അപ് കഫേ തുടങ്ങാന് ഗതാഗത വകുപ്പില് നിന്നും ബസ് വാഗ്ദാനം ചെയ്ത് മന്ത്രി തിരുവനന്തപുരം: ഡിഫറന്റ് ആര്ട് സെന്ററിലെ ഭിന്നശേഷിക്കാരുടെ നേതൃത്വത്തില് ആരംഭിച്ച അപ്പ് കഫേയുടെ ഉദ്ഘാടനം മന്ത്രി കെ.ബി ഗണേഷ് കുമാര് നിര്വഹിച്ചു. ഭിന്നശേഷിക്കാരുടെ സമസ്ത മേഖലയെയും ശാക്തീകരിക്കുന്ന തരത്തിലുള്ള പ്രവര്ത്തനങ്ങളാണ് ഡിഫറന്റ് ആര്ട് സെന്ററില് നടക്കുന്നതെന്നും അന്തര്ദ്ദേശീയ നിലവാരത്തില് ഇതൊക്കെ ക്രമീകരിച്ചിരിക്കുന്നത് കാണുമ്പോള് അത്ഭുതമാണ് തോന്നുന്നതെന്നും ഉദ്ഘാടനത്തിനിടെ അദ്ദേഹം പറഞ്ഞു. ഡിഫറന്റ് ആര്ട് സെന്റര് കേരളത്തിന് ഒരഭിമാന പദ്ധതിയാണെന്നും അദ്ദേഹം കൂട്ടിച്ചേര്ത്തു. അപ് കഫെയുടെ പ്രവര്ത്തനങ്ങള്ക്ക് പിന്തുണയായി കെ.എസ്.ആര്.ടി.സിയില് നിന്നും ഒരു സി.എന്.ജി ബസ് നല്കാമെന്നും മന്ത്രി ചടങ്ങില് പറഞ്ഞു. അപ് കഫേയുടെ പ്രവര്ത്തനങ്ങള് ഇവിടെ മാത്രം ഒതുക്കാതെ അത് പുറംലോകത്ത് കൂടി എത്തേണ്ടതുണ്ടെന്നും അതോടൊപ്പം ഈ കുട്ടികളുടെ അമ്മമാര് ഉണ്ടാക്കുന്ന ഉത്പന്നങ്ങള് കൂടി ഈ ബസില് ക്രമീകരിക്കണമെന്നും അദ്ദേഹം അഭ്യര്ത്ഥിച്ചു. ഭിന്നശേഷിക്കുട്ടികളുടെ തൊഴില്…
ഡിഫറന്റ് ആര്ട്ട് സെന്ററില് ഭിന്നശേഷിക്കാരുടെ അപ്പ് കഫേ മന്ത്രി ഗണേഷ് കുമാര് ഉദ്ഘാടനം ചെയ്തു
