പത്തനംതിട്ട: ഇലന്തൂർ ഇരട്ട നരബലി കേസ് അന്വേഷിക്കുന്ന പോലീസ് സംഘത്തിന് നിര്ണ്ണായക തെളിവുകള് ലഭിച്ചു. പ്രതികളുമായി ഭഗവല് സിംഗിന്റെ തിരുമ്മല് കേന്ദ്രത്തില് തെളിവെടുപ്പിനായി എത്തിയ പോലീസിന്റെ വിശദമായ പരിശോധനയിലാണ് കൊലപാതകത്തിന് ഉപയോഗിച്ചതെന്ന് കരുതുന്ന കത്തികൾ കണ്ടെടുത്തത്. മുറിയിൽ കുഴിച്ചിട്ട നിലയിൽ മൂന്ന് കത്തികളും ഒരു വെട്ടുകത്തിയും കണ്ടെത്തി. മാത്രമല്ല, വീട്ടിലുണ്ടായിരുന്ന ഫ്രിഡ്ജിൽ രക്തക്കറയും കണ്ടെത്തി. പ്രതികളുടേതെന്ന് സംശയിക്കുന്ന വിരലടയാളം ഫ്രിഡ്ജിൽ പതിഞ്ഞതായും ആയുധങ്ങൾ കണ്ടെത്തിയതായും സൂചനയുണ്ട്. ഇതിനിടെ വീട്ടില് ഡമ്മി പരീക്ഷണം നടത്താനൊരുങ്ങുകയാണ് പൊലീസ്. കൊച്ചി പൊലീസിന്റെ നിര്ദ്ദേശാനുസരണം ആറന്മുള പൊലീസാണ് സ്ത്രീയുടെ ഡമ്മി പരീക്ഷണത്തിനായി എത്തിച്ചത്. നേരത്തെ ഭഗവല് സിങ്ങിന്റെ വീട്ടുവളപ്പില് ഡോഗ് സ്ക്വാഡിനെ ഉപയോഗിച്ച് പരിശോധന നടത്തിയിരുന്നു. നരബലിയില് കൂടുതല് ഇരകള് അകപ്പെട്ടിട്ടുണ്ടെന്ന സംശയത്തെത്തുടര്ന്നാണ് പൊലീസ് വിശദ പരിശോധന നടത്തുന്നത്. അതേസമയം, ഇന്നലെ പ്രതികളുമായി ഇലന്തൂരിലെ ഭഗവല് സിംഗിന്റെ വീട്ടില് അന്വേഷണ സംഘം നടത്തിയ…
ഇലന്തൂരിലെ ഇരട്ട നരബലി കേസില് പോലീസിന് നിര്ണ്ണായക തെളിവുകള് ലഭിച്ചു
