Year: 2025

അടുത്ത മാസം ദക്ഷിണ കൊറിയയിൽ നടക്കുന്ന ഏഷ്യാ പസഫിക് സാമ്പത്തിക സഹകരണ (APEC) ഉച്ചകോടിയിൽ യുഎസ് പ്രസിഡന്റ് ഡൊണാൾഡ് ട്രംപ് ചൈനീസ് പ്രസിഡന്റ് ഷി ജിൻപിങ്ങുമായി കൂടിക്കാഴ്ച നടത്തിയേക്കും. ട്രംപും അദ്ദേഹത്തിന്റെ ഉന്നത ഉപദേഷ്ടാക്കളും ജിയോങ്ജുവിൽ നടക്കുന്ന ഈ വ്യാപാര സമ്മേളനത്തിനായി തയ്യാറെടുക്കുകയാണ്. ഷാങ്ഹായ് സഹകരണ സംഘടന (എസ്‌സി‌ഒ) ഉച്ചകോടിയിൽ ഇന്ത്യൻ പ്രധാനമന്ത്രി നരേന്ദ്ര മോദിയുമായും റഷ്യൻ പ്രസിഡന്റ് വ്‌ളാഡിമിർ പുടിനുമായും ഷി ജിൻപിംഗ് നടത്തിയ കൂടിക്കാഴ്ചയെക്കുറിച്ച് ട്രംപ് അടുത്തിടെ രൂക്ഷമായി പ്രതികരിച്ചിരുന്നു. APEC സമ്മേളനത്തിനിടെ ഒരു ഉഭയകക്ഷി കൂടിക്കാഴ്ച നടത്തുന്നതിനെക്കുറിച്ച് ട്രംപും ഷി ജിൻപിങ്ങും തമ്മിൽ ഗൗരവമേറിയ ചർച്ചകൾ നടന്നിട്ടുണ്ടെന്ന് ഉദ്യോഗസ്ഥർ പറഞ്ഞു. എന്നാല്‍, ഇതുവരെ വ്യക്തമായ പദ്ധതികളൊന്നും അന്തിമമാക്കിയിട്ടില്ല. കഴിഞ്ഞ മാസം ഒരു ഫോൺ കോളിൽ, ട്രംപിനെയും ഭാര്യയെയും ചൈന സന്ദർശിക്കാൻ ഷി ക്ഷണിച്ചിരുന്നു. അതിന് ട്രംപ് ഒരു ക്ഷണത്തോടെ മറുപടി നൽകി, പക്ഷേ…

ചിക്കാഗോ: കുടിയേറ്റക്കാരെ കൂട്ടത്തോടെ നാടുകടത്തുമെന്ന ട്രംപ് ഭരണകൂടത്തിൻ്റെ ഭീഷണിക്കെതിരെ ചിക്കാഗോയിൽ ആയിരക്കണക്കിന് ആളുകൾ സമാധാനപരമായ പ്രതിഷേധ റാലി നടത്തി. കുടുംബങ്ങൾ, മുൻ സൈനികർ, യുവാക്കൾ എന്നിവർ ഉൾപ്പെടെ 3,000-ത്തോളം പേർ പങ്കെടുത്ത റാലി കോൺഗ്രസ് പ്ലാസ ഗാർഡനിൽ നിന്ന് ആരംഭിച്ച് ട്രംപ് ടവറിന് മുന്നിലൂടെ കടന്നുപോയി. പ്രസിഡന്റ് സൈനികരെ അയക്കുമെന്ന് ഭീഷണിപ്പെടുത്തിയിരുന്നെങ്കിലും, റാലി നടന്നപ്പോൾ ഫെഡറൽ ഏജന്റുമാരോ സൈനികരോ സ്ഥലത്തുണ്ടായിരുന്നില്ല. കുടിയേറ്റക്കാരെ ലക്ഷ്യമിട്ടുള്ള ഈ നീക്കത്തിനെതിരെ പ്രാദേശിക നേതാക്കളും രംഗത്തെത്തി. ചിക്കാഗോയുടെ മേയറായ ബ്രാൻഡൻ ജോൺസൺ ട്രംപിൻ്റെ ഭീഷണികൾക്കെതിരെ ശക്തമായി പ്രതികരിച്ചു. താൻ ഒരു മുൻ സൈനികനും ഡോക്ടറുമാണെന്നും, ഈ പ്രതിഷേധം നഗരത്തിൻ്റെ ശക്തമായ കുടിയേറ്റ പാരമ്പര്യത്തെയാണ് കാണിക്കുന്നതെന്നും റാലിയിൽ പങ്കെടുത്ത ഒരാൾ പറഞ്ഞു. വംശീയതയ്‌ക്കെതിരെയും കുടിയേറ്റക്കാരുടെ അവകാശങ്ങൾക്കുവേണ്ടിയും പോരാടുന്ന നിരവധി സംഘടനകൾ റാലിക്ക് പിന്തുണ നൽകി.

