Year: 2025

ബോസ്റ്റൺ/തൃശ്ശൂർ :പരുത്തിപ്ര കീഴ്പാലക്കാട്ട് പൗലോസ് -ലീല  ദമ്പതികളുടെ മകൻ  സോണി പൗലോസ്  (44) വ്യാഴാഴ്ച  വൈകിട്ട് 8:30 ഓടെ തിരുവനന്തപുരം  ആമ്പലത്തിൻകര മസ്ജിദിന് സമീപം, ജോലി കഴിഞ്ഞ് വീട്ടിലേക്ക് മടങ്ങുമ്പോൾ  ഹൃദയാഘാതം മൂലം  അന്തരിച്ചു തിരുവനന്തപുരത്തെ ടെക്‌നോപാർക്കിലെ അലയൻസ് എന്ന സ്ഥാപനത്തിലെ ഒരു ജീവനക്കാരനായിരുന്നു സോണി. ഭാര്യ യൂസ്റ്റിൻ തോമസ്. ബോസ്റ്റണിൽ താമസിക്കുന്ന പ്രീത സിബി ഏക സഹോദരിയാണ്. കാര്യവട്ടം പുല്ലാനിവിള ടാഗോർ നഗർ സ്വദേശിയായ അദ്ദേഹത്തിൻ്റെ സംസ്‌കാരം തൃശ്ശൂരിലെ എളനാട് മാർ ഇഗ്നാത്തിയോസ് എലിയാസ് സിംഹാസന ചർച്ചിൽ ഞായറാഴ്ച വൈകീട്ട്  നടക്കും.

വാഷിംഗ്‌ടൺ ഡി സി: പരിസ്ഥിതി സംരക്ഷണ ഏജൻസി (EPA) ജീവനക്കാരെ പിരിച്ചുവിടാനും അവരുടെ ഗവേഷണ വികസന ഓഫീസ് (ORD) ഇല്ലാതാക്കാനും പദ്ധതിയിടുന്നു.ഇത് ജീവനക്കാർ മാസങ്ങളായി ഭയപ്പെട്ടിരുന്ന കാര്യമാണ്. വെള്ളിയാഴ്ച ഉച്ചയ്ക്ക് ശേഷം, EPA അഡ്മിനിസ്ട്രേറ്റർ ലീ സെൽഡിൻ ഒരു ‘റിഡക്ഷൻ ഇൻ ഫോഴ്സ്’ (RIF) നടപ്പിലാക്കുകയാണെന്ന് അറിയിച്ചു. നികുതിദായകരുടെ പണം ഉത്തരവാദിത്തത്തോടെ കൈകാര്യം ചെയ്യാനാണ് ഈ നടപടിയെന്ന് സെൽഡിൻ പ്രസ്താവനയിൽ പറഞ്ഞു. എത്ര ജീവനക്കാരെ പിരിച്ചുവിടുമെന്ന് ഏജൻസി വ്യക്തമാക്കിയിട്ടില്ല. എന്നാൽ ഈ “സംഘടനാപരമായ മെച്ചപ്പെടുത്തലുകളിലൂടെ” EPA-ക്ക് 748.8 ദശലക്ഷം ഡോളർ ലാഭിക്കാൻ കഴിയുമെന്നും 12,448 ജീവനക്കാരുമായി പ്രവർത്തനം തുടരുമെന്നും അവർ പറഞ്ഞു. ജനുവരിയിൽ ഇത് 16,155 ആയിരുന്നു. നേരത്തെ വിരമിക്കൽ, രാജിവെക്കൽ പദ്ധതികളിലൂടെ ഇതിനോടകം നൂറുകണക്കിന് ജീവനക്കാർ ഏജൻസി വിട്ടു. 3,201 അപേക്ഷകളാണ് ഇതിനായി EPA-ക്ക് ലഭിച്ചത്. ഇതിന് പുറമെ, 280 പരിസ്ഥിതി നീതി ജീവനക്കാർക്ക് നേരത്തെ…

