വാഷിംഗ്ടൺ: ഗാസയിൽ വെടിനിർത്തലിന് യുഎസ് പ്രേരിപ്പിക്കുമ്പോഴും മറുവശത്ത് തങ്ങളുടെ സൈനിക ആയുധശേഖരത്തിന് കരുത്തേകുന്ന ബോംബുകളും മറ്റ് ആയുധങ്ങളും ഇസ്രായേലിലേക്ക് അയക്കാൻ ബൈഡൻ ഭരണകൂടം തയ്യാറെടുക്കുന്നതായി മുൻ യുഎസ് ഉദ്യോഗസ്ഥരെ ഉദ്ധരിച്ച് വാൾസ്ട്രീറ്റ് ജേണൽ റിപ്പോർട്ട് ചെയ്തു. ദശലക്ഷക്കണക്കിന് ഡോളര് മൂല്യം വരുന്ന, നിർദിഷ്ട ആയുധ വിതരണത്തിൽ ബോംബുകൾക്ക് കൃത്യമായ മാർഗ്ഗനിർദ്ദേശം നൽകുന്ന MK-82 ബോംബുകളും KMU-572 ജോയിൻ്റ് ഡയറക്ട് അറ്റാക്ക് യുദ്ധോപകരണങ്ങളും FMU-139 ബോംബ് ഫ്യൂസുകളും ഉൾപ്പെടുന്നു എന്നും റിപ്പോര്ട്ടില് പറയുന്നു. നിർദ്ദിഷ്ട ഡെലിവറി ഇപ്പോഴും അഡ്മിനിസ്ട്രേഷൻ ആന്തരികമായി അവലോകനം ചെയ്യുകയാണെന്ന് ഉദ്യോഗസ്ഥനെ ഉദ്ധരിച്ച് റിപ്പോർട്ട് കൂട്ടിച്ചേർത്തു. 2023 ഡിസംബർ വരെ, ഇസ്രായേലിന് ആയുധങ്ങൾ വിൽക്കുന്നതിനെക്കുറിച്ചുള്ള കോൺഗ്രസ് അവലോകനം ബൈഡന് ഭരണകൂടം രണ്ടുതവണ ഒഴിവാക്കിയിരുന്നു. സിവിലിയൻമാരെ കൊല്ലുകയോ പരിക്കേൽപ്പിക്കുകയോ ചെയ്ത ആക്രമണങ്ങളിൽ അമേരിക്കൻ നിർമ്മിത ആയുധങ്ങൾ ഉപയോഗിച്ചുവെന്ന ആരോപണം ഉയരുന്നതിനാൽ, ഇസ്രായേലിന് ആയുധങ്ങൾ നൽകുന്നത് തുടരുന്നതിന് ബൈഡൻ…
ഇസ്രായേല്-ഗാസ യുദ്ധം: വെടിനിർത്തലിന് ആഹ്വാനം ചെയ്യുമ്പോഴും ഇസ്രായേലിന് കൂടുതല് ആയുധം അയക്കാന് ബൈഡന് പദ്ധതിയിടുന്നതായി റിപ്പോര്ട്ട്
