Month: August 2025

ന്യൂയോർക്ക്: അമേരിക്കൻ മലയാളി ലോ എൻഫോഴ്‌സ്‌മെന്റ് യൂണൈറ്റഡ് (AMLEU) ന്യൂയോർക്കിൽ സംഘടിപ്പിച്ച ജനസമ്പർക്ക സാമൂഹ്യസേവന പരിപാടിയായ ‘ഇൻസ്പയർ ദി നെക്സ്റ്റ് ജനറേഷൻ’ ശ്രദ്ധേയമായി. നിയമ നിർവഹണ മേഖലയിലെ ഉദ്യോഗസ്ഥരും, സാമൂഹ്യ നേതാക്കളും, യുവജനങ്ങളും ഒത്തുചേർന്നു. സേവനമേഖലയിലെ അറിവുകളും അനുഭവങ്ങളും ഇവർ പങ്കുവെച്ചു. മലയാളി ലോ എൻഫോഴ്‌സ്‌മെന്റ് നേതൃത്വം നൽകിയ ഈ പരിപാടി കേരളത്തിന്റെ സാംസ്കാരിക പൈതൃകം വിളിച്ചോതുന്ന വേദി കൂടിയായി. ഡാനിയൽ സോളമൻ (സർജന്റ്-അറ്റ്-ആംസ്) ദേശാഭിമാന സത്യപ്രതിജ്ഞ ചെയ്തു ചടങ്ങുകൾക്കു തുടക്കം കുറിച്ചു. വീരമൃത്യു വരിച്ച ഉദ്യോഗസ്ഥർക്കു വേണ്ടി ഒരു നിമിഷം മൗനാഞ്ജലി നടത്തിയ ശേഷമാണ് പരിപാടികൾ ആരംഭിച്ചത്. ന്യൂയോർക്ക് സംസ്ഥാന ഗവർണർ കാത്തി ഹോക്കിളിന്റെ ഓഫിസിലെ ഏഷ്യൻ അമേരിക്കൻ ആൻഡ് പസഫിക് ഐലൻഡ് അഫയേഴ്‌സ് ഡയറക്ടർ സിബു നായർ മുഖ്യ പ്രഭാഷണം നടത്തി. ലോ എൻഫോഴ്‌സ്‌മെന്റ് നേതൃത്വം കമ്മ്യൂണിറ്റിയുമായി ചേർന്ന് പ്രവർത്തിക്കേണ്ടതിന്റെ ആവശ്യകത അദ്ദേഹം എടുത്തുകാട്ടി.…

ഡാളസ് :ഓഗസ്റ്റ് 23-ന് ഫ്രിസ്കോ റഫ്‌റൈഡേഴ്‌സ് സ്റ്റേഡിയം കണ്ടത് അവിസ്മരണീയമായ ഒരു ദിവസമാണ്! നോർത്ത് ടെക്‌സസിലെ ഏറ്റവും വലിയ സ്വാതന്ത്ര്യദിനാഘോഷങ്ങളിലൊന്നിന് വേദിയായ ഈ പരിപാടി സംഘടിപ്പിച്ചത് ഇന്ത്യ അസോസിയേഷൻ ഓഫ് നോർത്ത് ടെക്‌സസ് (IANT) ആണ്. പതിനായിരക്കണക്കിന് ആളുകളാണ് ആഘോഷത്തിൽ പങ്കെടുത്തത്. മുഖ്യാതിഥി ഹൂസ്റ്റണിലെ ഇന്ത്യൻ കോൺസൽ ജനറൽ ശ്രീ. ഡി.സി. മഞ്ജുനാഥ് സ്വാതന്ത്ര്യദിന പ്രസംഗം നടത്തി. പ്രമുഖരും പ്രാദേശിക നേതാക്കളും സന്നദ്ധസംഘടനകളും അണിനിരന്ന ദേശഭക്തി വിളിച്ചോതുന്ന പരേഡ്.ഡാലസിലെ പ്രാദേശിക ഡാൻസ് സ്കൂളുകൾ അവതരിപ്പിച്ച മനോഹരമായ കലാപരിപാടികൾ.അയാന്റ് നേതൃത്വത്തിലുള്ള ശ്രീ. രാജീവ് കാമത്ത്, ശ്രീ. മഹേന്ദർ റാവു, ശ്രീ. ബി.എൻ. റാവു എന്നിവരുടെ ഹൃദയസ്പർശിയായ പ്രസംഗങ്ങൾ.ഭക്ഷണം, ഷോപ്പിംഗ്, സാംസ്കാരിക പ്രദർശനങ്ങൾ എന്നിവയുമായി 130-ൽ അധികം സ്റ്റാളുകൾ.കുട്ടികൾക്കായി മെഹന്തി, ഫേസ് പെയിന്റിംഗ്, ബൗൺസ് ഹൗസുകൾ, ക്രിക്കറ്റ് ഇന്ത്യൻ ഐഡൽ 13-ാം വിജയി ഋഷി സിംഗ്, ഇന്ത്യൻ ഐഡൽ 14-ാം ഫൈനലിസ്റ്റ്…

കൊല്ലം: എട്ട് മാസം മുമ്പ് തെരുവ് നായയുടെ കടിയേറ്റെങ്കിലും പ്രതിരോധ കുത്തിവയ്പ്പ് എടുക്കാൻ വിസമ്മതിച്ച 52-കാരന്‍ പേ വിഷ ബാധയേറ്റ് മരിച്ചു. കൊട്ടാരക്കര പെരുംകുളം സ്വദേശി എൻ. ബിജുകുമാർ (52) ആണ് മരിച്ചത്. എട്ട് മാസം മുമ്പ്, റേഡിയോ ജംഗ്ഷനിൽ വെച്ച് നിരവധി പേരെ തെരുവു നായ കടിച്ചിരുന്നു. മറ്റുള്ളവർ റാബിസ് പ്രതിരോധ കുത്തിവയ്പ്പുകൾ എടുത്തപ്പോൾ, ബിജുകുമാർ വിസമ്മതിച്ചു. പിന്നീട്, ആരോഗ്യ പ്രവർത്തകർ അദ്ദേഹത്തിന്റെ വീട് സന്ദർശിച്ച് നിർബന്ധിച്ചപ്പോൾ, നാല് ഡോസ് വാക്സിനേഷൻ ഷെഡ്യൂളിൽ ഒരു ഡോസ് മാത്രമാണ് അദ്ദേഹം എടുത്തത്. എന്നാല്‍, ഇന്നലെ ഉച്ചകഴിഞ്ഞ് അദ്ദേഹത്തിന് കടുത്ത പനിയും വിറയലും അനുഭവപ്പെട്ടതിനെത്തുടര്‍ന്ന് കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു. ഒരു കുത്തിവയ്പ്പ് സ്വീകരിച്ചയുടനെ, വെള്ളം ആവശ്യപ്പെട്ടു. അസ്വസ്ഥമായ പെരുമാറ്റം കാണിച്ച ബിജുകുമാര്‍ ചുറ്റുമുള്ളവരെ കടിക്കാൻ ശ്രമിച്ചു. തിരുവനന്തപുരം മെഡിക്കൽ കോളേജ് ആശുപത്രിയിലേക്കുള്ള വഴിമധ്യേ മരണത്തിന് കീഴടങ്ങി. ഇന്ന്…

