Year: 2024

മലപ്പുറം: സാമൂഹിക വിരുദ്ധരുടെ താവളമായി മാറിയ വണ്ടൂർ – അത്താണിക്കലിലെ ബിവറേജസ് ഔട്ട്ലെറ്റ് ഉടൻ അടച്ചു പൂട്ടുക എന്ന വിഷയത്തിൽ പ്രതിഷേധിച്ചുകൊണ്ട് വിമൻ ജസ്റ്റിസ് മൂവ്മെന്റ് വണ്ടൂർ -അത്താണി-കയറ്റം ബിവറേജ് കേന്ദ്രത്തിനു മുന്നിൽ പ്രതിഷേധ സംഗമം സംഘടിപ്പിച്ചു. നീതിക്കൊപ്പം വിമന്‍ ജസ്റ്റിസ് എപ്പോഴും നിലകൊള്ളുമെന്നും സ്ത്രീകൾക്കെതിരെ ഇത്തരം പ്രവണതകൾ ഇനിയും ഉണ്ടായാൽ ശക്തമായ പ്രതിഷേധവുമായി തെരുവിൽ ഇറങ്ങുമെന്നും ജില്ലാ ജനറൽ സെക്രട്ടറി ബിന്ദു പരമേശ്വരൻ ഉദ്ഘാടനം നിർവഹിച്ചു കൊണ്ട് പറഞ്ഞു. റംല മമ്പാട് (വിമന്‍ ജസ്റ്റിസ് മൂവ്മെന്റ് സ്റ്റേറ്റ് കമ്മിറ്റി അംഗം), ജില്ലാ സെക്രട്ടറി സുഭദ്ര വണ്ടൂർ, ഫൗസിയ കെ.പി (പ്രസിഡന്റ് – മദ്യ നിരോധന സമിതി സ്ത്രീ ശക്തി കൂട്ടായ്മ, പാലാമഠം), ആസിഫ് മമ്പാട് (വെൽഫെയർ പാർട്ടി മണ്ഡലം ജനറൽ സെക്രട്ടറി), വിമൻ ജസ്റ്റിസ് മൂവ്മെന്റ് ജില്ലാ കമ്മിറ്റി അംഗം സറീന എന്നിവർ സംസാരിച്ചു.

മൂന്നാര്‍: ട്രിപ്പ് അഡ്വൈസര്‍ ഇന്ത്യയിലെ ഏറ്റവും മികച്ച ആഡംബര ഹോട്ടലായി മൂന്നാറിലെ ബ്ലാങ്കറ്റ് ഹോട്ടല്‍ ആന്‍ഡ് സ്പായെ തിരഞ്ഞെടുത്തു. ട്രിപ്പ് അഡൈ്വസര്‍ ട്രാവലേഴ്സ് ചോയ്സ് അവാര്‍ഡ് 2024ലാണ് ഇന്ത്യയിലെ മികച്ച ആഡംബര ഹോട്ടലിനുള്ള അവാര്‍ഡ് മൂന്നാറിലെ ബ്ലാങ്കറ്റ് ഹോട്ടല്‍ ആന്‍ഡ് സ്പാ നേടിയത്. കൂടാതെ, ഏഷ്യയിലെ മികച്ച ഹോട്ടലുകളില്‍ 10-ാം സ്ഥാനവും ഏഷ്യയിലെ മികച്ച 25 ആഡംബര ഹോട്ടലുകളില്‍ 13-ാം സ്ഥാനവും ഹോട്ടല്‍ കരസ്ഥമാക്കി. ബ്ലാങ്കറ്റ് ഹോട്ടലിന്റെയും സ്പാ മൂന്നാറിന്റെയും മികവിനും അതിഥി സംതൃപ്തിക്കും ഉള്ള പ്രതിബദ്ധതയുടെ തെളിവാണ് ഈ അവാര്‍ഡ്, ഇന്ത്യയില്‍ ആഡംബരപൂര്‍ണമായ താമസം ആഗ്രഹിക്കുന്നവര്‍ക്ക് ഒരു പ്രധാന ലക്ഷ്യസ്ഥാനമെന്ന നിലയില്‍ ഇതിനകം തന്നെ ബ്ലാങ്കറ്റ് ഹോട്ടല്‍ ആന്‍ഡ് സ്പാ മാറിയിട്ടുണ്ട്. യാത്രക്കാര്‍ക്ക് മികച്ച സൗകര്യങ്ങള്‍ പ്രധാനം ചെയ്യുന്നതിനൊപ്പം മികച്ച സേവനവും ഗുണനിലവാരമുള്ള അനുഭവവും നല്‍കുന്നതിന്റെ ഭാഗമായാണ് അവാര്‍ഡ്. ആഗോളതലത്തില്‍ തന്നെ ശ്രദ്ധയാകര്‍ഷിക്കുന്ന ഈ അംഗീകാരം…

