Month: December 2025

മെസ്‌ക്വിറ്റ് (ഡാളസ്): മെസ്‌ക്വിറ്റിലെ സെന്റ് പോൾസ് മാർത്തോമാ ചർച്ച് അംഗങ്ങൾ തങ്ങളുടെ  മാതൃകാപരമായ പ്രവർത്തനങ്ങളിലൂടെ  പ്രാദേശിക സമൂഹത്തിന് വലിയൊരു കൈത്താങ്ങായി മാറിയിരിക്കുകയാണ്. ഇടവകയിൽ നടന്ന ‘ഫാമിലി സൺഡേ’ ) ആഘോഷങ്ങളോടനുബന്ധിച്ച് അംഗങ്ങൾ തങ്ങളുടെ ഒരു ദിവസത്തെ വരുമാനം ജീവകാരുണ്യ പ്രവർത്തനങ്ങൾക്കായി മാറ്റിവെച്ചു. സമാഹരിച്ച തുകയുടെ 50 ശതമാനവും പ്രാദേശിക സമൂഹത്തിലെ പാർശ്വവൽക്കരിക്കപ്പെട്ടവരെയും കഷ്ടത അനുഭവിക്കുന്നവരെയും സഹായിക്കാനാണ് വിനിയോഗിച്ചത്. ഇടവകയുടെ ഈ കാരുണ്യസ്പർശം എത്തിച്ചേർന്നത് ടൗൺ ഓഫ് സണ്ണിവെയ്ൽ പ്രാദേശിക ക്ഷേമ പ്രവർത്തനങ്ങൾക്കും , സിറ്റി ഓഫ് മെസ്‌ക്വിറ്റ്  നഗരപരിധിയിലെ സേവന പ്രവർത്തനങ്ങൾക്കും , ഷെയറിംഗ് ലൈഫ്  നിർദ്ധനരായ ആളുകളെ സഹായിക്കുന്ന ഈ മൂന്നു പദ്ധതികൾക്കുമാണ് സെന്റ് പോൾസ് മാർത്തോമാ ചർച്ചിൽ ഡിസംബർ 21,28 ഞായറാഴ്ചകളിൽ വിശുദ്ധ  കുർബാനക്ക് ശേഷം ഇടവക വികാരി റവ റജിൻ രാജു അച്ചന്റെ അധ്യക്ഷതയിൽ   സംഘടിപ്പിച്ച ലളിതമായ ചടങ്ങിൽ  സണ്ണിവെയ്ൽ,മെസ്‌ക്വിറ്റ്  സിറ്റികളിൽ…

ടാരന്റ് കൗണ്ടി (ടെക്സാസ്): മനുഷ്യക്കടത്ത്, പെൺവാണിഭം എന്നീ കുറ്റങ്ങൾ ചുമത്തപ്പെട്ട 25 വയസ്സുകാരി എമിലി ഹച്ചിൻസിനെ  കോടതി 30 വർഷം തടവിന് ശിക്ഷിച്ചു. ടാരന്റ് കൗണ്ടി ജില്ലാ അറ്റോർണി ഓഫീസാണ് ശിക്ഷാവിധി പുറപ്പെടുവിച്ചത്. കുറ്റം: പെൺകുട്ടികളെ പ്രലോഭിപ്പിച്ച് പെൺവാണിഭത്തിനായി റിക്രൂട്ട് ചെയ്യുകയും അവരെക്കൊണ്ട് നിർബന്ധപൂർവ്വം ലൈംഗിക തൊഴിൽ ചെയ്യിപ്പിക്കുകയും ചെയ്തു. പെൺകുട്ടികളെ ഭവനരഹിതരാക്കുമെന്നും അവരുടെ വിവരങ്ങൾ കുടുംബാംഗങ്ങളെ അറിയിക്കുമെന്നും ഭീഷണിപ്പെടുത്തിയാണ് പ്രതി ഇവരെ നിയന്ത്രിച്ചിരുന്നത്. സാമ്പത്തിക ചൂഷണം: പെൺകുട്ടികൾ സമ്പാദിക്കുന്ന പണത്തിന്റെ ഭൂരിഭാഗവും എമിലി സ്വന്തമാക്കിയിരുന്നതായി പ്രോസിക്യൂട്ടർമാർ കോടതിയിൽ ബോധിപ്പിച്ചു. കുറ്റം സമ്മതിച്ചതിനെ തുടർന്നാണ് എമിലിക്ക് ശിക്ഷ വിധിച്ചത്. ഈ കേസിൽ എത്ര പെൺകുട്ടികൾ ഇരകളായിട്ടുണ്ടെന്ന കൃത്യമായ വിവരം പോലീസ് പുറത്തുവിട്ടിട്ടില്ല.

കൊപ്പേൽ / ടെക്‌സാസ് : സെന്റ് അൽഫോൻസ കാത്തലിക് ചർച്ച് ഓഡിറ്റോറിയത്തിൽ വെച്ച് നടന്ന ഈ വർഷത്തെ ക്രിസ്മസ് ഫാമിലി ഡേ ആഘോഷങ്ങൾ ഭക്തിസാന്ദ്രവും വർണ്ണാഭവുമായി. ആഘോഷങ്ങളുടെ ഭാഗമായി അരങ്ങേറിയ ‘നല്ലിടയൻ’ എന്ന നാടകം കാണികൾക്ക് പുത്തൻ അനുഭവമായി മാറി. സെന്റ് വിൻസെന്റ് ഡി പോൾ സൊസൈറ്റിയും (St. Vincent DePaul Society) ലീജിയൻ ഓഫ് മേരിയും (Legion of Mary) സംയുക്തമായാണ് ഈ കലാവിരുന്ന് സംഘടിപ്പിച്ചത്. ഇരു സംഘടനകളും ചേർന്ന് ആദ്യമായി ഒരുക്കുന്ന നാടകം എന്ന പ്രത്യേകതയും ഇതിനുണ്ട്. ജോജോ ആലൂക്ക രചനയും സംവിധാനവും നിർവഹിച്ച നാടകത്തിന്റെ പിന്നണിയിൽ ഡെന്നി എരിഞ്ചേരി (അസിസ്റ്റന്റ് ഡയറക്ടർ), സജേഷ് അഗസ്റ്റിൻ (റെക്കോർഡിംഗ് & മിക്സിംഗ്), ബെന്നി മറ്റക്കര (എഡിറ്റിംഗ്), സ്കറിയ ജേക്കബ് (സംഗീതം) എന്നിവർ പ്രവർത്തിച്ചു. ഫ്രാൻസിസ് സെബാസ്റ്റ്യൻ, ജോസഫ് കുര്യൻ (സാജു കാര്യമ്പുഴ) എന്നിവരായിരുന്നു നാടകത്തിന്റെ കോർഡിനേറ്റർമാർ.…

ഒർലാൻഡോ:അമേരിക്കയിലെ ഒർലാൻഡോയിലുള്ള ലേക്ക് ഇയോള പാർക്കിൽ കഴിഞ്ഞ അഞ്ച് ദിവസത്തിനിടെ 12 അരയന്നങ്ങളെ ചത്ത നിലയിൽ കണ്ടെത്തി. ഇതോടെ പ്രദേശത്ത് പക്ഷിപ്പനി (Bird Flu) പടരുന്നുണ്ടോ എന്ന ആശങ്ക ശക്തമായിരിക്കുകയാണ്. കഴിഞ്ഞ വർഷവും ഈ തടാകത്തിൽ അരയന്നങ്ങൾ പക്ഷിപ്പനി ബാധിച്ച് ചത്തിരുന്നു. ഇത്തവണയും സമാനമായ രീതിയിൽ പക്ഷിപ്പനി തന്നെയാകാം മരണകാരണമെന്നാണ് പ്രാഥമിക നിഗമനം. എങ്കിലും ശാസ്ത്രീയ പരിശോധനകൾക്ക് ശേഷമേ ഇത് സ്ഥിരീകരിക്കാനാവൂ. പ്രതിരോധ നടപടികളുടെ ഭാഗമായി പാർക്കിലെ വിവിധ ഭാഗങ്ങൾ അണുവിമുക്തമാക്കാൻ നഗരസഭ നിർദ്ദേശം നൽകി. പക്ഷികൾ തമ്മിലുള്ള സമ്പർക്കം കുറയ്ക്കുന്നതിനായി പക്ഷികൾക്ക് തീറ്റ നൽകുന്ന യന്ത്രങ്ങൾ താൽക്കാലികമായി നീക്കം ചെയ്തു. ചത്ത പക്ഷികളെ വിദഗ്ധ പരിശോധനയ്ക്കായി മാറ്റിയിരിക്കുകയാണ്. അവധി ദിവസങ്ങളായതിനാൽ വെറ്ററിനറി വിദഗ്ധരുടെ സേവനം ലഭിക്കാൻ താമസം നേരിട്ടതാണ് പരിശോധന വൈകാൻ കാരണമായത്. 