Category: KERALA

ഇന്ത്യയിലെ മുസ്ലിം സമുദായത്തെ വംശഹത്യ നടത്തി ഉന്മൂലനം ചെയ്ത്‌ കളയാമെന്നുള്ളത്‌ സംഘ്‌ പരിവാറിന്റെ കേവല ദിവാസ്വപ്നം മാത്രമാണെന്ന് ജമാ അത്തെ ഇസ്ലാമി ജനറൽ സെക്രട്ടറി ടി ആരിഫലി. ഈ രാജ്യത്തിൻ്റെ സാമൂഹിക രൂപികരണത്തിനും നവോത്ഥാനത്തിനും സ്വാതന്ത്ര്യ സമരത്തിലുമെല്ലാം നിർണായക പങ്കുവഹിച്ചവരാണ് ഇന്ത്യൻ മുസ്ലിംകൾ.ഈ രാജ്യം മുസ്ലിംകളുടേത് കൂടിയാണ്. വിശ്വാസവും പോരാട്ടചരിത്രവും നിലനിൽക്കുന്നിടത്തോളം മുസ്ലിം ഉന്മൂലനവും അസാധ്യമാണെന്ന് അദ്ദേഹം കൂട്ടിച്ചേർത്തു.”വിശ്വാസത്തിന്റെ അഭിമാന സാക്ഷ്യം വിമോചനത്തിന്റെ പാരമ്പര്യം ” എന്ന തലകെട്ടിൽ സോളിഡാരിറ്റി യൂത്ത്‌ മൂവ്‌മന്റ്‌ സംഘടിപ്പിച്ച സംസ്ഥാന സമ്മേളനം ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ധേഹം. ലോകത്ത്‌ മതം പിന്തിരിപ്പനാണെന്ന് നിരന്തരം പറഞ്ഞ്‌ കൊണ്ടിരിക്കുമ്പോൾ ഇസ്ലാമിക വിശ്വാസം അഭിമാനമാണെന്നും വിമോചന പോരാട്ടങ്ങൾക്ക്‌ ഇസ്ലാം ഊർജ്ജം പകരുമെന്നും സോളിഡാരിറ്റി സംസ്ഥാന പ്രസിഡന്റ്‌ ഡോ.നഹാസ്‌ മാള പറഞ്ഞു.സംസ്ഥാന പ്രതിനിധി സമ്മേളനത്തിൽ ഉദ്ഘാടന സെഷനിൽ അധ്യക്ഷത വഹിച്ച്‌ സംസാരിക്കുകയായിരുന്നു അദ്ധേഹം. ആയിരകണക്കിന്‌ പ്രതിനിധികൾ സന്നിഹിതരായ…

ഇടുക്കി: മുല്ലപ്പെരിയാർ അണക്കെട്ടിന്റെ വൃഷ്ടിപ്രദേശങ്ങളിൽ പെയ്ത കനത്ത മഴയെ തുടർന്ന് വെള്ളിയാഴ്ച രാവിലെ അണക്കെട്ടിലെ ജലനിരപ്പ് 130.65 അടിയായി ഉയർന്നു. അണക്കെട്ടിന്റെ പരമാവധി സംഭരണശേഷി 142 അടിയാണ്. കഴിഞ്ഞ കുറച്ച് ദിവസങ്ങളായി ജില്ലയിൽ പെയ്യുന്ന കനത്ത മഴയിൽ മുല്ലപ്പെരിയാറിലെ ജലനിരപ്പ് ഉയരുകയാണ്. അണക്കെട്ടിൽ നിന്ന് എരച്ചിൽപാലം വഴി 100 ക്യുസെക്‌സ് വെള്ളം മാത്രമാണ് തമിഴ്‌നാട് ഇപ്പോൾ ഒഴുക്കിവിടുന്നത്. കഴിഞ്ഞ മാസം വരെ തമിഴ്‌നാട് പെൻസ്റ്റോക്ക് വഴി വെള്ളം തുറന്നുവിട്ടിരുന്നു. എന്നാൽ, കുമളിക്ക് സമീപം ലോവർ ക്യാമ്പിലെ പവർ സ്റ്റേഷനിൽ വാർഷിക അറ്റകുറ്റപ്പണികൾ നടക്കുന്നതിനാൽ സംസ്ഥാനം വെള്ളം തുറന്നുവിടുന്നത് നിർത്തിവച്ചിരുന്നു. ജൂൺ ഒന്നിന് തമിഴ്‌നാട് ജലസേചന ആവശ്യങ്ങൾക്കും കൃഷിക്കും വെള്ളം തുറന്നുവിടുമെന്നാണ് പ്രതീക്ഷിക്കുന്നത്. കഴിഞ്ഞ വർഷം ജൂൺ ഒന്നിന് മുല്ലപ്പെരിയാറിലെ ജലനിരപ്പ് 130.90 അടിയിലെത്തിയപ്പോൾ തമിഴ്‌നാട് പെൻസ്റ്റോക്ക് വഴി ഡാമിൽ നിന്ന് വെള്ളം തുറന്നുവിട്ടു. അണക്കെട്ടിന്റെ വൃഷ്ടിപ്രദേശങ്ങൾ —…

തിരുവനന്തപുരം: കെഎസ്ആർടിസി പ്രതിസന്ധിയിൽ ഗതാഗത മന്ത്രി ആന്റണി രാജുവിന്റെ നിലപാടിനെ പിന്തുണച്ച മുഖ്യമന്ത്രി പിണറായി വിജയൻ, ഒരു സ്ഥാപനത്തിന്റെ കാര്യക്ഷമതയില്ലായ്മ പരിഹരിക്കാൻ നികുതിദായകന്റെ പണം ചെലവഴിക്കാനാവില്ലെന്ന് പറഞ്ഞു. കെഎസ്ആർടിസിയുടെ മുഴുവൻ ഭാരവും ഒരു സർക്കാരിനും ഏറ്റെടുക്കാനാകില്ലെന്ന് ആന്റണി രാജു നേരത്തെ പറഞ്ഞിരുന്നു. പഠന റിപ്പോർട്ടിൽ നിർദേശിച്ച ഘടനാപരമായ പരിഷ്‌കാരങ്ങൾ നടപ്പാക്കിയാൽ ഗതാഗത മേഖലയിലെ പ്രതിസന്ധി മറികടക്കാനാകുമെന്നും മുഖ്യമന്ത്രി പറഞ്ഞു. രണ്ടാം എൽഡിഎഫ് സർക്കാരിന്റെ ഒന്നാം വാർഷികത്തോടനുബന്ധിച്ച് മാധ്യമ പ്രവർത്തകരോട് സംസാരിക്കുകയായിരുന്നു മുഖ്യമന്ത്രി. “കെഎസ്ആർടിസിയിലെ നിലവിലെ യാഥാർത്ഥ്യങ്ങൾ കണക്കിലെടുത്താണ് വിവിധ കോണുകളിൽ നിന്നുള്ള ഇടപെടലുകൾ. പൊതുമേഖലയെ ശക്തിപ്പെടുത്തുക എന്നതിനർത്ഥം കാര്യക്ഷമതയില്ലായ്മയെ പിന്തുണയ്ക്കുക എന്നല്ല,” അദ്ദേഹം പറഞ്ഞു. പ്രതിസന്ധി മറികടക്കാനുള്ള നടപടികളുമായി മുന്നോട്ടുവരേണ്ടത് ഗതാഗത വകുപ്പാണെന്നും മുഖ്യമന്ത്രി കൂട്ടിച്ചേർത്തു. ട്രാൻസ്‌പോർട്ട് വകുപ്പില്‍ പരിഷ്‌കാരങ്ങൾ നടപ്പാക്കാൻ ട്രേഡ് യൂണിയനുകൾ അനുവദിക്കുന്നില്ലേ എന്ന ചോദ്യത്തിന്, ട്രേഡ് യൂണിയനുകൾ എല്ലായ്‌പ്പോഴും സംഘടനയുടെ ക്ഷേമത്തിന് വേണ്ടിയാണ്…