കോഴിക്കോട്: അബുദാബി രാജകുടുംബാംഗവും അൽഐൻ ഉൾപ്പെടുന്ന കിഴക്കൻ പ്രവിശ്യയിലെ ഭരണാധിപ പ്രതിനിധിയുമായ ശൈഖ് തഹ്‌നൂൻ ബിൻ മുഹമ്മദ് ആൽ നഹ്‌യാന്റെ വിയോഗത്തിൽ ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ അനുശോചനമറിയിച്ചു. ആധുനിക എമിറേറ്റ്സ് കെട്ടിപ്പടുക്കുന്നതിൽ സവിശേഷ പങ്കുവഹിച്ച ശൈഖ് തഹ്‌നൂനുമായി ഏറെ നാളത്തെ വ്യക്തിബന്ധമാണ് തനിക്ക് ഉണ്ടായിരുന്നത്. ഇന്ത്യയും യു എ ഇയുമായുള്ള ബന്ധം അഭിവൃദ്ധിപ്പെടുത്തുന്നതിൽ കാര്യമായ ഇടപെടലുകൾ നടത്തുകയും കൂടിക്കാഴ്ചകളിൽ പ്രവാസി ഇന്ത്യക്കാരുടെ ക്ഷേമ സംബന്ധമായി പലപ്പോഴും അദ്ദേഹം സംസാരിക്കുകയും ചെയ്തു. നന്മ നിറഞ്ഞ പ്രവർത്തനങ്ങളെയും സാമൂഹ്യക്ഷേമ പദ്ധതികളെയും അങ്ങേയറ്റം സ്നേഹിക്കുകയും സഹായങ്ങൾ നൽകുകയും ചെയ്യുന്ന ശൈഖ് തഹ്‌നൂന്റെ വിയോഗം അങ്ങേയറ്റം ദുഃഖിപ്പിക്കുന്നതാണ്. രാജകുടുംബത്തിന്റെയും യു എ ഇ ജനതയുടെയും പ്രവാസി ഇന്ത്യക്കാരുടെയും വേദനയിൽ പങ്കുചേരുന്നു. പരലോക ജീവിതം സന്തോഷകരമാവാനും കുടുംബാംഗങ്ങൾക്ക് ക്ഷമയും സമാധാനവും ഉണ്ടാവാനും പ്രാർഥിക്കുന്നുവെന്നും ഗ്രാൻഡ് മുഫ്തി അനുശോചന…

ഡാളസ് : പുത്തൻപുരയ്ക്കൽ ജോസഫ് പി ചാക്കോ (റെജിച്ചായൻ 58) ഡാളസിൽ അന്തരിച്ചു. തിരുവല്ല വളഞ്ഞവട്ടം പുത്തൻപുരക്കൽ പരേതനായ പി കെ ചാക്കോ അന്നമ്മ ചാക്കോ ദമ്പതികളുടെ മകനാണ് . ഇർവിങ് സെൻ്റ് ജോർജ്ജ് ഓർത്തഡോക്‌സ് ഇടവകാംഗമാണ്. ഭാര്യ: ബിനി ജോസഫ് (കച്ചിറക്കൽ വെണ്ണിക്കുളം) മക്കൾ: ക്രിസ്റ്റീൻ ഹന ജോസഫ്, ടെവിൻ ജേക്കബ് ജോസഫ് & ജോവാന മറിയം ജോസഫ്. സഹോദരങ്ങൾ: ലെർസി തോമസ് (ഇർവിംഗ്, ടെക്സസ്), ലെൻസി വിനോദ് (കാരോൾട്ടൺ, ടെക്സസ് ), ഡെൻസി ട്രോയ് (കാരോൾട്ടൺ, ടെക്സസ് യുഎസ്എ). പൊതുദർശനം: 2024 മെയ് 5 ഞായറാഴ്ച വൈകുന്നേരം 5 മണി മുതൽ (സെൻ്റ്. ജോർജ്ജ് ഓർത്തഡോക്സ് ചർച്ച്, ഇർവിംഗ്, ടെക്സസ്). സംസ്കാര ശുശ്രൂഷകൾ: 2024 മെയ് 6 തിങ്കളാഴ്ച രാവിലെ 9.00 മണി മുതൽ (സെൻ്റ്. ജോർജ്ജ് ഓർത്തഡോക്സ് ചർച്ച്, ഇർവിംഗ്, ടെക്സസ്) കൂടുതൽ…

