Year: 2025

തീവ്ര വോട്ടർ പട്ടിക പുതുക്കലിൽ കാൽ ലക്ഷത്തോളം ആളുകൾക്ക് വോട്ടവകാശം നഷ്ടപ്പെടാനുള്ള സാദ്ധ്യത, പൊതുപ്രവർത്തകരും സമൂഹവും അതീവ ഗൗരവപൂർവം കാണണമെന്ന് കേരളാ കോൺഗ്രസ്‌  (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. മരണപ്പെട്ടവർ, കണ്ടെത്താൻ സാധിക്കാത്തവർ, സ്ഥിരമായി താമസം മാറിയവർ, ഒന്നിൽ കൂടുതൽ തവണ പട്ടികയിൽ ഉൾപ്പെട്ടവർ, മറ്റുള്ളവർ എന്നിങ്ങനെ അഞ്ച് വിഭാഗങ്ങളിലായി 25,01,012 പേരുകൾ ഒഴിവാക്കപ്പെടാനുള്ള സാദ്ധ്യതയാണ്‌, ഡിസംബർ 15 ന് ചീഫ്  ഇലക്ടറൽ ഓഫീസർ വിളിച്ചു ചേർത്ത അംഗീകൃത രാഷ്ട്രീയ പാർട്ടികളുടെ സംസ്ഥാന തല യോഗം  വ്യക്തമാക്കുന്നത്. ഭരണഘടന ഉറപ്പ് നൽകിയ പൗരാവകാശങ്ങളെപ്പോലും നിഷേധിക്കുന്ന തരത്തിലുള്ള ഈ നീക്കം അത്യന്തം അപകടകരവും ദൂരവ്യാപക പ്രത്യാഘാതങ്ങൾ സൃഷ്ടിക്കുന്നതുമാണ്. യോഗത്തിൽ നൽകിയ കണക്കുകളിൽപ്പോലും ഒട്ടേറെ ഗൗരവതരമായ പൊരുത്തക്കേടുകൾ കണ്ടെത്താൻ കഴിഞ്ഞിട്ടുണ്ട്. മരണപ്പെട്ടവർ, കണ്ടെത്താൻ സാധിക്കാത്തവർ തുടങ്ങിയ വിഭാഗങ്ങളിലുള്ളവരുടെ യാഥാർഥ്യം കണ്ടെത്തി, വിവരശേഖരണത്തിന്റെ അവസാന ദിവസമായ ഡിസംബർ 18 നകം എന്യൂമറേഷൻ ഫോം പൂരിപ്പിച്ച് നൽകാനും അവരുടെ പേരുകൾ പട്ടികയിൽ ഉൾപ്പെട്ടിട്ടുണ്ടെന്ന് ഉറപ്പ് വരുത്താനും പൊതുപ്രവർത്തകരും രാഷ്ട്രീയ പാർട്ടികളുടെ ബൂത്ത്‌ ലെവൽ ഏജന്റുമാരും  തീവ്രയത്നം നടത്തണം. ഇക്കാര്യങ്ങളിലുള്ള ആശങ്കകളും അതുണ്ടാക്കുന്ന അപകടകരമായ സാഹചര്യങ്ങളും കേരളാ കോൺഗ്രസ്‌ (എം)  അടക്കമുള്ള രാഷ്ട്രീയ പാർട്ടി പ്രതിനിധികൾ യോഗത്തിൽ ശക്തമായി ഉന്നയിച്ചെങ്കിലും അവയ്ക്കൊന്നിനും യുക്തിസഹമായ മറുപടി നൽകാനോ പരിഹാരം നിർദേശിക്കാനോ അധികാരികൾക്ക് കഴിഞ്ഞിട്ടില്ല. ബീഹാർ ആവർത്തിക്കുമെന്ന ആശങ്കയാണ് നിലനിൽക്കുന്നത്. പ്രവാസി വോട്ടർമാരുടെ കാര്യത്തിലും പ്രായോഗികമല്ലാത്ത…

തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിലെ സ്ഥാനാർത്ഥികൾ 2026 ജനുവരി 12 ന് മുമ്പ് അവരുടെ ചെലവ് കണക്കുകൾ ഓൺലൈനായി സമർപ്പിക്കണമെന്ന് സംസ്ഥാന തിരഞ്ഞെടുപ്പ് കമ്മീഷണർ എ ഷാജഹാൻ നിർദ്ദേശിച്ചു. മത്സരിച്ച എല്ലാ സ്ഥാനാർത്ഥികളും ഫലപ്രഖ്യാപന തീയതി മുതൽ 30 ദിവസത്തിനുള്ളിൽ അവരുടെ ചെലവ് കണക്കുകൾ അതത് തദ്ദേശ സ്വയംഭരണ സ്ഥാപന സെക്രട്ടറിമാർക്ക് ഓൺലൈനായി സമർപ്പിക്കണം. സ്ഥാനാർത്ഥികൾ കമ്മീഷൻ വെബ്‌സൈറ്റിലെ (www.sec.kerala.gov.in) തിരഞ്ഞെടുപ്പ് ചെലവ് മൊഡ്യൂളിൽ ലോഗിൻ ചെയ്ത് അവരുടെ വിവരങ്ങൾ ഓൺലൈനായി സമർപ്പിക്കണം. ഓൺലൈനായി വിവരങ്ങൾ സമർപ്പിക്കാൻ കഴിയാത്തവർക്ക് ബില്ലുകൾ, രസീതുകൾ, വൗച്ചറുകൾ എന്നിവയ്‌ക്കൊപ്പം നേരിട്ട് അവരുടെ വിവരങ്ങളും സമർപ്പിക്കാം. സ്ഥാനാർത്ഥിയായി നാമനിർദ്ദേശം ചെയ്യപ്പെട്ട ദിവസം മുതൽ ഫലപ്രഖ്യാപന ദിവസം വരെയുള്ള ചെലവ് കണക്കാണ് നൽകേണ്ടത്. സ്ഥാനാർത്ഥിയോ തിരഞ്ഞെടുപ്പ് ഏജന്റോ ചെലവാക്കിയ തുക കണക്കിൽപ്പെടുത്തണം. കണക്കിനൊപ്പം രസീത്, വൗച്ചർ, ബില്ല് എന്നിവയുടെ സ്വയം സാക്ഷ്യപ്പെടുത്തിയ പകർപ്പും…

ഒരുകാലത്ത് അനധികൃത കുടിയേറ്റക്കാരെ തുറന്ന വാതിലുകളോടെ ഓസ്ട്രേലിയ സ്വാഗതം ചെയ്തിരുന്നു. എന്നാൽ, ഇപ്പോൾ അതേ നയം തന്നെ രാജ്യത്തിന് തലവേദനയായി മാറിയിരിക്കുന്നു. ജൂതന്മാർക്കെതിരായ ആക്രമണങ്ങളും അക്രമങ്ങളും അടുത്തിടെ ആശങ്കാജനകമായി വർദ്ധിച്ചു. ജൂത പൗരന്മാരുടെ സുരക്ഷ ഓസ്ട്രേലിയൻ സർക്കാർ അവഗണിക്കുന്നുവെന്ന് നേരിട്ട് ആരോപിച്ചുകൊണ്ട് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും ഈ വിഷയത്തിൽ ശക്തമായ നിലപാട് സ്വീകരിച്ചു. ഓസ്‌ട്രേലിയയിലെ സിഡ്‌നിയിലെ ബോണ്ടി ബീച്ചിൽ ഞായറാഴ്ച വൈകുന്നേരം നടന്ന ഭീകരാക്രമണത്തിൽ മരിച്ചവരുടെ എണ്ണം 15 ആയി ഉയർന്നു. ന്യൂ സൗത്ത് വെയിൽസ് പോലീസിന്റെ കണക്കനുസരിച്ച് രണ്ട് അക്രമികളാണ് കൃത്യം ചെയ്തത്. അതിൽ ഒരാൾ കൊല്ലപ്പെട്ടു, മറ്റൊരാൾക്ക് ഗുരുതരമായി പരിക്കേറ്റു. സംഭവത്തിൽ രണ്ട് പോലീസ് ഉദ്യോഗസ്ഥർ ഉൾപ്പെടെ ഏകദേശം 30 പേർക്ക് പരിക്കേറ്റു. അക്രമികൾ പാക്കിസ്താന്‍ വംശജരായ അച്ഛനും മകനുമാണെന്ന് പോലീസ് തിരിച്ചറിഞ്ഞിട്ടുണ്ട്. റിപ്പോർട്ടുകൾ പ്രകാരം, തോക്കുധാരികളിൽ ഒരാൾ തെക്കുപടിഞ്ഞാറൻ സിഡ്‌നിയിലെ ബോണിറിഗിൽ…

