എറണാകുളം : മെട്രോ നഗരത്തെ ഇളക്കിമറിച്ചും തിരഞ്ഞെടുപ്പ് ആവേശം വിതറിയും കൊച്ചിയിലെ തിരഞ്ഞെടുപ്പ് പ്രചാരണം സമാപിച്ചു. മുന്നണി സ്ഥാനാർഥികളുടെ പ്രചാരണം നഗരത്തിൻ്റെ വിവിധ കേന്ദ്രങ്ങളിൽ നടന്നു. തിരഞ്ഞെടുപ്പ് ജനാധിപത്യത്തിൻ്റെ ഉത്സവമാണെന്ന് പ്രചാരണത്തിൻ്റെ അവസാന ദിനത്തിലെ പ്രകടനങ്ങൾ തെളിയിച്ചു. യുഡിഎഫ് സ്ഥാനാർഥി ഹൈബി ഈഡൻ്റെ തെരഞ്ഞെടുപ്പിന് മുന്നോടിയായുള്ള റോഡ് ഷോ വൈകിട്ട് അഞ്ചിന് മണപ്പട്ടിപ്പറമ്പിൽ നിന്നാണ് ആരംഭിച്ചത്. തുടർന്ന് ടൗൺഹാൾ പരിസരത്ത് നൂറുകണക്കിന് പാര്‍ട്ടി പ്രവര്‍ത്തകരുടെ സാന്നിധ്യത്തിൽ റോഡ് ഷോ സമാപിച്ചു. കാവടിയുടെയും നാടൻ കലകളുടെയും നൂറുകണക്കിന് പ്രവർത്തകരുടെയും ആവേശത്തിരക്കിനിടെ തുറന്ന ജീപ്പിലാണ് ഹൈബി ഈഡൻ എത്തിയത്. മുദ്രാവാക്യം വിളിച്ചും സെൽഫി എടുത്തും പ്രവർത്തകർ കൊട്ടിക്കലാശത്തെ ആഘോഷമാക്കി. സ്ഥാനാർഥിക്കൊപ്പമെത്തി സിനിമ താരങ്ങളായ രമേശ് പിഷാരടിയും ധർമജൻ ബോൾഗാട്ടിയും ഹൈബിക്ക് വോട്ടഭ്യർത്ഥിച്ച് സംസാരിച്ചു. കൊടികൾ വീശിയും നൃത്തം ചെയ്‌തും പ്രവർത്തകരും സ്ഥാനാർഥിയും ആറു മണി വരെ കൊട്ടിക്കലാശത്തിൻ്റെ ഭാഗമായി. അതേസമയം…
ലോക്സഭാ തെരഞ്ഞെടുപ്പ്: കൊട്ടിക്കലാശത്തില്‍ കൊച്ചി-എറണാകുളം മെട്രോ നഗരം ഇളകി മറിഞ്ഞു