മിഡ്‌ലാൻഡ്‌സ്: കേരളം കണ്ട ഏറ്റവും മികച്ച മുഖ്യമന്ത്രിയും, ജനസ്നേഹിയുമായ അന്തരിച്ച ഉമ്മൻചാണ്ടിയുടെ അനുസ്മരണവും, രണ്ടാം ചരമ വാർഷികവും ഐഒസി കേരള ചാപ്റ്ററിന്റെ നേതൃത്വത്തിൽ മിഡ്‌ലാൻഡ്‌സ് റീജണിൽ തുടക്കമായി. പ്രാരംഭമായി പുതുപ്പള്ളിയിലെ ഉമ്മൻ ചാണ്ടിയുടെ കല്ലറയിൽ പുഷ്പ്പചക്രം സമർപ്പിക്കുകയും, പ്രാർത്ഥനകൾ നേരുകയും ചെയ്തിരുന്നു. ഐഒസി കേരള ചാപ്റ്റർ പ്രസിഡന്റും മിഡാലാൻഡ്‌സിന്റെ ചുമതലയുമുള്ള ഷൈനു ക്ലെയർ മാത്യൂസ്, ജനറൽ സെക്രട്ടറി റോമി കുര്യാക്കോസ് എന്നിവർ പ്രസ്റ്റണിലും, ജോയിന്റ് ട്രഷറർ മണികണ്ഠൻ ഐക്കാട് നോർത്താംപ്ടണിലും അനുസ്മരണ പരിപാടികളിൽ സംബന്ധിച്ചു. ബാൺസ്ലെയിൽ നടന്ന ഉമ്മൻ‌ചാണ്ടി അനുസ്മരണ ചടങ്ങിൽ യൂണിറ്റ് പ്രസിഡന്റ്‌ ബിബിൻ രാജ് അദ്ധ്യക്ഷത വഹിച്ചു. യൂണിറ്റ് ജനറൽ സെക്രട്ടറി രാജുൽ രമണൻ, ജോയിന്റ് സെക്രട്ടറി വിനീത് മാത്യു, ഫെബിൻ ടോം, ട്രഷറർ ജെഫിൻ ജോസ് തുടങ്ങിയവർ സംസാരിച്ചു. യൂണിറ്റ് പ്രസിഡന്റ്‌ ബിബിൻ കാലായിലിന്റെ അധ്യക്ഷതയിൽ പ്രസ്റ്റണിൽ നടന്ന ചടങ്ങുകൾ ചാപ്റ്റർ പ്രസിഡന്റ്‌…

ഈസ്റ്റ് ലോസ് ഏഞ്ചൽസിലെ ഹോളിവുഡ് പ്രദേശത്ത് ഇന്ന് (ശനിയാഴ്ച) രാവിലെ രണ്ട് മണിയോടെ ഒരു വാഹനം ജനക്കൂട്ടത്തിലേക്ക് ഇടിച്ചുകയറി 20 ലധികം പേർക്ക് പരിക്കേറ്റു. 5 പേരുടെ നില ഗുരുതരമാണ്, മറ്റുള്ളവർക്ക് നിസ്സാര പരിക്കുകളുണ്ട്. സംഭവത്തെക്കുറിച്ച് പോലീസ് അന്വേഷിക്കുന്നുണ്ട്, ഭരണകൂടം ജനങ്ങളോട് ശാന്തത പാലിക്കാൻ അഭ്യർത്ഥിച്ചു. വെർമോണ്ട് ഹോളിവുഡ് എന്ന നിശാ ക്ലബ്ബിന് മുമ്പിലാണ് സംഭവം നടന്നത്. ലോസ് ഏഞ്ചൽസ് അഗ്നിശമന സേന (LAFD) പറയുന്നതനുസരിച്ച്, ഈ അപകടത്തിൽ കുറഞ്ഞത് 5 പേർക്കെങ്കിലും ഗുരുതരമായി പരിക്കേറ്റിട്ടുണ്ട്. അവരെ ഉടൻ തന്നെ ഒരു പ്രാദേശിക ആശുപത്രിയിൽ പ്രവേശിപ്പിച്ചു, അവരുടെ നില സ്ഥിരപ്പെടുത്താനുള്ള ശ്രമങ്ങൾ നടന്നുവരികയാണ്. പരിക്കേറ്റ ഏകദേശം 8 മുതൽ 10 വരെ പേരുടെ നില ഗുരുതരമാണെന്നും അവരെയും നിരീക്ഷണത്തിലാക്കിയിട്ടുണ്ടെന്നും LAFD അറിയിച്ചു. പത്ത് മുതൽ പതിനഞ്ച് വരെ പേർക്ക് നിസ്സാര പരിക്കേറ്റതായി സ്ഥലത്തുണ്ടായിരുന്ന രക്ഷാപ്രവർത്തകർ പറഞ്ഞു. പരിക്കേറ്റവർക്ക്…

ഹൂസ്റ്റൺ :കാൽവരി പ്രയർ ഫെല്ലോഷിപ്പ് ഹൂസ്റ്റണിൽ ജൂലൈ 19 ,20 തീയതികളിൽ വൈകീട്ട് 5 ;30 സംഘടിപ്പിക്കുന്ന ഗോസ്പൽ കൺവെൻഷനിൽ പ്രശസ്ത സുവിശേഷ പ്രസംഗീകൻ യു റ്റി ജോർജ് (റിട്ടയേർഡ് ചീഫ് എഞ്ചിനീയർ കേരള വൈദുത ബോർഡ്) വചന പ്രഘോഷണം നിർവ്വഹിക്കുന്നു. മലയാളി അസോസിയേഷൻ ഓഫ് ഗ്രേറ്റർ ഹൂസ്റ്റൺ ഓഡിറ്റോറിയത്തിലാണ് സുവിശേഷ പ്രഘോഷണം സംഘടിപ്പിച്ചിരിക്കുന്നത് .എല്ലാവരെയും ക്ഷണിക്കുന്നതായി സംഘാടകർ അറിയിച്ചു.

ഫ്ലോറിഡ: വിബ്രിയോ വൾനിഫിക്കസ് എന്ന “മാംസം ഭക്ഷിക്കുന്ന” ബാക്ടീരിയ കാരണം ഈ വർഷം ഫ്ലോറിഡയിൽ നാല് പേർ മരിച്ചതായി സംസ്ഥാന ആരോഗ്യ വകുപ്പ് റിപ്പോർട്ട് ചെയ്തു. ഇതുവരെ 11 കേസുകളാണ് ഫ്ലോറിഡയിൽ റിപ്പോർട്ട് ചെയ്തിട്ടുള്ളത്. ചൂടുള്ള കടൽവെള്ളത്തിൽ വളരുന്ന ഒരുതരം ബാക്ടീരിയയാണിത്. തുറന്ന മുറിവുകളിലൂടെ ശരീരത്തിൽ പ്രവേശിക്കുമ്പോൾ ഇത് ചുറ്റുമുള്ള കലകളെ നശിപ്പിക്കുന്നു. ഇതിനെ നെക്രോറ്റൈസിംഗ് ഫാസിയൈറ്റിസ് അഥവാ “മാംസം ഭക്ഷിക്കുന്ന രോഗം” എന്ന് വിളിക്കുന്നു. കൂടാതെ, മലിനമായ ഭക്ഷണം, പ്രത്യേകിച്ച് പാകം ചെയ്യാത്ത കക്കയിറച്ചി കഴിക്കുന്നതിലൂടെയും ഈ അണുബാധ ഉണ്ടാകാം. പ്രധാനമായും കരൾ രോഗങ്ങളുള്ളവർ, പ്രതിരോധശേഷി കുറഞ്ഞവർ, 65 വയസ്സിന് മുകളിലുള്ളവർ എന്നിവർക്കാണ് ഈ അണുബാധ വരാൻ സാധ്യത കൂടുതൽ. അണുബാധയുള്ള അഞ്ചുപേരിൽ ഒരാൾ മരിക്കാൻ സാധ്യതയുണ്ടെന്ന് സിഡിസി (രോഗ നിയന്ത്രണ, പ്രതിരോധ കേന്ദ്രങ്ങൾ) പറയുന്നു. അണുബാധയുടെ ലക്ഷണങ്ങൾ ഏതാനും മണിക്കൂറുകൾക്കുള്ളിൽ കണ്ടുതുടങ്ങും. ചുവപ്പ് നിറം,…

