Category: MIDDLE EAST/GULF

ദുബായ്: ആർട്ടിഫിഷ്യൽ ഇൻ്റലിജൻസ് സാങ്കേതികവിദ്യയുടെ സഹായത്തോടെ തട്ടിപ്പ് സംഘങ്ങൾ കൂടുന്നതായി സൈബർ സുരക്ഷാ വിദഗ്ധർ. ‘ഓഡിയോ ഡീപ്ഫേക്ക്’ എന്നാണ് ഒരു പുതിയ തരം തട്ടിപ്പ്. ഇതിനെതിരെ സൈബർ സുരക്ഷാ വിദഗ്ധർ മുന്നറിയിപ്പ് നൽകുന്നു. ശബ്ദങ്ങളും മുഖങ്ങളും പോലും തനിപ്പകർപ്പാക്കാൻ AI ഉപയോഗിക്കുന്നത് ഈ രീതിയിൽ ഉൾപ്പെടുന്നു. ചിലപ്പോൾ ഫോൺ കോളുകളിലൂടെയും ആകാം. ഈ വര്‍ഷം മെയ് മാസത്തില്‍ ഹോങ് കോങ്ങിലുള്ള ഒരു ബ്രിട്ടീഷ് എഞ്ചിനീയറിങ് കമ്പനിക്ക് ഇത്തരത്തിലുള്ള തട്ടിപ്പിലൂടെ 94 മില്യന്‍ ദിര്‍ഹമാണ് നഷ്ടമായത്. കുറ്റവാളികള്‍ നടത്തിയ ഒരു വീഡിയോ കോളാണ് കമ്പനിക്ക് ഭീമന്‍ നഷ്ടമുണ്ടാക്കിയത്. ഇത്തരം തട്ടിപ്പുകാര്‍ നിങ്ങളോട് ഫോണ്‍ സംഭാഷണത്തിലേര്‍പ്പെടാനുള്ള അവസരങ്ങളുണ്ടാക്കുകയും ഈ സംഭാഷണങ്ങള്‍ റെക്കോര്‍ഡ് ചെയ്യുകയും ചെയ്യുന്നു. ഈ ശബ്ദങ്ങള്‍ ഭാവിയില്‍ തട്ടിപ്പുകള്‍ക്ക് ഉപയോഗിക്കാനാകും. അതിനാൽ അപരിചിതമായ നമ്പരുകളില്‍ നിന്നുള്ള കോളുകള്‍ക്ക് മറുപടി നൽകുമ്പോൾ കൂടുതൽ ജാ​ഗ്രത പുലർത്തണം. പ്രത്യേകിച്ച് ഫോണ്‍ വിളിക്കുന്നയാള്‍…

ഒമാൻ: 13 ഇന്ത്യക്കാരും 3 ശ്രീലങ്കക്കാരും ഉൾപ്പെടെ 16 ജീവനക്കാരുമായി പോയ എണ്ണക്കപ്പൽ ഒമാൻ തീരത്ത് മറിഞ്ഞ് മുങ്ങിയതായി ഒമാൻ മാരിടൈം അധികൃതർ അറിയിച്ചു. ‘പ്രസ്റ്റീജ് ഫാൽക്കൺ’ എന്ന് പേരിട്ടിരിക്കുന്നതും കൊമോറോസിന് കീഴിൽ പതാകയുമുള്ളതുമായ കപ്പൽ, റാസ് മദ്രാക്കയിൽ നിന്ന് ഏകദേശം 25 നോട്ടിക്കൽ മൈൽ തെക്കുകിഴക്കായി ദുക്മിലെ വിലായത്ത് ഏരിയയിലാണ് മറിഞ്ഞത്. സംഭവത്തെത്തുടർന്ന് ഒമാനിലെ മാരിടൈം സെക്യൂരിറ്റി സെൻ്റർ ബന്ധപ്പെട്ട അധികൃതരുമായി സഹകരിച്ച് തിരച്ചിലും രക്ഷാപ്രവർത്തനവും ആരംഭിച്ചതായി തിങ്കളാഴ്ച റിപ്പോർട്ട് ചെയ്തു. ചൊവ്വാഴ്ച വരെ, അപകടത്തിൽപ്പെട്ട കപ്പലിലെ ജീവനക്കാരെ കണ്ടെത്താനായില്ല, അവരെ കണ്ടെത്താനുള്ള ശ്രമങ്ങൾ തുടരുകയാണ്. യെമൻ തുറമുഖ നഗരമായ ഏദനിലേക്കുള്ള യാത്രാമധ്യേ, marinetraffic.com-ൽ നിന്നുള്ള ഡാറ്റ പ്രകാരം, ദുബായിലെ ഹംരിയ തുറമുഖത്ത് നിന്നാണ് ടാങ്കർ പുറപ്പെട്ടത്. കപ്പൽ നിലവിൽ വെള്ളത്തിനടിയിലാണെന്നും തലകീഴായി മറിഞ്ഞുകിടക്കുകയാണെന്നും മാരിടൈം സെൻ്റർ സൂചിപ്പിച്ചു, എന്നാൽ ചുറ്റുമുള്ള കടലിലേക്ക് എണ്ണയോ എണ്ണ…

ദോഹ: ജോയിന്റ് എൻട്രൻസ്‌ എക്‌സാമിനേഷൻ (ജെ.ഇ.ഇ) കേരള ടോപ്പറും ദേശീയതലത്തിൽ 197ാം റാങ്കുകാരനും, കേരള എൻജിനീയറിങ് എൻട്രൻസ്‌ എക്സാമിനേഷൻ (കീം) രണ്ടാം റാങ്കുകാരനുമായ ഹാഫിസ് റഹ്‌മാനെ സെൻറർ ഫോർ ഇന്ത്യൻ കമ്മ്യൂണിറ്റി മദീന ഖലീഫ സോൺ അനുമോദിച്ചു. സി.ഐ.സി സോണൽ നേതാക്കൾ ഉപഹാരം കൈമാറി. വൈസ് പ്രസിഡണ്ട് അബ്ദുൽ ജബ്ബാർ പി, സോണൽ കമ്മിറ്റിയംഗം നൗഫൽ സി.കെ, ബിൻ ഉംറാൻ യൂനിറ്റ് ആക്ടിങ് പ്രസിഡന്റ് ഉനൈസ്, ഹാഫിസിൻ്റെ പിതാവ് ഡോ. അബ്ദുറഹ്‌മാൻ (ഹമദ് ഹോസ്പിറ്റൽ) തുടങ്ങിയവർ സംബന്ധിച്ചു.

ഈ വളർച്ചയ്ക്ക് പ്രധാന കാരണം റീട്ടെയ്ൽ മേഖലയിലുണ്ടായ ഉയർന്ന ഡിമാൻഡാണെന്ന് യൂണിയൻ കോപ് ചീഫ് കമ്മ്യൂണിറ്റി റിലേഷൻസ് ഓഫീസർ ഡോ. സുഹൈൽ അൽ ബസ്തകി പറയുന്നു. ദുബായ്: ദുബായ് പ്രാദേശിക വിപണികളിൽ യൂണിയൻ കോപ് ‘യൂണിയൻ’ ലേബലിൽ ഉൽപ്പന്നങ്ങൾ അവതരിപ്പിച്ചു. ഉൽപ്പന്നങ്ങൾക്കുള്ള ഡിമാൻഡ് വർധിച്ചതും റീട്ടെയ്ൽ, ലോക്കൽ വിപണികളിൽ യൂണിയൻ കോപിനുള്ള സാന്നിധ്യം വർധിപ്പിക്കുന്നതിനുമാണ് പുതിയ പദ്ധതികൾ. യൂണിയൻ കോപിന് നിലവിൽ 55,000 പ്രാദേശിക, അന്തർദേശീയ ബ്രാൻഡുകളുടെ സാന്നിധ്യമുണ്ട്. ഈ വളർച്ചയ്ക്ക് പ്രധാന കാരണം റീട്ടെയ്ൽ മേഖലയിലുണ്ടായ ഉയർന്ന ഡിമാൻഡാണെന്ന് യൂണിയൻ കോപ് ചീഫ് കമ്മ്യൂണിറ്റി റിലേഷൻസ് ഓഫീസർ ഡോ. സുഹൈൽ അൽ ബസ്തകി പറയുന്നു. പ്രൈവറ്റ് ലേബലിൽ 1,500 ഉൽപ്പന്നങ്ങൾ യൂണിയൻ കോപ് നൽകുന്നുണ്ട്. സേവനങ്ങളും ഉൽപ്പന്നങ്ങളും കൂട്ടുകയാണ് ചെയ്യുന്നത്. ഉയർന്ന ​ഗുണമേന്മയുള്ള ഉൽപ്പന്നങ്ങൾ ഉപയോക്താക്കൾക്ക് എത്തിച്ചു നൽകുകയാണ് ലക്ഷ്യമെന്നും അദ്ദേഹം പറഞ്ഞു. യൂണിയൻ കോപ്…

