Year: 2025

വാഷിംഗ്ടൺ: ട്രംപ് ഗോൾഡ് കാർഡ് വിസയ്ക്കുള്ള അപേക്ഷകൾക്ക് യുഎസ് ഭരണകൂടം ഒരു മില്യൺ ഡോളർ ഫീസ് ചുമത്തിയതിനെതിരെ കാലിഫോർണിയയുടെ നേതൃത്വത്തിൽ ഇരുപത് യുഎസ് സംസ്ഥാനങ്ങൾ കേസ് ഫയൽ ചെയ്തു. ഈ ഫീസ് നിയമവിരുദ്ധമാണെന്നും ആശുപത്രികൾ, സ്കൂളുകൾ, സർവകലാശാലകൾ, സർക്കാർ സേവനങ്ങൾ എന്നിവയിൽ ഇതിനകം നിലവിലുള്ള ഡോക്ടർമാരുടെയും അദ്ധ്യാപകരുടെയും കുറവ് വർദ്ധിപ്പിക്കുമെന്നും അവർ വാദിക്കുന്നു. ഡോക്ടർമാർ, നഴ്‌സുമാർ, എഞ്ചിനീയർമാർ, ശാസ്ത്രജ്ഞർ, അദ്ധ്യാപകർ തുടങ്ങിയ ഉയർന്ന വൈദഗ്ധ്യമുള്ള പ്രൊഫഷണലുകൾക്കുള്ളതാണ് ഈ വിസയെന്ന് കാലിഫോർണിയ അറ്റോർണി ജനറൽ റോബ് ബോണ്ട പ്രസ്താവിച്ചു. ലോകമെമ്പാടുമുള്ള പ്രതിഭകൾ അമേരിക്കയിലേക്ക് വരുമ്പോൾ രാജ്യം മുഴുവൻ പുരോഗമിക്കുന്നു എന്നും അദ്ദേഹം പറഞ്ഞു. കാലിഫോർണിയയ്‌ക്കൊപ്പം, ന്യൂയോർക്ക്, ഇല്ലിനോയിസ്, വാഷിംഗ്ടൺ, മസാച്യുസെറ്റ്‌സ് എന്നിവയുൾപ്പെടെ 20 പ്രധാന സംസ്ഥാനങ്ങളും ഈ കേസിൽ കക്ഷി ചേര്‍ന്നിട്ടുണ്ട്. മുമ്പ്, എച്ച്-1ബി വിസ ഫീസ് $1,000 മുതൽ $7,500 വരെയായിരുന്നുവെന്ന് സംസ്ഥാനങ്ങൾ വാദിക്കുന്നു. എന്നാല്‍, കോൺഗ്രസിന്റെ…

വാഷിങ്ടൺ: അമേരിക്കയിലെ വിമാനയാത്രക്കാരുടെ വിവരങ്ങൾ യുഎസ് ഇമിഗ്രേഷൻ ആൻ്റ് കസ്റ്റംസ് എൻഫോഴ്സ്മെന്റ് (ICE) ശേഖരിക്കുന്നു. ഡൊണാൾഡ് ട്രംപ് ഭരണകൂടം ഏറ്റവും വലിയ നാടുകടത്തൽ നടപടികൾക്ക് തയ്യാറെടുക്കുന്നതിനിടെയാണ് നീക്കം. ട്രാൻസ്പോർട്ടേഷൻ സെക്യൂരിറ്റി അഡ്മിനിസ്ട്രേഷൻ (TSA) ആണ് യാത്രികരുടെ പട്ടിക ഇമിഗ്രേഷൻ ആൻ്റ് കസ്റ്റംസ് എൻഫോഴ്സ്മെന്റിന് കൈമാറുന്നത്. ഈ വിവരങ്ങൾ ഉപയോഗിച്ച് നാടുകടത്താൻ സാധ്യതയുള്ളവരെയും രാജ്യത്തിന് ഭീഷണിയായവരെയും കണ്ടെത്തി വിമാനത്താവളങ്ങളിൽ വെച്ച് തന്നെ അറസ്റ്റ് ചെയ്യുകയാണ് ചെയ്യുന്നത്. ന്യൂയോർക്ക് ടൈംസ് റിപ്പോർട്ട് അനുസരിച്ച്, ബോസ്റ്റൺ ലോഗൻ വിമാനത്താവളത്തിൽ വെച്ച് നവംബർ 20ന് അറസ്റ്റിലായ ഹോണ്ടുറാസ് സ്വദേശിനിയായ കോളേജ് വിദ്യാർഥിനി എനി ലൂസിയ ലോപ്പസ് ബെല്ലോസയുടെ കേസ് ഇതിന് ഉദാഹരണമാണ്. സഹോദരിയെ കാണാൻ വേണ്ടി ടെക്സസിലേക്ക് പോകുകയായിരുന്ന ഇവരെ ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റിൻ്റെയും ട്രാൻസ്പോർട്ടേഷൻ സെക്യൂരിറ്റി അഡ്മിനിസ്ട്രേഷൻ്റെയും സഹകരണത്തോടെ നാടുകടത്തി. 2015ൽ ഇവരെ നാടുകടത്താൻ ഉത്തരവുണ്ടായിരുന്നു എന്ന് യുഎസ് അധികൃതർ…

മിനസോട്ട: മിനസോട്ടയിൽ നിന്നുള്ള ഡെമോക്രാറ്റിക് പ്രതിനിധി ഇൽഹാൻ ഒമറിൻ്റെ മകനെ ഫെഡറൽ ഇമിഗ്രേഷൻ ഏജൻ്റുമാർ ശനിയാഴ്ച തടഞ്ഞുനിർത്തി പൗരത്വം തെളിയിക്കാൻ ആവശ്യപ്പെട്ടു. ഷോപ്പിംഗിന് ശേഷം മടങ്ങും വഴിയാണ് യു.എസ്. ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെൻ്റ് (ICE) ഏജൻ്റുമാർ മകനെ തടഞ്ഞത്. മകൻ തൻ്റെ പാസ്‌പോർട്ട് ഐഡി കാണിച്ചതിനെ തുടർന്ന് ICE ഉദ്യോഗസ്ഥർ വിട്ടയച്ചതായി ഒമർ  പറഞ്ഞു. “അവൻ എപ്പോഴും പാസ്‌പോർട്ട് കൈയിൽ കരുതുന്നുണ്ട്,” ഒമർ കൂട്ടിച്ചേർത്തു. അടുത്തിടെ മിനസോട്ടയിലെ ട്വിൻ സിറ്റീസിൽ രേഖകളില്ലാത്ത സോമാലിയൻ കുടിയേറ്റക്കാരെ ലക്ഷ്യമിട്ട് ഫെഡറൽ ഏജൻ്റുമാരുടെ ഇടപെടൽ വർധിച്ചിരുന്നു. തൻ്റെ മകനെ തടഞ്ഞത് വംശീയ പ്രൊഫൈലിംഗിൻ്റെ ഭാഗമാണെന്നും, “സോമാലിയൻ രൂപത്തിലുള്ള, രേഖകളില്ലാത്ത ചെറുപ്പക്കാരെയാണ് അവർ തിരയുന്നത്” എന്നും ഒമർ ആരോപിച്ചു. സോമാലിയൻ ജനതയെക്കുറിച്ച് പ്രസിഡൻ്റ് ട്രംപ് നടത്തിയ വർണ്ണവിവേചനപരമായ പരാമർശങ്ങൾ കാരണമാണ് ഈ നടപടികൾ വർദ്ധിച്ചതെന്നും അവർ പറഞ്ഞു. ഏജൻ്റുമാർ “പ്രകടമായ വംശീയ…

