Month: February 2022

സൂര്യനെ നോക്കിയെത്ര ശ്വാനന്മാർ കുരച്ചാലും, സൂര്യന്റെ തേജസ്സെങ്ങാൻ, കുറയാൻ പോകുന്നുണ്ടോ? ചന്ദ്രനെ നോക്കിയെത്ര, മൂങ്ങകൾ തേങ്ങിയാലും, ചന്ദ്രന്റെ പ്രഭയെങ്ങാൻ കുറയാൻ പോകുന്നുണ്ടോ? ക്ഷീര സാഗരത്തിൽ പോയ്, കഴുകൻ കുളിച്ചാലും, കൃഷ്ണപരുന്തായ് തന്നെ മാറ്റുവാൻ കഴിയുമോ? കൂപ മണ്ഡൂകമെത്ര, ‘ക്രാം‘, ‘പ്രാം’, ശബ്ദിച്ചാലും, കൂജനം ചെയ്യുമൊരു കുയിലായ് മാറീടുമോ? കേവലമൊരു കോഴി, യെത്രയുദ്യമിക്കിലും, എവരേം ആകർഷിക്കും, പരുന്തായ് പറക്കുമോ? സ്വന്തം പരിമിതികളപ്പാടെ, മറന്നല്ലോ, സംപൂർണ്ണർ തങ്ങളെന്നു, പലരും കരുതുന്നു? വിസ്മയം തോന്നും വിധം അജ്ഞാനമേറും നേരം വിസ്മരിക്കയാണവർ, മുഖ്യമാമൊരു കാര്യം! ‘വിദ്യയിലുയരുമ്പോൾ, വിത്തത്തിൽ വളരുമ്പോൾ, വിനയമാകും മഹാ, ഗുണവും, വളരണം!’ സർവ്വജ്ഞൻ താനെന്നോർത്തു, വീമ്പടിച്ചിരിപ്പോർക്കു സർവ്വനാശം താനെന്ന,വാസ്തവം മറക്കുന്നു! ശ്വാനന്മാരാഹോരാത്രം,കൂട്ടമായ് കുരച്ചാലും, വാനിലെ സൂര്യൻ തെല്ലും, കൂസാതെ ജ്വലിക്കുന്നു! കാർമ്മുകിൽ വാനിൽ വന്നു, മഴയായ് വർഷിച്ച പി- ന്നോർമ്മയായ് മാറും പോലെ,യല്ലയോ മനുഷ്യനും! മറഞ്ഞു പോകും ഹൃസ്വ, ജീവിത…

കാനഡ: കേരള ഹിന്ദു ഫെഡറേഷൻ ഓഫ് കാനഡയുടെ (KHFC) യുടെ പ്രതിമാസ വാർത്താ പത്രിക “ധർമ്മവാണി” യുടെ പ്രകാശന കർമ്മം ശനിയാഴ്ച വൈകിട്ട് 8 : 30 നു നടന്ന ചടങ്ങിൽ ഗുരു വിദ്യാസാഗർ മൂർത്തി നിർവഹിച്ചു. കഴിഞ്ഞ ഒരു വര്‍ഷമായി കാനഡയിലെ ചെറുതും വലുതുമായ വിവിധ ഹിന്ദു കൂട്ടായ്മകളെ കോർത്തിണക്കി പ്രവർത്തിച്ചുവരുന്ന കെ എച്ച് എഫ് സിയുടെ പുതിയ കാൽവയ്പാണ് പ്രതിമാസ വാർത്താ പത്രിക. ആത്മീയ ആചാര്യന്മാരുടെ ലേഖനങ്ങൾ, കുട്ടികളുടെയും, മുതിർന്നവരുടെയും കലാപരവും, സാഹിത്യപരവും ആയ ശൃഷ്ടികൾ, ഫെഡറേഷനോട് ചേർന്ന് പ്രവർത്തിക്കുന്ന സംഘടനകളുടെയും ക്ഷേത്രങ്ങളുടെയും പ്രതിമാസ പരിപാടികൾ, ക്ഷേത്രങ്ങളും/ക്ഷേത്രകലകളും, ചരിത്ര സവിഷേതകൾ എന്നിവയാണ് പത്രികയിൽ പ്രസിദ്ധീകരിക്കുക. ഹിന്ദു സംസ്കാരത്തിന്റെയും, സഹിഷ്ണുതയുടെയും മൂല്യങ്ങൾ ഉയർത്തിപ്പിടിക്കുതായിരിക്കും “ധർമ്മവാണി” വാർത്താ പത്രിക എന്ന് ഭാരവാഹികൾ അറിയിച്ചു. ചടങ്ങിൽ സംബന്ധിച്ച യു എസ്, കാനഡ എന്നിവിടങ്ങളിലെ എല്ലാ സജ്ജനങ്ങൾക്കും കെ എച്ച്…

