Year: 2022

തിരുവനന്തപുരം: സംസ്ഥാനത്ത് ആൾമാറാട്ടക്കേസുകൾ വർധിച്ചുവരുന്നതിനിടെ, തിരുവനന്തപുരം മെഡിക്കൽ കോളേജിൽ പിജി ഡോക്ടറെന്ന് പറഞ്ഞ് രോഗികളിൽ നിന്ന് പണം തട്ടിയ യുവാവിനെ തിരുവനന്തപുരം പോലീസ് അറസ്റ്റ് ചെയ്തു. നിഖിൽ (22) എന്ന യുവാവാണ് ആള്‍മാറാട്ടം നടത്തി പിടിയിലായത്. ഇയാളെ പോലീസിന് കൈമാറി. വിഴിഞ്ഞം സ്വദേശി റിനുവിനെ കാലിന്റെ ചികിത്സയ്ക്കായി ആശുപത്രിയിലെ മെഡിസിൻ യൂണിറ്റിൽ പ്രവേശിപ്പിച്ചിരുന്നു. റിനുവിന്റെ കൂട്ടിരിപ്പുകാരനാണെന്ന വ്യാജേന കഴുത്തില്‍ സ്റ്റെതസ്കോപ്പുമിട്ട് പത്തു ദിവസത്തോളം നിഖില്‍ ആശുപത്രിയില്‍ ചിലവഴിച്ചതായി പറയുന്നു. അതിനിടെ, റിനുവിന് ഗുരുതര രോഗങ്ങളുണ്ടെന്ന് വിശ്വസിപ്പിച്ച് പരിശോധന നടത്താനും മരുന്ന് വാങ്ങാനുമായി ഇയാൾ വൻതുക തട്ടിയെടുക്കുകയും ചെയ്തു. റിനുവിൽ നിന്ന് രക്തസാമ്പിളുകൾ ശേഖരിച്ച് ഡിസ്ചാർജ് ചെയ്യാതിരിക്കാൻ ലാബ് റിസല്‍ട്ടില്‍ കൃത്രിമം കാണിച്ചതോടെ സംശയം തോന്നിയ ഡോക്ടർ ശ്രീനാഥും മറ്റുള്ളവരും ചേർന്ന് നിഖിലിനെ കുടുക്കുകയായിരുന്നു. നേരത്തെ റിനുവിന്റെ സഹോദരനില്‍ നിന്ന് ഈ വ്യാജ ഡോക്ടർ സമാനമായ രീതിയിൽ ചികിത്സയുടെ…

കാസർകോട്: കാസർകോടിനെയും തിരുവനന്തപുരത്തെയും നാല് മണിക്കൂർ കൊണ്ട് ബന്ധിപ്പിക്കുന്ന കെ-റെയിലിന്റെ സിൽവർലൈൻ റെയിൽ പദ്ധതി കേരളത്തിന്റെ ഇരുണ്ട പാതയാകുമെന്ന് സാമൂഹിക പ്രവർത്തക മേധാ പട്കർ പറഞ്ഞു. “ഇത് സിൽവർലൈനല്ല, ഇരുണ്ട വരയാണ്,” അവര്‍ പറഞ്ഞു. ഞായറാഴ്ച കാസർകോട് മാധ്യമപ്രവർത്തകരോട് സംസാരിക്കുകയായിരുന്നു മേധാ പട്കർ. കീഴൂരിൽ സിൽവർലൈൻ പദ്ധതിയിൽ ഭൂമി നഷ്ടപ്പെടുന്നവരുടെ നിരവധി വീടുകൾ സന്ദർശിച്ച പട്കർ, പദ്ധതി സംസ്ഥാനത്തിനും സംസ്ഥാനത്തെ ജനങ്ങൾക്കും ഉണ്ടാക്കുന്ന നാശത്തെക്കുറിച്ച് സംസ്ഥാന സർക്കാരിന് ഒരു ധാരണയുമില്ലെന്ന് പറഞ്ഞു. പദ്ധതി കാസർകോട് നിന്ന് ആരംഭിച്ചേക്കാം. എന്നാൽ, തിരുവനന്തപുരത്ത് എത്തുന്നതിന് മുമ്പ് ഇത് ജനങ്ങൾ തടയുമെന്നും അവർ പറഞ്ഞു. പശ്ചിമ ബംഗാളിലെ നന്ദിഗ്രാമിൽ വ്യാവസായിക പദ്ധതിക്കായി ഭൂമി ഏറ്റെടുക്കാൻ ശ്രമിച്ച ജനങ്ങളെ അവഗണിക്കാൻ ശ്രമിച്ച പാർട്ടിക്ക് സംഭവിച്ചത് സിപിഎം മറക്കരുതെന്നും അവർ പറഞ്ഞു. സിൽവർലൈനുമായി മുന്നോട്ട് പോകുന്നവർ നന്ദിഗ്രാമിൽ നിന്ന് ഒന്നും പഠിച്ചിട്ടില്ലെന്നും അവർ പറഞ്ഞു.…