പ്രഭാത സൂര്യന്‍റെ കിരണങ്ങള്‍ മുറിയിലേക്ക് കടന്നുവന്നത് അവള്‍ അറിഞ്ഞില്ല. കാക്കകളുടെ കലപില ശബ്ദം കാരണം പിന്നീട് ഉറങ്ങുവാന്‍ സാധിച്ചില്ല. രാത്രിയില്‍ വളരെ വൈകിയാണ് ഉറക്കം തുടങ്ങിയത്. വെളിയില്‍ പലതരത്തിലുള്ള കിളികളുടെ ശബ്ദവും മുറിയിലേക്ക് വരുന്ന സൂര്യപ്രകാശവും അവളെ വീണ്ടും ഉറങ്ങുവാന്‍ അനുവദിച്ചില്ല. അങ്ങ് ദൂരെ നടപ്പാതയില്‍കൂടി കുട്ടികള്‍ സ്ക്കൂളിലേക്ക് പോകുന്ന കാഴ്ചകള്‍ നോക്കി ജനലരുകില്‍ നിന്നു. കുട്ടികള്‍ സൈക്കിളിലും മറ്റുചിലര്‍ സൈക്കിള്‍ റിക്ഷയിലും ചെറിയ കുട്ടികള്‍ മുതിര്‍ന്നവരുടെ കൈകളില്‍ പിടിച്ചുകൊണ്ടും പോകുന്നു. ദിവസവും രാവിലെ മുറതെറ്റാതെയുള്ള ഈ കാഴ്ചകള്‍ കാണാന്‍ അവള്‍ ജനലരികില്‍ നില്‍ക്കാറുണ്ട്. ‘ചായ’ എന്നുള്ള വേലക്കാരി സ്ത്രിയുടെ വിളി കേട്ടപ്പോള്‍ മാത്രമാണ് കണ്ണുകള്‍ കുട്ടികളില്‍ നിന്ന് പറിച്ചു മാറ്റിയത്. അന്നത്തെ ദിനപത്രം എടുത്ത് വെറുതെ ഒന്നു കണ്ണോടിച്ചു. പ്രഭാതക്യത്യങ്ങള്‍ കഴിഞ്ഞു വന്നപ്പോള്‍ പതിവുപോലെ മേശപുറത്ത് ഭക്ഷണം തയ്യാറാക്കി വച്ചിട്ടുണ്ടായിരുന്നു. ജോസ് മൂന്നുനാലു ദിവസമായി ജോലികാര്യങ്ങള്‍ക്കു…

