Month: July 2025

ഇന്ത്യയും പാക്കിസ്താനും തമ്മിലുള്ള സംഘർഷം ഉൾപ്പടെ ആറ് പ്രധാന യുദ്ധങ്ങൾ തന്റെ ഭരണകാലത്ത് ഒഴിവാക്കിയതായി യുഎസ് പ്രസിഡന്റ് ഡൊണാൾഡ് ട്രംപ് അവകാശപ്പെട്ടു. താൻ പ്രസിഡന്റായിരുന്നില്ലെങ്കിൽ ഇന്ന് ലോകത്ത് ആറ് വലിയ യുദ്ധങ്ങൾ നടക്കുമായിരുന്നുവെന്നും അദ്ദേഹം പറഞ്ഞു. ട്രംപിന്റെ ഈ പ്രസ്താവന ഇന്ത്യയിലെ പ്രതിപക്ഷത്തിന് മോദിയെ അടിക്കാനുള്ള വടിയായി. സ്കോട്ട്‌ലന്‍ഡിലെ ടേൺബെറി റിസോർട്ടിൽ ബ്രിട്ടീഷ് പ്രധാനമന്ത്രി കെയർ സ്റ്റാർമറുമായുള്ള കൂടിക്കാഴ്ചയിൽ, യുഎസ് പ്രസിഡന്റ് ഡൊണാൾഡ് ട്രംപ് തിങ്കളാഴ്ച നടത്തിയ പ്രസ്താവന ആഗോള രാഷ്ട്രീയത്തിലും ഇന്ത്യൻ പാർലമെന്റിലും കോളിളക്കം സൃഷ്ടിച്ചു. താന്‍ പ്രസിഡന്റായിരുന്ന കാലത്ത് ഇന്ത്യയും പാക്കിസ്താനും തമ്മിലുള്ള യുദ്ധം ഉൾപ്പെടെ ലോകത്ത് ആറ് സാധ്യതയുള്ള യുദ്ധങ്ങൾ തടഞ്ഞുവെന്നാണ് ട്രംപ് അവകാശപ്പെട്ടത്. ഈ പ്രസ്താവനയിൽ പ്രധാനമന്ത്രി നരേന്ദ്ര മോദിയുടെ മൗനത്തെ ഇന്ത്യയിലെ പ്രതിപക്ഷ നേതാക്കൾ ചോദ്യം ചെയ്തിട്ടുണ്ട്. താൻ പ്രസിഡന്റായിരുന്നില്ലെങ്കിൽ ഇന്ത്യയും പാക്കിസ്താനും തമ്മിൽ ഒരു യുദ്ധം ഉണ്ടാകുമായിരുന്നുവെന്ന് ട്രംപ്…

ഡെൻവർ :ജൂലൈ 26 ശനിയാഴ്ച ഡെൻവറിൽ നിന്ന് മിയാമിയിലേക്ക് പോകേണ്ടിയിരുന്ന അമേരിക്കൻ എയർലൈൻസ് വിമാനത്തിലെ യാത്രക്കാരെ അടിയന്തര സ്ലൈഡുകളിലൂടെ ഒഴിപ്പിച്ചു. പറന്നുയരാൻ ഒരുങ്ങുന്നതിനിടെ വിമാനത്തിന് സാങ്കേതിക തകരാർ സംഭവിച്ചതിനെ തുടർന്നായിരുന്നു ഇത്. എയർലൈൻസ് നൽകുന്ന വിവരമനുസരിച്ച്, ഫ്ലൈറ്റ് 3023 പറന്നുയരാൻ ഒരുങ്ങുമ്പോൾ ഒരു ടയർ പൊട്ടി. തുടർന്ന് വിമാനം റൺവേയിൽ പെട്ടെന്ന് വേഗത കുറയ്ക്കുകയും, “ഡെൻവർ ഫയർ ഡിപ്പാർട്ട്‌മെന്റ് വേഗത്തിൽ കെടുത്തിയ ഒരു ചെറിയ ബ്രേക്ക് തീ” ഉണ്ടാകുകയും ചെയ്തു. സാമൂഹിക മാധ്യമങ്ങളിൽ പ്രചരിക്കുന്ന വീഡിയോകളിൽ, ബോയിംഗ് 737 മാക്സ് 8 വിമാനത്തിൽ നിന്ന് യാത്രക്കാർ സ്ലൈഡുകളിലൂടെ താഴെയിറങ്ങി ഓടി മാറുന്നത് കാണാം. 173 യാത്രക്കാരും ആറ് ജീവനക്കാരും സുരക്ഷിതമായി വിമാനത്തിൽ നിന്ന് പുറത്തിറങ്ങിയതായി അമേരിക്കൻ എയർലൈൻസ് അറിയിച്ചു. ഒരു യാത്രക്കാരന് നിസ്സാര പരിക്കേറ്റതിനെ തുടർന്ന് കൂടുതൽ പരിശോധനകൾക്കായി ആശുപത്രിയിൽ പ്രവേശിപ്പിച്ചതായും എയർലൈൻസ് വ്യക്തമാക്കി. “എല്ലാ യാത്രക്കാരെയും…

