റിയാദ് : സൗദി അറേബ്യയിലെ അധികാരികൾ ആദ്യമായി ഒരു വോളണ്ടറി വെർച്വൽ സ്കൂൾ തുറന്ന് അനാഥർക്കും കുടുംബങ്ങളിലെ കുട്ടികൾക്കും വിദ്യാഭ്യാസം നൽകുന്നു. കിഴക്കൻ പ്രവിശ്യയിലെ അൽ-ബിർ സൊസൈറ്റിയാണ് അന്താരാഷ്ട്ര വളണ്ടിയർ ദിനാചരണത്തോടനുബന്ധിച്ച് വിദ്യാഭ്യാസ സംരംഭം ആരംഭിച്ചത്. നൂതന അദ്ധ്യാപന രീതികൾ ഉപയോഗിച്ച് നാലാം ക്ലാസ് മുതൽ ആറാം ക്ലാസ് വരെയുള്ള വിദ്യാർത്ഥികളുടെ ഗണിത-ഇംഗ്ലീഷ് കഴിവുകൾ വർദ്ധിപ്പിക്കാനും സന്നദ്ധപ്രവർത്തകരുടെ എണ്ണം വർധിപ്പിച്ച് രാജ്യത്തിന്റെ വിഷൻ 2030-ലേക്ക് സംഭാവന നൽകാനുമാണ് സ്കൂൾ ലക്ഷ്യമിടുന്നത്. പരമ്പരാഗത അദ്ധ്യാപന രീതികളെ മാറ്റിമറിച്ച് സാമൂഹികവും മാനസികവുമായ ഇടപെടലുകൾക്കായി നൂതന തന്ത്രങ്ങളും സ്കൂൾ സ്വീകരിക്കുന്നു. അൽ-ബിർ സൊസൈറ്റിയിലെ വോളണ്ടിയർ വർക്കിന്റെ സൂപ്പർവൈസർ ഫൈസൽ അൽ-മിസ്നാദ്, സമൂഹത്തിന്റെ ഗുണഭോക്താക്കളിൽ ശ്രദ്ധ കേന്ദ്രീകരിക്കേണ്ടതിന്റെയും വെർച്വൽ വോളണ്ടിയർ സ്കൂളിലൂടെ കുടുംബാംഗങ്ങളെ വികസിപ്പിക്കുന്നതിന്റെയും പ്രൊഫഷണൽ അവസരങ്ങൾ വാഗ്ദാനം ചെയ്യുന്നതിന്റെയും പ്രാധാന്യം ഊന്നിപ്പറഞ്ഞു.
നിർധനരായ കുട്ടികൾക്കായി സൗദി അറേബ്യ ആദ്യമായി വെർച്വൽ സ്കൂൾ തുറക്കുന്നു