ന്യൂയോർക്ക്: മലയാളി ക്രൈസ്തവ സമൂഹത്തിലെ വിവിധ സഭകളെ ഏകോപിപ്പിച്ച് പ്രവർത്തിക്കുന്ന പ്രമുഖ സംഘടനയായ സെൻറ് തോമസ് എക്യൂമെനിക്കൽ ഫെഡറേഷൻ ഓഫ് നോർത്ത് അമേരിക്ക (STEFNA) യുടെ ആഭിമുഖ്യത്തിൽ എക്യൂമെനിക്കൽ പിക്നിക് സംഘടിപ്പിക്കുന്നു. 2025 ഒക്ടോബർ 04 ശനിയാഴ്ച രാവിലെ 9 മണിക്ക് പോർട്ട് വാഷിംഗ്ടണിലെ നോർത്ത് ഹെംപ്സ്റ്റഡ് ബീച്ച് പാർക്കിൽ (175 W Shore Rd, Port Washington, NY 11050) വെച്ചാണ് പരിപാടി നടക്കുന്നത്. ന്യൂയോർക്കിലെ വിവിധ മലയാളി ക്രൈസ്തവ സമൂഹങ്ങളെ ഒരുമിച്ച് നിർത്തുക എന്ന ലക്ഷ്യത്തോടെ സംഘടിപ്പിക്കുന്ന ഈ പിക്നിക്കിൽ, എല്ലാ ക്രൈസ്തവ വിഭാഗങ്ങളിൽ നിന്നുമുള്ള വിശ്വാസികളും കുടുംബാംഗങ്ങളും പങ്കെടുക്കുമെന്ന് പ്രതീക്ഷിക്കുന്നു. വിവിധ ഗെയിമുകളും വിനോദപരിപാടികളും പിക്നിക്കിന്റെ ഭാഗമായി ഒരുക്കിയിട്ടുണ്ട്. പരിപാടിയുടെ വിജയത്തിനായി പ്രസിഡൻ്റ് റവ. സാം എൻ. ജോഷ്വായുടെ നേതൃത്വത്തിലുള്ള കമ്മിറ്റി പ്രവർത്തിച്ചു വരുന്നു. സജി തോമസ് (കൺവീനർ), ജോബി ജോർജ് (സെക്രട്ടറി), ജോർജ് തോമസ് (ട്രഷറർ), ഫാ. ജോൺ തോമസ് (വൈദീക വൈസ് പ്രസിഡൻ്റ്), അനിൽ തോമസ് (അത്മായ വൈസ്…

ഡാളസ്: സെന്റ് പോൾസ് മാർത്തോമാ ഇടവകയുടെ 2025 വർഷത്തെ പിക്നിക് സെപ്‌റ്റംബർ 6 ശനിയാഴ്ച സണ്ണിവെയ്ൽ ടൌൺ പാർക്കിൽ നടത്തപ്പെട്ടു. ഇടവക വികാരി റെജിൻ അച്ചന്റെ പ്രാത്ഥനയോടു കൂടി പിക്നിക് പ്രോഗാമിന് തുടക്കം ഇട്ടു. യൂത്ത് ഫെല്ലോഷിപ്പ് യുവജനസഖ്യം സീനിയർ സിറ്റിസൺ സേവികാ സംഗം തുടങ്ങിയ സംഘനകൾ വിവിധ ഇനം വിനോദ പ്രോഗ്രാം നടത്തി പിക്നിക് അതി മനോഹരമാക്കി മാറ്റി. പ്രഭാത ഭക്ഷണമായി ചുമതലക്കാർ കപ്പ & കാന്താരി സമ്മന്തി ഒരുക്കിയത് കഴിച്ചപ്പോൾ കേരളത്തെ/ നാടിനെ പറ്റിയുള്ള ഓർമ്മകൾ മനസ്സുകളിൽ കടന്നു കയറി. വിഭവ സമൃദ്ധമായ ഉച്ച ഭക്ഷണം (പിക്നിക് ഫുഡ്) ക്രമീകരിച്ച ഇടവക ചുമതലക്കരെ പങ്കെടുത്തവർ പ്രത്യേകം അഭിനന്ദിച്ചു. ഓരോ പ്രോഗ്രാമുകളുടെയും വിജയത്തിന് പിറകിൽ സെക്രട്ടറി സോജി സ്കറിയ വൈസ് പ്രഡിഡന്റ് തോമസ് എബ്രഹാം ട്രസ്റ്റിമാരായ ജോൺ മാത്യു, സാംമേലേത് എന്നിവരുടെ സാന്നിധ്യം എടുത്തു പറയേണ്ടതാണ്.…

ഹൂസ്റ്റൺ :ഹാരിസ് കൗണ്ടിയിലെ ഒരു റോഡരികിൽ മുൻ മറൈൻ സൈനികനായ ക്വോക് എൻ‌ഗുയെന്റെ മൃതദേഹം കണ്ടെത്തി. വെടിയേറ്റാണ് മരണം സംഭവിച്ചതെന്ന് അന്വേഷണ ഉദ്യോഗസ്ഥർ സ്ഥിരീകരിച്ചു. എന്നാൽ കൂടുതൽ വിവരങ്ങൾ ലഭ്യമല്ല. വടക്കുപടിഞ്ഞാറൻ ഹാരിസ് കൗണ്ടിയിലെ ലേക്ക്‌വുഡ് ഫോറസ്റ്റ് ഡ്രൈവ് എന്ന റോഡരികിലാണ് വ്യാഴാഴ്ച രാത്രി 11 മണിയോടെ ഗ്രാന്റ് റോഡിന് സമീപമുള്ള ലേക്വുഡ് ഫോറസ്റ്റ് ഡ്രൈവിൽ റോഡരികിൽ ഒരാൾ കിടക്കുന്നതായി റിപ്പോർട്ടുകൾ ലഭിച്ചതിനെത്തുടർന്ന് ഡെപ്യൂട്ടികൾ  28-കാരനായ എൻ‌ഗുയെന്റെ മൃതദേഹം കണ്ടെത്തിയത്. കൊലപാതകത്തിന് ശേഷം മൃതദേഹം ഇവിടെ ഉപേക്ഷിച്ചതാണോ അതോ ഇവിടെ വെച്ച് തന്നെ കൊലപ്പെടുത്തിയതാണോ എന്ന് പോലീസ് അന്വേഷിച്ചുവരികയാണ്. എൻ‌ഗുയെൻ്റെ വാഹനം ഇതുവരെ കണ്ടെത്താനായിട്ടില്ല. കുടുംബത്തെ സഹായിക്കാൻ ഊബർ ഡ്രൈവറായി ജോലി ചെയ്തിരുന്ന എൻ‌ഗുയെൻ, ഒരു ഇഎംടി ആകാനുള്ള പഠനം നടത്തിവരികയായിരുന്നു. അദ്ദേഹത്തിന്റെ മരണത്തിൽ ഊബർ അനുശോചനം രേഖപ്പെടുത്തി. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവർ പോലീസിനെയോ ക്രൈം…

ന്യൂയോർക്ക്: മാർത്തോമ്മാ സഭയുടെ വടക്കേ അമേരിക്ക ഭദ്രാസനത്തിൽ അമേരിക്കയുടെ വടക്ക് കിഴക്കൻ സംസ്ഥാനങ്ങളിലുൾപ്പെട്ട ഇടവകകളുടെ സംയുക്താഭിമുഖ്യത്തിൽ (മാർത്തോമ്മ നോർത്ത് ഈസ്റ്റ് റീജിയണൽ ആക്റ്റിവിറ്റി കമ്മിറ്റി) ഈ വർഷത്തെ റീജിയണൽ കൺവെൻഷൻ സെപ്റ്റംബർ മാസം 26, 