Month: May 2024

ഇസ്ലാമാബാദ്: പാക്കിസ്താന്‍ മുന്‍ പ്രധാനമന്ത്രി ഇമ്രാന്‍ ഖാന്റെ ഭാര്യ ബുഷ്റ ബീബിയെ ബാനി ഗാലയിൽ നിന്ന് റാവൽപിണ്ടിയിലെ അഡിയാല ജയിലിലേക്ക് മാറ്റണമെന്ന് ആവശ്യപ്പെട്ടുള്ള ഹർജിയിൽ തീരുമാനം ഇസ്ലാമാബാദ് ഹൈക്കോടതി മാറ്റിവച്ചു. വ്യാഴാഴ്ച ജസ്റ്റിസ് മിയാംഗൽ ഹസൻ ഔറംഗസേബ് നടത്തിയ നടപടിക്രമങ്ങൾക്കിടെ, ബുഷ്റ ബീബിയെ ശിക്ഷിച്ച കേസിനെ കുറിച്ചും എപ്പോഴാണെന്നും കോടതി ആരാഞ്ഞു. കഴിഞ്ഞ ജനുവരി 31 ന് തോഷഖാന കേസിലും ഫെബ്രുവരി 3 ന് അവിഹിത വിവാഹ കേസിലും തൻ്റെ കക്ഷിക്ക് ശിക്ഷ വിധിച്ചതായി അവരുടെ അഭിഭാഷകൻ ഉസ്മാൻ റിയാസ് ഗുൽ മറുപടി നൽകി. രണ്ട് കേസുകളിലും വിചാരണ നിയമവിരുദ്ധമായാണ് നടന്നതെന്ന് അദ്ദേഹം കൂട്ടിച്ചേർത്തു. ശിക്ഷ വിധിക്കുന്ന സമയത്ത് ബുഷ്‌റ ബീബി കോടതിയിൽ ഉണ്ടായിരുന്നില്ലെന്നും, ചീഫ് കമ്മീഷണറുടെ ഉത്തരവിനെ തുടർന്നാണ് കീഴടങ്ങിയതെന്നും ബനി ഗാലയിലേക്ക് മാറ്റിയെന്നും അഭിഭാഷകൻ ജഡ്ജിയെ അറിയിച്ചു. ജയിൽ സൂപ്രണ്ട് ബനി ഗാലയ്ക്ക് ഉത്തരവ്…

ഗാസ: ഗാസ മുനമ്പിലെ സൈനിക നടപടിക്കിടെ അറസ്റ്റിലായ 64 ഫലസ്തീനികളെ ഇസ്രായേൽ വ്യാഴാഴ്ച മോചിപ്പിച്ചതായി ഗാസയിലെ ക്രോസിംഗ് ആൻഡ് ബോർഡർസ് ജനറൽ അതോറിറ്റി അറിയിച്ചു. തെക്കൻ ഗാസ മുനമ്പിലെ കെരെം ഷാലോം ക്രോസിംഗ് വഴി ഇസ്രായേൽ അധികൃതർ 64 ഫലസ്തീനികളെ മോചിപ്പിച്ചു, ഒരാൾ മരിക്കുകയും ഒരാൾക്ക് ഗുരുതരമായി പരിക്കേൽക്കുകയും ചെയ്തതായി അതോറിറ്റി പത്രക്കുറിപ്പിൽ അറിയിച്ചു. ഗാസ മുനമ്പിൽ നടന്നുകൊണ്ടിരിക്കുന്ന ഇസ്രായേൽ ഗ്രൗണ്ട് ഓപ്പറേഷനിൽ, നൂറുകണക്കിന് ഫലസ്തീനികളെ ഇസ്രായേൽ സൈന്യം അറസ്റ്റ് ചെയ്തതായി പലസ്തീൻ മനുഷ്യാവകാശ സംഘടനകൾ അറിയിച്ചു. മോചിതരായ തടവുകാരെ അവരുടെ ആരോഗ്യനില പരിശോധിക്കുന്നതിനായി ആശുപത്രിയിലേക്ക് മാറ്റിയതായി പലസ്തീൻ സുരക്ഷാ വൃത്തങ്ങൾ അറിയിച്ചു. 2023 ഒക്‌ടോബർ 7-ന് തെക്കൻ ഇസ്രായേൽ അതിർത്തിയിലൂടെ ഹമാസ് നടത്തിയ ആക്രമണത്തിനെതിരെ തിരിച്ചടിക്കാൻ ഗാസയിൽ ഹമാസിനെതിരെ ഇസ്രായേൽ ആക്രമണം ആരംഭിച്ചു. ഈ സമയത്ത് ഇസ്രായേലില്‍ ഏകദേശം 1,200 പേർ കൊല്ലപ്പെടുകയും 200 ലധികം…

മലപ്പുറം: സാമൂഹിക വിരുദ്ധരുടെ താവളമായി മാറിയ വണ്ടൂർ – അത്താണിക്കലിലെ ബിവറേജസ് ഔട്ട്ലെറ്റ് ഉടൻ അടച്ചു പൂട്ടുക എന്ന വിഷയത്തിൽ പ്രതിഷേധിച്ചുകൊണ്ട് വിമൻ ജസ്റ്റിസ് മൂവ്മെന്റ് വണ്ടൂർ -അത്താണി-കയറ്റം ബിവറേജ് കേന്ദ്രത്തിനു മുന്നിൽ പ്രതിഷേധ സംഗമം സംഘടിപ്പിച്ചു. നീതിക്കൊപ്പം വിമന്‍ ജസ്റ്റിസ് എപ്പോഴും നിലകൊള്ളുമെന്നും സ്ത്രീകൾക്കെതിരെ ഇത്തരം പ്രവണതകൾ ഇനിയും ഉണ്ടായാൽ ശക്തമായ പ്രതിഷേധവുമായി തെരുവിൽ ഇറങ്ങുമെന്നും ജില്ലാ ജനറൽ സെക്രട്ടറി ബിന്ദു പരമേശ്വരൻ ഉദ്ഘാടനം നിർവഹിച്ചു കൊണ്ട് പറഞ്ഞു. റംല മമ്പാട് (വിമന്‍ ജസ്റ്റിസ് മൂവ്മെന്റ് സ്റ്റേറ്റ് കമ്മിറ്റി അംഗം), ജില്ലാ സെക്രട്ടറി സുഭദ്ര വണ്ടൂർ, ഫൗസിയ കെ.പി (പ്രസിഡന്റ് – മദ്യ നിരോധന സമിതി സ്ത്രീ ശക്തി കൂട്ടായ്മ, പാലാമഠം), ആസിഫ് മമ്പാട് (വെൽഫെയർ പാർട്ടി മണ്ഡലം ജനറൽ സെക്രട്ടറി), വിമൻ ജസ്റ്റിസ് മൂവ്മെന്റ് ജില്ലാ കമ്മിറ്റി അംഗം സറീന എന്നിവർ സംസാരിച്ചു.

മൂന്നാര്‍: ട്രിപ്പ് അഡ്വൈസര്‍ ഇന്ത്യയിലെ ഏറ്റവും മികച്ച ആഡംബര ഹോട്ടലായി മൂന്നാറിലെ ബ്ലാങ്കറ്റ് ഹോട്ടല്‍ ആന്‍ഡ് സ്പായെ തിരഞ്ഞെടുത്തു. ട്രിപ്പ് അഡൈ്വസര്‍ ട്രാവലേഴ്സ് ചോയ്സ് അവാര്‍ഡ് 2024ലാണ് ഇന്ത്യയിലെ മികച്ച ആഡംബര ഹോട്ടലിനുള്ള അവാര്‍ഡ് മൂന്നാറിലെ ബ്ലാങ്കറ്റ് ഹോട്ടല്‍ ആന്‍ഡ് സ്പാ നേടിയത്. കൂടാതെ, ഏഷ്യയിലെ മികച്ച ഹോട്ടലുകളില്‍ 10-ാം സ്ഥാനവും ഏഷ്യയിലെ മികച്ച 25 ആഡംബര ഹോട്ടലുകളില്‍ 13-ാം സ്ഥാനവും ഹോട്ടല്‍ കരസ്ഥമാക്കി. ബ്ലാങ്കറ്റ് ഹോട്ടലിന്റെയും സ്പാ മൂന്നാറിന്റെയും മികവിനും അതിഥി സംതൃപ്തിക്കും ഉള്ള പ്രതിബദ്ധതയുടെ തെളിവാണ് ഈ അവാര്‍ഡ്, ഇന്ത്യയില്‍ ആഡംബരപൂര്‍ണമായ താമസം ആഗ്രഹിക്കുന്നവര്‍ക്ക് ഒരു പ്രധാന ലക്ഷ്യസ്ഥാനമെന്ന നിലയില്‍ ഇതിനകം തന്നെ ബ്ലാങ്കറ്റ് ഹോട്ടല്‍ ആന്‍ഡ് സ്പാ മാറിയിട്ടുണ്ട്. യാത്രക്കാര്‍ക്ക് മികച്ച സൗകര്യങ്ങള്‍ പ്രധാനം ചെയ്യുന്നതിനൊപ്പം മികച്ച സേവനവും ഗുണനിലവാരമുള്ള അനുഭവവും നല്‍കുന്നതിന്റെ ഭാഗമായാണ് അവാര്‍ഡ്. ആഗോളതലത്തില്‍ തന്നെ ശ്രദ്ധയാകര്‍ഷിക്കുന്ന ഈ അംഗീകാരം…