പാലക്കാട് : ഏതാനും വർഷങ്ങൾക്കുള്ളിൽ ലോകത്തെ ഇടത്തരം വരുമാനമുള്ള രാജ്യങ്ങളുടെ നിലവാരത്തിലേക്ക് കേരളത്തെ ഉയർത്താനാണ് സർക്കാർ ലക്ഷ്യമിടുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. സംസ്ഥാനം ഇന്നത്തെ നിലയിൽ നിന്ന് മുന്നോട്ട് പോകണം. എല്ലാ മേഖലകളിലും കൂടുതൽ വികസനം ഉണ്ടാകണം. സംസ്ഥാനത്തെ മുന്നോട്ട് കൊണ്ടുപോകാൻ എല്ലാവരുടെയും സഹകരണം ആവശ്യമാണ്. നാടിനെ നവകേരളമാക്കാൻ എല്ലാവരും ഒന്നിക്കണമെന്നും മുഖ്യമന്ത്രി പറഞ്ഞു. പെരുങ്ങോട്ടുകുറിശ്ശിയിൽ 1.20 കോടി ചിലവിൽ നിർമാണം പൂർത്തീകരിച്ച ഒളപ്പമണ്ണ സ്‌മാരക മന്ദിരത്തിന്‍റെ ഉദ്ഘാടനം നിർവഹിച്ച് സംസാരിക്കുകയായിരുന്നു മുഖ്യമന്ത്രി. ചരിത്രവും വർത്തമാനവും തമ്മിൽ ബന്ധിപ്പിക്കുന്നതിൽ വലിയ പങ്കാണ് സാംസ്‌കാരിക മേഖലയ്ക്കുള്ളത്. നാടിനെ മുന്നോട്ടുകൊണ്ടു പോകുന്നതിന് പുരോഗമനപരമായ ഇടപെടലുകളാണ് സാംസ്‌കാരിക നായകർ നടത്താറുള്ളത്. ഇന്ന് ലോകത്തിന്‍റെ പല ഭാഗങ്ങളിലും സാംസ്‌കാരിക നായകർക്കെതിരെ വെറുപ്പിന്‍റെ ശക്തികള്‍ നീങ്ങുന്നതായി കാണാം. എന്നാൽ കേരളത്തിൽ അഭിപ്രായ സ്വാതന്ത്ര്യത്തിന്മേൽ ഒരു തരത്തിലുള്ള കൈകടത്തലും ഉണ്ടാകുന്നില്ലെന്ന് ഇടതുപക്ഷ സർക്കാർ ഉറപ്പ്…

എറണാകുളം: വരാനിരിക്കുന്ന തൃക്കാക്കര നിയമസഭാ ഉപതെരഞ്ഞെടുപ്പിൽ ഒരു പാർട്ടിയെയും മുന്നണിയെയും പിന്തുണയ്ക്കില്ലെന്ന് ആം ആദ്മി പാർട്ടിയും (എഎപി) ട്വന്റി 20യും ചേർന്ന് രൂപീകരിച്ച ജനക്ഷേമ സഖ്യം (പിഡബ്ല്യുഎ) തീരുമാനിച്ചു. ഈ ഉപതിരഞ്ഞെടുപ്പിന്റെ ഫലം സംസ്ഥാനത്തിന്റെ നിലവിലെ രാഷ്ട്രീയ സാഹചര്യത്തിൽ ഒരു സ്വാധീനവും ഉണ്ടാക്കില്ലെന്നും അവര്‍ പറഞ്ഞു. അക്കാരണത്താൽ മാത്രം തൃക്കാക്കരയിൽ സ്ഥാനാർത്ഥിയെ നിർത്തേണ്ടതില്ലെന്ന നിലപാടാണ് പിഡബ്ല്യുഎ സ്വീകരിച്ചത്. എന്നാൽ, “നിലവിലെ രാഷ്ട്രീയ സാഹചര്യം വിലയിരുത്തി വോട്ട് വിനിയോഗിക്കാൻ ഞങ്ങൾ പാർട്ടി പ്രവർത്തകരോട് അഭ്യർത്ഥിക്കുന്നു. തീരുമാനം ജനങ്ങളുടെ മനസ്സാക്ഷിക്ക് വിടുന്നു,”ട്വന്റി 20 ചീഫ് കോഓർഡിനേറ്ററും കിറ്റെക്സ് ഗ്രൂപ്പ് മാനേജിംഗ് ഡയറക്ടറുമായ സാബു എം ജേക്കബ് പറഞ്ഞു. എഎപി സംസ്ഥാന കൺവീനർ പി സി സിറിയക്കിനൊപ്പം ഞായറാഴ്ച കിഴക്കമ്പലത്ത് നടത്തിയ വാർത്താസമ്മേളനത്തിൽ അദ്ദേഹം ട്വന്റി 20 അനുയായികളോട് നിലവിലെ രാഷ്ട്രീയ, സാമ്പത്തിക, സാമൂഹിക സാഹചര്യങ്ങൾ വിലയിരുത്തി വോട്ട് ചെയ്യണമെന്ന് അഭ്യർത്ഥിച്ചു. “നമുക്ക്…

