Month: July 2022

കൊച്ചി: അടുത്തിടെ ഫെയ്‌സ്ബുക്കിൽ വ്യാജ പ്രൊഫൈൽ സൃഷ്ടിച്ച് നിരവധി പേരുടെ പണം തട്ടിയെടുത്ത സംഭവത്തിൽ കേരള സൈബർ ക്രൈം പോലീസ് ഉദ്യോഗസ്ഥരെ പശ്ചിമ ബംഗാളിലെ മാൾഡ ജില്ലയിലെത്തിച്ചു. അവിടെയുള്ള ഒരു ആദിവാസി കുഗ്രാമത്തിൽ പെട്ട ആളുടെ പേരിലാണ് തട്ടിപ്പുകാർ നൽകിയ ഫോൺ നമ്പർ. കൗതുകകരമെന്നു പറയട്ടെ, അയാള്‍ ഇതുവരെ ഒരു സ്മാർട്ട് ഫോൺ കണ്ടിട്ടില്ല. നേരത്തെ വായ്പ തരപ്പെടുത്തി തരാമെന്ന് പറഞ്ഞ് അപേക്ഷാ ഫോറം ശേഖരിക്കാനെന്ന വ്യാജേന രണ്ട് പേർ ഇയാളുടെ ഫോട്ടോയും വിരലടയാളവും എടുത്തതായി അന്വേഷണത്തിൽ കണ്ടെത്തി. തട്ടിപ്പുകാർ ഇയാളുടെ സ്വകാര്യ വിവരങ്ങൾ ഉപയോഗിച്ച് സിം കാർഡ് വാങ്ങുകയും ആളുകളെ കബളിപ്പിക്കാൻ ഈ നമ്പർ ഉപയോഗിക്കുകയും ചെയ്തു. ആളുടെ നിരപരാധിത്വം മനസ്സിലാക്കിയ ഉദ്യോഗസ്ഥർ അറസ്റ്റ് രേഖപ്പെടുത്താതെ സ്ഥലം വിട്ടു. വിവിധ സോഷ്യൽ മീഡിയ പ്ലാറ്റ്‌ഫോമുകളിൽ വ്യാജ പ്രൊഫൈലുകൾ സൃഷ്ടിച്ച് ആളുകളെ കബളിപ്പിക്കുന്ന സംഭവങ്ങൾ സംസ്ഥാനത്ത് വർധിച്ചുവരുമ്പോൾ,…

തിരുവനന്തപുരം: നടിയെ ആക്രമിച്ച കേസിലെ പ്രതി ദിലീപിന് അനുകൂലമായ മുൻ ഡിജിപി ആർ. ശ്രീലേഖയുടെ വെളിപ്പെടുത്തലിനെതിരെ ഡബ്ബിംഗ് ആർട്ടിസ്റ്റും ആക്ടിവിസ്റ്റുമായ ഭാഗ്യലക്ഷ്മി രംഗത്ത്. ഇത്രയും കാലം മിണ്ടാതിരുന്നിട്ട് എന്തിനാണ് ഇത്തരം വെളിപ്പെടുത്തലുകൾ ജയില്‍ മേധാവിയായിരുന്ന ശ്രീലേഖ ഇപ്പോള്‍ നടത്തുന്നതെന്ന് ഭാഗ്യലക്ഷ്മി ചോദിച്ചു. അതേക്കുറിച്ച് അന്വേഷണം നടത്തണമെന്നും ഭാഗ്യലക്ഷ്മി പറഞ്ഞു. വിരമിച്ച ശേഷം ഇത്തരം വെളിപ്പെടുത്തലുകൾ നടത്തുന്നത് നിരുത്തരവാദപരമാണ്. ശ്രീലേഖയ്ക്ക് മറ്റെന്തോ ഉദ്ദേശമുണ്ടെന്ന് സംശയിക്കേണ്ടിയിരിക്കുന്നു. ചില ആരോപണങ്ങളാൽ അത് നടപ്പിലാക്കുന്നത് പോലെ തോന്നുന്നു. തന്റെ പ്രതിഷേധം ശ്രീലേഖ ഐപിഎസിനോട് വ്യക്തിപരമായി അറിയിച്ചിട്ടുണ്ടെന്നും ഭാഗ്യലക്ഷ്മി പറഞ്ഞു. ബാലചന്ദ്രകുമാര്‍ വെളിപ്പെടുത്തലുകള്‍ നടത്തിയത് ഒരു മാധ്യമം വഴിയാണ്. അയാള്‍ മുഖ്യമന്ത്രിക്ക് വിശദമായ കത്ത് അയച്ചിട്ടുണ്ട്. ശ്രീലേഖ ഐപിഎസ് ഇതൊന്നും ചെയ്തില്ല. സത്യങ്ങള്‍ അറിയാമായിരുന്നുവെങ്കില്‍ മുഖ്യമന്ത്രിക്ക് സ്വതന്ത്രമായി ഒരു കത്തയയ്ക്കാമായിരുന്നു. ഈ കേസിലെ കളളത്തരങ്ങള്‍ ചൂണ്ടിക്കാട്ടി പരാതി നല്‍കാമായിരുന്നു. കുറ്റാരോപിതനല്ലാത്ത ഒരാളെ പ്രതിയാക്കിയത് ചൂണ്ടിക്കാട്ടാമായിരുന്നു.…