ലണ്ടൻ ലൂട്ടൺ വിമാനത്താവളത്തിൽ നിന്ന് സ്കോട്ട്ലൻഡിലേക്ക് പോകുകയായിരുന്ന ഈസിജെറ്റ് വിമാനം അടിയന്തര സാഹചര്യത്തിൽ വഴിതിരിച്ചുവിടേണ്ടിവന്നു. ഒരു യാത്രക്കാരൻ ബോംബ് പൊട്ടിത്തെറിക്കുമെന്ന് ഭീഷണിപ്പെടുത്തുകയും “ട്രംപിന് മരണം”, “അമേരിക്കയ്ക്ക് മരണം” തുടങ്ങിയ മുദ്രാവാക്യങ്ങൾ വിളിക്കാൻ തുടങ്ങുകയും ചെയ്തു. പിന്നീട് യാത്രക്കാർ ഇയാളെ നിയന്ത്രിച്ചു. സോഷ്യൽ മീഡിയയിൽ വൈറലായ ഈ സംഭവത്തിന്റെ വീഡിയോ ബ്രിട്ടനെ മുഴുവൻ ഞെട്ടിച്ചു. യാത്രക്കാരുടെ ജാഗ്രതയും വിവേകവും കാരണം ഒരു വലിയ അപകടം ഒഴിവായെങ്കിലും വീണ്ടും വിമാനങ്ങളുടെ സുരക്ഷാ സംവിധാനത്തെക്കുറിച്ച് ചോദ്യങ്ങൾ ഉയർത്തിയിട്ടുണ്ട്. ഞായറാഴ്ചയാണ് ഈ ഈസിജെറ്റ് വിമാനം സ്കോട്ട്ലൻഡിലേക്ക് പോകുന്നതിനിടെ സംഭവം നടന്നത്. വിമാനത്തിന്റെ മധ്യത്തിൽ, ഒരാൾ പെട്ടെന്നാണ് സീറ്റിൽ നിന്ന് എഴുന്നേറ്റ് “ട്രംപിന് മരണം” എന്നും “അമേരിക്കയ്ക്ക് മരണം” എന്നും ഉച്ചത്തിൽ വിളിച്ചുപറയാൻ തുടങ്ങിയത്. അതോടെ യാത്രക്കാര്‍ മുഴുവന്‍ പരിഭ്രാന്തിയിലായി. ബോംബ് വെക്കുമെന്ന് ഭീഷണിപ്പെടുത്തി ആ മനുഷ്യൻ “അല്ലാഹു അക്ബർ” എന്ന് ഉച്ചത്തിൽ വിളിക്കാൻ…