ഫിലഡല്‍‌ഫിയ: വേൾഡ് മലയാളി കൗൺസിൽ അമേരിക്ക റീജിയൻ വിമൻസ് ഫോറവും ന്യൂയോര്‍ക്ക് ഇന്ത്യന്‍ കോണ്‍സുലേറ്റും സം‌യുക്തമായി ഇന്റർനാഷണൽ വിമൻസ് ഡേയും ഇന്ത്യയുടെ എഴുപത്തിയഞ്ചാം സ്വാതന്ത്ര്യ വാർഷികത്തോട് അനുബന്ധിച്ച് ആസാദി കാ അമൃത് മഹോത്സവും ന്യൂയോക്ക് കോന്‍സുലേറ്റ് ആസ്ഥാനത്ത് വെച്ച് മാർച്ച് 5 ശനിയാഴ്ച ഉച്ച കഴിഞ്ഞ് 3:00 മണിമുതല്‍ 5:00 മണിവരെ നടത്തുന്നു. കോൺസുലേറ്റ് ജനറൽ ഓഫ് ഇന്ത്യ രൺദീപ് ജയ്സ്വാൾ മുഖ്യാതിഥിയായും, യു എസ് സുപ്രീം കോടതി ആക്റ്റിംഗ് ജഡ്ജി രാജരാജേശ്വരി മുഖ്യ പ്രാസംഗികയായും സമ്മേളനത്തിൽ പങ്കെടുക്കുന്നതാണ്. ന്യൂയോർക്കിൽ ക്രിമിനൽ കോടതി ജഡ്ജിയായി നിയമിതയായ രാജരാജേശ്വരി ആദ്യത്തെ ദക്ഷിണേഷ്യൻ വനിതാ ക്രിമിനൽ ജഡ്ജിയും ആദ്യത്തെ ഇന്ത്യൻ അമേരിക്കനുമാണ്. അന്താരാഷ്ട്ര വനിതാ ദിനം സ്ത്രീകളുടെ നേട്ടങ്ങൾ ആഘോഷിക്കുന്നതിനും ലിംഗ അസമത്വങ്ങളെക്കുറിച്ച്അവബോധം വളർത്തുന്നതിനും ലോകമെമ്പാടുമുള്ള സ്ത്രീകൾക്ക് പിന്തുണ വർദ്ധിപ്പിക്കുന്നതിനും ഒരു ആഗോള പ്ലാറ്റ്ഫോം നൽകുന്നു. സ്ത്രീകളുടെ സാമൂഹിക, സാംസ്കാരിക,…

റഷ്യൻ സൈന്യം ശനിയാഴ്ച ഉക്രൈൻ തലസ്ഥാനമായ കിയെവില്‍ പ്രവേശിച്ചതോടെ തെരുവിൽ കലാപം പൊട്ടിപ്പുറപ്പെട്ടു. അതേസമയം, ജനലുകളിൽ നിന്ന് മാറി നിൽക്കാനും ശരിയായ സ്ഥലത്ത് അഭയം പ്രാപിക്കാനും പ്രാദേശിക അധികാരികൾ ജനങ്ങളോട് അഭ്യർത്ഥിച്ചു. അതിനിടെ, ഉക്രേനിയൻ പ്രസിഡന്റ് വോളോഡിമർ സെലെൻസ്‌കിയോട് അഭയം പ്രാപിക്കാനുള്ള യുഎസിന്റെ നിര്‍ദ്ദേശം അംഗീകരിക്കാൻ വിസമ്മതിക്കുകയും തലസ്ഥാനത്ത് തന്നെ തുടരുമെന്ന് ദൃഢനിശ്ചയമെടുക്കുകയും ചെയ്തു. രാജ്യം കത്തിയെരിയുമ്പോള്‍ സ്വയം രക്ഷപ്പെടുന്നതല്ല ഒരു ഭരണാധികാരിയുടെ കര്‍ത്തവ്യം, ധൈര്യത്തോടെ നേരിടുകയും രാജ്യത്തെ പൗരന്മാരെ സം‌രക്ഷിക്കുകയും ചെയ്യുന്നതാണെന്ന് അദ്ദേഹം പറഞ്ഞു. കിയെവിൽ സൈന്യം എത്രത്തോളം മുന്നേറിയെന്ന് ഉടൻ വ്യക്തമല്ല. ആക്രമണം തടയുന്നതിൽ ഉക്രേനിയൻ സൈന്യം വിജയിക്കുന്നുണ്ടെങ്കിലും തലസ്ഥാനത്തിന് സമീപം പോരാട്ടം തുടരുകയാണ്. രണ്ട് ദിവസത്തെ പോരാട്ടത്തിനൊടുവിൽ നടന്ന ഏറ്റുമുട്ടലിൽ നൂറുകണക്കിന് ആളുകൾ കൊല്ലപ്പെട്ടു, പാലങ്ങൾക്കും സ്കൂളുകൾക്കും അപ്പാർട്ട്മെന്റ് കെട്ടിടങ്ങൾക്കും കനത്ത നാശനഷ്ടമുണ്ടായി. ഉക്രെയ്ൻ സർക്കാരിനെ അട്ടിമറിക്കാനും കീഴടക്കാനും റഷ്യൻ പ്രസിഡന്റ് വ്‌ളാഡിമിർ…