മസ്കറ്റ്: ഒമാൻ തലസ്ഥാനമായ മസ്‌കറ്റിൽ പള്ളിക്ക് സമീപം നടന്ന വെടിവയ്പ്പിൽ നാല് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി പോലീസ് ചൊവ്വാഴ്ച അറിയിച്ചു. അൽ വാദി അൽ കബീർ മേഖലയിലാണ് സംഭവം നടന്നതെന്ന് റോയൽ ഒമാൻ പോലീസ് അറിയിച്ചു. നാല് മരണങ്ങളും നിരവധി പേര്‍ക്ക് പരിക്കേറ്റതായും, സംഭവം നടന്നയുടന്‍ അധികൃതര്‍ സ്ഥലത്തെത്തി നടപടികള്‍ സ്വീകരിച്ചതായും അവര്‍ പറഞ്ഞു. സോഷ്യൽ മീഡിയ പ്ലാറ്റ്‌ഫോമായ എക്‌സിൽ പോസ്റ്റ് ചെയ്ത പ്രസ്താവനയിൽ, ആവശ്യമായ എല്ലാ സുരക്ഷാ നടപടികളും സ്വീകരിച്ചിട്ടുണ്ടെന്ന് പോലീസ് പൊതുജനങ്ങൾക്ക് ഉറപ്പ് നൽകി. ദാരുണമായ സംഭവത്തിന് ചുറ്റുമുള്ള സാഹചര്യങ്ങൾ മനസിലാക്കാൻ അവർ സജീവമായി തെളിവുകൾ ശേഖരിക്കുകയും അന്വേഷണങ്ങൾ നടത്തുകയും ചെയ്യുന്നു. “ഞങ്ങൾ ആവശ്യമായ എല്ലാ സുരക്ഷാ പ്രോട്ടോക്കോളുകളും നടപ്പിലാക്കിയിട്ടുണ്ട്, സംഭവത്തെക്കുറിച്ച് സമഗ്രമായ അന്വേഷണം തുടരുന്നു,” പോലീസ് പ്രസ്താവനയിൽ പറഞ്ഞു.

ദുബൈ: ഗാസ മുനമ്പിലെ ഖാൻ യൂനിസ് മേഖലയിൽ കുടിയൊഴിപ്പിക്കപ്പെട്ട പലസ്തീൻ കുടുംബങ്ങളെ സഹായിക്കുന്നതിനായി മൂന്ന് ടൺ അവശ്യ മെഡിക്കൽ സാമഗ്രികളും വിവിധതരം മരുന്നുകളും യുണൈറ്റഡ് അറബ് എമിറേറ്റ്സ് (യുഎഇ) എത്തിച്ചു. യുഎഇയുടെ സഹായ പാക്കേജിൽ 14 മണിക്കൂർ മുമ്പ് വിതരണം ചെയ്തതായി റിപ്പോർട്ട് ചെയ്തു. പലസ്തീൻ സിവിലിയൻമാർക്കായി നിയുക്ത മാനുഷിക സുരക്ഷാ മേഖലയായ ഗാസ മുനമ്പിലെ അൽ-മവാസി ക്യാമ്പിന് നേരെ ഇസ്രായേൽ സൈന്യം മറ്റൊരു മാരകമായ ആക്രമണം അഴിച്ചുവിടുകയും 90 പേർ കൊല്ലപ്പെടുകയും 300 പേർക്ക് പരിക്കേൽക്കുകയും ചെയ്തതിന് പിന്നാലെയാണിത്. കൂടാതെ, ഇസ്രയേൽ നടത്തുന്ന വ്യോമാക്രമണങ്ങളും കര ആക്രമണങ്ങളും കാരണം ഖാൻ യൂനിസിൽ മാത്രം 250,000 സാധാരണക്കാർ കുടിയൊഴിപ്പിക്കപ്പെടാനുള്ള സാധ്യതയുണ്ട്. ഖാൻ യൂനിസിലെ നാസർ ഹോസ്പിറ്റൽ ഉൾപ്പെടെയുള്ള മരുന്നുകളുടെ ദൗർലഭ്യം സംബന്ധിച്ച് ആരോഗ്യമേഖലയിൽ നിന്നുള്ള അഭ്യര്‍ത്ഥനകളെ തുടർന്നാണ് യു.എ.ഇ അടിയന്തരമായി അവശ്യ സാധനങ്ങൾ അയച്ചത്. പരിക്കേറ്റ രോഗികൾക്കുള്ള…