വാഷിങ്ടൺ: യുഎസിലെ അനധികൃത കുടിയേറ്റക്കാരെ നാടുകടത്താനായി ഡിപ്പാർട്ട്മെൻ്റ് ഓഫ് ഹോംലാൻഡ് സെക്യൂരിറ്റി സ്വന്തമായി വിമാനങ്ങൾ വാങ്ങുന്നു. ആറ് ബോയിങ് 737 വിമാനങ്ങൾ വാങ്ങാനായി ഏകദേശം 140 മില്യൺ ഡോളറിൻ്റെ കരാറിൽ ഹോംലാൻഡ് സെക്യൂരിറ്റി ഒപ്പുവെച്ചു. വിമാനങ്ങളുടെ എണ്ണം കൂട്ടി പ്രവർത്തനങ്ങൾ നാടുകടത്തൽ കാര്യക്ഷമമാക്കുക എന്ന ലക്ഷ്യത്തോടെ ആണ് വിമാനങ്ങൾ സ്വന്തമാക്കുന്നത്. ഇതുവരെ സ്വകാര്യ വിമാനക്കമ്പനികളുടെ ചാർട്ടർ വിമാനങ്ങളെ ആണ് ഡിപ്പാർട്ട്മെൻ്റ് ഓഫ് ഹോംലാൻഡ് സെക്യൂരിറ്റിക്ക് കീഴിലെ ഇമിഗ്രേഷൻ ആൻ്റ് കസ്റ്റംസ് എൻഫോഴ്സ്മെൻ്റ് നാടുകടത്തലിനായി ആശ്രയിച്ചിരുന്നത്.പുതിയ നോഡൽ ഓഫീസറെ നിയമിച്ചു പ്രസിഡൻ്റ് ഡൊണാൾഡ് ട്രംപിൻ്റെ കുടിയേറ്റ നയങ്ങളുടെ ഭാഗമായി യുഎസ് കോൺഗ്രസ് അംഗീകരിച്ച തുക ഉപയോഗിച്ചാണ് വിമാനങ്ങൾ വാങ്ങുന്നത്. നാല് വർഷത്തേക്ക് 170 ബില്യൺ ഡോളറാണ് അനുവദിച്ചത്. ഇതുപയോഗിച്ച് തടങ്കൽ കേന്ദ്രത്തിൻ്റെ ശേഷിയും ഗതാഗത സംവിധാനങ്ങളും വികസിപ്പിക്കാനാണ് ഹോംലാൻഡ് സെക്യൂരിറ്റിയുടെ നീക്കം. വി‍ർജീനിയ ആസ്ഥാനമായുള്ള ഡെഡാലസ് ഏവിയേഷൻ എന്ന…

മിനസോട്ട ആസ്ഥാനമായുള്ള മെഡിനാച്ചുറ ന്യൂ മെക്സിക്കോ നിർമ്മിക്കുന്ന ‘റീബൂസ്റ്റ് നേസൽ സ്പ്രേ’ (ReBoost Nasal Spray) പൂപ്പലും മറ്റ് സൂക്ഷ്മാണുക്കളും കണ്ടെത്തിയതിനെ തുടർന്ന് സ്വമേധയാ തിരിച്ചുവിളിക്കുന്നു. ഈ ഉൽപ്പന്നത്തിൻ്റെ ഉപയോഗം ഉടനടി നിർത്താൻ ഉപഭോക്താക്കൾക്ക് നിർദ്ദേശം നൽകിയിട്ടുണ്ട്. രോഗപ്രതിരോധ ശേഷി കുറഞ്ഞവർ (Immuno-compromised) ഈ സ്പ്രേ ഉപയോഗിച്ചാൽ ഗുരുതരമായ ആരോഗ്യപ്രശ്നങ്ങളോ ജീവന് ഭീഷണിയായേക്കാവുന്ന അണുബാധകളോ ഉണ്ടാകാൻ “ന്യായമായ സാധ്യതയുണ്ട്” എന്ന് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (FDA) മുന്നറിയിപ്പ് നൽകി. ഒരു ബാച്ച് നേസൽ സ്പ്രേയിൽ പൂപ്പലും യീസ്റ്റും, കൂടാതെ അപകടകരമായ അളവിൽ ‘അക്രോമോബാക്ടർ’  എന്ന