27, 28 എന്നീ തീയതികളിൽ യഥാക്രമം ശാലേം മാർത്തോമ്മാ പള്ളി ഈസ്റ്റേൺ ലോങ്ങ് ഐലൻഡ്, എപ്പിഫനി മാർത്തോമ്മാ പള്ളി (ഓസോൺ പാർക്ക്) , സെൻറ്. ജെയിംസ് മാർത്തോമ്മാ പള്ളി (റോക്ക് ലാൻഡ്), എന്നിവിടങ്ങളിൽ വച്ചു നടത്തപ്പെടുന്നു. മാർത്തോമ്മാ സഭയിലെ സീനിയർ വൈദീകനും ഫരീദാബാദ് ധർമ്മ ജ്യോതി വിദ്യാപീഠം പ്രിൻസിപ്പളുമായ റവ. ഡോ. എബ്രഹാം സ്കറിയാ മുഖ്യ പ്രസംഗകനായിരിക്കും. കൺവെൻഷൻ യോഗത്തിൻറെ ഉത്‌ഘാടനം ഭദ്രാസനാധിപൻ അഭിവന്ദ്യ. ഡോ. ഏബ്രഹാം മാർ പൗലോസ് എപ്പിസ്കോപ്പ നിർവ്വഹിക്കും. കൺവെൻഷൻറെ സമാപനദിവസമായ ഞായറാഴ്ച്ച ഈ മേഖലയിലെ എല്ലാ ഇടവകകളും ചേർന്നുള്ള വിശുദ്ധ കുർബാനയ്ക്കു ഭദ്രാസന എപ്പിസ്കോപ്പ നേതൃത്വം…

ബോസ്റ്റൺ: ബോസ്റ്റണിൽ കുടിയേറ്റക്കാർക്കെതിരെ ട്രംപ് ഭരണകൂടം പുതിയ നടപടികൾ ആരംഭിച്ചതായി റിപ്പോർട്ട്. ‘ഓപ്പറേഷൻ പാട്രിയോട്ട് 2.0’ എന്ന് പേരിട്ടിരിക്കുന്ന ഈ നടപടിക്രമം ഏതാനും ആഴ്ചകൾ നീണ്ടുനിൽക്കുമെന്നാണ് സൂചന. കുടിയേറ്റക്കാരെ കൂട്ടത്തോടെ പിടികൂടാൻ സൈന്യത്തെയും ഫെഡറൽ ഏജൻ്റുമാരെയും അയയ്ക്കാൻ ട്രംപ് പദ്ധതിയിടുന്നതായി റിപ്പോർട്ടുകളുണ്ട്. ഫെഡറൽ കുടിയേറ്റ ഉദ്യോഗസ്ഥരുമായി സഹകരിക്കാത്ത “സങ്കേത നഗരങ്ങളെ” ലക്ഷ്യമിട്ടാണ് ട്രംപ് ഭരണകൂടത്തിൻ്റെ ഈ നീക്കം. തടവിൽ നിന്ന് മോചിതരായവരെയും, എന്നാൽ കുടിയേറ്റ ഉദ്യോഗസ്ഥർക്ക് കൈമാറാത്തവരെയും പിടികൂടാനാണ് ICE ലക്ഷ്യമിടുന്നതെന്ന് റിപ്പോർട്ടുകൾ പറയുന്നു. ട്രംപിൻ്റെ കുടിയേറ്റ നയങ്ങളെ ബോസ്റ്റൺ മേയർ മിഷേൽ വു വിമർശിച്ചു. ഈ നീക്കം സമൂഹത്തിൻ്റെ സുരക്ഷയ്ക്ക് വിരുദ്ധമാണെന്നും ഇത് നഗരത്തിൽ ഭയം സൃഷ്ടിക്കുമെന്നും അവർ പറഞ്ഞു. ന്യൂയോർക്ക്, ലോസ് ആഞ്ചലസ് തുടങ്ങിയ നഗരങ്ങൾക്കെതിരെയും ട്രംപ് സമാനമായ നിയമനടപടികൾ ആരംഭിച്ചിട്ടുണ്ട്.