ലോകത്തെവിടെയും ഏതു രാജ്യത്തിനും വിവിധ കാരണങ്ങള്‍ ആരോപിച്ച് ‘ഉപരോധം’ ഏര്‍പ്പെടുത്തുന്ന യു എസിനും യുകെയ്ക്കും തിരിച്ചടി. ഗാസ മുനമ്പിലെ യുദ്ധത്തിൽ ഇസ്രായേലിനെ പിന്തുണയ്‌ക്കുകയും ധന/ആയുധ സഹായം നൽകുകയും ചെയ്‌തതിന് യുഎസിലെയും, യുകെയിലെയും ചില വ്യക്തികൾക്കും സ്ഥാപനങ്ങൾക്കുമെതിരെ ഇസ്‌ലാമിക് റിപ്പബ്ലിക് ഓഫ് ഇറാൻ ഉപരോധം ഏർപ്പെടുത്തി. “മനുഷ്യാവകാശ ലംഘനങ്ങളും മേഖലയില്‍ അമേരിക്ക നടത്തുന്ന ഭീകരപ്രവർത്തനങ്ങളും തടയുന്നതിനുള്ള” ഇറാൻ്റെ നിയമത്തിന് അനുസൃതമായാണ് അമേരിക്കയിലെ വ്യക്തികൾക്കും സ്ഥാപനങ്ങൾക്കും മേലുള്ള ഉപരോധമെന്ന് മെയ് 2 വ്യാഴാഴ്ച ഒരു പ്രസ്താവനയിൽ ഇറാനിയൻ വിദേശകാര്യ മന്ത്രാലയം പറഞ്ഞു. യുഎസ് സ്പെഷ്യൽ ഓപ്പറേഷൻസ് കമാൻഡർ ജനറൽ ബ്രയാൻ പി ഫെൻ്റൺ, യുഎസ് നാവികസേനയുടെ അഞ്ചാമത്തെ കമാൻഡർ വൈസ് അഡ്മിറൽ ബ്രാഡ് കൂപ്പർ എന്നിവരുൾപ്പെടെ ഏഴ് അമേരിക്കക്കാര്‍ക്കെതിരെയാണ് ഉപരോധം ഏര്‍പ്പെടുത്തിയിരിക്കുന്നത്. സമാധാനത്തിനും സുരക്ഷയ്ക്കുമെതിരായ സയണിസ്റ്റ് ഭരണകൂടത്തിൻ്റെ ശത്രുതാപരമായ പ്രവർത്തനങ്ങളെ പ്രതിരോധിക്കാൻ ലക്ഷ്യമിട്ടുള്ള നിയമം അനുസരിച്ചാണ് യുകെയിലെ വ്യക്തികൾക്കും സ്ഥാപനങ്ങൾക്കുമെതിരെ…

ലീഗ് സിറ്റി (ടെക്സാസ് ): മലയാളി സമാജം ഓഫ് ലീഗ് സിറ്റി ഹൈസ്കൂൾ കുട്ടികൾക്കുവേണ്ടി ഒരുക്കുന്ന കരിയർ കോമ്പസ് (Career Compass) 2024 മെയ് 18ന് ലീഗ് സിറ്റി കമ്മ്യൂണിറ്റി ഹാളിൽ വെച്ച് നടത്തപ്പെടും. വിവിധ മേഖലകളിൽനിന്നുമുള്ള പ്രഗൽഭരായ വ്യക്തികൾ ക്ലാസുകൾ നയിക്കും. കുട്ടികൾക്കുള്ള ഉപരിപഠനത്തെപ്പറ്റിയും അമേരിക്കയിലെ വിവിധ യൂണിവേഴ്സിറ്റികളിലുള്ള വിവിധയിനം സ്കോളർഷിപ്പുകൾ അഡ്മിഷൻ പ്രോസസ്സുകൾ എന്നവയെപ്പറ്റിയെല്ലാം വിവരിച്ചുകൊണ്ടുള്ള ക്ലാസ്സുകളായിരിക്കും നടത്തപ്പെടുക. അതുപോലെ കുട്ടികൾക്കും അവരുടെ മാതാപിതാക്കൾക്കും അവരുടെ വിദ്യാഭ്യാസപരമായ ചോദ്യങ്ങൾക്കു ശരിയായ മാർഗ്ഗനിർദ്ദേശങ്ങൾ നൽകുന്നതായിരിക്കും. സേവനങ്ങൾ തികച്ചും സൗജന്യമായിരിക്കും. ഹൈസ്കൂൾ കുട്ടികളെ കൂടാതെ ഏതു ക്ലാസ്സുകളിൽ പടിക്കുന്നവരായാലും ഇതിൽ പങ്കെടുക്കാവുന്നതാണ്. പരിമിതമായ സീറ്റുകൾ മാത്രമുള്ളതുകൊണ്ടു രെജിസ്ട്രേഷൻ നിർബന്ധന്ധമാക്കിയിട്ടുണ്ടെന്നു പ്രസിഡന്റ്‌ ബിനീഷ് ജോസഫ് അറിയിച്ചു. താഴെ കാണുന്ന ലിങ്കിൽ നിങ്ങൾക്ക് രജിസ്റ്റർ ചെയ്യാവുന്നതാണ്. കൂടുതൽ വിവരങ്ങൾക്ക് കോർഡിനേറ്റർ ജിജു ജോണുമായി ബന്ധപ്പെടുക: +1-409-354-2518. https://msolc.org/career/