ന്യൂയോര്‍ക്ക്: അമേരിക്കയില്‍ വളരുന്ന ഇന്ത്യന്‍ വംശജരിലെ കുട്ടികളിലെ സംഗീതവും, നൃത്തവും പ്രോത്സാഹിപ്പിക്കുന്ന സരസ്വതി അവാര്‍ഡ്‌സിന്റെ 21-ാം സരസ്വതി അവാര്‍ഡിനുള്ള മത്സരങ്ങള്‍ സെപ്തംബര്‍ 13ന് ശനിയാഴ്ച ന്യൂയോര്‍ക്കിലെ ഫ്‌ളോറല്‍ പാര്‍ക്കിലുള്ള ടൈസണ്‍ സെന്ററില്‍ – TYSON CENTER, 26 NORTH TYSON AVE, NY 11001 ല്‍ വച്ച് നടത്തുന്നു. അമേരിക്കയില്‍ വളരുന്ന ഇന്ത്യന്‍ വംശജരുടെ 5 വയസ്സു മുതല്‍ 18 വയസ്സുവരെ പ്രായമുള്ള കുട്ടികള്‍ക്ക് ഈ മത്സരത്തില്‍ പങ്കെടുക്കാവുന്നതാണ്. ഫ്‌ളോറല്‍ പാര്‍ക്കിലെ ടൈസണ്‍ സെന്ററില്‍ വച്ച് സെപ്തംബര്‍ 13ന് ശനിയാഴ്ച രാവിലെ 9 മണിക്ക് തുടങ്ങുന്ന മത്സരങ്ങളില്‍ ശാസ്ത്രീയ സംഗീതം, ഇന്ത്യന്‍ ഭാഷാ സംഗീതം, ഭരതനാട്യം, നാടോടിനൃത്തം എന്നിവ ഉള്‍പ്പെടുന്നു. Pre-Junior, Sub-Junior, Junior, Senior എന്നീ വിഭാഗങ്ങളിലാണ് മത്സരങ്ങള്‍ നടക്കുക. വൈകുന്നേരം 6 മണിക്ക് വിശിഷ്ടാതിഥികളും, സംഗീത നൃത്തഗുരുക്കളും പങ്കെടുക്കുന്ന വേദിയില്‍ വച്ച് സരസ്വതി അവാര്‍ഡുകള്‍…

മെയ് മാസത്തിൽ ഇന്ത്യയും പാക്കിസ്താനും തമ്മിലുള്ള സൈനിക സംഘർഷത്തിൽ അഞ്ച് ജെറ്റ് വിമാനങ്ങൾ വെടിവച്ചിട്ടതായും തന്റെ ഇടപെടലാണ് സംഘർഷം അവസാനിപ്പിച്ചതെന്നും ഡൊണാൾഡ് ട്രംപ് വീണ്ടും അവകാശപ്പെട്ടു. എന്നാല്‍, ട്രംപിന്റെ പ്രസ്താവനയെ ശിവസേന എംപി പ്രിയങ്ക ചതുർവേദി പരിഹസിച്ചു. ഇന്ത്യയും പാക്കിസ്താനും തമ്മിലുള്ള സൈനിക സംഘർഷവും യുഎസ് ഇടപെടലും സംബന്ധിച്ച പുതിയ ചർച്ചകൾക്ക് യുഎസ് പ്രസിഡന്റ് ഡൊണാൾഡ് ട്രംപിന്റെ സമീപകാല പ്രസ്താവന തുടക്കമിട്ടു. മെയ് മാസത്തിൽ ഇന്ത്യയും പാക്കിസ്താനും തമ്മിലുള്ള ഏറ്റുമുട്ടലിൽ അഞ്ച് ജെറ്റ് വിമാനങ്ങൾ വെടിവച്ചിട്ടതായി ട്രംപ് അവകാശപ്പെട്ടു. എന്നാല്‍, ഏത് രാജ്യത്തിനാണ് നാശനഷ്ടമുണ്ടായതെന്നും ഏത് ഭാഗത്തിന്റെ വിമാനങ്ങളാണ് ഉൾപ്പെട്ടതെന്നും അദ്ദേഹം വ്യക്തമാക്കിയിട്ടില്ല. രണ്ട് ആണവ ശക്തികൾക്കിടയിൽ നിലനിൽക്കുന്ന സൈനിക സംഘർഷം തന്റെ ഇടപെടലിലൂടെ അവസാനിപ്പിച്ചതായും ട്രംപ് പറഞ്ഞു. വൈറ്റ് ഹൗസിൽ റിപ്പബ്ലിക്കൻ നിയമനിർമ്മാതാക്കൾക്കായി സംഘടിപ്പിച്ച അത്താഴവിരുന്നിൽ സംസാരിക്കവെയാണ് അദ്ദേഹത്തിന്റെ പ്രസ്താവന. “ഇന്ത്യയും പാക്കിസ്താനും മുഖാമുഖമായിരുന്നു. വിമാനങ്ങൾ…