ഇന്ത്യ-പാക് സംഘർഷവുമായി ബന്ധിപ്പിച്ച്, തായ്‌ലൻഡിനെയും കംബോഡിയയെയും യുദ്ധം നിർത്താൻ ഭീഷണിപ്പെടുത്തി യു എസ് പ്രസിഡന്റ് ഡോണാള്‍ഡ് ട്രം‌പ് വീണ്ടും രംഗത്ത്. വ്യാപാരത്തിലൂടെ ഇന്ത്യ – പാക് യുദ്ധം നിർത്താൻ കഴിഞ്ഞത് തനിക്ക് ഒരു ബഹുമതിയാണെന്നാണ് ട്രം‌പിന്റെ അവകാശവാദം. വാഷിംഗ്ടണ്‍: യു എസ് പ്രസിഡന്റ് ഡൊണാൾഡ് ട്രംപ് വീണ്ടും തന്റെ വിവാദ പ്രസ്താവനയിലൂടെ അന്താരാഷ്ട്ര രാഷ്ട്രീയത്തെ ഇളക്കിമറിച്ചു. ഇന്ത്യയും പാക്കിസ്താനും തമ്മിലുള്ള സംഘർഷം താനാണ് പരിഹരിച്ചതെന്ന് ഞായറാഴ്ച അദ്ദേഹം അവകാശപ്പെട്ടു. ഇപ്പോൾ തായ്‌ലൻഡും കംബോഡിയയും തമ്മിലുള്ള വർദ്ധിച്ചുവരുന്ന സംഘർഷം പരിഹരിക്കാനാണ് അദ്ദേഹത്തിന്റെ ശ്രമം. ഒരു പൊതുയോഗത്തിൽ സംസാരിക്കവെ, തായ്‌ലൻഡുമായും കംബോഡിയയുമായും അമേരിക്കയ്ക്ക് വലിയ വ്യാപാര ബന്ധമുണ്ടെന്ന് ട്രംപ് പറഞ്ഞു. ഇരു രാജ്യങ്ങളിലെയും പ്രധാനമന്ത്രിമാരെ വിളിച്ച്, പോരാട്ടം അവസാനിക്കുന്നതുവരെ ഒരു വ്യാപാര കരാറും ഉണ്ടാകില്ലെന്ന് ഞാന്‍ അവരോട് വ്യക്തമായി പറഞ്ഞിട്ടുണ്ടെന്ന് ട്രം‌പ് പറഞ്ഞു. ഇന്ത്യയെയും പാക്കിസ്താനെയും പോലെ എനിക്ക് കാര്യങ്ങൾ…

അർക്കൻസാസ്: അർക്കൻസാസിലെ ഡെവിൾസ് ഡെൻ സ്റ്റേറ്റ് പാർക്കിൽ ഹൈക്കിംഗിനിടെ ദമ്പതികളെ വെടിവെച്ച് കൊന്നു. ക്ലിന്റൺ ഡേവിഡ് ബ്രിങ്ക് (43), ക്രിസ്റ്റൻ അമാൻഡ ബ്രിങ്ക് (41) എന്നിവരാണ് കൊല്ലപ്പെട്ടതെന്ന് അർക്കൻസാസ് സ്റ്റേറ്റ് പോലീസ് അറിയിച്ചു. അടുത്തിടെ കാലിഫോർണിയയിൽ നിന്നും മൊണ്ടാനയിൽ നിന്നും പ്രൈറി ഗ്രോവിലേക്ക് താമസം മാറിയവരാണ് ഇവർ. ശനിയാഴ്ച ഉച്ചയ്ക്ക് ശേഷം 3 മണിയോടെയാണ് ഇരട്ടക്കൊലപാതകം നടന്നതായി പോലീസിന് വിവരം ലഭിച്ചത്. പാർക്കിൽ പെൺമക്കളോടൊപ്പം ഹൈക്കിംഗ് നടത്തുന്നതിനിടെയാണ് ഇവർ ആക്രമിക്കപ്പെട്ടത്. 7 ഉം 9 ഉം വയസ്സുള്ള കുട്ടികൾക്ക് പരിക്കില്ലെന്നും അവർ ബന്ധുക്കളുടെ സംരക്ഷണയിലാണെന്നും പോലീസ് അറിയിച്ചു. കൊലപാതകങ്ങൾക്ക് കുട്ടികൾ സാക്ഷികളാണോ എന്ന് വ്യക്തമല്ല. ഇരുണ്ട വസ്ത്രങ്ങളും വിരലില്ലാത്ത കയ്യുറകളും ധരിച്ച ഒരാൾക്കായാണ് പോലീസ് തിരച്ചിൽ നടത്തുന്നത്. പ്രതി ഒരു കറുത്ത സെഡാൻ, ഒരുപക്ഷേ ലൈസൻസ് പ്ലേറ്റിൽ ടേപ്പ് ഒട്ടിച്ച മാസ്ഡ, ഓടിച്ചു രക്ഷപ്പെട്ടതായി കരുതുന്നു. സംഭവത്തിൽ…

