Year: 2025

കോഴിക്കോട്: ‘തിരു വസന്തം 1500’ എന്ന പ്രമേയത്തിൽ മർകസിന്റെ ആഭിമുഖ്യത്തിൽ സംഘടിപ്പിക്കുന്ന അന്താരാഷ്ട്ര മീലാദ് സമ്മേളനത്തിന് പ്രൗഢ തുടക്കം. സുൽത്വാനുൽ ഉലമ കാന്തപുരം ഉസ്താദ് രചിച്ച അർറൗളുൽ മൗറൂദ് ഫീ മൗലിദി സയ്യിദിൽ വുജൂദ് എന്ന മൗലിദ് പാരായണത്തോടെയാണ് വേദിയുണർന്നത്. സയ്യിദ് ശറഫുദ്ദീൻ ജമലുല്ലൈലി പ്രാരംഭ പ്രാർഥനക്ക് നേതൃത്വം നൽകി. ജാമിഉൽ ഫുതൂഹ് ഇമാം ഖാരിഅ ഹാഫിള് ശമീർ അസ്ഹരി ഖിറാഅത്ത് നടത്തി. മർകസ് ഡയറക്ടർ സിപി ഉബൈദുല്ല സഖാഫി സ്വാഗത പ്രഭാഷണം നടത്തി. പ്രവാചകൻ മുഹമ്മദ് നബിയെ കൂടുതൽ അറിയാനും വിവിധ ദേശങ്ങളിലെ പ്രവാചക പ്രകീർത്തന വൈവിധ്യം ആസ്വദിക്കാനുമുള്ള വേദിയാകും സമ്മേളനം. ഈജിപ്ത്, ജോർദാൻ, യുഎഇ, ഒമാൻ, കുവൈത്ത്, തുർക്കി, യമൻ, സിറിയ, ബഹ്‌റൈൻ, മലേഷ്യ, സൗദി അറേബ്യ തുടങ്ങിയ രാജ്യങ്ങളിലെ വിശിഷ്ട വ്യക്തിത്വങ്ങളും സാമൂഹിക-സാംസ്കാരിക നായകരും നയതന്ത്ര പ്രതിനിധികളും സമസ്ത നേതാക്കളും സമ്മേളനത്തിൽ പങ്കെടുക്കുന്നുണ്ട്.…

കോഴിക്കോട്: മുഹമ്മദ് നബിയുടെ 1500-ാമത് ജന്മദിനത്തിന്റെ ഭാഗമായി 1500 കലാ പ്രതിഭകൾ അണിനിരന്ന വർണാഭമായ ഘോഷയാത്രയോടെ അന്താരാഷ്ട്ര മീലാദ് സമ്മേളനത്തിന് തുടക്കം. സുന്നി ജംഇയ്യത്തുൽ മുഅല്ലിമീൻ കോഴിക്കോട് ജില്ലാ കമ്മിറ്റിയുടെ പങ്കാളിത്തത്തോടെ നടന്ന ഘോഷയാത്രക്ക് സാദാത്തുക്കളും പ്രാസ്ഥാനിക നേതാക്കളും നേതൃത്വം നൽകി. മർകസ് കോംപ്ലക്സ് പരിസരത്തു നിന്ന് ആരംഭിച്ച് അരയിടത്തുപാലം, മിനിബൈപ്പാസ് വഴി സമ്മേളന നഗരിയായ കാലിക്കറ്റ് ട്രേഡ് സെന്ററിൽ റാലി സമാപിച്ചു. പരമ്പരാഗത ബൈത്തുകളുടെയും മദ്ഹ് ഗാനങ്ങളുടെയും അകമ്പടിയോടെ താളപ്പെരുക്കങ്ങൾ തീർത്ത് ഉയർ‌ന്നും താഴ്‌ന്നും ചെരിഞ്ഞും ചുവടുകൾ വെച്ചു ദഫ്‌മുട്ടി നീങ്ങിയ സംഘങ്ങൾ നഗരത്തിൽ സമ്മേളനത്തിന്റെ ഓളം സൃഷ്ടിച്ചു. വ്യത്യസ്ത വസ്ത്രാലങ്കാരങ്ങളും കൊടിതോരണങ്ങളും വൈവിധ്യമാർന്ന പ്രകടനങ്ങളും ഘോഷയാത്രക്ക് മിഴിവേകി. മർകസ് ഡയറക്ടർ ജനറൽ സി മുഹമ്മദ് ഫൈസി, വിപിഎം ഫൈസി വില്യാപ്പള്ളി, അബൂ ഹനീഫൽ ഫൈസി തെന്നല, ഡോ. മുഹമ്മദ് അബ്ദുൽ ഹകീം അസ്ഹരി, സയ്യിദ്…