തിരുവനന്തപുരം: നടിയെ ആക്രമിച്ച കേസിൽ ഡിജിപി ആർ ശ്രീലേഖയുടെ വെളിപ്പെടുത്തലിനെതിരെ സംവിധായകൻ ബാലചന്ദ്രകുമാർ. ശ്രീലേഖയുടെ ആരോപണങ്ങൾ തന്നെ ബാധിക്കുന്നില്ലെന്നും പൊലീസിനെ അപകീർത്തിപ്പെടുത്തി ദിലീപിനെ രക്ഷിക്കാനാണ് ആർ.ശ്രീലേഖ ശ്രമിക്കുന്നതെന്നും ബാലചന്ദ്രകുമാർ പ്രതികരിച്ചു. മാധ്യമ സമ്മർദത്തെ തുടർന്നാണ് ദിലീപിനെ അറസ്റ്റ് ചെയ്തതെന്ന ശ്രീലേഖയുടെ വാദം ബാലിശമാണെന്നും ദിലീപിന്റെ പ്രതിച്ഛായ വർധിപ്പിക്കാനുള്ള ശ്രീലേഖയുടെ ശ്രമമാണെന്നും ബാലചന്ദ്രകുമാർ കൂട്ടിച്ചേർത്തു. ശ്രീലേഖയുടെ സ്‌ക്രിപ്റ്റ് പ്രകാരമാണ് കാര്യങ്ങള്‍ നീങ്ങിക്കൊണ്ടിരിക്കുന്നതെന്നും സർവീസിൽ നിന്ന് പിരിഞ്ഞുപോകാന്‍ അവര്‍ കാത്തിരിക്കുകയായിരുന്നു എന്നും ബാലചന്ദ്രകുമാർ ആരോപിച്ചു.

എറണാകുളം: സ്വർണക്കടത്ത് കേസിലെ പ്രതി സ്വപ്ന സുരേഷിനെ വടക്കാഞ്ചേരിയിലെ ഫ്‌ളാറ്റ് നിർമാണവുമായി ബന്ധപ്പെട്ട കേസിൽ സിബിഐ ചോദ്യം ചെയ്യും. ഇന്ന് കൊച്ചിയിലെ സിബിഐ ഓഫീസില്‍ ചോദ്യം ചെയ്യലിന് ഹാജരാകണമെന്നാവശ്യപ്പെട്ട് സ്വപ്‌നയ്‌ക്ക് സിബിഐ നോട്ടീസ് അയച്ചിരുന്നു. സ്വർണക്കടത്ത് കേസിലെ ഒന്നാം പ്രതിയായ സരിത്തിനെ കഴിഞ്ഞ മാസം സിബിഐ ചോദ്യം ചെയ്തിരുന്നു. ഇതിന്റെ തുടർച്ച എന്ന നിലയിലാണ് സ്വപ്നയെയും ചോദ്യം ചെയ്യുന്നത്. സ്വർണക്കടത്ത് കേസിലെ മറ്റ് പ്രതികളായ എം ശിവശങ്കർ, സന്ദീപ് നായർ എന്നിവരെയും സിബിഐ ചോദ്യം ചെയ്‌തേക്കുമെന്നാണ് വിവരം. ഇതോടെ ഒരിടവേളയ്ക്ക് ശേഷം ലൈഫ് മിഷൻ കേസ് വീണ്ടും സജീവമാകും. ലൈഫ് മിഷൻ കരാർ ലഭിക്കാൻ 4.48 കോടി രൂപ കമ്മിഷനായി നൽകിയെന്ന് കേസിൽ അറസ്റ്റിലായ യൂണിടാക് എംഡി സന്തോഷ് ഈപ്പൻ സിബിഐയ്ക്ക് മൊഴി നൽകിയിരുന്നു. യുഎഇ കോൺസുലേറ്റിലെ അക്കൗണ്ട്സ് ഓഫിസറായിരുന്ന ഈജിപ്ഷ്യൻ പൗരൻ ഖാലിദിന് തുക നൽകിയെന്നാണ്…