ഫിലഡൽഫിയ: ഒരു വർഷം നീളുന്ന ‘അമേരിക്ക 250’ വാർഷികാഘോഷ പരിപാടികളുടെ ഉദ്ഘാടനം, ഇന്ന് , ജൂലൈ 19, ശനിയാഴ്ച, വൈകുന്നേരം മൂന്നു മണിയ്ക്ക് ഫിലഡൽഫിയ സെൻ്റ് തോമസ് സീറോ മലബാർ പള്ളിയിലെ സെൻ്റ് അൽഫോൻസാ ഓഡിറ്റോറിയത്തിൽ നടക്കും. സ്റ്റേറ്റ് റപ്രസെൻ്റേറ്റിവ് ഷോൺ ഡൊഗടീ, ഏഷ്യാനെറ്റ് നോർത്ത് അമേരിക്കാ ഹെഡ് ഡോ. കൃഷ്ണ കിഷോർ, ചീഫ് ഡെപ്യൂട്ടി ഡിസ്ട്രിക്റ്റ് അറ്റേണി ജോവിൻ ജോസ് ആറ്റുപുറം, കോൺഗ്രസ് മാൻ ബ്രിയാൻ ഫിറ്റ്സ് പാട്രിക്സ്, ഫാ. എം കെ കുര്യാക്കോസ്, പ്രൊഫ. കോശി തലയ്ക്കൽ, മുൻ സിറ്റി കൗൺസിൽമാൻ ഡേവിഡ് ഓ, ഏഷ്യൻ അമേരിക്കൻ ബിസിനസ് അലയൻസ് ചെയർ ഓഫ് ഗവേണൻസ് ജേസൺ പെയൺ, വിൻസൻ്റ് ഇമ്മാനുവേൽ, ജോർജ് മാത്യൂ, സുധാ കർത്താ, ഡോ. ഉമർ ഫാറൂക്, ഡോ, ആനി ഏബ്രാഹം എന്നിവരും വിവിധ സാമൂഹ്യ സാംസ്കാരിക രാഷ്ട്രീയ പ്രമുഖരും മുഖ്യാതിഥികളാകും.…

വാഷിംഗ്ടണ്‍: ഡോളറിന്റെ ആഗോള മേധാവിത്വത്തെ വെല്ലുവിളിക്കരുതെന്ന് ബ്രിക്സ് രാജ്യങ്ങൾക്ക് മുന്നറിയിപ്പ് നൽകിക്കൊണ്ട് ഡോണാള്‍ഡ് ട്രം‌പ് ‘ജീനിയസ് ആക്ട്’ നിയമത്തില്‍ ഒപ്പു വെച്ചു. യുഎസ് സാമ്പത്തിക ആധിപത്യം നിലനിർത്തുന്നതിനുള്ള ചരിത്രപരമായ ചുവടുവെപ്പുമായി വെള്ളിയാഴ്ചയാണ് അദ്ദേഹം ഈ പുതിയ നിയമത്തിൽ ഒപ്പുവച്ചത്. ഡോളർ അടിസ്ഥാനമാക്കിയുള്ള സ്ഥിരതയുള്ള ഡിജിറ്റൽ കറൻസികളെ നിയന്ത്രിക്കാനും ആഗോള സാമ്പത്തിക വ്യവസ്ഥയിൽ യുഎസ് ഡോളറിന്റെ പിടി കൂടുതൽ ശക്തിപ്പെടുത്താനും ഈ നിയമം ലക്ഷ്യമിടുന്നു. വൈറ്റ് ഹൗസിൽ നടന്ന ഒരു ചടങ്ങിൽ, ബ്രിക്സ് എന്ന ഒരു ചെറിയ സംഘടനയുണ്ടെന്നും അത് ഇപ്പോൾ ദുർബലമായിക്കൊണ്ടിരിക്കുകയാണ് എന്നും ട്രംപ് മാധ്യമങ്ങളോട് പറഞ്ഞു. ബ്രിക്സ് രാജ്യങ്ങൾ യുഎസ് ഡോളറിന്റെ ആധിപത്യത്തെ വെല്ലുവിളിക്കുകയാണെന്ന് അദ്ദേഹം ആരോപിച്ചു. ഈ സഖ്യത്തിലെ ഏതൊരു അംഗത്തിനും 10% താരിഫ് ചുമത്തുമെന്ന് താൻ മുന്നറിയിപ്പ് നൽകിയിരുന്നുവെന്നും പറഞ്ഞു. ട്രംപിന്റെ അഭിപ്രായത്തിൽ, അടുത്ത ദിവസം തന്നെ വളരെ കുറച്ച് പ്രതിനിധികൾ മാത്രമേ…