1922 മുതൽ ഒർലാൻഡോയുടെ അടയാളമായ ഈ അരയന്നങ്ങളുടെ കൂട്ടമരണത്തിൽ പരിസ്ഥിതി പ്രവർത്തകരും…

ഹ്യൂസ്റ്റൻ: ഹ്യൂസ്റ്റൻ നിവാസിയും പരേതനായ കെ സി വര്‍ഗീസിന്റെ ഭാര്യയുമായ ഏലിയാമ്മ വർഗീസ് (89) ഡിസംബർ 28-ന് വാർദ്ധക്യസഹജമായ അസുഖത്തെത്തുടര്‍ന്ന് ഹ്യൂസ്റ്റനില്‍ നിര്യാതയായി. കേരളത്തിൽ മലയിൽ കൊല്ലാട് ആണ് സ്വദേശം. മക്കൾ: ടീന സജി, ടില്ലി ദിനേശ്, ടീസാ ജയൻ. കൊച്ചുമക്കൾ: തോമസ്, കൈറ്റിലിൻ, ജാക്ക്‌ലിൻ, ഏലി, സാക്കറി, ക്രിസ്റ്റീന, മാത്യു, എലിസബത്ത്. ഹ്യൂസ്റ്റനിലെ ട്രിനിറ്റി മാർത്തോമാ ചർച്ചിലെ പ്രാർത്ഥനാ ഗ്രൂപ്പിലെ സജീവ അംഗമാണ്. സംസ്കാര ശുശ്രൂഷകൾ 2026 ജനുവരി 2-ന് രാവിലെ 8:30ന് ഹ്യൂസ്റ്റന്‍ ട്രിനിറ്റി മാർത്തോമ്മാ ചർച്ചിൽ (Viewing & Funeral Services 01/02/2026 8:30 AM Onwards, Trinity Marthoma Church, 5810 Almeda Genoa Rd, Houston, TX 77048). South Park Funeral Home and Cemetery Address: 1310 N Main St, Pearland, TX 77581 For…

ഡാളസ് : ഡിസംബര്‍ 27 ശനിയാഴ്ച വൈകിട്ട് അമേരിക്കയിലെ കൊപ്പേല്‍ സെയിന്റ് അല്‍ഫോന്‍സാ ചര്‍ച്ച് ഫാമിലി ഡേ ആഘോഷിച്ചു. നവജാത ശിശുക്കളുടെ മാതാപിതാക്കളേയും ഇരുപത്തഞ്ചും അന്‍പതും വര്‍ഷം വിവാഹ ജീവിതം പൂര്‍ത്തിയാക്കിയ ദമ്പതിമാരേയും പ്രത്യേകം സമ്മാനം നല്‍കി ആദരിക്കുകയുണ്ടായി. അന്‍പതു വര്‍ഷക്കാലം ഒരുമിച്ചു ജീവിക്കുവാന്‍ കഴിയുന്നത് ഒരു അപൂര്‍വ്വ ഭാഗ്യമാണ്. ഓരോ വാര്‍ഡിന്റേയും നിയന്ത്രണത്തില്‍ കോര്‍ത്തിണക്കിയ വിവിധ കലാപരിപാടികള്‍ ഹ്യദ്യവും ആസ്വാദ്യകരവുമായിരുന്നു. ക്ലാസിക്കും സെമിക്ലാസിക്കും അല്ലാത്തതുമായ ന്യത്തങ്ങള്‍, കൊച്ചുകുട്ടികള്‍ മുതല്‍ പ്രായമായവര്‍ വരെ അവതരിപ്പിക്കുകയുണ്ടായി. മുതിര്‍ന്നവരുടെ ഗണത്തില്‍ വിമന്‍സ് ഫോറം അവതരിപ്പിച്ച ന്യത്തം മനോഹരമായിരുന്നു. മികച്ച സന്ദേശങ്ങള്‍ നല്‍കിയ ഏതാനും ചെറു ഡ്രാമകള്‍ അവതരണ മികവും കലാ നൈപുണ്യവും കൊണ്ടു വേറിട്ടു നിന്നു. ഫ്രാന്‍സിസ് സെബാസ്റ്റ്യന്‍,  സാജു കരിമ്പുഴ കോര്‍ഡിനേറ്റ് ചെയ്ത്  ജോജോ ആലൂക്ക രചനയും സംവിധാനവും നിര്‍വ്വഹിച്ച് സെയിന്റ് വിന്‍സന്റ് ഡി പോള്‍ സംഘടനയും ലീജന്‍…

വാഷിംഗ്ടൺ: അമേരിക്കയിലെ അഭയ (Asylum) നിയമങ്ങളിലെ പഴുതുകൾ അടയ്ക്കുന്നതിന്റെ ഭാഗമായി കടുത്ത നിയന്ത്രണങ്ങൾ ഏർപ്പെടുത്തി ട്രംപ് ഭരണകൂടം. അഭയാർത്ഥികളെ യുഎസിൽ താമസിപ്പിക്കുന്നതിന് പകരം മറ്റു മൂന്നാം രാജ്യങ്ങളിലേക്ക് മാറ്റാനാണ് പുതിയ നീക്കം. ഉഗാണ്ട, ഹോണ്ടുറാസ്, ഇക്വഡോർ തുടങ്ങിയ രാജ്യങ്ങളുമായി യുഎസ് ധാരണയിലെത്തിയിട്ടുണ്ട്. അഭയാർത്ഥികൾക്ക് ഈ രാജ്യങ്ങളിൽ സംരക്ഷണം തേടാം. മുമ്പ് ആ രാജ്യങ്ങളുമായി ബന്ധമില്ലാത്തവരെപ്പോലും അവിടേക്ക് അയക്കാൻ കോടതികളോട് ഇമിഗ്രേഷൻ വിഭാഗം ആവശ്യപ്പെട്ടു. ഹിയറിംഗുകൾ ഇല്ലാതെ തന്നെ അഭയ അപേക്ഷകൾ തള്ളാൻ ജഡ്ജിമാർക്ക് നിർദ്ദേശം നൽകി. നവംബർ മാസത്തിൽ മാത്രം അയ്യായിരത്തോളം അപേക്ഷകൾ ഇത്തരത്തിൽ തള്ളാൻ നീക്കം നടന്നു. രാഷ്ട്രീയ പീഡനം ആരോപിച്ച് സിഖ് വിഘടനവാദി ഗ്രൂപ്പുകളുടെ പിന്തുണയോടെ അഭയം തേടുന്ന ഇന്ത്യക്കാർക്ക് ഈ നീക്കം വലിയ തിരിച്ചടിയാകും. പഞ്ചാബിൽ ഇത്തരത്തിലുള്ള പീഡനങ്ങൾ നടക്കുന്നില്ലെന്ന് ഇന്ത്യ ആവർത്തിച്ചു വ്യക്തമാക്കിയിട്ടുണ്ട്. ഇന്ത്യയിൽ ക്രിമിനൽ കേസുകൾ നേരിടുന്നവർ വിദേശത്ത് അഭയം…