മലപ്പുറം: മൈസൂരു ആസ്ഥാനമായി പ്രവർത്തിക്കുന്ന പാരമ്പര്യ വൈദ്യന്‍ ഷബാ ഷെരീഫിന്റെ കൊലപാതകം അന്വേഷിക്കുന്ന പ്രത്യേക പോലീസ് സംഘം വെള്ളിയാഴ്ചയും തെളിവെടുപ്പ് തുടർന്നു. മുഖ്യപ്രതി ഷൈബിൻ അഷ്‌റഫിനെയും സഹായി നടുത്തൊടിക നിഷാദിനെയും എടവണ്ണ സീതി ഹാജി പാലത്തിലെത്തിച്ച സംഘം, അവിടെനിന്ന് കൊലപാതകത്തിന് ശേഷം മൃതദേഹത്തിന്റെ ഭാഗങ്ങള്‍ ചാലിയാർ പുഴയിലേക്ക് വലിച്ചെറിഞ്ഞ സ്ഥലം വിരലടയാള വിദഗ്‌ധര്‍, ബോട്ട് ഉള്‍പ്പെടെയുള്ള സജ്ജീകരണങ്ങളുമായി അഗ്നി ശമന സേന, ദുരന്ത നിവാരണ രംഗത്ത് പ്രവര്‍ത്തിക്കുന്ന ഇ.ആര്‍.എഫ് എന്നിവരുടെ സഹകരണത്തോടെയാണ് തെളിവെടുപ്പ് നടത്തുന്നത്. മൃതദേഹാവശിഷ്‌ടം കണ്ടെത്താനായി ചാലിയാര്‍ പുഴയില്‍ ഇന്ന് നാവിക സേന പരിശോധന നടത്തും. “ഞങ്ങൾ ഷബാ ഷെരീഫിന്റെ ശരീരഭാഗങ്ങളും, നദിയിൽ നിന്ന് മൃതദേഹം കഷണങ്ങളാക്കാൻ പ്രതികൾ ഉപയോഗിച്ച ആയുധങ്ങളും കണ്ടെടുക്കാന്‍ ശ്രമിക്കുകയാണ്. നേവിയുടെ സഹായത്തോടെ ശനിയാഴ്ചയും പ്രദേശത്ത് തെളിവെടുപ്പ് തുടരുമെന്ന് നിലമ്പൂർ ഇൻസ്‌പെക്ടർ വിഷ്ണു പി. പറഞ്ഞു. കേസിലെ മറ്റൊരു പ്രതി തങ്കലകത്ത് നൗഷാദിന്റെ…

പാലക്കാട്: ഹവിൽദാർമാരെ കൊലപ്പെടുത്തിയ പന്നിക്കെണി തയ്യാറാക്കാൻ സുരേഷ് ഉപയോഗിച്ച ഇലക്ട്രിക് വയർ മുട്ടിക്കുളങ്ങര കെഎപി-2 ബറ്റാലിയൻ ക്യാമ്പിനുള്ളിലെ കുളത്തിൽ കണ്ടെത്തി. പ്രതിയുമായി നടത്തിയ തെളിവെടുപ്പിലാണ് വയര്‍ കണ്ടെത്തിയത്. സുരേഷ് പന്നി കെണി സ്ഥാപിച്ച സ്ഥലത്ത് പോലീസ് പരിശോധന നടത്തി. കെണി സ്ഥാപിക്കാൻ ഉപയോഗിച്ച ഇലക്ട്രിക് വയറിന്റെ ഒരു ഭാഗം സുരേഷിന്റെ വീടിന്റെ വിറകുപുരയിൽ നിന്ന് കണ്ടെത്തി. മറ്റൊരു കഷണം പോലീസ് ക്യാമ്പിലെ കുളത്തിന് സമീപം കണ്ടെത്തി. മൃതദേഹം കൊണ്ടുപോകാൻ ഉപയോഗിച്ച ഉന്തുവണ്ടിയും സുരേഷിന്റെ വീട്ടിൽ നിന്ന് കണ്ടെടുത്തു. പൊലീസുകാരുടെ മരണശേഷം വയറും കമ്പിയും മതിലിന് പുറത്ത് നിന്ന് കുളത്തേക്ക് എറിയുകയായിരുന്നുവെന്ന് സുരേഷ് തെളിവെടുപ്പിനിടെ സമ്മതിച്ചു. പിന്നീട് മൃതദേഹങ്ങൾ കൊണ്ടിട്ട പാടങ്ങളിലും പ്രതിയെ എത്തിച്ച് തെളിവെടുപ്പ് നടത്തി. സുരേഷിനെ ശനിയാഴ്‌ച (21.05.22) കോടതിയിൽ ഹാജരാക്കും. സുരേഷ്‌ മുമ്പും പ്രതി: രണ്ട് പൊലീസുകാരുടെ മരണത്തിന് ഇടയാക്കിയ സംഭവത്തിൽ മണിക്കൂറുകൾക്കുള്ളിൽ പ്രതിയിലേക്ക്…

മലപ്പുറം: ജിദ്ദയിൽ നിന്ന് നാട്ടിലെത്തിയ ശേഷം കാണാതായ പ്രവാസിയുടെ ദുരൂഹ മരണവുമായി ബന്ധപ്പെട്ട് എട്ട് പേരെ പോലീസ് കസ്റ്റഡിയിലെടുത്തു. സംഭവത്തിൽ പങ്കുണ്ടെന്ന് സംശയിക്കുന്ന എട്ട് പേരെയാണ് പോലീസ് കസ്റ്റഡിയിലെടുത്തിട്ടുള്ളത്. മറ്റൊരു സംഘംഗമായ യഹിയയെ പിടികൂടാന്‍ അന്വേഷണം ഊര്‍ജ്ജിതമാക്കിയതായി പോലീസ് പറഞ്ഞു. സംഭവവുമായി ബന്ധപ്പെട്ട് കൂടുതൽ പേരെ പൊലീസ് ചോദ്യം ചെയ്തുവരികയാണ്. മുമ്പ് സ്വർണക്കടത്ത് ഉൾപ്പെടെയുള്ള കേസുകളിൽ ഇവർ ഉൾപ്പെട്ടിട്ടുണ്ടോയെന്നും പൊലീസ് അന്വേഷിക്കുന്നുണ്ട്. നെടുമ്പാശേരി മുതൽ പെരിന്തൽമണ്ണ വരെയുള്ള സിസിടിവി ദൃശ്യങ്ങളും പൊലീസ് പരിശോധിക്കുന്നുണ്ട്. മരിച്ച അട്ടപ്പാടി അഗളി സ്വദേശി അബ്‌ദുല്‍ ജലീലിനെ പ്രതി യഹിയ പെരിന്തല്‍മണ്ണയിലെ ആശുപത്രിയിലെത്തിക്കുന്ന സിസിടിവി ദൃശ്യങ്ങൾ പുറത്തുവന്നിരുന്നു. മെയ് 15ന് നെടുമ്പാശേരി വിമാനത്താവളത്തില്‍ ഇറങ്ങിയ അബ്‌ദുല്‍ ജലീലിനെ നാലു ദിവസത്തിന് ശേഷം ഗുരുതര പരിക്കുകളോടെ യഹിയ ആശുപത്രിയില്‍ എത്തിക്കുകയായിരുന്നു. വെളുത്ത നിറത്തിലുള്ള കാറിലാണ് ഇയാള്‍ അബ്‌ദുല്‍ ജലീലിനെ ആശുപത്രിയിലെത്തിച്ചത്. ഡ്രൈവിങ് സീറ്റിലായിരുന്നു യഹിയ.…

കൊച്ചി : “വിശ്വാസത്തിൻ്റെ അഭിമാനസാക്ഷ്യം വിമോചനത്തിൻ്റെ പാരമ്പര്യം ” എന്ന പ്രമേയത്തിലൂന്നി സോളിഡാരിറ്റി യൂത്ത്മൂവ്മെൻ്റിൻ്റെ രണ്ടാം സംസ്ഥാന സമ്മേളനം മെയ് 21, 22 ദിവസങ്ങളിലായി കൊച്ചിയിൽ നടക്കും. മെയ് 21 ശനി കലൂർ ഇൻ്റർനാഷ്നൽ സ്റ്റേഡിയത്തിൽ പ്രത്യേകം തയാറാക്കിയ സമ്മേളന നഗരിയിൽ രാവിലെ പത്ത് മണിക്ക് സംസ്ഥാന പ്രസിഡൻ്റ് ഡോ.