ഓസ്റ്റിന്‍: ടെക്‌സസ് സംസ്ഥാനത്തെ റസ്റ്ററന്റുകളില്‍ നിന്നും പാക്കേജ് സ്റ്റോറുകള്‍, വ്യാപാര കേന്ദ്രങ്ങള്‍ എന്നിവയില്‍ നിന്നും റഷ്യന്‍ ഉല്‍പന്നങ്ങള്‍ എടുത്തുമാറ്റാന്‍ ടെക്‌സസ് ഗവര്‍ണര്‍ ഗ്രേഗ് ഏബട്ട് ആഹ്വാനം ചെയ്തു. റഷ്യയുടെ യുക്രെയ്ന്‍ അധിനിവേശത്തിന്റെ പശ്ത്താലത്തിലാണ് ഇങ്ങനെയൊരു പ്രസ്താവനയിറക്കിയത്. ഞങ്ങള്‍ ടെക്‌സന്‍സ് എപ്പോഴും യുക്രെയ്ന്‍ ജനതയോടൊപ്പമാണെന്നും ഗവര്‍ണറുടെ പ്രസ്താവനയില്‍ ചൂണ്ടിക്കാട്ടി. റഷ്യയുടെ ശക്തമായ ആക്രമണം കഴിഞ്ഞ മൂന്നു ദിവസം നീണ്ടു നിന്നിട്ടും യുക്രെയ്ന്‍ തലസ്ഥാനം ഇന്നും നിലനില്‍ക്കുന്നു എന്നതില്‍ യുക്രെയ്ന്‍ പ്രസിഡന്റ് പ്രത്യേകം അഭിനന്ദനം അര്‍ഹിക്കുന്നുവെന്നും ഗവര്‍ണര്‍ കൂട്ടിച്ചേര്‍ത്തു. രാജ്യം വിടാതെ ഇപ്പോഴും സൈനികര്‍ക്ക് ആവേശം നല്‍കി തലസ്ഥാനത്തു തന്നെ തങ്ങുന്നതു പ്രസിഡന്റിന്റെ ജീവനേക്കാള്‍ യുക്രെയ്ന്‍ ജനതയുടെ സുരക്ഷിതത്വമാണു പ്രസിഡന്റ് ആഗ്രഹിക്കുന്നതെന്നതിന്റെ തെളിവാണ്. ഇതു ഞങ്ങളുടെ രാജ്യമാണ്. ഞങ്ങളുടെ കുട്ടികളുമാണ്. അവരെ സംരക്ഷിക്കാന്‍ ഞങ്ങള്‍ ഏതറ്റം വരെയും പോകും.യുക്രെയ്ന്‍ പ്രസിഡന്റ് പറഞ്ഞു. ഒരു പ്രസിഡന്റ് ഇങ്ങനെയാകണം ഗവര്‍ണര്‍ ഏബട്ട് പറഞ്ഞു.…