വാഷിംഗ്‌ടൺ ഡി സി :യുഎസ് സന്ദർശക വിസയിൽ  എത്തുന്നവർക്ക് അവിടെ വെച്ച് വിവാഹം കഴിക്കുന്നതിനും തുടർന്ന് ഗ്രീൻ കാർഡിനായി അപേക്ഷിക്കുന്നതിനും നിയമപരമായ തടസ്സമില്ല. എന്നാൽ, ഇതിൽ പാലിക്കേണ്ട പ്രധാനപ്പെട്ട ’90 ദിവസത്തെ നിയമത്തെ’ക്കുറിച്ച് (90-day rule) ഇമിഗ്രേഷൻ വിദഗ്ധർ മുന്നറിയിപ്പ് നൽകുന്നു. അമേരിക്കയിൽ എത്തിയ ആദ്യ 90 ദിവസത്തിനുള്ളിൽ വിവാഹം കഴിക്കുകയും തുടർന്ന് ഗ്രീൻ കാർഡിനായി അപേക്ഷിക്കുകയും ചെയ്താൽ, അത് ‘വിസ തട്ടിപ്പായി’ (Visa fraud) കണക്കാക്കപ്പെടാൻ സാധ്യതയുണ്ട്. സന്ദർശന വിസയുടെ ദുരുപയോഗമായി ഇതിനെ ഇമിഗ്രേഷൻ ഉദ്യോഗസ്ഥർ വിലയിരുത്തിയേക്കാം. ആദ്യ 90 ദിവസത്തിനുള്ളിലെ വിവാഹം ഗ്രീൻ കാർഡ് അപേക്ഷ നിരസിക്കപ്പെടുന്നതിനും ഭാവിയിൽ അമേരിക്കയിലേക്കുള്ള പ്രവേശനം തടയുന്നതിനും കാരണമായേക്കാം. 90 ദിവസത്തെ സന്ദർശന കാലയളവിനുശേഷം വിവാഹം കഴിക്കുകയും, തുടർന്ന് സാഹചര്യങ്ങൾ മാറിയതിനാലാണ്  അവിടെ തുടരാൻ തീരുമാനിച്ചതെന്ന് വ്യക്തമാക്കുകയും ചെയ്യുന്നത് കൂടുതൽ സുരക്ഷിതമാണ്. ട്രംപ് ഭരണകൂടത്തിന്റെ പുതിയ ഇമിഗ്രേഷൻ നയങ്ങൾ…

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലെ തെരഞ്ഞെടുപ്പിലെ പരാജയത്തെക്കുറിച്ചുള്ള സിപിഎമ്മിന്റെ വിലയിരുത്തൽ സിപിഐ തള്ളി. തിരഞ്ഞെടുപ്പ് പരാജയത്തിൽ വസ്തുതകൾ മറച്ചുവെച്ചതിന് സിപിഐ എക്സിക്യൂട്ടീവ് വിമർശിക്കുകയും ചെയ്തു. തിരിച്ചടിക്ക് കാരണം ഭരണവിരുദ്ധ വികാരം മാത്രമല്ല, ശബരിമല സ്വർണ്ണ കൊള്ളയും അതില്‍ ഉള്‍പ്പെട്ട് അറസ്റ്റിലായ പത്മകുമാറിനെ സംരക്ഷിക്കാനുള്ള സിപിഎമ്മിന്റെ ശ്രമവും തിരിച്ചടിക്ക് കാരണമായെന്നാണ് സിപിഐ വിലയിരുത്തിയത്. എം എല്‍ എ ആയിട്ടും രാഹുൽ മാങ്കൂട്ടത്തിലിനെതിരെ കോൺഗ്രസ് നടപടി സ്വീകരിച്ചു. എന്നാൽ, ഒഴികഴിവുകൾ പറഞ്ഞു പത്മകുമാറിനെ സംരക്ഷിക്കാനാണ് സിപിഎം ശ്രമിച്ചതെന്ന് സിപിഐ വിമർശിച്ചു. എന്നാൽ, തദ്ദേശ തിരഞ്ഞെടുപ്പിലെ തിരിച്ചടിക്ക് കാരണം അമിത ആത്മവിശ്വാസവും സംഘടനാ ദൗർബല്യവുമാണെന്നാണ് സിപിഎമ്മിന്റെ വിലയിരുത്തൽ. പ്രാദേശിക തലത്തിലെ പ്രവർത്തനത്തിലെ ഇടിവും അപ്രതീക്ഷിത പരാജയത്തിന് കാരണമായി. ശബരിമല പോലുള്ള വിഷയങ്ങളിൽ യുഡിഎഫും ബിജെപിയും തെറ്റായ പ്രചാരണം നടത്തി. ആ ശ്രമം അവർ ഉദ്ദേശിച്ചതുപോലെ വിജയിച്ചില്ല. തിരഞ്ഞെടുപ്പ് ഫലം അവലോകനം ചെയ്യുന്നതിനായി…

പതിനേഴു വർഷത്തെ പ്രവാസ ജീവിതത്തിനുശേഷം ബംഗ്ലാദേശില്‍ തിരിച്ചെത്തിയ ബിഎൻപി നേതാവ് താരിഖ് റഹ്മാൻ ധാക്ക-17, ബോഗ്ര-6 എന്നിവിടങ്ങളിൽ നിന്ന് തിരഞ്ഞെടുപ്പിൽ മത്സരിക്കും. അവാമി ലീഗ് നേതാക്കൾക്കെതിരായ നടപടികളും മാറിയ രാഷ്ട്രീയ സാഹചര്യവും കണക്കിലെടുക്കുമ്പോൾ അദ്ദേഹത്തിന്റെ തിരിച്ചുവരവ് ബിഎൻപിക്ക് ഒരു പ്രധാന അവസരമായി കണക്കാക്കപ്പെടുന്നു. ധാക്ക: ബംഗ്ലാദേശ് നാഷണലിസ്റ്റ് പാർട്ടിയുടെ (ബിഎൻപി) ആക്ടിംഗ് പ്രസിഡന്റും മുൻ പ്രധാനമന്ത്രി ഖാലിദ സിയയുടെ മകനുമായ താരിഖ് റഹ്മാൻ പതിനേഴു വർഷത്തെ പ്രവാസത്തിനുശേഷം രാജ്യത്ത് തിരിച്ചെത്തിയ ശേഷം സജീവ രാഷ്ട്രീയത്തിലേക്ക് പ്രവേശിച്ചു. ധാക്കയിലേക്ക് മടങ്ങിയ ഏതാനും ദിവസങ്ങൾക്കുള്ളിൽ, വരാനിരിക്കുന്ന പൊതുതെരഞ്ഞെടുപ്പിൽ മത്സരിക്കാനുള്ള തയ്യാറെടുപ്പുകൾ അദ്ദേഹം ആരംഭിച്ചു. ധാക്ക -17, ബോഗ്ര -6 എന്നീ രണ്ട് പ്രധാന മണ്ഡലങ്ങളിൽ നിന്ന് അദ്ദേഹം മത്സരിക്കും. ഡിസംബർ 27 ന് താരിഖ് റഹ്മാൻ വോട്ടു ചെയ്യാൻ ഔദ്യോഗികമായി അപേക്ഷിക്കുകയും അതേ ദിവസം തന്നെ ധാക്ക -17 സീറ്റിലേക്കുള്ള…