നഹാസ് മാള പതാക ഉയർത്തുന്നതോടെയാണ് സമ്മേളനം ആരംഭിക്കുക. ശനി രാവിലെ മുതൽ ഞായർ ഉച്ചവരെയുള്ള വിവിധ സെഷനുകളിൽ പതിനായിരം യുവജനപ്രതിനിധികളാണ് പങ്കെടുക്കുക.ഫാഷിസ്റ്റ്കാല ഇന്ത്യയെ അഭിമുഖീകരിക്കാൻ ചെറുപ്പത്തെ സജ്ജമാക്കുക , ഫാഷിസ്റ്റ് വിരുദ്ധ കൂട്ടായ്മകളെ ശക്തിപ്പെടുത്തുക ,രാജ്യത്തും സംസ്ഥാനത്തും വർധിച്ച് വരുന്ന ഇസ്‍ലാമോഫോബിയ കുറ്റകൃത്യമായി പ്രഖ്യാപിക്കാൻ പൊതുജനപിന്തുണയോടെ ഭരണകൂടത്തിൽ സമ്മർദ്ദം ചെലുത്തുക, യുവാക്കളുടെ കർമ്മശേഷി ക്രിയാത്മകമായി ഉപയോഗപ്പെടുത്തുക തുടങ്ങിയവയാണ് വിവിധ സെഷനുകളുടെ ഊന്നൽ. ജമാഅത്തെ ഇസ്‍ലാമി അഖിലേന്ത്യാ ജനറൽ സെക്രട്ടറി ടി.ആരിഫലി ഉദ്ഘാടനം ചെയ്യുന്ന പ്രതിനിധി സമ്മേളനത്തിൽ വിവിധ…

കൊച്ചി: യുവ നടിയെ ബലാത്സംഗം ചെയ്ത കേസിൽ പ്രതിയായ നടനും നിർമ്മാതാവുമായ വിജയ് ബാബു ദുബായിൽ നിന്ന് ജോർജിയയിലേക്ക് കടന്നതായി റിപ്പോർട്ട്. ഇയാൾ കഴിഞ്ഞ ദിവസം ദുബായിൽ നിന്ന് രക്ഷപ്പെട്ടതായി പോലീസിനെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നു. നടന്റെ പാസ്പോര്‍ട്ട് റദ്ദാക്കിയതായി കൊച്ചി സിറ്റി പൊലീസ് കമ്മിഷണർ സി.എച്ച് നാഗരാജു അറിയിച്ചിരുന്നു കൊച്ചി സിറ്റി പോലീസിന്റെ റിപ്പോർട്ടിന്റെ അടിസ്ഥാനത്തിലാണ് കേന്ദ്ര വിദേശകാര്യ മന്ത്രാലയം പാസ്‌പോർട്ട് റദ്ദാക്കിയത്. ഇതേത്തുടർന്നാണ് വിജയ് ബാബുവിന്റെ വിസ റദ്ദാക്കാൻ നടപടി സ്വീകരിച്ചത്. പാസ്പോര്‍ട്ട് റദ്ദാക്കുന്നതിന് മുന്‍പാണ് ജോര്‍ജിയയിലേക്ക് പോയതെന്നാണ് സൂചന. മെയ് 19ന് പാസ്‌പോർട്ട് ഓഫീസർക്ക് മുന്നിൽ ഹാജരാകുമെന്ന് വിജയ് ബാബു പറഞ്ഞിരുന്നെങ്കിലും വിദേശത്ത് ഒളിവിൽ കഴിയുകയായിരുന്നു. താൻ ബിസിനസ് ടൂറിലാണെന്നും മെയ് 24ന് മാത്രമേ എത്തുകയുള്ളൂവെന്നും വിജയ് ബാബു പാസ്‌പോർട്ട് ഓഫീസറെ അറിയിച്ചു. വിജയ് ബാബു ദുബായ് വിട്ടതായുള്ള സൂചനകള്‍ ഉണ്ടെന്ന്…