റഷ്യയും ഉക്രൈനും തമ്മിലുള്ള യുദ്ധത്തിന്റെ നാലാം ദിവസമാണ് ഇന്ന്. റഷ്യൻ സൈന്യം ഉക്രെയ്നിന്റെ ഉൾപ്രദേശങ്ങളിൽ പ്രവേശിച്ച് നാശം വിതയ്ക്കുകയാണ്. ഉക്രൈനിലെ രണ്ടാമത്തെ വലിയ നഗരമായ ഖാർകിവിൽ റഷ്യൻ സൈന്യം ഗ്യാസ് പൈപ്പ് ലൈൻ തകർത്തു. ജർമ്മനിയും ഫ്രാൻസും ഉക്രൈന് സഹായം ഉറപ്പു നൽകിയിട്ടുണ്ട്. കിയെവിൽ നിന്ന് നാല് കിലോമീറ്റർ അകലെയുള്ള ഒരു നദിയുടെ തീരത്ത് റഷ്യൻ സൈന്യം നിലയുറപ്പിച്ചതായാണ് വിവരം. അതേ സമയം, ഉക്രേനിയൻ പട്ടാളക്കാർ നഗരത്തിന്റെ അരികിൽ ഉപരോധിച്ചു. ബോംബാക്രമണത്തിൽ കൊല്ലപ്പെട്ടവർ ഉക്രെയ്നിലെ പലയിടത്തും റഷ്യൻ സൈന്യം ബോംബാക്രമണം നടത്തുകയാണ്. അത്തരമൊരു സാഹചര്യത്തിൽ, ഉക്രെയ്നിലെ ജനങ്ങൾ മാത്രമല്ല, മറ്റ് രാജ്യങ്ങളിലെ നിരവധി സാധാരണക്കാരും ബോംബാക്രമണത്തിന് ഇരയാകുന്നു. ഈ യുദ്ധത്തിൽ ഗ്രീസിലെ 10 പേർ കൊല്ലപ്പെട്ടു. ഈ വിഷയത്തിൽ റഷ്യൻ അംബാസഡറെ ഗ്രീസ് വിളിപ്പിച്ചിട്ടുണ്ട്. റഷ്യൻ സൈന്യത്തിന് വൻ നാശനഷ്ടം സംഭവിച്ചിട്ടുണ്ടെന്ന് ഉക്രെയ്ന്‍ ഒരു വശത്ത് റഷ്യ…

തലസ്ഥാനമായ കിയെവിൽ നിന്ന് മാറാനുള്ള യുഎസ് നിര്‍ദ്ദേശം ഉക്രേനിയൻ പ്രസിഡന്റ് വോലോഡൈമർ സെലെൻസ്‌കി നിരസിച്ചു. അവർക്ക് വേണ്ടത് യുദ്ധം ചെയ്യാനുള്ള ആയുധമാണെന്നും അല്ലാതെ “രക്ഷപ്പെടാനുള്ള” വാഹനമല്ലെന്നും സെലെന്‍സ്കി പറഞ്ഞു. റഷ്യൻ അധിനിവേശത്തിൽ നിന്ന് തന്റെ രാജ്യത്തെ രക്ഷിക്കാൻ പോരാടാനാണ് തീരുമാനിച്ചിരിക്കുന്നതെന്നും സെലെൻസ്കി പറഞ്ഞു. തലസ്ഥാനം ഇപ്പോഴും തങ്ങളുടെ നിയന്ത്രണത്തിലാണെന്നും, ശത്രു സൈന്യത്തോട് രാജ്യത്തിന്റെ സൈന്യം വിജയകരമായി പ്രതികരിക്കുന്നുണ്ടെന്നും അദ്ദേഹം ഉക്രൈനിലെ ജനങ്ങളോട് പറഞ്ഞു. “ഇവിടെയാണ് പോരാട്ടം നടക്കുന്നത്. എനിക്ക് ആയുധമാണ് വേണ്ടത്, ഉപദേശമല്ല…,” സെലെൻസ്‌കി യുഎസിനോട് പറഞ്ഞതായി ബ്രിട്ടനിലെ ഉക്രെയ്ന്‍ എംബസിയുടെ ട്വീറ്റില്‍ പറഞ്ഞു. ഉക്രെയ്‌നിലെ ജനങ്ങൾ അവരുടെ പ്രസിഡന്റിനെക്കുറിച്ച് അഭിമാനിക്കുന്നു, എംബസിയുടെ ട്വീറ്റ് ഉദ്ധരിച്ച് മാധ്യമങ്ങള്‍ റിപ്പോർട്ട് ചെയ്തു. വ്യാജവാർത്തകൾ അവഗണിക്കണമെന്നും, താൻ ഇപ്പോഴും കിയെവിൽ തന്നെയുണ്ടെന്നും സെലെൻസ്‌കി ശനിയാഴ്ച ഒരു വീഡിയോയിൽ പറഞ്ഞു. “ഞാൻ ഇവിടെയുണ്ട്. ഞങ്ങൾ ആയുധങ്ങൾ താഴെ വെച്ചിട്ടില്ല. ഞങ്ങൾ നമ്മുടെ…