ബാക്ടീരിയയും കണ്ടെത്തി. ഈ ഹോമിയോപ്പതി നേസൽ സ്പ്രേ CVS, Walmart, Amazon ഉൾപ്പെടെയുള്ള റീട്ടെയിൽ സ്ഥാപനങ്ങൾ വഴി രാജ്യവ്യാപകമായി വിതരണം ചെയ്തിട്ടുണ്ട്. ലോട്ട് നമ്പർ 224268, എക്സ്പയറി ഡേറ്റ് ഡിസംബർ 2027 ഉള്ള ‘റീബൂസ്റ്റ്’ ഉൽപ്പന്നമാണ് തിരിച്ചുവിളിച്ചിട്ടുള്ളത്. തിരിച്ചുവിളിച്ച ഉൽപ്പന്നം…

തദ്ദേശ തിരഞ്ഞെടുപ്പിൽ യൂ ഡി എഫിന്റെ തിളക്കമാർന്ന വിജയത്തിന് കേരളാ ജനതയ്ക്ക് നന്ദിയർപ്പിച്ച് ഇന്ത്യൻ ഓവർസീസ് കോൺഗ്രസ് യൂ എസ് എ , ടീം യൂ ഡി എഫ് പൊരുതി നേടിയ വിജയമാണിതെന്ന് കേരളാ ഘടകം പ്രസിഡന്റ് സതീശൻ നായർ, തിരഞ്ഞെടുപ്പിൽ വിജയിക്കണമെങ്കിൽ പ്രവർത്തനങ്ങൾ താഴെത്തട്ടിൽ നിന്ന് തന്നെ തുടങ്ങണമെന്ന തിരിച്ചറിവിൽ കോൺഗ്രസ് നേടിയത് മലയാളിയുടെ അഭൂതപൂർവമായ പിന്തുണയെന്ന് ഐ ഓ സി നാഷണൽ വൈസ് ചെയർ ജോർജ് എബ്രഹാം, പ്രതിപക്ഷ നേതാവ് വി ഡി സതീശനും സംഘവും പൊളിച്ചടുക്കിയത് ഇടതുപക്ഷത്തിന്റെ കള്ളപ്രചാരണങ്ങളും സർക്കാർ സ്‌പോൺസേർഡ് കൊള്ളകളുമെന്ന് ജനറൽ സെക്രട്ടറി ജോസഫ് ഇടിക്കുള, ഇനി വരാൻ പോകുന്നത് ടീം യൂ ഡി എഫ് കാലം, ഒരു കള്ളക്കഥകളിലും ജനം വീണില്ല ഇത്തവണയെന്നത് നശിച്ച ഭരണം മടുത്ത് കൊണ്ടെന്ന് യൂ ഡി എഫ് തെളിയിച്ചുവെന്ന് പോൾ കറുകപ്പള്ളി, വരാൻ പോകുന്ന…

വാഷിംഗ്ടൺ ഡി.സി.: അഫോർഡബിൾ കെയർ ആക്ട്  പ്രകാരമുള്ള ആരോഗ്യ ഇൻഷുറൻസ് സബ്‌സിഡികൾ (ധനസഹായം) അവസാനിക്കുന്നത് യുഎസിലെ ആരോഗ്യമേഖലയിൽ ഗുരുതരമായ പ്രത്യാഘാതങ്ങൾ ഉണ്ടാക്കുമെന്ന് വിദഗ്ദ്ധർ മുന്നറിയിപ്പ് നൽകുന്നു. ഈ സബ്‌സിഡികൾ നിലനിർത്താനുള്ള നിയമനിർമ്മാണം സെനറ്റിൽ പരാജയപ്പെട്ടതോടെയാണ് പ്രതിസന്ധി. സബ്‌സിഡി ഇല്ലാതാകുന്നതോടെ ഇൻഷുറൻസ് പ്രീമിയം തുക ഇരട്ടിയിലധികം വർധിക്കുമെന്നാണ് കണക്കുകൾ. KFFന്റെ കണക്കനുസരിച്ച് ശരാശരി വാർഷിക പ്രീമിയം $888ൽ നിന്ന് $1,904 ആയി ഉയരും. ഇതോടെ, ആരോഗ്യവാന്മാരായ നിരവധി പേർ ഇൻഷുറൻസ് എടുക്കാതിരിക്കുകയോ, ഉയർന്ന ഡിഡക്റ്റബിളുകളുള്ള പ്ലാനുകളിലേക്ക് മാറുകയോ ചെയ്യും. ഇത് ഇൻഷുറൻസ് പൂളിൽ രോഗികളായ ആളുകൾ മാത്രം അവശേഷിക്കുന്ന ഒരു ‘ഡെത്ത് സ്പൈറൽ’ (Death Spiral) അവസ്ഥയിലേക്ക് നയിക്കുമെന്ന് ജോൺസ് ഹോപ്കിൻസ് സർവകലാശാലയിലെ പ്രൊഫസർ ജെറാർഡ് ആൻഡേഴ്സൺ അഭിപ്രായപ്പെട്ടു. ഇൻഷുറൻസ് ഇല്ലാത്തവരുടെ എണ്ണം കൂടുന്നത് ഗ്രാമീണ ആശുപത്രികൾക്ക് അടക്കം സാമ്പത്തിക ബുദ്ധിമുട്ടുണ്ടാക്കുകയും മറ്റ് ഇൻഷുറൻസ് എടുത്തവരുടെ ചികിത്സാ ചെലവുകൾ…

തിരുവനന്തപുരം: അധികാരത്തിന്റെ സെമിഫൈനലായി കണക്കാക്കപ്പെടുന്ന കേരളത്തിലെ നിർണായക തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ ഫലങ്ങൾ പുറത്തു വന്നപ്പോള്‍ കോണ്‍ഗ്രസിന്റെ ശക്തമായ തിരിച്ചുവരവാണ് കണ്ടത്. അതോടൊപ്പം ബിജെപിയുടെ അപ്രതീക്ഷിത വിജയവും. കോൺഗ്രസ് നയിക്കുന്ന യുഡിഎഫും ഇടതുപക്ഷ സഖ്യമായ എൽഡിഎഫും തമ്മിൽ ഇഞ്ചോടിഞ്ച് മത്സരം നടന്ന സംസ്ഥാനത്തുടനീളമുള്ള 244 മണ്ഡലങ്ങളിലും 14 ജില്ലാ കളക്ടറേറ്റുകളിലും വോട്ടെണ്ണൽ നടക്കുമ്പോള്‍ തന്നെ, 2026 ലെ നിയമസഭാ തിരഞ്ഞെടുപ്പിനുള്ള പൊതുജനാഭിപ്രായം വെളിപ്പെട്ടിരുന്നു. ആറ് മുനിസിപ്പൽ കോർപ്പറേഷനുകൾ, 14 ജില്ലാ പഞ്ചായത്തുകൾ, 87 മുനിസിപ്പാലിറ്റികൾ, 152 ബ്ലോക്ക് പഞ്ചായത്തുകൾ, 941 ഗ്രാമ പഞ്ചായത്തുകൾ എന്നിവിടങ്ങളിലേക്കാണ് തിരഞ്ഞെടുപ്പ് നടന്നത്. 1995 ന് ശേഷമുള്ള ഏറ്റവും ഉയർന്ന പോളിംഗ് ശതമാനം ഇത്തവണത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പാണെന്ന് സംസ്ഥാന തിരഞ്ഞെടുപ്പ് കമ്മീഷണർ എ. ഷാജഹാൻ വ്യാഴാഴ്ച പ്രഖ്യാപിച്ചിരുന്നു. സംസ്ഥാന തിരഞ്ഞെടുപ്പ് കമ്മീഷൻ പുറത്തുവിട്ട കണക്കുകൾ പ്രകാരം, രണ്ട് ഘട്ടങ്ങളിലായി…