എറണാകുളം: വെറുപ്പിലും വംശീയ വിദ്വേഷത്തിലും അധിഷ്ടിതമായ ഇസ്‌ലാമോഫോബിയ പ്രചാരങ്ങൾ ബോധപൂർവം ഹിന്ദുത്വ ഫാഷിസ്റ്റുകൾ ആസൂത്രണം ചെയ്തതാണ്. അതങ്ങനെ തിരിച്ചറിയുന്നതിൽ ഫാഷിസ്റ്റ് വിരുദ്ധർ പോലും പരാജയപ്പെടുന്നു. പല സംഘ്പരിവാർ പ്രചാരങ്ങളും അവർ പോലും ഏറ്റെടുക്കുന്നു. രാഷ്ട്രീയമായ ഫാഷിസത്തെ എതിർക്കുമ്പോൾ തന്നെ സാംസ്കാരിക ഫാഷിസവും അതിൻ്റെ മുഖ്യ ഉള്ളടക്കമായ മുസ്ലിം വിരുദ്ധതയും ഇടതുപക്ഷം പോലും എറ്റെടുത്തു കൊണ്ടിരിക്കുകയാണ്. മുസ്ലിമിനെ പ്രതിസ്ഥാനത്ത് നിർത്തികൊണ്ടുള്ള സംഘ്പരിവാർ രാഷ്ട്രീയത്തിൻ്റെ വിജയമാണിത്. അത് തിരിച്ചറിഞ്ഞ് ഭിന്നിപ്പിൻ്റെ രാഷ്ട്രീയത്തെ തോൽപ്പിക്കാൻ ഇസ്ലാമോഫോബിയ പ്രചാരണങ്ങളെ മുഴുവൻ ജനതയും തിരിച്ചറിഞ്ഞ് ചെറുക്കേണ്ടതുണ്ടെന്ന് സോളിഡാരിറ്റി സംസ്ഥാന പ്രസിഡൻ്റ് ഡോ. നഹാസ് മാള അഭിപ്രായപ്പെട്ടു. സോളിഡാരിറ്റി സംസ്ഥാന സമ്മേളനത്തിലെ പൊതുസമ്മേളനത്തിൽ അദ്ധ്യക്ഷ പ്രഭാഷണം നിർവഹിക്കുകയായിരുന്നു അദ്ദേഹം. രാജ്യത്തിൻ്റെ പാരമ്പര്യമായ മതസൗഹാർദ്ദവും സഹവർത്തിത്വവും കാത്തുസൂക്ഷിക്കാനുള്ള ഉത്തരവാദിത്വം ഭരണകൂടങ്ങൾക്കടക്കമുണ്ടെന്ന് സമ്മേളനം ഉദ്ഘാടനം ചെയ്ത ജമാഅത്തെ ഇസ്ലാമി അഖിലേന്ത്യാ അമീർ സയ്യിദ് സആദത്തുള്ള ഹുസൈനി പറഞ്ഞു. ഫലസ്തീൻ…

തിരുവനന്തപുരം: പാചക വാതകത്തിനും ഡീസലിനും പെട്രോളിനും വില കുറയ്ക്കാൻ കേന്ദ്ര സർക്കാർ കൈക്കൊണ്ട തീരുമാനം ജനങ്ങൾക്ക് വലിയൊരുആശ്വാസമായി എന്ന് ബിജെപി മുൻ സംസ്ഥാന അദ്ധ്യക്ഷൻ കുമ്മനം രാജശേഖരന്‍. സ്റ്റീൽ, സിമന്റ് തുടങ്ങിയവയുടെ വില കുറയ്ക്കുന്നതു വഴി നിർമ്മാണ മേഖലയിൽ പുത്തനുണർവ് ഉണ്ടാവും. പണപ്പെരുപ്പത്തിന്റെആഘാതം ഏൽക്കാതെ സമ്പത്‌ഘടനയെ ആരോഗ്യകരമായ ക്രിയാത്മക നടപടിയിലൂടെ പുനരുജ്ജീവിപ്പിക്കാൻ സഹായകമാകുമെന്നും അദ്ദേഹം പറഞ്ഞു. ആഗോള പ്രതിഭാസമായ എണ്ണ വിലക്കയറ്റത്തെ സ്വന്തം നടപടിയിലൂടെ ധീരമായി നേരിട്ട കേന്ദ്ര സർക്കാർ, ഇന്ധന പ്രതിസന്ധിയില്‍ സ്തംഭിച്ചു നിൽക്കുന്ന മറ്റു രാഷ്ട്രങ്ങളുടെ മുന്നിൽ നമ്മുടെ യശസ്സ് വർധിപ്പിച്ചു. രണ്ടാം പ്രാവശ്യം കേന്ദ്രം ഇന്ധന വില കുറച്ച സ്ഥിതിക്ക് കേരള സർക്കാർ വില കുറച്ച് ജനങ്ങളുടെ താല്പര്യങ്ങൾ സംരക്ഷിക്കണമെന്നും, 10 രൂപയെങ്കിലും കുറച്ച് ജനങ്ങളോടുള്ള പ്രതിബദ്ധത കേരള സർക്കാർ കാട്ടണമെന്നും അദ്ദേഹം പറഞ്ഞു.