ഖത്തര്‍: ഈയിടെ അന്തരിച്ച വെല്‍ഫെയര്‍ പാര്‍ട്ടിയുടെ മുന്‍ ദേശീയ ഉപാദ്ധ്യക്ഷന്‍ ഫാ. എബ്രഹാം ജോസഫിനെ പ്രവാസി വെല്‍ഫെയര്‍ അനുസ്മരിച്ചു. പുരോഹിതനായിരിക്കെ തന്നെ വിവിധ ജനകീയ സമരങ്ങളോടൊപ്പം നിലകൊള്ളുകയും സാധാരണക്കാരുടെ പ്രശ്നങ്ങളില്‍ സധാ ഇടപെടുകയും വ്യക്തിത്വമായിരുന്നു അദ്ദേഹമെന്ന് പ്രവാസി വെല്‍ഫെയര്‍ സംസ്ഥാന പ്രസിഡണ്ട് ആര്‍. ചന്ദ്രമോഹന്‍ അനുസ്മരണ പ്രഭാഷണത്തില്‍ പറഞ്ഞു. തന്റെ രാഷ്ട്രീയ കാഴ്ചപ്പാടുകള്‍ പ്രാവര്‍ത്തികമാക്കാന്‍ കഴിയുക വെല്‍ഫെയര്‍ പാര്‍ട്ടിക്കാണെന്ന് ഉറച്ചബോധ്യത്താല്‍ പാര്‍ട്ടിയോടൊപ്പം ആദ്യാവസാനം ചേര്‍ന്ന് നിന്നു. ആത്മീയ മേഖലയും രാഷ്ട്രീയവും ഒരേപോലെ സാമൂഹിക നന്മക്കും പുരോഗതിക്കും വേണ്ടി ഉപയോഗിക്കേണ്ടതാണെന്ന് ഉറച്ച് വിശ്വസിക്കുകയും അത് പ്രവര്‍ത്തി പദത്തില്‍ ചെയ്ത് കാണിക്കുകയും ചെയ്ത അദ്ദേഹം മൂല്യബോധമുള്ള രാഷ്ട്രീയക്കാര്‍ ഉയര്‍ന്ന് വരണമെന്ന് ഉണര്‍ത്തുകയും ചെയ്തു. ചെങ്ങറ പോലുള്ള ഭൂസമരങ്ങളില്‍ പങ്കെടുത്ത് മര്‍ദ്ദനങ്ങള്‍ ഏല്‍ക്കേണ്ടിയും വന്നതും അനുസ്മരിച്ചു. പ്രവാസി വെല്‍ഫെയര്‍ സംസ്ഥാന വൈസ് പ്രസിഡന്റുമാരായ സാദിഖ് അലി സി, അനീസ് റഹ്മാന്‍, മജീദ്…