ഖൈബർ പഖ്തൂൺഖ്വയിലെ മുഖ്യമന്ത്രി മുഹമ്മദ് സൊഹൈൽ അഫ്രീദി, പി.ടി.ഐ. അനുയായികളെ സജീവമായി സംഘടിപ്പിക്കുകയും ഇമ്രാൻ ഖാന്റെ ശബ്ദം പ്രചരിപ്പിക്കുകയും ചെയ്യുന്നു. റാലിയിൽ യഥാർത്ഥ സ്വാതന്ത്ര്യത്തിനായി അദ്ദേഹം ആഹ്വാനം ചെയ്യുകയും പ്രതിഷേധങ്ങൾക്ക് തയ്യാറാകാൻ അനുയായികളോട് ആഹ്വാനം ചെയ്യുകയും ചെയ്തു. ഞായറാഴ്ച കൊഹാട്ടിൽ നടന്ന റാലിയിൽ ആയിരക്കണക്കിന് പി.ടി.ഐ അനുയായികളും പൊതുജനങ്ങളും ഒത്തുകൂടി. “യഥാർത്ഥ സ്വാതന്ത്ര്യം” എന്ന മുദ്രാവാക്യം ഉയർത്തിയാണ് റാലി നടന്നത്. പ്രതിഷേധം ആവശ്യപ്പെട്ടാൽ തയ്യാറാകാൻ അഫ്രീദി അനുയായികളോട് ആവശ്യപ്പെട്ടു. യഥാർത്ഥ സ്വാതന്ത്ര്യം നേടുന്നതിനായി രാജ്യത്തെ നിലവിലെ ഭരണാധികാരികളുമായി ഞങ്ങൾ കൂടിക്കാഴ്ച നടത്തുമെന്നും അദ്ദേഹം പറഞ്ഞു. പി‌ടി‌ഐ സ്ഥാപകൻ ഇമ്രാൻ ഖാൻ നിലവിൽ ജയിലിലാണെന്നും അവിടെ നിന്ന് “സ്വാതന്ത്ര്യം അല്ലെങ്കിൽ മരണം” എന്ന സന്ദേശം പുറപ്പെടുവിച്ചിട്ടുണ്ടെന്നും അഫ്രീദി അനുയായികളെ ഓർമ്മിപ്പിക്കാൻ ഈ അവസരം ഉപയോഗിച്ചു. “ഇത്തവണ നമ്മൾ പോയാൽ,” അഫ്രീദി പറഞ്ഞു, “നമ്മൾ കവചങ്ങൾ ധരിച്ചോ അല്ലെങ്കിൽ സ്വാതന്ത്ര്യത്തോടെയോ…

250-ാം ജന്മവാർഷിക സ്മരണയിൽ! ആംഗല ഭാഷയിലെ അർത്ഥസമ്പുഷ്ടമായ ചില പദങ്ങളെ – Pride, prejudice, sense, sensibility, persuasion – തെരഞ്ഞെടുത്തു് ഒറ്റയ്ക്കും പെട്ടയ്ക്കും ശീർഷകമാക്കി പ്രേമവും, പ്രണയവും, സ്ത്രീ/പുരുഷ സ്വഭാവങ്ങളുടെയും പെരുമാറ്റങ്ങളുടെയും പൊരുളുകളും വ്യത്യാസങ്ങളും, പ്രത്യേകതകളും പ്രമേയമാക്കി രചിച്ച മനോഹരമായ ആറിലധികം ആഖ്യായികൾ സാഹിത്യ കുതുകികൾക്കു കാഴ്ച വെച്ച ആംഗല സാഹിത്യകാരിയാണ് ജെയിൻ ഓസ്റ്റിൻ. ആ മഹാറാണി ഭൂജാതയായിട്ട് 2025 ഡിസംബർ 16-ന് രണ്ടര ശതകങ്ങൾ തികയുന്നു. ജയിൻറെ ആരാധകവൃന്ദം ഇരുനൂറ്റി അൻപതാം ജന്മദിനാഘോഷങ്ങൾ പോയ വർഷം തന്നെ തുടങ്ങിക്കഴിഞ്ഞു. പതിനൊന്നാം മണിക്കൂറിലാണെകിലും നമുക്കും അവരോടൊപ്പം ചേരാം. നമുക്കും അവരോടൊപ്പം ചേർന്നുകൊണ്ട് ആഖ്യായികാ പ്രസ്ഥാനത്തിൻറെ മഹാറാണിപ്പട്ടം അലങ്കരിച്ച ജെയിൻ ഓസ്റ്റിന് ഇരുന്നൂറ്റിയമ്പതാം ജന്മവാർഷിക മംഗളങ്ങൾ ആശംസിക്കാം! അനുദിനമെന്നോണം വളരുകയും, വാക്കുകൾക്ക് അനസ്യൂതം അർത്ഥവ്യത്യാസങ്ങൾ വന്നും പോയും ഇരിക്കുകയും ചെയ്യുന്ന ആംഗല ഭാഷയിൽ രണ്ടുശതകൾക്കു മുൻപു രചിച്ച…