വാഷിംഗ്‌ടൺ ഡി സി:ഗ്രീൻ കാർഡും എച്-1ബി വിസയും നിർത്തുന്നത് ഉൾപ്പെടെ ഇമിഗ്രെഷൻ സംവിധാനം ഉടച്ചു വാർക്കാൻ ട്രംപ് ഭരണകൂടം ആലോചിക്കുന്നതായി കോമേഴ്‌സ് സെക്രട്ടറി ഹൊവാർഡ് ലുട്നിക്ക് പറഞ്ഞു. “എച്-1 ബി ഭീകരമാണ്,” അദ്ദേഹം ഫോക്സ് ന്യൂസിൽ പറഞ്ഞു. “അത് മാറ്റാനുള്ള ശ്രമങ്ങളിലാണ് ഞാൻ. ഞങ്ങൾ അതു മാറ്റും. ഗ്രീൻ കാർഡും മാറ്റും. “അതാണ് ഗോൾഡ് കാർഡ് കൊണ്ടുവരുന്നത്. ഈ രാജ്യത്തേക്ക് ഏറ്റവും മികച്ച ആളുകളെ മാത്രം കൊണ്ടുവരും. ആ മാറ്റത്തിനു കാലമായി.” ‘ഗോൾഡ് കാർഡ്’ പ്രോഗ്രാം കൊണ്ടു വരുന്നുവെന്നു പ്രസിഡന്റ് ട്രംപ് നേരത്തെ പ്രഖ്യാപിച്ചിട്ടുണ്ട്. $5 മില്യൺ മുടക്കി കാർഡ് വാങ്ങുന്നവർക്കു യുഎസിൽ സ്ഥിരതാമസം ലഭ്യമാവും. ഈ പരിപാടിയിൽ ഒട്ടേറെ നല്ല പ്രതികരണം ഉണ്ടായിട്ടുണ്ടെന്നു ലുട്നിക് അവകാശപ്പെട്ടു. 250,000 പേർ കാത്തു നിൽക്കുന്നുണ്ട്. അതിൽ നിന്നു $1.25 ട്രില്യൺ വരുമാനം പ്രതീക്ഷിക്കുന്നു. വിദേശത്തു നിന്നു മികവുള്ള ജീവനക്കാരെ…

വടക്കാങ്ങര: ടാലന്റ് പബ്ലിക് സ്കൂളിന്റെ മൂന്ന് ദിവസം നീണ്ടുനിൽക്കുന്ന കലോൽസവത്തിന് തുടക്കം. പ്രശസ്ത ആകാശവാണി ഡ്രാമ ആർട്ടിസ്റ്റും കലാകാരനുമായ മനോജ് കുമാർ പെരിന്തൽമണ്ണ വടക്കാങ്ങര ടാലൻറ് പബ്ലിക് സ്കൂളിന്റെ ആർട്സ് ഫെസ്റ്റ് (ഫെലീഷ്യ 2K25) ഉദ്ഘാടനം ചെയ്തു. ആഗസ്റ്റ് 25, 26, 27 തിയ്യതികളിൽ സ്കൂളിൽ നടക്കുന്ന ആർട്സ് ഫെസ്റ്റ് അഞ്ച് സ്റ്റേജുകളിലായി മോണ്ടിസോറി തലം മുതൽ പത്താം ക്ലാസ് വരെയുള്ള കുട്ടികളുടെ വൈവിധ്യമാർന്ന സർഗാത്മക കഴിവുകൾ മാറ്റുരയ്ക്കും. ഉദ്ഘാടന സെഷനിൽ സ്കൂൾ പ്രിൻസിപ്പൽ മുഹമ്മദലി കൊടിഞ്ഞി സ്വാഗതം പറഞ്ഞു. സ്കൂൾ കമ്മിറ്റി സെക്രട്ടറി യാസിർ കരുവാട്ടിൽ, പി.ടി.എ പ്രസിഡന്റ് ജൗഹറലി തങ്കയത്തിൽ, സ്കൂൾ കൾച്ചറൽ മിനിസ്റ്റർ നിഹാ നെസൽ എന്നിവർ ആശംസകൾ അർപ്പിച്ചു. സി.സി.എ കൺവീനർ രജീഷ് മാസ്റ്റർ നന്ദി പ്രകാശിപ്പിച്ചു.