ബീഹാർ വിഷയത്തിൽ സോഷ്യൽ മീഡിയയിൽ പങ്കിട്ട ഒരു പോസ്റ്റിന് കോൺഗ്രസിന് ഒടുവിൽ ക്ഷമാപണം നടത്തേണ്ടിവന്നു. ബീഡിയും ബീഹാറും ഒന്നാണെന്ന് പറഞ്ഞ കേരളത്തിലെ കോൺഗ്രസിന്റെ സോഷ്യല്‍ മീഡിയ എക്സിലെ പോസ്റ്റ് ഇന്ത്യ സഖ്യത്തിലെ മറ്റ് പാർട്ടികളിൽ നിന്നുൾപ്പെടെ കടുത്ത വിമർശനത്തിന് കാരണമായിരുന്നു. ഒടുവിൽ തിരിച്ചടിയായെന്ന് മനസ്സിലാക്കിയതോടെയാണ് പോസ്റ്റ് ഇല്ലാതാക്കി ക്ഷമാപണം നടത്തിയത്. പുതിയ ജിഎസ്ടി നിയമപ്രകാരം കേന്ദ്ര സർക്കാർ ബീഡിയെ ദോഷകരമായ വസ്തുക്കളുടെ പട്ടികയിൽ നിന്ന് ഒഴിവാക്കിയതിനെക്കുറിച്ചുള്ള ഒരു വിവാദ പോസ്റ്റ് കേരള കോൺഗ്രസ് പങ്കിട്ടിരുന്നു. ബീഡിയും ബീഹാറും ബിയിൽ നിന്നാണ് ആരംഭിക്കുന്നത്. അതിനാൽ, ഇത് ഇനി ദോഷകരമല്ലെന്നും കേരള കോൺഗ്രസ് പോസ്റ്റിൽ പരാമർശിച്ചിട്ടുണ്ട്. ബീഹാറിലെ പ്രതിപക്ഷ നേതാവ് തേജസ്വി യാദവാണ് ഈ പോസ്റ്റിനെ ശക്തമായി വിമർശിച്ചത്. ബീഹാർ സംസ്ഥാനം മുഴുവൻ അപമാനിക്കപ്പെട്ടുവെന്ന് ആരോപിച്ച് ബീഹാർ ഉപമുഖ്യമന്ത്രിയും ബിജെപി നേതാവുമായ സാമ്രാട്ട് ചൗധരിയും രംഗത്തെത്തിയിരുന്നു. വിവിധ കോണുകളിൽ നിന്ന്…

മലപ്പുറം: ഗോപിനാഥ് മുതുകാടിന്റെ അച്ഛന്‍ കുഞ്ഞുണ്ണി നായരുടെ ഛായാചിത്രം ഓണസമ്മാനമായി നല്‍കി മുതുകാടിനെയും അമ്മ ദേവകിയമ്മയെയും അത്ഭുതപ്പെടുത്തി യുവചിത്രകാരന്‍ പ്രജിത്ത്. തിരുവോണനാളില്‍ നിലമ്പൂര്‍ കവളമുക്കട്ടയിലെ തറവാട്ടുവീട്ടിലെത്തിയാണ് പ്രജിത്ത് ചിത്രം കൈമാറിയത്. മുതുകാട് തന്റെ അച്ഛനുള്ള സമര്‍പ്പണമായി ഇല്യൂഷന്‍ ടു ഇന്‍സ്പിരേഷന്‍ എന്ന പേരില്‍ ഒരു ഇന്ദ്രജാല പരിപാടി ഇക്കഴിഞ്ഞ മാസം കോഴിക്കോട് അവതരിപ്പിച്ചിരുന്നു. പരിപാടി കണ്ട പ്രജിത്ത് മുതുകാടിന്റെ ജീവിതത്തില്‍ അച്ഛനുള്ള പ്രാധാന്യം തിരിച്ചറിഞ്ഞാണ് ഇത്തരമൊരു വേറിട്ട സമ്മാനം നല്‍കുവാന്‍ തീരുമാനിച്ചത്. അക്രിലിക് പെയിന്റ് ഉപയോഗിച്ച് ക്യാന്‍വാസില്‍ വരച്ച ഈ ചിത്രം ഒരാഴ്ച കൊണ്ടാണ് പൂര്‍ത്തിയാക്കിയത്. തിരുവോണനാളില്‍ അമൂല്യമായ ഒരു സമ്മാനം ലഭിച്ച സന്തോഷത്തിലാണ് മുതുകാടിന്റെ അമ്മ ദേവകിയമ്മ. പ്രജിത്തിന്റെ കൈകളില്‍ നിന്നും നിറകണ്ണുകളോടെയാണ് അവര്‍ ചിത്രം ഏറ്റുവാങ്ങിയത്. പ്രജിത്തിന് ഓണസമ്മാനമായി ഓണക്കോടി നല്‍കാനും അവര്‍ മറന്നില്ല. ഒട്ടേറെ ചിത്രങ്ങള്‍ വരച്ചിട്ടുണ്ടെങ്കിലും ഒരുപാട് ഇഷ്ടമുള്ള മുതുകാട് അങ്കിളിന്റെ…

തിരുവനന്തപുരം: കേരള കോൺഗ്രസിന്റെ എക്‌സ് അക്കൗണ്ടിൽ നിന്ന് ബീഹാറിനെതിരെ വന്ന ഒരു പോസ്റ്റ് വലിയ വിവാദം സൃഷ്ടിച്ചു. ബിഹാറും ബീഡിയും ഒന്നാണെന്ന് സൂചിപ്പിക്കുന്ന പോസ്റ്റിന് പിന്നാലെ, ഇന്ത്യ സഖ്യത്തിൽ നിന്ന് കടുത്ത വിമർശനം ഉയർന്നു. വിവാദത്തിന് ശേഷം, കേരള കോൺഗ്രസിന്റെ എക്‌സ് അക്കൗണ്ട് പോസ്റ്റ് ഡിലീറ്റ് ചെയ്യുകയും ക്ഷമാപണം നടത്തുകയും ചെയ്തു. പോസ്റ്റ് വിവാദമാകുകയും ക്ഷമാപണം നടത്തുകയും ചെയ്തതോടെ വി.ടി. ബൽറാം കോൺഗ്രസിന്റെ സോഷ്യൽ മീഡിയ ഇൻ-ചാർജ് സ്ഥാനത്ത് നിന്ന് മാറി. കോൺഗ്രസിന്റെ ഡിജിറ്റൽ മീഡിയ സെല്ലിന്റെ ചെയർമാനായിരുന്നു വി.ടി. ബൽറാം. കോൺഗ്രസിന്റെ സോഷ്യൽ മീഡിയ വിഭാഗം ഉടൻ പുനഃസംഘടിപ്പിക്കുമെന്നും ബൽറാം സ്ഥാനമൊഴിയാൻ സന്നദ്ധത പ്രകടിപ്പിച്ചിട്ടുണ്ടെന്നും കെ.പി.സി.സി പ്രസിഡന്റ് സണ്ണി ജോസഫ് പറഞ്ഞു. ബിഹാർ പോസ്റ്റ് വിഷയത്തിൽ ജാഗ്രതയും കരുതലും കുറവായിരുന്നു എന്നും സണ്ണി ജോസഫ് പരാമർശിച്ചു. ബീഹാര്‍ പോസ്റ്റ് വിഷയത്തിൽ സംസ്ഥാന നേതൃത്വത്തിനെതിരെ എഐസിസി ശക്തമായ…