കോഴിക്കോട്: അബുദാബി രാജകുടുംബാംഗവും അൽഐൻ ഉൾപ്പെടുന്ന കിഴക്കൻ പ്രവിശ്യയിലെ ഭരണാധിപ പ്രതിനിധിയുമായ ശൈഖ് തഹ്‌നൂൻ ബിൻ മുഹമ്മദ് ആൽ നഹ്‌യാന്റെ വിയോഗത്തിൽ ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ അനുശോചനമറിയിച്ചു. ആധുനിക എമിറേറ്റ്സ് കെട്ടിപ്പടുക്കുന്നതിൽ സവിശേഷ പങ്കുവഹിച്ച ശൈഖ് തഹ്‌നൂനുമായി ഏറെ നാളത്തെ വ്യക്തിബന്ധമാണ് തനിക്ക് ഉണ്ടായിരുന്നത്. ഇന്ത്യയും യു എ ഇയുമായുള്ള ബന്ധം അഭിവൃദ്ധിപ്പെടുത്തുന്നതിൽ കാര്യമായ ഇടപെടലുകൾ നടത്തുകയും കൂടിക്കാഴ്ചകളിൽ പ്രവാസി ഇന്ത്യക്കാരുടെ ക്ഷേമ സംബന്ധമായി പലപ്പോഴും അദ്ദേഹം സംസാരിക്കുകയും ചെയ്തു. നന്മ നിറഞ്ഞ പ്രവർത്തനങ്ങളെയും സാമൂഹ്യക്ഷേമ പദ്ധതികളെയും അങ്ങേയറ്റം സ്നേഹിക്കുകയും സഹായങ്ങൾ നൽകുകയും ചെയ്യുന്ന ശൈഖ് തഹ്‌നൂന്റെ വിയോഗം അങ്ങേയറ്റം ദുഃഖിപ്പിക്കുന്നതാണ്. രാജകുടുംബത്തിന്റെയും യു എ ഇ ജനതയുടെയും പ്രവാസി ഇന്ത്യക്കാരുടെയും വേദനയിൽ പങ്കുചേരുന്നു. പരലോക ജീവിതം സന്തോഷകരമാവാനും കുടുംബാംഗങ്ങൾക്ക് ക്ഷമയും സമാധാനവും ഉണ്ടാവാനും പ്രാർഥിക്കുന്നുവെന്നും ഗ്രാൻഡ് മുഫ്തി അനുശോചന…

ഡാളസ് : പുത്തൻപുരയ്ക്കൽ ജോസഫ് പി ചാക്കോ (റെജിച്ചായൻ 58) ഡാളസിൽ അന്തരിച്ചു. തിരുവല്ല വളഞ്ഞവട്ടം പുത്തൻപുരക്കൽ പരേതനായ പി കെ ചാക്കോ അന്നമ്മ ചാക്കോ ദമ്പതികളുടെ മകനാണ് . ഇർവിങ് സെൻ്റ് ജോർജ്ജ് ഓർത്തഡോക്‌സ് ഇടവകാംഗമാണ്. ഭാര്യ: ബിനി ജോസഫ് (കച്ചിറക്കൽ വെണ്ണിക്കുളം) മക്കൾ: ക്രിസ്റ്റീൻ ഹന ജോസഫ്, ടെവിൻ ജേക്കബ് ജോസഫ് & ജോവാന മറിയം ജോസഫ്. സഹോദരങ്ങൾ: ലെർസി തോമസ് (ഇർവിംഗ്, ടെക്സസ്), ലെൻസി വിനോദ് (കാരോൾട്ടൺ, ടെക്സസ് ), ഡെൻസി ട്രോയ് (കാരോൾട്ടൺ, ടെക്സസ് യുഎസ്എ). പൊതുദർശനം: 2024 മെയ് 5 ഞായറാഴ്ച വൈകുന്നേരം 5 മണി മുതൽ (സെൻ്റ്. ജോർജ്ജ് ഓർത്തഡോക്സ് ചർച്ച്, ഇർവിംഗ്, ടെക്സസ്). സംസ്കാര ശുശ്രൂഷകൾ: 2024 മെയ് 6 തിങ്കളാഴ്ച രാവിലെ 9.00 മണി മുതൽ (സെൻ്റ്. ജോർജ്ജ് ഓർത്തഡോക്സ് ചർച്ച്, ഇർവിംഗ്, ടെക്സസ്) കൂടുതൽ…