ഹൂസ്റ്റൺ: യൂണിയൻ ക്രിസ്ത്യൻ ഫെലോഷിപ്പിന്റെ (യു സി എഫ്) 2025ലെ മുപ്പത്തി ഒന്നാമത് പ്രതിവാര യോഗം ജൂലൈ 27 ന് 4 മണിക്ക് സ്റ്റാഫോർഡ് ഗസൽ ഓഡിറ്റോറിയത്തിൽ വച്ച് നടന്നു. റവ.ഡോ.എബ്രഹാം ചാക്കോ മുഖ്യ സന്ദേശം നൽകി. “വിവിധങ്ങളായ പ്രതികൂല കാലാവസ്ഥകളെ ഒരു പന എപ്രകാരം അതിജീവിക്കുന്നുവോ അപ്രകാരം ഒരു നീതിമാൻ പ്രതിസന്ധികളെ ദൈവത്തിലുള്ള ആഴമായ വിശ്വാസത്താൽ തരണം ചെയ്യുന്നു. ഒരു നീതിമാൻ തഴച്ചു വളരുന്നതും വാർദ്ധക്യത്തിലും ഫലം കായ്ക്കുന്നതും, വിശ്വാസ സമൂഹത്തിൽ നിന്ന് ലഭിക്കുന്ന ആത്മീയ പ്രചോദനങ്ങളിൽ കൂടിയാണെന്നും സങ്കീർത്തനം 92 ന്റെ 12 മുതൽ 14 വരെയുള്ള വാക്യങ്ങളെ അടിസ്ഥാനമാക്കി അദ്ദേഹം തന്റെ വചന ശുശ്രൂഷയിൽ ഉത്ബോധിപ്പിച്ചു”. പ്രസിഡണ്ട് മത്തായി കെ മത്തായി അധ്യക്ഷത വഹിച്ച യോഗത്തിൽ മധ്യസ്ഥപ്രാർത്ഥനയ്ക്ക് ജോൺ കുരുവിള നേതൃത്വം നൽകി. എൻ എം മാത്യു പ്രാർത്ഥിച്ചു. മുഖ്യ സന്ദേശത്തിനുശേഷം അംഗങ്ങൾ…

കാൽഗറി : മലയാളം മിഷൻ സ്ഥാപകനും മുൻ മുഖ്യമന്ത്രിയുമായിരുന്ന വി.എസ് അച്യുതാന്ദനെ അനുസ്മരിച്ചു് കാനഡ ചാപ്റ്റർ. ലോകമെമ്പാടുമുള്ള കേരളീയരുടെ പുതുതലമുറയ്ക്ക് മലയാളം ഭാഷ പഠിക്കാനും, മലയാള നാടിന്റെ സംസ്കാരം പകർന്നു കൊടുക്കാനും വേണ്ടി ദീർഘ വീക്ഷണത്തോടെ വി.എസ് അച്യുതാന്ദൻ 2009 ജൂൺ 2 ന് ഉത്‌ഘാടനം ചെയ്ത, ഇന്ന് ലോകമെമ്പാടും അമ്പതിനായിരത്തിൽപരം പഠിതാക്കൾ ഭാഗമായിരിക്കുന്ന മലയാളം മിഷന്റെ സ്ഥാപകനെ മലയാളം മിഷൻ കാനഡ ചാപ്റ്റർ പ്രവർത്തകർ അനുസ്മരിച്ചു. വാർത്ത: ജോസഫ് ജോൺ, കാൽഗറി