2025 സെപ്റ്റംബർ 12 നേപ്പാളിന്റെ രാഷ്ട്രീയത്തിലെ ഒരു ചരിത്ര ദിനമായി മാറി, സുശീല കാർക്കി രാജ്യത്തിന്റെ ആദ്യത്തെ വനിതാ ഇടക്കാല പ്രധാനമന്ത്രിയായി ചുമതലയേറ്റു. അധികാരമേറ്റയുടൻ അവർ വേഗത്തിൽ തീരുമാനങ്ങൾ എടുക്കാൻ തുടങ്ങി. ഇത് അവരുടെ നേതൃത്വം നിർണായകവും പൊതുജനവികാരങ്ങൾക്ക് അനുസൃതവുമാകുമെന്ന് സൂചിപ്പിക്കുന്നു. പ്രധാനമന്ത്രിയായി ചുമതലയേറ്റ് 24 മണിക്കൂറിനുള്ളിൽ, കർക്കി സർക്കാർ നടപടി തുടങ്ങി. മുൻ പ്രധാനമന്ത്രി കെ.പി. ശർമ്മ ഒലിക്കെതിരെ എഫ്‌ഐആർ രജിസ്റ്റർ ചെയ്തതാണ് ആദ്യത്തെ നടപടി. സെപ്റ്റംബർ 8 ന് നടന്ന പോലീസ് അടിച്ചമർത്തൽ സംഭവത്തിൽ പ്രതിഷേധിച്ച്, ഒലിക്കെതിരെ ഹീനമായ കുറ്റകൃത്യത്തിന് അന്വേഷണം നടത്തണമെന്ന് ആവശ്യപ്പെട്ടാണ് ഈ എഫ്‌ഐആർ രജിസ്റ്റർ ചെയ്തത്. ജനറൽ ഇസഡ് പ്രതിഷേധക്കാരുടെ കോപം ശമിപ്പിക്കുന്നതിനും ജുഡീഷ്യൽ പ്രക്രിയ സജീവമാക്കുന്നതിനുമുള്ള വലിയ സൂചനയായി ഈ നടപടി കണക്കാക്കപ്പെടുന്നു. ജനറൽ ഇസഡ് യുവാക്കളുടെ വ്യാപകമായ പ്രതിഷേധവും സമ്മർദ്ദവും കാരണം സെപ്റ്റംബർ 9 ന് ഒലി…

മക്കരപ്പറമ്പിൽ നിർമിച്ച് നൽകിയ വെൽഫെയർ ഹോം സമർപ്പിച്ചു മക്കരപ്പറമ്പ്: സമൂഹത്തിൽ ജാതി വിവേചനം മൂലം ഭൂമി നിഷേധിക്കപ്പെട്ട അധസ്ഥിത പിന്നോക്ക വിഭാഗങ്ങളുൾപ്പെടെ മുഴുവൻ ഭൂരഹിതർക്കും ഭൂമി അനുവദിച്ച് നൽകാൻ സർക്കാർ തയ്യാറാകണമെന്നും അതിനായി കുത്തകകൾ കൈവശപ്പെടുത്തിയ ഹെക്ടർ കണക്കിന് ഭൂമി പിടിച്ചെടുക്കുണ മെന്നും വെൽഫെയർ പാർട്ടി അഖിലേന്ത്യ വൈസ് പ്രസിഡന്റ് ഹമീദ് വാണിയമ്പലം ആവശ്യപ്പെട്ടു. വെൽഫെയർ പാർട്ടി മക്കരപ്പറമ്പ് പഞ്ചായത്ത് കമ്മിറ്റി ചെട്ടിയാരങ്ങാടിയിൽ വിധവയായ ഒരു കുടുംബിനിക്ക് നിർമ്മിച്ചു നൽകിയ വീടിന്റെ താക്കോൽദാനം നിർവഹിച്ച് സംസാരിക്കുകയായിരുന്നു അദ്ദേഹം. സമൂഹത്തിലെ പിന്നോക്ക വിഭാഗങ്ങളിലുള്ള ജനങ്ങളെ കൈപിടിച്ച് ഉയർത്തിക്കൊണ്ടുവരലാണ് അടിസ്ഥാന വികസനമെന്നും സംസ്ഥാനത്ത് നടപ്പിലാക്കിയ ഭൂപരിഷ്കരണ നിയമം അശാസ്ത്രീയമായിരുന്നുവെന്നും ഇന്നും സമൂഹത്തിലെ അടിത്തട്ടിലുള്ള നല്ലൊരു വിഭാഗം സ്വന്തമായി വീട് നിർമിക്കുവാനോ കൃഷി ചെയ്ത് സ്വയം പര്യാപ്തരാകുവാനോ സാധിക്കാതെ കഷ്ടപ്പെടുന്നവരാണെന്നും അദ്ദേഹം പറഞ്ഞു. ഇവരെ കേവലം വോട്ടുബാങ്കുകളായി ഉപയോഗപ്പെടുത്തുന്നതിലുപരി അവരുടെ അടിസ്ഥാന…