ദോഹ: കുട്ടി മനസ്സുകളിൽ കരുതലിന്റെയും ആർദ്രതയുടെയും നന്മകൾക്ക് കോരിയിട്ട് ‘കളേർസ് ഓഫ്‌ കെയർ’ ചിത്രരചന മത്സരം. കേവലം ഒരു മത്സരം എന്നതിലുപരി ഖത്തറിലെ പ്രവാസ ലോകത്തിന്റെ സ്നേഹത്തിന്റെയും ചേർത്തു പിടിക്കലിന്റെ കൂടെ പ്രതീകമായിരുന്നു പ്രവാസി വെൽഫെയർ & കൾച്ചറൽ ഫോറം അൽ അറബി സ്റ്റേഡിയത്തിൽ സംഘടിപ്പിച്ച ചിത്രരചന മത്സരം. എസ്‌.എം.എ ടൈപ്പ്‌ 1 രോഗം ബാധിച്ച്‌ ചികിത്സ തേടുന്ന മലയാളി പിഞ്ചു ബാലിക മൽഖ റൂഹിയുടെ ചികിത്സക്കായി ഖത്തർ ചാരിറ്റി ശേഖരിക്കുന്ന ചികിത്സ ഫണ്ടിലേക്ക് സംഭാവനകൾ ശേഖരിക്കുക എന്ന ലക്ഷ്യത്തോടെയാണ് ‘കളേർസ് ഓഫ്‌ കെയർ’ എന്ന പേരിൽ ചിത്രരചന മത്സരം സംഘടിപ്പിച്ചത്. വേനൽ അവധിക്കാലമായിരുന്നിട്ട് പോലും ഖത്തറിന്റെ വിവിധ ഭാഗങ്ങളിൽ നിന്നും നൂറുകണക്കിന്ന് കുട്ടികളാണ് മത്സരത്തിൽ പങ്കെടുക്കാൻ എത്തിയത്. കിൻഡർ ഗാർഡൻ, കിഡ്സ്, സബ്ജൂനിയർ, ജൂനിയർ, സീനിയർ, അഡൾട്ട് എന്നിങ്ങനെ 7 കാറ്റഗറികളിലാണ് ചിത്രരചന മത്സരവും പെയിന്റിംഗ്…

മിഡിൽ ഈസ്റ്റിലെ ഏറ്റവും മികച്ച 10 വിനോദസഞ്ചാര ആകർഷണങ്ങളുടെ പട്ടികയിൽ ഇടംപിടിച്ച് ഷാർജയിലെ അൽ നൂർ ഐലൻഡ്. ലോകത്തെ ഏറ്റവും മികച്ചതും യാത്രക്കാർ ഇഷ്ടപ്പെടുന്നതുമായ വിനോദകേന്ദ്രങ്ങൾ അവതരിപ്പിക്കുന്ന ‘ട്രിപ്പ് അഡ്വൈസറിന്റെ’ 2024ലെ “ബെസ്റ്റ് ഓഫ് ദി ബെസ്റ്റ്” പുരസ്കാരം നേടിയാണ് അൽ നൂർ ഐലൻഡ് ഈ നേട്ടം കരസ്ഥമാക്കിയത്. ഷാർജ നിക്ഷേപവികസന അതോറിറ്റിയുടെ (ഷുറൂഖ്) നേതൃത്വത്തിൽ പ്രവർത്തിക്കുന്ന അൽ നൂർ ഐലൻഡ് കഴിഞ്ഞ വർഷവും ‘ബെസ്റ്റ് ഓഫ് ദി ബെസ്റ്റ്’ പട്ടികയിൽ ഇടം പിടിച്ചിരുന്നു. ഷാർജ ന​ഗരമധ്യത്തിലെ ഖാലിദ് തടാകത്തിൽ നിലകൊള്ളുന്ന ഐലൻഡിൽ കുടുംബസഞ്ചാരികൾക്കും കുട്ടികൾക്കും ഒരുപോലെ പ്രിയപ്പെട്ടനിരവധി കാഴ്ചകളും വിശേഷങ്ങളുമുണ്ട്. കലയും പ്രകൃതിയും വിനോദവും സമ്മേളിക്കുന്ന ദ്വീപിൽ പ്രത്യേകം തയാറാക്കിയ ശലഭഉദ്യാനവും ഒരുക്കിയിരിക്കുന്നു. വേനൽക്കാലത്തടക്കം ഹരിതാഭ നിറഞ്ഞുനിൽക്കുന്ന ഇവിടുത്തെ നടപ്പാതകളും ഹരിതാഭമായ കാഴ്ചകളും സോഷ്യൽമീഡിയയിലും ഏറെ പ്രശസ്തമാണ്. യാത്രാസംബന്ധിയായ വിവരങ്ങൾക്കും നിർദ്ദേശങ്ങൾക്കും പേരുകേട്ട ട്രാവൽ റിവ്യൂ…