരം എ പി അബൂബക്കർ മുസ്‌ലിയാർ നിർവഹിച്ചു. മത വിദ്യാഭ്യാസം, വിവിധ മത്സര പരീക്ഷാ പരിശീലനം, വിദൂര വിദ്യാഭ്യാസം, നൈപുണി പരിശീലനങ്ങൾ ഉൾപ്പെടെ അജ്‌മാൻ മേഖലയിലെ സ്വദേശികളുടെയും പ്രവാസികളുടെയും വിദ്യാഭ്യാസ-സാംസ്കാരിക ഉന്നമനം ലക്ഷ്യം വെച്ചാണ് എഡ്യുബറി ട്രൈനിംഗ് സെൻ്റർ ആരംഭിച്ചിട്ടുള്ളത്. അജ്മാൻ അക്കാദമിയിൽ അശ്റഫ് ഹാജിയുടെ അധ്യക്ഷതയിൽ നടന്ന ലോഞ്ചിങ് ചടങ്ങ് ഐ സി എഫ് നാഷണൽ ഡെപ്യൂട്ടി പ്രസിഡൻ്റ് ബസ്വീർ സഖാഫി ഉദ്ഘാനം ചെയ്തു. സയ്യിദ് ഉബൈദ് നൂറാനി വളപട്ടണം, മർസൂഖ് സഅദി പാപ്പിനിശ്ശേരി, സുഹൈറുദ്ദീൻ നൂറാനി പ്രസംഗിച്ചു. ഉദ്ഘാടനത്തിനോടനുബന്ധിച്ച് കുട്ടികളുടെ കലാ പരിപാടികളും, യു എ ഇ യിലെ വിവിധ എമിറേറ്റുകളിൽ നിന്ന് രജിസ്റ്റർ ചെയ്ത വിദ്യാർഥികളെ പങ്കെടുപ്പിച്ച് ക്വിസ് മത്സരവും നടന്നു. മാലപ്പാട്ടിന്…

മാനസിക ആരോഗ്യ മേഖലയിലെ തെറ്റായ പ്രവണതകളെ കുറിച് ആളുകള്‍ക്ക് അവബോധം നല്‍കിയും മാനസികാരോഗ്യ മേഖലയിലെ വ്യത്യസ്ത വിഭാഗങ്ങളെ മനസ്സിലാക്കി കൊടുത്തും ലോക മാനസികാരോഗ്യ ദിനത്തോടനുബന്ധിച്ച് പ്രവാസി വെല്‍ഫെയറും മെന്റീവ് ഖത്തറും ചേര്‍ന്ന് സംഘടിപ്പിച്ച പാനല്‍ ചര്‍ച്ച മനസിന്റെ അഗാധതയിലേക്ക് വെളിച്ചം വീശുന്നതായി. മനശാസ്ത്രത്തിന്റെ വ്യത്യസ്ഥ മേഖലകളില്‍ പ്രവര്‍ത്തിക്കുന്ന വിദഗ്ദരുടെ പാനലുമായി സംവദിക്കാന്‍ പരിപാടിയിലൂടെ അവരമൊരുങ്ങി. ആസ്റ്റര്‍ മെഡിക്കല്‍ സെന്ററിലെ സ്പെഷ്യലിസ്റ്റ് സൈകാട്രിസ്റ്റ് ഡോ. ടിഷ റെയ്ചല്‍ ജേക്കബ്, ക്ലിനിക്കല്‍ സൈക്കോളജിസ്റ്റ് എം.ഐ ഖലീല്‍, ഹമദ് മെഡിക്കല്‍ കോര്‍പറേഷനിലെ സൈക്കോ തെറാപിസ്റ്റ് ജോര്‍ജ് വി ജോയ് എന്നിവരടങ്ങുന്ന വിദഗ്ദ പാനലാണ് സദസ്സ്യരുമായി സംവദിച്ചത്. മനശാസ്ത്ര സംബന്ധിയായ വിവിധ വിശയങ്ങള്‍ ചര്‍ച്ച ചെയ്യപ്പെട്ട പരിപാടിയില്‍ മാനസിക ആരോഗ്യത്തെ ഗൗരവപൂര്‍വ്വം ആളുകള്‍ സമീപിക്കുകയോ വിദഗ്ദ ഉപദേശം തേടുകയോ ചെയ്യുന്നില്ലെന്ന് പാനല്‍ ചൂണ്ടിക്കാട്ടി. ശാരീരിക ആരോഗ്യ പ്രശങ്ങളുണ്ടവുമ്പോള്‍ പരിഗണിക്കും പോലെ ഭൂരിഭാഗം ആളുകളും…