ശനിയാഴ്ച പുലർച്ചെ പാക്കിസ്താനിലെ പ്രശ്നബാധിതമായ വടക്കുപടിഞ്ഞാറൻ മേഖലയിൽ തെഹ്രീക്-ഇ-താലിബാൻ പാക്കിസ്താൻ (ടിടിപി) നടത്തിയ ആക്രമണത്തില്‍ 12 പാക്കിസ്താൻ സൈനികർ കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തു. ഭരണകൂടവും സുരക്ഷാ ഉദ്യോഗസ്ഥരും സംഭവം സ്ഥിരീകരിച്ചു. തെക്കൻ വസീറിസ്ഥാൻ ജില്ലയിൽ പുലർച്ചെ 4 മണിയോടെ ഒരു സൈനിക വാഹനവ്യൂഹം ആ പ്രദേശത്തുകൂടി കടന്നുപോകുമ്പോഴാണ് ആക്രമണം നടന്നതെന്ന് വിവരം. ഭീകരർ പെട്ടെന്ന് കനത്ത ആയുധങ്ങളുമായി വെടിയുതിർക്കാൻ തുടങ്ങിയതായി പ്രാദേശിക ഉദ്യോഗസ്ഥർ പറഞ്ഞു. പ്രതികാരമായി വെടിവയ്പ്പ് വളരെ നേരം തുടർന്നു, പക്ഷേ സൈനികർക്ക് കനത്ത നാശനഷ്ടങ്ങൾ സംഭവിച്ചു. മരിച്ച സൈനികരെ കൂടാതെ നാല് പേർക്ക് ഗുരുതരമായി പരിക്കേറ്റു. അക്രമികൾ സൈന്യത്തിന്റെ ആയുധങ്ങളും ഉപകരണങ്ങളും എടുത്തുകൊണ്ടുപോയി സുരക്ഷിത സ്ഥലങ്ങളിലേക്ക് പലായനം ചെയ്തതായി പറയപ്പെടുന്നു. ഈ ആക്രമണത്തിന്റെ ഉത്തരവാദിത്തം ടിടിപി തന്നെ ഏറ്റെടുത്തിട്ടുണ്ട്. ഖൈബർ പഖ്തുൻഖ്വ പ്രവിശ്യയിൽ സമീപ മാസങ്ങളിൽ നടന്ന ഏറ്റവും വലിയ ആക്രമണമാണിതെന്ന്…

നിരണം: സെന്റ് തോമസ് ബിലീവേഴ്സ് ഈസ്റ്റേൺ ചർച്ച് നിരണം ഇടവക ദിനവും വാർഷിക ആഘോഷവും സെപ്റ്റംബർ 14ന് രാവിലെ 9ന് നടക്കും. കേരള അതി ഭദ്രാസനം ബിഷപ്പ് അഭിവന്ദ്യ മാത്യുസ് മാർ സിൽവാനിയോസ് എപ്പിസ്ക്കോപ്പ വിശുദ്ധ കുര്‍ബാന അർപ്പിക്കും. 11 മണിക്ക് നടക്കുന്ന ഇടവക ദിന സ്തോത്ര ശുശ്രൂഷയ്ക്ക് ബിലീവേഴ്സ് ഈസ്റ്റേൺ ചർച്ച് പരമാധ്യക്ഷൻ മോറാൻ മോർ ഡോ.സാമുവേൽ തെയോഫിലോസ് മെത്രാപ്പോലീത്താ നേതൃത്വം നല്കും. ബിഷപ്പ് മാത്യുസ് മാർ സിൽവാനിയോസ് എപ്പിസ്ക്കോപ്പ അധ്യക്ഷത വഹിക്കും. ചർച്ച് ക്വയർ ഗാനങ്ങൾ ആലപിക്കും.ഇടവകയിലെ ആദ്യ വികാരിയും തോട്ടഭാഗം സെന്റ് മേരീസ് ബിലീവേഴ്സ് ഈസ്റ്റേൺ ചർച്ച് വികാരി യുമായ ഫാദർ ഷിജു മാത്യു ആശംസ അറിയിക്കും.മുതിർന്ന അംഗങ്ങളെ ആദരിക്കും. ഇക്കഴിഞ്ഞ എസ്എസ്എൽസി പ്ളസ് ടു ,ബിരുദ പരീക്ഷയില്‍ ഉന്നത വിജയം നേടിയ വിദ്യാർത്ഥികളെ അനുമോദിക്കുമെന്ന് ഇടവക വികാരി ഫാദർ മർക്കോസ് പള്ളിക്കുന്നേൽ,…