ഓസ്റ്റിന്‍: ഓഗസ്റ്റ് 5,6,7 തീയതികളില്‍ ഓസ്റ്റിനില്‍ വച്ചു നടക്കുന്ന സീറോ മലബാര്‍ ചിക്കാഗോ രൂപതയുടെ ഇന്റര്‍ പാരീഷ് സ്‌പോര്‍ട്‌സ് ഫെസ്റ്റ് 2022 (ഐ.പി.എസ്.എഫ് 2022)-ന്റെ മെഗാ സ്‌പോണ്‍സറും അമേരിക്കയിലെ പ്രമുഖ മലയാളി വ്യവസായിയുമായ ജിബി പാറയ്ക്കലിന് ആര്‍ച്ച് ബിഷപ്പ് മാര്‍ ജോര്‍ജ് ആലഞ്ചേരി ആശംകളും അഭിനന്ദനങ്ങളും അറിയിച്ചു. കൊച്ചി കാക്കനാട് ബിഷപ്പ് ഹൗസില്‍ വച്ച് നടന്ന കൂടിക്കാഴ്ചയില്‍ ജിബിയുടെ ഉടമസ്ഥതയില്‍ അമേരിക്കയിലെ ഓസ്റ്റിനില്‍ പ്രവര്‍ത്തിക്കുന്ന പി.എസ്.ജി ഗ്രൂപ്പിന്റെ സാമൂഹ്യ- ജീവകാരുണ്യ സംഘടനാ പ്രവര്‍ത്തനങ്ങളില്‍ സഭയോട് ചേര്‍ന്ന് പ്രവര്‍ത്തിക്കുന്നതില്‍ പിതാവ് സംതൃപ്തിയും അഭിനന്ദനങ്ങളും അറിയിച്ചു. ഐ.പി.എസ്.എഫ് 2022 മെഗാ സ്‌പോര്‍ട്‌സ് ഫെസ്റ്റിന് ഏകദേശം 2500 -ത്തോളം കായിക താരങ്ങളും ആറായിരത്തിലധികം കായികപ്രേമികളും പങ്കെടുക്കുമെന്ന് ചീഫ് കോര്‍ഡിനേറ്റര്‍ മേജര്‍ ഡോ. ജോര്‍ജ് അറിയിച്ചു. ഓസ്റ്റിനിലെ സെന്റ് അല്‍ഫോന്‍സാ ദേവാലയം അതിഥ്യമരുളുന്ന ഈ ഇന്റര്‍ പാരാഷ് സ്‌പോര്‍ട്‌സ് മേളയുടെ വിജയത്തിനായി വിവിധ…

വാഷിംഗ്ടണ്‍: യു.എസ്. സെനറ്റ് ഭൂരിപക്ഷ നേതാവ് ചക്ക് ഷൂമറിന് കോവിഡ് പോസിറ്റീവ് സ്ഥിരീകരിച്ചു. ഞായറാഴ്ചയാണ് ഇതു സംബന്ധിച്ചു അറിയിപ്പുണ്ടായത്. പൂര്‍ണ്ണമായും വാക്‌സിനേഷനും, രണ്ട് ബൂസ്റ്റര്‍ ഡോസ് സ്വീകരിക്കുകയും ചെയ്ത അദ്ദേഹത്തിന് കാര്യമായ രോഗലക്ഷണമൊന്നും ഇല്ലെങ്കിലും സി.ഡി.സി. ഗൈഡ് ലൈനനുസരിച്ചു ഒരാഴ്ച പൂര്‍ണ്ണ വിശ്രമവും ക്വാറന്റയ്‌നും ആവശ്യമാണ്. രണ്ടാഴ്ച അവധിക്കുശേഷം തിങ്കളാഴ്ച സെനറ്റില്‍ പങ്കെടുക്കാനിരിക്കെയാണ് രോഗം സ്ഥിരീകരിച്ചത്. ഈയാഴ്ച വീട്ടില്‍ ഇരുന്നാകും പ്രവര്‍ക്കുന്നതെന്നും ഔദ്യോഗിക അറിയിപ്പില്‍ പറയുന്നു. സെനറ്റില്‍ പല സുപ്രധാന തീരുമാനങ്ങളും ഉണ്ടാകേണ്ട ദിവസങ്ങളാണ് പുതിയ നിയമനിര്‍മ്മാണങ്ങളും സെനറ്റിന്റെ മേശപ്പുറത്തുണ്ട്. ഇതില്‍ ഏറ്റവും സുപ്രധാനമായത് പ്രിസ്‌ക്രിപ്ഷന്‍ ഡ്രഗ് പ്രൈസിംഗ് റിഫോം ഡീലാണ്. ഭൂരിപക്ഷ നേതാവിന്റെ അസാന്നിധ്യം ഡമോക്രാറ്റിക് പാര്‍ട്ടിയുടെ പല തീരുമാനങ്ങളും വോട്ടിനിടുമ്പോള്‍ അതിനെ സാരമായി ബാധിക്കും. ഇരു പാര്‍ട്ടികള്‍ക്കും 50 സെനറ്റ് അംഗങ്ങളുമാണുള്ളത്. നിര്‍ണ്ണായക തീരുമാനങ്ങളില്‍ വോട്ടുകള്‍ സമാസമം വരുമ്പോള്‍ രക്ഷപ്പെടുത്തിയിരുന്നത് വൈസ് പ്രസിഡന്റ് കമലാ…